(جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا 2022 - جىلى 10 - ايدىڭ 22 - كۇنى ماقۇلداندى)
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 19 - كەزەكتى ورتالىق كوميتەت ورتاعا قويعان «جۇڭگو كوممۋنيستىك پارتياسىنىڭ ۋستاۆىن (وزگەرىس ەنگىزىلگەن جوبا)» قاراپ ءارى ءبىر اۋىزدان ماقۇلداپ، وزگەرىس ەنگىزىلگەن وسى جوبانىڭ ماقۇلدانعان كۇننەن باستاپ كۇشكە يە بولاتىندىعىن ۇيعاردى.
قۇرىلتاي بىلاي دەپ قارادى: ماركسيزمنىڭ جۇڭگوشالانۋىن، زامانالانۋىن ىلگەرىلەتۋ − اقيقاتقا تالپىنۋ، اقيقاتتى اشۋ، اقيقاتتى شىنايى اتقارۋ بارىسى. پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ەل باسقارۋدىڭ ءبىر قىدىرۋ جاڭا ۇستانىمدارىن، جاڭا يدەيالارىن، جاڭا ستراتەگيالارىن ورتاعا قويىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇزدىكسىز بايىتىپ جانە دامىتىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشتى. شي جينپيڭ جاڭا ءداۋىر جۇڭگوشا سوتسياليزم يدەياسى زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى. قۇرىلتاي پارتيانىڭ 19 - قۇرىلتايىنان بەرگى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دامۋشىلىعىن پارتيا ۋستاۆىنا جازىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ نازاريالىق جاسامپازدىعىن، امالياتتىق جاسامپازدىعىن، تۇزىمدىك جاسامپازدىعىن ىلگەرىلەتۋدەگى جاڭا جەتىستىكتەرىن اناعۇرلىم ويداعىداي بەينەلەۋگە ءبىر اۋىزدان قوسىلدى. قۇرىلتاي بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بەتتىك دايەكتىلەندىرىپ، وسى يدەيانى پارتيا مەن مەملەكەت قىزمەتىنىڭ ءار جاعىندا، جالپى بارىسىندا دايەكتىلەندىرۋىن، تياناقتاندىرۋىن تالاپ ەتتى.
قۇرىلتاي بىلاي دەپ قارادى: 100 جىلدىق كۇرەس بەلەسىندە پارتيا پارتيانىڭ اۋەلگى ماقساتىن، بورىشىن باستان - اياق امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازىپ، ءبىر قىدىرۋ ۇلى تابىستاردى جاراتىپ، قىمباتتى تاريحي تاجىريبەلەردى توپتادى. قۇرىلتاي پارتيانىڭ اۋەلگى ماقساتى، بورىشى، پارتيانىڭ 100 جىلدىق كۇرەسىنىڭ كەلەلى تابىستارى جانە تاريحي تاجىريبەلەرى مازمۇندارىن پارتيا ۋستاۆىنا جازۋعا قوسىلدى. باتىلدىقپەن كۇرەس جۇرگىزۋ، باتىلدىقپەن جەڭىسكە جەتۋ پارتيا مەن حالىقتىڭ جەڭىلمەس قۇدىرەتتى رۋحاني كۇشى. پارتيا مەن حالىق قول جەتكىزگەن بارلىق تابىستار كۇرەس ارقىلى قولعا كەلگەن. قۇرىلتاي كۇرەس جۇرگىزۋ رۋحىن اسقاقتاتۋ، كۇرەس جۇرگىزۋ ونەرىن كۇشەيتۋ مازمۇندارىن پارتيا ۋستاۆىنا جازۋعا قوسىلدى. بۇل مازمۇنداردى تولىقتىرۋ بۇكىل پارتيانى تاريح سەنىمىن بەكەمدەپ، تاريحي ىرىقتىلىقتى كۇشەيتىپ، اۋەلگى ماقساتتان، بورىشتان اينىماي، قىزىل گەندى جالعاستىرىپ، تىڭ دا ۇلى كۇرەستىڭ تاريحي ەرەكشەلىگىن يگەرىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ جاڭا جەڭىسىن قولعا كەلتىرۋگە شابىتتاندىرۋ جونىنەن توتەنشە كەلەلى مانگە يە.
قۇرىلتاي بىلاي دەپ قارادى: شي جينپيڭ جولداس جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا پارتيا مەن حالىق اتىنان ءبىرىنشى 100 جىلدىق كۇرەس نىساناسى جۇزەگە استى، جاپپاي دوڭگەلەك داۋلەتتى قوعام ورناتىلدى، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ەكىنشى 100 جىلدىق كۇرەس نىساناسىن بەتكە الىپ ىلگەرىلەۋدەمىز دەپ ايبىندى تۇردە جاريالادى، پارتيا ۋستاۆىنا وسىعان نەگىزدەلىپ سايكەستى وزگەرىستەر ەنگىزىلدى. بۇل مازمۇنداردى رەتتەۋ بۇكىل پارتيانىڭ جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ جاڭا تالاپتارىن جان - جاقتى، دالمە - ءدال يگەرىپ، نازاردى ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا شوعىرلاندىرىپ، بۇكىل پارتيانىڭ، بۇكىل ەلدەگى ءار ۇلت حالقىنىڭ تىزە قوسا كۇرەس جاساۋ ەركى مەن كۇش - قۋاتىن ۇيىستىرۋعا ءتيىمدى.
قۇرىلتاي بىلاي دەپ قارادى: پارتيانىڭ 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدى ورتاعا قويدى ءارى وسىنى جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ وزەكتى مىندەتى ەتىپ تۇراقتاندىردى. جالپىلىق مەنشىك نەگىزگى تۇلعا بولىپ، كوپ ءتۇرلى مەنشىكتەگى شارۋاشىلىق بىرگە دامۋ، ەڭبەگىنە قاراي ءبولۋ نەگىزگى تۇلعا بولىپ، كوپ ءتۇرلى ءبولىس ءتاسىلى بىرگە ءومىر ءسۇرۋ، سوتسياليستىك بازار شارۋاشىلىعى ءتۇزىلىسى سياقتى سوتسياليستىك نەگىزگى شارۋاشىلىق تۇزىمدەرى جۇڭگوشا سوتسياليزم ءتۇزىمىنىڭ ماڭىزدى تىرەگى. قۇرىلتاي جوعارىداعى مازمۇنداردى پارتيا ۋستاۆىنا جازۋعا قوسىلدى، جالپى حالىقتىڭ بىرگە بايۋىن بىرتىندەپ جۇزەگە اسىرۋ، جاڭا دامۋ كەزەڭىن يگەرۋ، جاڭالىق اشا، سايكەستى، جاسىل، اشىق، بىرگە يگىلىكتەنۋ سىندى جاڭا دامۋ ۇستانىمىن دايەكتىلەندىرۋ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ، جوعارى ساپالى دامۋدى ىلگەرىلەتۋ، دارىندىلاردىڭ ءبىرىنشى بايلىق رەتىندەگى رولىن تولىق ساۋلەلەندىرۋ، حالىق شارۋاشىلىعىنىڭ اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋىن جۇزەگە اسىرۋ سياقتى مازمۇنداردى پارتيا ۋستاۆىنا جازۋعا قوسىلدى. مۇنداي وزگەرىس ەنگىزىپ كەمەلدەندىرۋ بۇكىل پارتيانىڭ يدەيا مەن ارەكەتتى پارتيا ورتالىق كوميتەتىنىڭ ەل ءىشى - سىرتىنداعى جاعداي جونىندەگى عىلمي تۇجىرىمىمەن جانە پارتيا مەن مەملەكەت قىزمەتى جونىندەگى ستراتەگيالىق ورنالاستىرۋلارىمەن بىرلىككە كەلتىرۋىن ىلگەرىلەتىپ، پارتيانىڭ نەگىزگى لۋشيانىن اناعۇرلىم سانالى تۇردە دايەكتىلەندىرىپ، ۇزدىكسىز تۇردە دامۋدىڭ جاڭا جۇمىس ناتيجەلەرىمەن جاڭا داۋىردەگى جۇڭگو دامۋىنىڭ ۇلى تاريحىن جالعاستىرىپ جازۋعا ءتيىمدى.
قۇرىلتاي بىلاي دەپ قارادى: جاپپاي سوتسياليستىك وسىزاماندانعان مەملەكەت قۇرۋ ۇلى دا جاپالى ءىس، بولاشاعى جارقىن، مىندەتى اۋىر، جولى الىس. جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ جالپى ستراتەگيالىق ورنالاستىرۋى مىناداي ەكى باسقىشقا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى، نەگىزىنەن، جۇزەگە اسىرۋ؛ 2035 - جىلدان وسى عاسىردىڭ ورتاسىنا دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرۋ شىعۋ. پارتيا ۋستاۆىنا وسى نەگىزدە سايكەستى وزگەرىستەر ەنگىزىلۋى بۇكىل پارتيانى سەنىمدى بەكەمدەپ، قايراتتانا العا باسىپ، بەلگىلەنگەن كۇرەس نىساناسىن بەتكە الىپ ەرلىكپەن العا ىلگەرىلەۋگە شابىتتاندىرۋعا ءتيىمدى.
قۇرىلتاي بىلاي دەپ قارادى: پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى توڭىرەكتەي وتىرىپ ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى ورتاعا قويدى. قۇرىلتاي جۇڭگوشا سوتسياليستىك زاڭمەن باسقارۋ جولىمەن ءجۇرۋ، اناعۇرلىم كەڭ كولەمدى، اناعۇرلىم تولىق، اناعۇرلىم اقاۋسىز جالپى بارىستىق حالىق دەموكراتياسىن دامىتۋ، دەموكراتيالىق سايلاۋ، دەموكراتيالىق اقىلداسۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ ءتۇزىمى مەن ءتارتىبىن ورناتۋ، اقاۋسىزداندىرۋ، دامۋ مەن حاۋىپسىزدىكتى ءبىر تۇتاس جوسپارلاۋ سياقتى مازمۇنداردى پارتيا ۋستاۆىنا جازۋعا قوسىلدى. بۇل تولىقتىرۋلاردى جاساۋ بۇكىل پارتيانىڭ پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن اناعۇرلىم سانالى، اناعۇرلىم تاباندى دايەكتىلەندىرىپ، جۇڭگوشا سوتسياليزم ۇلى ءىسىن جالپى بەتتىك ىلگەرىلەتۋى جونىنەن ايرىقشا ماڭىزدى رولعا يە.
قۇرىلتاي بىلاي دەپ قارادى: پارتيا 19 - قۇرىلتايىنان بەرى، شي جينپيڭ جولداس مەملەكەت قورعانىسىن جانە ارميا قۇرىلىسىن، بىرلىكساپ قىزمەتىن، ديپلوماتيالىق قىزمەتتى كۇشەيتۋ جونىندە ءبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى ورتاعا قويدى. قۇرىلتاي ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭمەن باسقارۋعا تاباندى بولىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ؛ ”ءبىر ەل، ەكى ءتۇزىم“ باعىتىن جالپى بەتتىك، دالمە - ءدال، تاباندىلىقپەن دايەكتىلەندىرىپ، ”تايۋاندى دەربەستەندىرۋگە“ باتىل قارسى تۇرۋ جانە ونى تەجەۋ؛ بەيبىتشىلىك، دامۋ، ادىلدىك، تۋراشىلدىق، دەموكراتيالىلىق، ەركىندىك سىندى تۇتاس ادامزاتتىڭ ورتاق قۇندىلىعىن اسقاقتاتىپ، باياندى بەيبىت، جالپى بەتتىك حاۋىپسىز، بىرگە گۇلدەنگەن، اشىق تا سيىسىمدى، تازا دا كورىكتى دۇنيە ءجۇزىن قۇرۋدى ىلگەرىلەتۋ سياقتى مازمۇنداردى پارتيا ۋستاۆىنا جازۋعا قوسىلدى. بۇل مازمۇنداردى تولىقتىرۋ جۇڭگوشا ارميانى قۇدىرەتتەندىرۋ جولىمەن جۇرۋگە تاباندى بولۋعا ءتيىمدى، ”ءبىر ەل، ەكى ءتۇزىم“ امالياتىنىڭ ورنىقتى قاداممەن الىسقا جەتۋىن ىلگەرىلەتۋگە، وتاننىڭ بىرلىككە كەلۋىن ىلگەرىلەتۋگە ءتيىمدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، ادامزاتتىڭ العا باسۋ اعىنىنا جەتەكشىلىك ەتۋگە ءتيىمدى.
قۇرىلتاي بىلاي دەپ قارادى: پارتيا 19 - قۇرىلتايىنان بەرى، پارتيا تەمىر سوقساڭ قۇرىش بول دەگەنگە تاباندى بولىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتتى، پارتيا قۇرىلىسى كوپتەگەن تىڭ دا كەلەلى جەتىستىكتەر مەن ءساتتى تاجىريبەلەرگە قول جەتكىزدى، بۇلاردى دەر كەزىندە پارتيا ۋستاۆىندا بەينەلەپ، بۇكىل پارتيانىڭ ەركى مەن ورتاق بويسۇنۋ ولشەمىنە اينالدىرۋ ءتيىس. قۇرىلتاي اقيقاتقا تاباندى بولۋ، مۇراتتان اينىماۋ، اۋەلگى ماقساتتى امالياتتا ايگىلەۋ، بورىش ارقالاۋ، قۇرباندىق بەرۋدەن قورىقپاۋ، ەرلىكپەن كۇرەس جۇرگىزۋ، پارتياعا ادال بولۋ، حالىقتىڭ ءۇمىتىن اقتاۋ سىندى پارتيا قۇرۋ ۇلى رۋحىن اسقاقتاتۋ، وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ سياقتى تالاپتاردى پارتيا ۋستاۆىنا جازۋعا؛ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن، ءسوز جوق، جوعارىلاتۋ، پارتيانىڭ نازارياسى مەن لۋشيان، باعىت - ساياساتتارىن دايەكتىلەندىرۋ، تياناقتاندىرۋ سانالىلىعى مەن تاباندىلىعىن كۇشەيتۋ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋ، پارتيانىڭ وزىنە - ءوزى توڭكەرىس جاساۋىن ماڭگى جالعاستىرۋ، پارتيا ىشىندەگى زاڭ - ەرەجە جۇيەسىن ۇزدىكسىز اقاۋسىزداندىرۋ، پارتيانى جاپپاي قاتاڭ باسقارۋدىڭ تۇلعالىق جاۋاپكەرشىلىگى مەن باقىلاۋ جاۋاپكەرشىلىگىن كۇشەيتۋ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعالاندىرىپ ىلگەرىلەتۋ سياقتى مازمۇنداردى پارتيا ۋستاۆىنا جازۋعا؛ جاڭا داۋىردەگى پارتيانىڭ ۇيىمدىق لۋشيانىنا تاباندى بولۋدى پارتيا قۇرىلىسىنىڭ نەگىزگى تالاپتارىنىڭ ءبىرى ەتۋدى پارتيا ۋستاۆىنا جازۋعا قوسىلدى. بۇل مازمۇنداردى تولىقتىرۋ بۇكىل پارتيانىڭ وزىنە - ءوزى توڭكەرىس جاساۋ رۋحىن ماڭگى ساقتاۋىن ىلگەرىلەتىپ، پارتيانى جاپپاي قاتاڭ باسقارۋ ستراتەگيالىق باعىتىن دايەكتىلەندىرىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ توڭكەرىستىك سومدالۋ بارىسىندا اناعۇرلىم پارمەندى دە قۋاتتى بولىپ، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋگە ءتيىمدى.
قۇرىلتاي بىلاي دەپ قارادى: جۇڭگو كوممۋنيستىك پارتياسى ىستەرىمىزگە باسشىلىق ەتەتىن ۇيتقى كۇش، پارتيانىڭ باسشىلىعى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. قۇرىلتاي پارتيانى ەڭ جوعارى ساياسي باسشىلىق كۇش ەتۋ، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ سياقتى مازمۇنداردى پارتيا ۋستاۆىنا جازۋعا قوسىلدى. بۇلار پارتيانىڭ جالپى جاعدايدى جاپپاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرىپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرۋعا ءتيىمدى.
قۇرىلتاي بىلاي دەپ قارادى: پارتيا 19 - قۇرىلتايىنان بەرگى پارتيا قىزمەتى مەن پارتيا قۇرىلىسىنداعى تابىستى تاجىريبەلەردى قورىتىندىلاپ، قابىلداپ ءارى باس پروگرامما بولىمىنە وزگەرىس ەنگىزۋمەن ۇشتاستىرىپ، پارتيا ۋستاۆىنىڭ ءىشىنارا تارماق مازمۇندارىنا لايىقتى وزگەرىس ەنگىزۋ وتە قاجەتتى. پارتيا تاريحىن ۇيرەنۋ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ قالىڭ پارتيا مۇشەلەرى اتقارۋعا ءتيىستى بورىش؛ شيپاحانالارداعى پارتيا قۇرىلىسىن كۇشەيتۋ، ءمالى، اۋىل، قالاشىق جانە قىستاق، الەۋمەتتىك اۋماق پارتيا ۇيىمدارىنىڭ ورنى مەن رولىن ايقىنداۋ، مەملەكەت مەنشىگىندەگى كاسىپورىندار پارتكومى (پارتيا باسشىلىق گرۋپپاسى) پارتيا ۇيىمدارىنىڭ ءوز قۇرىلىسىن كۇشەيتۋ جاۋاپكەرشىلىگىن، مىندەتىن كەمەلدەندىرۋ − نەگىزگى ساتى پارتيا ۇيىمىنىڭ جاۋىنگەر قورعاندىق رولىن ساۋلەلەندىرۋدىڭ رەال قاجەتى؛ پارتيا تاريحىن ۇيرەنۋ تاربيەسىنىڭ ۇدايىلانۋىن، تۇزىمدەنۋىن ىلگەرىلەتۋ، پارتيانىڭ ءار دارەجەلى باسشى كادرلارىنان ەرەكشە ۇقىق يدەياسى مەن ەرەكشە ۇقىق جايتىنە قارسى تۇرۋدى تالاپ ەتۋ، پارتيا ءتارتىبىنىڭ قاتىستى مازمۇندارىن كەمەلدەندىرۋ، تۇرۋعا جىبەرگەن ءتارتىپ تەكسەرۋ گرۋپپاسىنىڭ كولەمىن ايقىنداۋ، ءتارتىپ تەكسەرۋ كوميتەتىنىڭ باستى مىندەتتەرىن تولىقتىرۋ، پارتيا ۇيىمىنىڭ مىندەت - جاۋاپكەرشىلىك ورنىن رەتتەۋ، تولىقتىرۋ، ت.ب لار پارتيا 19 - قۇرىلتايىنان بەرگى پارتيا قىزمەتى مەن پارتيا قۇرىلىسى جەتىستىكتەرىنىڭ ماڭىزدى بەينەسى. وسى مازمۇنداردى پارتيا ۋستاۆىنا جازۋ پارتيانىڭ ورتالىقتانعان ءبىر تۇتاس باسشىلىعىنا تاباندى بولۋعا جانە ونى كۇشەيتۋگە، شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي تىلەك ۇيىستىرىپ، رۋح سومداۋعا ءتيىمدى، پارتيا ۇيىمىنىڭ ساياسي يقۋاتى مەن ۇيىمدىق يقۋاتىن نىعايتۋعا، قاتاڭدىق نەگىزگى اۋەنىنە تاباندى بولىپ، ستيل دۇرىستاپ، ءتارتىپتى قاتايتۋدى كۇشەيتۋگە، پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋگە ءتيىمدى.
قۇرىلتاي بىلاي دەپ قارادى: جاڭا داۋىرگە وتكەندە، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتىنىڭ جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنى تۇراقتاندىرىلعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنى تۇراقتاندىرىلعاندىقتان، پارتيا پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، ەسەن - امان بولۋىنا ىقپال ەتەتىن كورنەكتى قايشىلىقتار مەن ماسەلەلەردى پارمەندى شەشىپ، پارتيانىڭ، مەملەكەتتىڭ، ارميانىڭ ىشكى بولىگىندە ساقتالعان اۋىر كومەسكى قاتەرلەردى جويىپ، جۇڭحۋا ۇلتىنىڭ ۇلى گۇلدەنۋىنىڭ بوگەۋ بەرمەس تاريحي ۇردىسكە كىرۋىنە تۇبىرىنەن شىنايى كەپىلدىك ەتتى. ”ەكىنى تۇراقتاندىرۋ“ پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيا مەن مەملەكەت ىستەرىنىڭ تاريحي تابىستارعا قول جەتكىزۋىن، تاريحي وزگەرىستەر تۋىلۋىن ىلگەرىلەتكەن شەشۋشى فاكتور. بۇكىل پارتيا، ءسوز جوق، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بەتتىك دايەكتىلەندىرىپ، تاباندى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
قۇرىلتاي مىنالاردى تالاپ ەتتى: پارتيانىڭ ءار دارەجەلى ۇيىمدارى مەن بارلىق پارتيا مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، پارتيا قۇرۋ ۇلى رۋحىن اسقاقتاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اناعۇرلىم سانالى تۇردە پارتيا ۋستاۆىن ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن دايەكتىلەندىرىپ، پارتيا ۋستاۆىن قورعاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جالپى بەتتىك ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك!
(شينحۋا اگەنتتىگىنىڭ 10 - ايدىڭ 22 - كۇنى بەيجيڭنەن بەرگەن حابارى)
