شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. 10 - ايدىڭ 23 - كۇنى، چاۋشيان ەڭبەك پارتياسىنىڭ باس شۋجيى جين جىڭىن، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ، لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى تۇڭلۇن، كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياس - كانەل قۇتتىقتاۋ تەلەگرامماسىن نەمەسە قۇتتىقتاۋ حاتىن جولداپ، شي جينپيڭ جولداستىڭ جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ باس شۋجيى بولىپ سايلانعاندىعىن قىزۋ قۇتتىقتادى.
جين جىڭىن مىنالاردى ءبىلدىردى: جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءساتتى وتكىزىلگەندىگىن ەستىپ قۋاندىم، ءسىزدىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى ءبىر مارتە سايلانعانىڭىزعا وراي، مەن ءسىزدى ىزگى تىلەكپەن ەرەكشە قىزۋ قۇتتىقتايمىن! جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى جۇڭگو پارتياسى مەن حالقىن باس شۋجي شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسى تۋى استىندا جۇڭحۋا ۇلتىنىڭ ۇلى گۇلدەنۋى تاريحي ءۇردىسىن ىلگەرىلەتۋدە ءداۋىر بولگىشتىك بەلەستىك مانگە يە. باس شۋجي شي جينپيڭ جولداس جۇڭگو كوممۋنيستىك پارتياسىنا باسشىلىق ەتۋ اۋىر مىندەتىن ۇزدىكسىز ارقالاپ، جۇڭگو كوممۋنيستىك پارتياسىنىڭ بارلىق پارتيا مۇشەلەرى مەن بارلىق جۇڭگو حالقىنىڭ باستان - اياق وزگەرمەيتىن سەنىمىن، قولداۋىن جانە تىلەگىن ايگىلەدى. باس شۋجي شي جينپيڭ جولداستىڭ باسشىلىعىندا، جۇڭگو كوممۋنيستىك پارتياسى مەن جۇڭگو حالقىنىڭ جۇڭگوشا سوتسياليزمگە، ءسوز جوق، تاباندى بولىپ جانە ونى دامىتىپ، جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا شۇعىلالى جەڭىستەرگە قول جەتكىزەتىندىگىنە كامىل سەنەمىن. قازىر چاۋشيان، جۇڭگو ەكى پارتياسى ىنتىماقتاسا سەلبەسۋدى ونان ارى كۇشەيتۋدە، مەيلى اۋقىم قالاي وزگەرسە دە، قانداي سايىستارعا ءدوپ كەلسە دە، باستان - اياق سوتسياليزمدى وزەك ەتكەن ەكى ەل قارىم - قاتىناسىن ۇزدىكسىز العا قاراي دامىتۋعا باتىل، پارمەندى جەتەكشىلىك ەتەدى. مەن باس شۋجي شي جينپيڭ جولداسپەن بىرگە ءداۋىر تالابىنا ۇيلەسىپ، چاۋشيان - جۇڭگو قارىم - قاتىناسىنىڭ اناعۇرلىم كوركەم بولاشاعىن جۇزەگە اسىرۋعا جەتەكشىلىك ەتۋدى بىرگە كەسكىندەپ، ەكى ەلدىڭ سوتسياليزم ۇلى ىستەرىنىڭ ۇزدىكسىز العا دامۋىن زور كۇشپەن ىلگەرىلەتۋدى قالايمىن. باس شۋجي شي جينپيڭ جولداستىڭ جۇڭگو پارتياسىنا جانە حالقىنا باسشىلىق ەتۋ سىندى وسى ءبىر جاۋاپكەرشىلىگى اۋىر قىزمەتتە ءتىپتى دە زور تابىستارعا قول جەتكىزۋىن شىن جۇرەكتەن تىلەيمىن!
رۋان فۋجۇڭ مىنالاردى ءبىلدىردى: ءسىز جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى ءبىر مارتە سايلانعان ساتكە وراي، مەن ۆيەتنام كوممۋنيستىك پارتياسى ورتالىق كوميتەتى اتىنان جانە ءوز اتىمنان ءسىزدى ەرەكشە قىزۋ قۇتتىقتايمىن. مەن جۇڭگو كوممۋنيستىك پارتياسى 20 - قۇرىلتايىنىڭ تولىق تابىسقا جەتكەندىگىنە ەرەكشە قۋانىشتامىن ءارى شىن جۇرەگىمنەن قۇتتىقتايمىن. قۇرىلتاي جۇڭگونىڭ ۇزاق بولاشاقتىق دامۋىن جانە ەكىنشى 100 جىلدىق كۇرەس نىساناسىن ءساتتى جۇزەگە اسىرۋدى كوزدە ۇستاپ، ءبىر قىدىرۋ ماڭىزدى ستراتەگيالىق جوبا جانە نىسانا - مىندەتتەردى بەلگىلەپ، جاڭا داۋىردەگى جۇڭگوشا سوتسياليزم نازاريالىق جۇيەسىنىڭ ۇزدىكسىز كەمەلدەنۋىن ءارى جاڭالىق اشا دامۋعا قول جەتكىزۋىن ىلگەرىلەتتى. مەن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە جۇڭگونىڭ بۇكىل پارتياسى مەن بۇكىل ەل حالقىنىڭ جۇڭگو كوممۋنيستىك پارتياسى 20 - قۇرىلتايىندا العا قويىلعان ءارقايسى نىسانالاردى، ءسوز جوق، ورىنداپ، سوتسياليستىك وسىزامانداندىرۋدى ەرتەرەك نەگىزىنەن جۇزەگە اسىرىپ، جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعاتىنىنا كامىل سەنەمىن. ءبىز ءسىزدىڭ ەكى ەل حالقىنىڭ مۇددەسى ءۇشىن، ۆيەتنام - جۇڭگو قارىم - قاتىناسى جونىندەگى ىقىلاستى قامقورلىعىڭىز بەن وراسان زور ۇلەسىڭىزدى ەرەكشە قاستەرلەيمىز ءارى جوعارى باعالايمىز. مەن ەكى جاقتىڭ ءارقايسى دارەجەدەگىلەرىنە، ءارقايسى تاراۋلارىنا، ءارقايسى جەرلەرىنە ۇزدىكسىز كوڭىل ءبولىپ، جەتەكشىلىك ەتىپ، جوعارى جىكتەگىلەردىڭ ورتاق تانىمىن ويداعىداي دايەكتىلەندىرىپ، ويداعىداي تياناقتاندىرىپ، ۆيەتنام - جۇڭگو تاتۋ دوستىعىن جانە جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز اقاۋسىز، ورنىقتى دامۋىن ىلگەرىلەتىپ، ۇزدىكسىز تىڭ ساتىعا قادام قويىپ، ەكى پارتيانىڭ، ەكى ەلدىڭ، ەكى ەل حالقىنىڭ ءتۇبىرلى، ۇزاق بولاشاقتىق مۇددەسى ءۇشىن، ءوز ءوڭىرىمىزدىڭ، اۋەلى، دۇنيە ءجۇزىنىڭ بەيبىتشىلىگى، ورنىقتىلىعى، سەلبەستىگى، دامۋى ءۇشىن ۇلەس قوسۋعا قاي - قاشان دا ايرىقشا ءمان بەرەمىن ءارى سىزبەن بىرگە كۇش سالۋدى قالايمىن. مەن سىزبەن ەرتەرەك تاعى دا ديدارلاسىپ، كەلەلى ستراتەگيالىق ماسەلەلەر جونىندە ىشكەرىلەي پىكىر اۋىستىرىپ، ەكى جاقتىڭ ساياسيداعى ءوزارا سەنىمدىلىگىن ونان ارى نىعايتىپ، ەكى ەل قارىم - قاتىناسىنىڭ بولاشاقتاعى دامۋىنا ايقىن بەتالىس كورسەتىپ بەرۋدى ءۇمىت ەتەمىن.
تۇڭلۇن مىنالاردى ءبىلدىردى: ءسىزدىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى ءبىر مارتە سايلانعاندىعىڭىزعا وراي، مەن لاوس حالىق توڭكەرىستىك پارتياسى ورتالىق كوميتەتى اتىنان جانە ءوز اتىمنان ءسىزدى ءارى ءسىز ارقىلى جۇڭگو كوممۋنيستىك پارتياسى 20 - كەزەكتى ورتالىق كوميتەتىن باۋىرلاستارداي جانە جولداستارداي قىزۋ قۇتتىقتاعانىما جانە وسكەلەڭ قۇرمەت بىلدىرگەنىمە اسا قۋانىشتامىن! ءسىزدىڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ءبىرىنشى جالپى ماجىلىسىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعاڭىز جۇڭگونىڭ بۇكىل پارتياسىنىڭ، بۇكىل ەلدەگى ءار ۇلت حالقىنىڭ ءسىزدىڭ پارتيا ورتالىق كوميتەتىنىڭ ۇيتقىسى، تۇتاس پارتيانىڭ ۇيتقىسى بولعانىڭىزعا، جاڭا داۋىردەگى جۇڭگوشا سوتسياليزم ۇلى ىستەرىنىڭ كەمەڭگەر كوسەمى بولعانىڭىزعا ايرىقشا سەنەتىندىگىن جانە ءسىزدى شەكسىز قۇرمەتتەيتىندىگىن تولىق ايگىلەدى. جۇڭگو كوممۋنيستىك پارتياسىنىڭ 18 - قۇرىلتايىنان بەرى، ءسىز ۇيتقى بولعان جۇڭگو كوممۋنيستىك پارتياسى ورتالىق كوميتەتى جۇڭگو حالقىن ىنتىماقتاستىرىپ جانە باستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاسامپازدىقپەن قالىپتاستىرىپ، جۇڭگوشا سوتسياليزم ىستەرىنىڭ ۇزدىكسىز جاڭا تابىسقا قول جەتكىزۋىنە، تىڭ شۇعىلا جاراتۋىنا جەتەكشىلىك ەتتى. ءسىز العا قويعان ادامزاتتىڭ تاعدىرلاس ورتاق تۇلعاسىن قۇرۋ، ”ءبىر بەلدەۋ، ءبىر جول“ باستاماسى، الەمدىك دامۋ باستاماسى، الەمدىك حاۋىپسىزدىك باستاماسى سياقتى كەلەلى ۇستانىمدار مەن قۋاتتامالار حالىقارالىق قوعامنىڭ كەڭىنەن شىنايى مويىنداۋىنا جانە جاپپاي قولداۋىنا يە بولدى، بۇلار دۇنيە ءجۇزىنىڭ بەيبىتشىلىك، دامۋ ىستەرىنە بەلسەندى ۇلەستەر قوستى ءارى ۇزدىكسىز ۇلەستەر قوسا بەرەدى. مەن ءسىزدى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، باۋىرلاس جۇڭگو حالقىنىڭ جۇڭگو كوممۋنيستىك پارتياسى 20 - قۇرىلتايىنىڭ رۋحىن جەڭىسپەن دايەكتىلەندىرىپ، تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جاڭا جورىعىندا تىڭ دا اناعۇرلىم ۇلى تابىستارعا ۇزدىكسىز قول جەتكىزەتىندىگىنە كامىل سەنەمىن! مەن سىزبەن بىرگە ستراتەگيالىق بايلانىستى ونان ارى كۇشەيتىپ، جاڭا داۋىردەگى لاوس - جۇڭگو قارىم - قاتىناسىنىڭ جانە تاعدىرلاس ورتاق تۇلعا قۇرىلىسىنىڭ ۇزدىكسىز تەرەڭدەي دامۋىن ىلگەرىلەتۋگە، گۇل اشتىرىپ جەمىس بەرگىزۋگە بىرگە جەتەكشىلىك ەتىپ، ەكى ەلگە جانە ەكى ەل حالقىنا ءتىپتى دە مول قۇت - ىرىس جاراتىپ، ۇلى سوتسياليزم ىستەرىن بىرگە ىلگەرىلەتۋدى قالايمىن.
دياس - كانەل مىنالاردى ءبىلدىردى: ءسىزدىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ تاعى ءبىر مارتە سايلانعانىڭىزدى ەستىپ قۋاندىم، ءسىزدى ەرەكشە قىزۋ قۇتتىقتايمىن. جۇڭگو كوممۋنيستىك پارتياسى 20 - قۇرىلتايى حالىقارالىق قوعامنىڭ نازارىن اۋداردى. ءسىزدىڭ باسشىلىعىڭىزدا، جۇڭگو كوممۋنيستىك پارتياسىنىڭ جانە جۇڭگو حالقىنىڭ جاڭا داۋىردەگى جۇڭگوشا سوتسياليزم ىستەرىندە، ءسوز جوق، ۇزدىكسىز تىڭ جەتىستىكتەرگە قول جەتكىزەتىندىگىنە سەنەمىن. ءسىز جۇڭگو كوممۋنيستىك پارتياسى ورتالىق كوميتەتىن باستاپ، جاڭا داۋىردەگى جۇڭگوشا سوتسياليزمگە نازاريالىق جانە امالياتتىق ۇلەس قوستىڭىز، بۇل ماركسيزمنىڭ جۇڭگوشالانۋىنىڭ، زامانالانۋىنىڭ بەلەسى. جۇڭگو مەن كۋبا جاقسى دوستار، جاقسى جولداستار، جاقسى باۋىرلاستار، ساياسيدا ءوزارا سەنىمدى بولۋ، تاتۋ سەلبەسۋ، ارالارىنان قىل وتپەۋ ەكى ەل قارىم - قاتىناسىنىڭ كورنەكتى ەرەكشەلىگى، كۋبا، جۇڭگو ەكى پارتياسى، ەكى ەل جانە ەكى ەل حالقى اراسىنداعى قارىم - قاتىناس ۇلگى بولارلىقتاي. مەن سىزبەن بىرگە جوعارىدا ايتىلعان قارىم - قاتىناستارعا ساياسي جەتەكشىلىكتى ۇزدىكسىز تاباندىلىقپەن كۇشەيتىپ، ونى ۇزدىكسىز كەڭەيتىپ جانە كەمەلدەندىرىپ، ەكى ەلدىڭ باياندى دامۋىن جانە ەكى ەل حالقىنىڭ قۇت - ىرىسىن جەبەپ، دۇنيە ءجۇزى سوتسياليزم ءۇردىسىنىڭ بوگەۋ بەرمەۋىن، ومىرشەڭدىككە تولۋىن ىلگەرىلەتۋدى قالايتىنىمدى قايتالاي دارىپتەيمىن. ءسىزدىڭ دەنىڭىزدىڭ ساۋ بولۋىن ءارى وسىنداي ماڭىزدى ءارى قاسيەتتى قىزمەت ورنىندا تىڭ دا اناعۇرلىم زور تابىستارعا قول جەتكىزۋىڭىزدى شىن جۇرەكتەن تىلەيمىن. سىزگە جانە ءسىز ارقىلى بارلىق جۇڭگو كوممۋنيستىك پارتياسى مۇشەلەرىنە جانە جۇڭگو حالقىنا باۋىرلاستارداي قۇشاق جايامىن جانە وسكەلەڭ قۇرمەتىمدى بىلدىرەمىن.
