تيانشان تورى
تيانشان تورى   ›   ۇيرەنۋ   ›   شولۋ

بورىش، مىندەت ارقالاپ، جاڭا ۇلى ءىستى جاراتايىق

حالىق گازەتى باسماقالاسى

   ماڭگىلىك ۇلى ءىس ۇرپاقتان - ۇرپاققا جالعاسادى؛ 100 جىلدىق ۇلكەن پارتيا كەمەل شاعىندا تۇر. جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە جاڭا كەزەكتى ورتالىق كوميتەتتىڭ باسشىلىق قۇرىلىمى سايلاندى، شي جينپيڭ جولداس جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى بولدى، پارتيا مەن مەملەكەت ىستەرىنە ماڭىزدى ۇلەس قوسقان ءبىر توپ جولداس پارتيا ورتالىق كوميتەتىنىڭ باسشىلىق ورنىنان شەگىنىپ، ءمورالدى دا قابىلەتتى، جاس تا جالىندى، تاجىريبەسى مول ءبىر توپ باسشى كادر جاڭا كەزەكتى ورتالىق كوميتەتكە جانە ورتالىق كوميتەتتىڭ باسشىلىق قۇرىلىمىنا كىردى. بۇل بۇكىل پارتيانىڭ ورتاق تانىمىن ۇيىستىرعان، حالىقتىڭ تىلەگىن بەينەلەگەن، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ تولىق سەنىم ارتۋىنا بولاتىن ورتالىق كوميتەت باسشىلىق كوللەكتيۆى، بۇل ساياسيدا بەرىك، ىنتىماقتى، بىرلىككە كەلگەن، ومىرشەڭدىككە باي، پارتيا مەن مەملەكەت ىستەرىنىڭ ۇزاق بولاشاقتىق دامۋ قاجەتىنە سايكەسە الاتىن ورتالىق كوميتەت باسشىلىق كوللەكتيۆى. سايلاۋ ناتيجەسى بۇكىل پارتيانىڭ ورتاق ەركىن تولىق ايگىلەدى، ميلليارد حالىقتىڭ ورتاق تىلەگىن تولىق بەينەلەدى، پارتيامىزدىڭ جىگەرلى دە جالىندى بەينەسىن، گۇلدەنىپ - كوركەيگەندىگىن، قايراتتانا العا ۇمتىلاتىندىعىن تولىق كورسەتتى. العا باسۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتى، ءسوزسىز، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جىگەرلەنە العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزىپ، جۇڭگونىڭ دامۋ، العا باسۋ تاعدىرىن ءوز قولىندا مىقتاپ ۇستايدى.

  پارتيا 20 - قۇرىلتايى جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ كەلەلى نازاريالىق جانە امالياتتىق ماسەلەلەرىن جۇيەلى ءتۇسىندىرىپ، الداعى ءبىر مەزگىلدەگى پارتيا مەن مەملەكەت ىستەرى دامۋىنىڭ نىسانالارىن، مىندەتتەرىن جانە كەلەلى باعىت - ساياساتتارىن عىلمي جوسپارلاپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ ۇلى جوباسىن كەسكىندەدى. پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ءبىرىنشى جالپى ءماجىلىسىنىڭ جەڭىسپەن اشىلۋى پارتيا مەن مەملەكەت ىستەرىنە العا باسۋ بەتالىسىن ونان ارى ايقىن كورسەتىپ، پارتيامىزدىڭ ميلليارد حالىقتى ۇزدىكسىز باستاپ ىنتىماقتاسا كۇرەس جۇرگىزۋىنە ماڭىزدى يدەيالىق - ساياسي نەگىز قالادى، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن جاپپاي دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن قۇلشىنا جازۋعا بەرىك ساياسي كەپىلدىك جانە ۇيىمدىق كەپىلدىك ازىرلەدى. بۇل پارتيامىزدىڭ دەسە دەگەندەي اۋەلگى ماقساتتان، بورىشتان جازبايتىن، ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، جالىندى ومىرشەڭدىگىن ماڭگى ساقتايتىن ماركسيزمدىك بيلىك باسىنداعى ساياسي پارتيا ەكەندىگىن تولىق بەينەلەدى.

  جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. قازىرگى تاڭدا دۇنيە جۇزىندە 100 جىلدا بولماعان زور وزگەرىس جاعدايى جىلدام قۇبىلىپ، ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى. كۇردەلى دە قاتاڭ ەل ءىشى - سىرتى دامۋ ورتاسىندا اناعۇرلىم ويداعىداي تۇردە بورىشتى، مىندەتتى ارقالاپ، جاڭا ۇلى ءىستى جاراتۋدا پارتيامىزدىڭ، ءسوزسىز، بەرىك تە پارمەندى باسشىلىق ۇيتقىسى مەن ورتالىق كوميتەت باسشىلىق كوللەكتيۆى بولۋ كەرەك. پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋى جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى سىندى تاريحي ءۇردىستى ىلگەرىلەتۋدە شەشۋشى مانگە يە. ”ەكىنى تۇراقتاندىرۋ“ پارتيا 18 - قۇرىلتايىنان بەرگى پارتيا قۇرىلىسىنىڭ ەڭ كەلەلى ساياسي جەتىستىگى، جاڭا داۋىردە پارتيا مەن مەملەكەت ىستەرىن جەڭىستەن جاڭا جەڭىسكە جەتۋگە باستاۋدىڭ ساياسي كەپىلدىگى، بارلىق جاپا - ماشاقات، قيىندىق، حاۋىپ - قاتەر، بوگەتتەردى جەڭۋدەگى، بارلىق تۇراقسىزدىققا توتەپ بەرۋدەگى ەڭ زور تۇراقتىلىق، ەڭ زور سەنىم، ەڭ زور كەپىلدىك بولىپ تابىلادى. ءبىز ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن بىرلىككە كەلتىرىپ، پارتيا 20 - قۇرىلتايىندا جاسالعان كەلەلى شەشىمدەرمەن، ورنالاستىرۋلارمەن بىرلىككە كەلتىرىپ، جۇڭگو ارمانىن ءبىر نيەتپەن بىرگە ورىنداۋدىڭ قۇدىرەتتى بىرىككەن كۇشىن قالىپتاستىرۋىمىز كەرەك.

  ىنتىماقتاسقاندا عانا جەڭىسكە جەتۋگە بولادى، كۇرەس جۇرگىزگەندە عانا تابىسقا جەتۋگە بولادى. ءبىز ىنتىماقتاسا كۇرەس جۇرگىزۋگە سۇيەنىپ شۇعىلالى تاريح جاراتتىق، سونداي - اق ىنتىماقتاسا كۇرەس جۇرگىزۋگە سۇيەنىپ تاماشا بولاشاق اشۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا قۇرۋ ۇلى رۋحىن اسقاقتاتىپ، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزىپ، ءسوز جوق، كۇرەس جۇرگىزۋگە باتىل، كۇرەس جۇرگىزۋگە شەبەر بولىپ، وزىمىزگە سەنىپ، ءوزىمىزدى الۋەتتەندىرىپ، ءتۇبىرلى پرينسيپتەن اينىماي، جاڭالىق اشىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازىپ، جاڭا ەمتيحان تاپسىرۋ جولىندا ۇزدىكسىز تۇردە جۇرتتى تامساندىراتىن جاڭا كەرەمەتتەردى جاراتايىق!

(شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.