ىنتىماقتاسا كۇرەس جۇرگىزىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازايىق

− جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ جەڭىسپەن جابىلعاندىعىن قىزۋ قۇتتىقتايمىز

حالىق گازەتى باسماقالاسى

　　يدەيا تۋى بەتالىسقا جەتەكشىلىك ەتتى، دۇنيەنىڭ دۇرىس جولىندا جاڭا تاراۋ اشىلدى. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى ءتۇرلى كەڭەستىك تارتىپتەرى مەن اسقاق بورىشىن تولىق تابىسپەن ورىنداپ، بەيجيڭدە جەڭىسپەن جابىلدى. 100 جىلدىق كۇرەس بەلەسىن باسىپ وتكەن، جۇڭحۋا ۇلتىنىڭ ماڭگىلىك ۇلى ءىسىن مۇرات ەتكەن، ادامزاتتىڭ بەيبىتشىلىگى مەن دامۋى سىندى ارداقتى ىسكە كۇش سالعان ماركسيزمدىك ساياسي پارتيا اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ەكپىندەي ىلگەرىلەۋ دابىلىن قاقتى.

　　پارتيانىڭ 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان توتەنشە ماڭىزدى قۇرىلتاي. قۇرىلتاي جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىقتى، 19 - كەزەكتى ورتالىق كوميتەتتىڭ بايانداماسى جونىندەگى قاراردى، 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاراردى، «جۇڭگو كوممۋنيستىك پارتياسىنىڭ ۋستاۆى (وزگەرىس ەنگىزىلگەن جوبا)» جونىندەگى قاراردى ماقۇلدادى. بۇل ءبىر رەتكى تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي، پارتيا مەن مەملەكەتتىڭ دامۋ بارىسىندا ايرىقشا كەلەلى تاريحي ماڭىزعا يە. پارتيانىڭ 20 - قۇرىلتايى جاساعان شەشىمدەر مەن ورنالاستىرۋلاردىڭ، قول جەتكىزگەن جەتىستىكتەردىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن، جۇڭگوشا سوتسياليزمنىڭ تىڭ جەڭىستەرىنە قول جەتكىزۋ جونىنەن، ءسوز جوق، توتەنشە ماڭىزدى جەتەكشىلىك جانە كەپىلدىك رول اتقاراتىندىعى داۋسىز.

　　قۇرىلتاي شي جينپيڭ جولداستىڭ 19 - كەزەكتى ورتالىق كوميتەت اتىنان جاساعان بايانداماسىنا جوعارى باعا بەردى. بايانداما جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، حالىقارا، ەل ءىشى جاعدايىنا تالداۋ جاسادى، پارتيا 20 - قۇرىلتايىنىڭ باستى تاقىرىبىن العا قويدى، وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەرگە قايىرىلا قارادى جانە ونى قورىتىندىلادى، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى سياقتى كەلەلى ماسەلەلەردى بايىمدادى، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوبا جاسادى، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جونىندە جان - جاقتى ورنالاستىرۋ جاسادى، جاڭا ءداۋىردىڭ جاڭا جورىعىندا پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا ايقىن العا باسۋ بەتالىسىن كورسەتتى، ارەكەت باعدارناماسىن تۇراقتاندىردى. بايانداما − پارتيا مەن حالىقتىڭ اقىل - پاراساتىنىڭ جاۋھارى، پارتيانىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ جاڭا جەڭىسىنە قول جەتكىزۋىنىڭ ساياسي جارناماسى جانە ارەكەت باعدارلاماسى، ماركسيزمدىك تۇعىرنامالىق حۇجات.

　　قۇرىلتاي 19 - كەزەكتى ورتالىق كوميتەتتىڭ قىزمەتىنە جوعارى باعا بەردى، جاڭا داۋىردە قول جەتكىزگەن ۇلى تابىستارعا جوعارى باعا بەردى. وتكەن 5 جىل جانە جاڭا داۋىردەن بەرگى 10 جىل پارتيا مەن مەملەكەتتىڭ دامۋ بارىسىنداعى اسا وزگەشە، ايرىقشا ەرەكشە جىلدار بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك بورىشپەن بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ءبىر قىدىرۋ ستراتەگيالىق شارا قولدانىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ سەرپىلىستىك ىلگەرىلەۋشىلىكتى جۇزەگە اسىرىپ، ءبىر قىدىرۋ نىشاندىق سيپاتتى جەتىستىككە قول جەتكىزىپ، تالاي ۋاقىتتان بەرى شەشىلمەگەن قيىن ماسەلەلەردەن قامال الىپ، ۇزاق بولاشاققا ساياتىن كوپتەگەن ءىرى ىستەردى، ماڭىزدى ىستەردى تىندىرىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتاردان كەلگەن حاۋىپ - قاتەرلەردىڭ، سىن - سايىستاردىڭ، سىناقتاردىڭ سىنىنان سۇرىنبەي ءوتىپ، جاڭا ءداۋىر جۇڭگوشا سوتسياليزمنىڭ ۇلى تابىستارىن جاراتىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي بارىسقا ءوتتى. جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورمالاۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە.

　　شي جينپيڭ جاڭا ءداۋىر جۇڭگوشا سوتسياليزم يدەياسى جاڭا داۋىردەگى پارتيا مەن مەملەكەت ىستەرىنىڭ دامۋىنا ءتۇبىرلى بويسۇنۋ ولشەمىن ازىرلەدى، پارتيا 20 - قۇرىلتايىنىڭ بايانداماسىنا سىڭىرىلگەن جانى بولىپ تابىلادى. پارتيا 18 - قۇرىلتايىنان بەرى، پارتيامىز ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، نازاريالىق ىزدەنىس جاساۋعا جانە وندا جاڭالىق اشۋعا باتىل بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن جاڭاشا كوز ايامەن تەرەڭدەتىپ، كەلەلى نازاريالىق جاڭا جەتىستىكتەرگە قول جەتكىزىپ، ونى شي جينپيڭ جاڭا ءداۋىر جۇڭگوشا سوتسياليزم يدەياسىندا شوعىرلى بەينەلەدى. پارتيا 19 - قۇرىلتايىندا، 19 - كەزەكتى ورتالىق كوميتەتتىڭ التىنشى جالپى ماجىلىسىندە ورتاعا قويىلعان ”وندى ايقىنداۋ“، ”ون تورتكە تاباندى بولۋ“، ”ون ءۇش جاقتاعى تابىس“ وسى يدەيانىڭ باستى مازمۇندارىن جيناقتادى، وعان، ءسوز جوق، ۇزاق ۋاقىت تاباندى بولۋ ءارى ونى ۇزدىكسىز بايىتۋ، دامىتۋ كەرەك. وسى جاسامپاز نازاريا جۇڭگونىڭ سۇراعىنا، دۇنيە ءجۇزىنىڭ سۇراعىنا، حالىقتىڭ سۇراعىنا، ءداۋىردىڭ سۇراعىنا عىلمي جاۋاپ بەردى، ول زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىرىپ، عىلمي سوتسياليزمنىڭ 21 - عاسىرداعى جۇڭگودا تاسقىنداعان تىڭ تىرشىلىك تىنىسىن قاۋلاتتى. پارتيانىڭ 20 - قۇرىلتايى مىنانى ايقىن العا قويدى: ماركسيزمنىڭ جۇڭگوشالانۋىنىڭ، زامانالانۋىنىڭ تىڭ داستانىن ۇزدىكسىز جازۋ زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ جانە ودان ويداعىداي پايدالانىپ، حالىقتى بارىنەن جوعارى قويۋعا تاباندى بولىپ، سەنىمدى، دەربەس بولۋعا تاباندى بولىپ، ءتۇبىرلى پرينسيپتەن اينىماي، جاڭالىق اشۋعا تاباندى بولىپ، ماسەلەنى باعدار ەتۋگە تاباندى بولىپ، جۇيە كوزقاراسىنا تاباندى بولىپ، دۇنيەگە كەڭ پەيىل بولۋعا تاباندى بولىپ، اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشۋىمىز كەرەك.

　　”ەكىنى تۇراقتاندىرۋ“ − پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، جاڭا داۋىردە پارتيا مەن مەملەكەت ىستەرىن جەڭىستەن تىڭ جەڭىسكە باستاۋدىڭ ساياسي كەپىلدىگى، قيىندىق، حاۋىپ، بوگەت اتاۋلىنى جەڭۋدەگى، تۇراقسىزدىق اتاۋلىعا توتەپ بەرۋدەگى ەڭ زور تۇراقتىلىق، ەڭ زور سەنىم، ەڭ زور كەپىلدىك بولىپ تابىلادى. جاڭا داۋىردە پارتيا مەن مەملەكەت ىستەرىنىڭ تاريحي تابىسقا قول جەتكىزۋىنىڭ، تاريحي وزگەرىس تۋىلۋىنىڭ ەڭ ءتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋدا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋدا جاتىر. بۇكىل پارتيا ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، بۇلجىماستان يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن قۇلشىنا جازۋ كەرەك.

　　”قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ كەرەك“. پارتيانىڭ 20 - قۇرىلتايى پارتيا مەن مەملەكەت ىستەرى دامۋىنىڭ جاڭا تالاپتارىن، حالىق بۇقاراسىنىڭ جاڭا ءۇمىتىن جالپى بەتتىك يگەرىپ، جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشىن، مىندەتىن ايقىن العا قويدى. جاڭا داۋىرگە وتكەننەن بەرى پارتيانىڭ سوتسياليستىك وسىزاماندانعان مەملەكەت قۇرۋ جونىندەگى تانىمى ۇزدىكسىز تەرەڭدەپ، ستراتەگياسى ۇزدىكسىز تولىسىپ، امالياتى ۇزدىكسىز بايىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. جۇڭگو ۇلگىسىندەگى وسىزامانداندىرۋ جۇڭگونىڭ بايتاق دالاسىنا تامىر تارتتى، جۇڭگونىڭ ءىس جۇزىندىك جاعدايىنا ۇيلەسەدى، ادامزات وركەنيەتىنىڭ جاڭا فورماتسياسىن ۇزدىكسىز بايىتىپ جانە دامىتىپ، ادامزاتتىڭ وسىزامانداندىرۋدى جۇزەگە اسىرۋىنا جاڭا تاڭداۋ ازىرلەدى. پارتيانىڭ 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەتتى قۇرىپ شىعۋدىڭ ەكى قادامعا ءبولىپ ءجۇرۋ ستراتەگيالىق ورنالاستىرۋىنا ماكرولىق جاقتان كوز جىبەرىپ، الداعى 5 جىلداعى ستراتەگيالىق مىندەتتەر مەن كەلەلى شارالاردى ءتۇيىندى تۇردە ورنالاستىردى. الداعى 5 جىل − جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل، وسى 5 جىلدا دامۋدى ويداعىداي ىستەۋ ەكىنشى 100 جىلدىق كۇرەس نىساناسىن جۇزەگە اسىرۋ جونىنەن ايرىقشا ماڭىزدى. كەزەكتە دۇنيە ءجۇزىنىڭ 100 جىلدا بولماعان زور وزگەرىسى جىلدام قۇبىلۋدا، دۇنيە ءجۇزى جاڭا الاساپىران وزگەرىس مەزگىلىنە ءوتتى. ءبىز، ءسوز جوق، تاۋقىمەت تانىمىن كۇشەيتىپ، سوڭعى شەكتىك وي جۇگىرتۋگە تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ساقاداي ساي تۇرۋىمىز كەرەك. ءبىز ”پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ“، ”جۇڭگوشا سوتسياليزم جولىنا تاباندى بولۋ“، ”حالىقتى وزەك ەتكەن دامۋ يدەياسىنا تاباندى بولۋ“، ”رەفورمالاۋ، ەسىك اشۋدى تەرەڭدەتۋگە تاباندى بولۋ“، ”كۇرەس رۋحىن اسقاقتاتۋعا تاباندى بولۋ“ سىندى كەلەلى پرينسيپتەردى مىقتى يگەرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋگە تاباندى بولىپ، تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەي، مەملەكەت پەن ۇلتتى دامىتۋدا باستان - اياق ءوز كۇشىمىزدى تياناق ەتىپ، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىستەرىنە ۇزدىكسىز قول جەتكىزۋىمىز كەرەك.

　　جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى ساياسي پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك. بۇكىل پارتيا پارتيانى جاپپاي قاتاڭ باسقارۋدىڭ ماڭگى توقتالمايتىندىعىن، پارتيانىڭ وزىنە - ءوزى توڭكەرىس جاساۋىنىڭ ماڭگى توقتالمايتىندىعىن، بوساڭسۋ، دامىلداۋ، قالجىراۋ، جالىعۋ پيعىلىنىڭ بولۋىنا استە بولمايتىندىعىن، ءسوز جوق، ەستە بەرىك ساقتاپ، پارتيانى جاپپاي قاتاڭ باسقارۋدى، ءسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوز دەڭگەيىن جوعارىلاتۋىن جان - جاقتى ىلگەرىلەتىپ، پارتيامىزدى اۋەلگى ماقساتى مەن بورىشىنان اينىماي، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى ەتۋ كەرەك.

　　جاپپاي سوتسياليستىك وسىزاماندانعان مەملەكەت قۇرۋ ۇلى دا ماشاقاتتى ءىس، بولاشاعى نۇرلى، مىندەتى اۋىر، جولى ۇزاق. ىنتىماقتاسقاندا عانا جەڭىسكە جەتۋگە بولادى، كۇرەس جۇرگىزگەندە عانا تابىسقا جەتۋگە بولادى. ىنتىماقتاسا كۇرەس جۇرگىزۋ − جۇڭگو حالقىنىڭ تاريحي ۇلى ىستەر ىستەۋىندەگى، ءسوزسىز، باسىپ وتەتىن جول. كەزەكتەگى ەڭ ماڭىزدى مىندەت − پارتيانىڭ 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، يدەيا مەن ارەكەتتى سانالى تۇردە پارتيا 20 - قۇرىلتايىنىڭ رۋحىمەن بىرلىككە كەلتىرىپ، بىلەك سىبانا قايراتتانا ىستەپ، پارتيانىڭ 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى نىق قاداممەن ناقتى ارەكەتكە اينالدىرىپ، ناقتى ونىمدىلىككە قول جەتكىزۋ. ءداۋىر بىزگە ۇندەۋ تاستاپ وتىر، حالىق بىزدەن ءۇمىت كۇتىپ وتىر، تەك كوزدەگەن ماقساتىمىزدان اينىماي، مويىماس تاباندىلىقپەن العا باسقاندا عانا ءداۋىردىڭ ءۇمىتىن اقتايمىز، حالىقتىڭ ءۇمىتىن اقتايمىز. ءسوز جوق، ”5 ءسوزسىز باسىپ وتەتىن جولدى“ قاباعات قاستەرلەپ، باستان - اياق تاباندى بولىپ، العان بەتتەن قايتپاي، جۇڭگوشا سوتسياليزمنىڭ ايبىندى الىپ كەمەسىن تولقىن جارا ىلگەرىلەپ، ورنىقتى قاداممەن الىسقا بەتتەۋگە باستاۋ جانە قامتاماسىز ەتۋ كەرەك. ءسوز جوق، ميلليارد حالىقتىڭ جاسامپازدىق ۇلى كۇشىن تولىق ساۋلەلەندىرىپ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاپ، حالىقتىڭ سىنى مەن باقىلاۋىن باستان - اياق قابىلداپ، باستان - اياق حالىقپەن تىنىستاس، تاعدىرلاس، جۇرەكتەس بولىپ، جۇڭگو ارمانىن ءبىر نيەتپەن جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرۋ كەرەك. پارتيا ۇلى كۇرەس ارقىلى 100 جىلدىق ۇلى ءىس جاراتتى، سونداي - اق جاڭا ۇلى كۇرەس ارقىلى، ءسوز جوق، جاڭا ۇلى ىستەر جاراتا الادى.

　　100 جىلدىق تابىس تەڭدەسسىز شۇعىلالى، 100 جىلدىق ۇلى پارتيا كەمەل شاعىندا تۇر. ماشاقاتتى دا شۇعىلالى كۇندەردى باستان وتكەردىك، كۇن سايىن جاڭارىپ، اي سايىن تۇلەجىگەن قازىرگى كۇندەردى قارسى الدىق، جارقىن دا ايبىندى كەلەشەككە قادام تاستادىق، جۇڭگو حالقىنىڭ العا باسۋداعى قوزعاۋشى كۇشى اناعۇرلىم قۇدىرەتتى، كۇرەس رۋحى اناعۇرلىم اسقاق، ءسوزسىز جەڭۋ سەنىمى اناعۇرلىم بەرىك بولىپ، اناعۇرلىم كۇشتى تاريحي سانالىلىق پەن ىرىقتىلىق رۋحىن تاسقىنداتتى، جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋىن بەرىك سەنىممەن ىلگەرىلەتۋدە. جاڭا داۋىردەگى جاڭا جورىقتا دۇنيەنى جالت قاراتاتىن تىڭ دا اناعۇرلىم زور كەرەمەتتەر جاراتۋعا سەنىمىمىز كامىل، قابىلەتىمىز قاپتال جەتەدى. بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋ، ءسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزۋ، ءسوز جوق، كۇرەس جۇرگىزۋگە باتىل، كۇرەس جۇرگىزۋگە شەبەر بولۋ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازۋ كەرەك. ءبىز ىنتىماقتاسا كۇرەس جۇرگىزۋگە سۇيەنىپ، شۇعىلالى تاريح جاراتتىق، سونداي - اق ىنتىماقتاسا كۇرەس جۇرگىزۋگە سۇيەنىپ تاماشا بولاشاق اشۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!

(شينحۋا اگەنتتىگىنىڭ 10 - ايدىڭ 22 - كۇنى بەيجيڭنەن بەرگەن حابارى)