شينجياڭداعى ءار ۇلت كادرلارى مەن بۇقاراسى جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىنىڭ جۇڭگولىق، شەتەلدىك تىلشىلەرمەن كەزدەسۋ ءماجىلىسىنىڭ تىكە تاراتىلىمىن تىڭداپ، كورىپ، باس شۋجي شي جينپيڭنىڭ ماڭىزدى ءسوزىن تىڭداعاننان كەيىن ءبىر اۋىزدان بىلاي دەدى −
جاڭا جورىقتا قايراتتانا العا ۇمتىلىپ، اناعۇرلىم شۇعىلالى بولاشاق جاراتامىز
□ انار بۇلت \ شينجياڭ گازەتىنىڭ تىلشىلەرى
10 - ايدىڭ 23 - كۇنى جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى جاڭا كەزەكتى ورتالىق كوميتەتتىڭ باسشىلىق قۇرىلىمىن سايلاپ شىقتى. ساعات 12 مولشەرىندە جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەستى. شينجياڭداعى ءار ۇلت كادرلارى مەن بۇقاراسى تەلەۆيزور، راديو، ينتەرنەت سياقتى كوپ ءتۇرلى فورمالار ارقىلى كەزدەسۋ ءماجىلىسىنىڭ تىكە تاراتىلىمىن تىڭداپ، كورىپ، باس شۋجي شي جينپيڭنىڭ ماڭىزدى ءسوزىن تىڭدادى. شات - شادىمان قۋانىشقا بولەنىپ، رۋحتارى سەرپىلگەن كوپشىلىك ءبىر اۋىزدان مىنالاردى ءبىلدىردى: جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولداپ، ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىنداپ، جاڭا جورىقتا قايراتتانا العا ۇمتىلىپ، ەرلىكپەن العا باسىپ، اناعۇرلىم شۇعىلالى بولاشاق جاراتۋعا قۇلشىنامىز.
پارتياعا ادال بولىپ، ”ەكىنى قورعاۋدى“ باتىل ورىندايمىز
”سايلانىپ شىققان جاڭا كەزەكتى ورتالىق كوميتەتتىڭ باسشىلىق قۇرىلىمى بۇكىل پارتيانىڭ ەركىن بەينەلەدى، بۇكىل ەلدەگى ءار ۇلت حالقىنىڭ تىلەگىن بەينەلەدى“. پارتيا 20 - قۇرىلتايىنىڭ ۋاكىلى ورازالى قاشقارباي سول كۇنى بەيجيڭدەگى تۇرعان جەرىندە تەلەۆيزوردان كەزدەسۋ ءماجىلىسىنىڭ تىكە تاراتىلىمىن كورگەننەن كەيىن ايرىقشا جىگەرلەندى. ول مىنانى ءبىلدىردى: ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىتپاي ساقتاپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ تاراۋىن قۇلشىنا جازۋىمىز كەرەك.
”ءبىز جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولدايمىز“! ءتۇرلى فورمالارمەن كەزدەسۋ ءماجىلىسىنىڭ تىكە تاراتىلىمىن تىڭداعاننان، كورگەننەن كەيىن، اۆتونوميالى رايوننىڭ ساۋدا ىستەرى جۇيەسىندەگى پارتيا مۇشەلەرىنىڭ، كادرلاردىڭ كوڭىلدەرى ەرەكشە تولقىدى. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى رۇڭ جۇن مىنالاردى ءبىلدىردى: ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءىس جۇزىندىك ارەكەتىمىزبەن پارتيا 20 - قۇرىلتايىنىڭ رۋحىن ويداعىداي دايەكتىلەندىرۋىمىز، تياناقتاندىرۋىمىز كەرەك.
”شي جينپيڭ جولداستى ۇيتقى ەتكەن جاڭا كەزەكتى ورتالىق كوميتەتتىڭ باسشىلىق كوللەكتيۆى، ءسوز جوق، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا باسادى“. اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ءدىلشات سايىم مىنالاردى ءبىلدىردى: جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولداپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن جەدەل بىرلىككە كەلتىرىپ، كورىكتى اقسۋ قۇرۋ ءۇشىن قاجىماي - تالماي قۇلشىنامىز.
”ءدۇيىم جۇرتتىڭ قالاۋىنان شىقتى، باتىل قولدايمىز“! يىڭسار اۋدانىنداعى بارشا ۇيىمداستىرۋ قىزمەتى كادرلارى كەزدەسۋ ءماجىلىسىنىڭ تىكە تاراتىلىمىن مۇقيات كورىپ، ايرىقشا جەلپىندى. ”جاڭا جورىقتا ءبىز اسقاق تا ەكپىندەي ىلگەرىلەيتىن رۋحاني كۇيدى باستان - اياق ساقتاپ، قاجىرلىلىقپەن قۇلشىنا ىستەپ، جاۋاپكەرشىلىك ارقالاپ، ىسكەرلىك كورسەتەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كادرلار مەن بۇقارانىڭ قايراتتانا العا باساتىندىعىنا، ەكىنشى 100 جىلدىق كۇرەس نىساناسىنىڭ، ءسوز جوق، مەجەلى مەرزىمىندە جۇزەگە اساتىندىعىنا سەنەمىن“، - دەدى يىڭسار اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ياڭ يۇڭچۇن باتىل تۇردە.
قۇرلىق ارمياسى بەلگىلى جالپىلىق جاتتىعۋ بازاسىنىڭ جىڭۋيى ليۋ حايفىڭ بىلاي دەدى: ”ءبىز شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتياعا ادال بولىپ، پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى اسكەري ءبولىم قۇرىلىسىن جوبالاۋ وي جەلىسىنە، اسكەرلەردى جاتتىقتىرۋ، سوعىس دايىندىعىن ىلگەرىلەتۋ شارالارىنا، نەگىزگى ساتى قىزمەتىن تياناقتاندىرۋ جانە وعان جەتەكشىلىك ەتۋ قابىلەتىنە اينالدىرىپ، ءىس جۇزىندىك ارەكەتىمىز ارقىلى تولىمدى جاۋاپناما تاپسىرامىز“.
سەنىمدى بەكەمدەپ، تىڭ دا اناعۇرلىم زور كەرەمەتتەر جاراتامىز
”جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ دامۋى دا جۇڭگونى قاجەت ەتەدى“. باس شۋجي شي جينپيڭنىڭ ماڭىزدى ءسوزى پارتيا 20 - قۇرىلتايىنىڭ ۋاكىلى ۋ گاڭعا زور شابىت بەردى.
قالاقشا اينالسا، جەل سىندى سارقىلماس جاراتىلىستىق بايلىق مىڭداعان وتباسىنا جەتكىزىلەتىن جاسىل، تازا ەنەرگياعا اينالادى. 10 جىل دەن قويا ەڭبەك ەتكەن جينفىڭ عىلىم - تەحنيكاسىنىڭ جەل گەنەراتورلارى قازىر كۇللى الەم اۋماعىندا بوي كورسەتكەن. ”جۇڭگونىڭ جاساۋ كاسىبىنىڭ شەتەلگە شىعا الاتىن سەنىمى دە، قابىلەتى دە جەتەرلىك“. ۋ گاڭ باتىل تۇردە بىلاي دەدى: جاڭا باستاماعا تابان تىرەگەندە، شەشۋشى تەحنيكالاردان قامال الۋدى ۇزدىكسىز ورىستەتىپ، عىلىم - تەحنيكادا جاڭالىق اشۋدىڭ جالپى تۇلعالىق ونىمدىلىگىن ۇزدىكسىز جوعارىلاتۋىمىز كەرەك. جۇڭگو جاساعان جەل گەنەراتورى سيلاعان سارقىلماس جاسىل، تازا ەنەرگيا، ءسوز جوق، دۇنيە ءجۇزىن نۇرلاندىرىپ، بولاشاققا تۇرتكى بولادى.
”مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، جۇڭگو ۇلگىسىندەگى وسىزامانداندىرۋ قۇرىلىسى ىستەرىنىڭ، ءسوز جوق، تىڭ شۇعىلالى تابىستارعا قول جەتكىزەتىندىگىنە كامىل سەنەمىن“. اۆتونوميالى رايوندىق عىلىم - تەحنيكا قوعامى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى ۋاڭ گۋاڭچياڭ مىنالاردى ءبىلدىردى: اۆتونوميالى رايوندىق عىلىم - تەحنيكا قوعامى باسىمدىقتى تولىق ساۋلەلەندىرىپ، بۇكىل رايونداعى قالىڭ عىلىم - تەحنيكا قىزمەتكەرلەرىن ىنتىماقتاستىرىپ جانە باستاپ، نازاردى ەرەكشەلىككە، باسىمدىققا يە كاسىپ سالالارىنا شوعىرلاندىرىپ، سۇرانىستى كوزدەپ، اقىل - پاراساتتى شوعىرلاندىرىپ قامال الىپ، رايونىمىز ەكونوميكاسىنىڭ جوعارى ساپالى دامۋىن ىلگەرىلەتەدى، سونىمەن بىرگە عىلىم جالپىلاستىرۋ ۇگىت قىزمەتىن جان - جاقتى، كوپ ساتىلى، ستەرەولدى تۇردە ويداعىداي ورىستەتەدى.
”اماليات شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، باس شۋجي شي جينپيڭنىڭ جول باستاپ، رول ۇستاۋىنىڭ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ءبىزدىڭ ەڭ ۇلكەن سەنىم نەگىزىمىز، تياناق نەگىزىمىز، كۇش - قۋات نەگىزىمىز ەكەندىگىن تولىق دالەلدەدى. جاڭا داۋىردەگى جاڭا جورىقتا، ءسوز جوق، جاڭا دامۋ كەرەمەتتەرىن جاراتا الاتىندىعىمىزعا، بۇقارانىڭ تۇرمىسى بارعان سايىن باقىتتى بولاتىندىعىنا سەنەمىن“. شينجياڭ مەديتسينا داشۋەسىنە قاراستى جۇڭي شيپاحاناسى (اۆتونوميالى رايوندىق جۇڭي شيپاحاناسى) پارتكومىنىڭ شۋجيى، شيپاحانانىڭ ورىنباسار باستىعى حان رۇڭ بىلاي دەدى: مەديتسينا قىزمەتكەرى رەتىندە، حالىقتى وزەك ەتۋ ۇستانىمىنا باستان - اياق تاباندى بولىپ، حالىق بۇقاراسىن ساپالى مەديتسينالىق قىزمەت وتەۋىمەن قامداۋعا بار كۇشىمىزدى سالامىز.
”جاڭا جورىقتا ءبىز بارلىق ءىستى حالىق ءۇشىن ىستەۋگە، بارلىعىندا حالىققا سۇيەنۋگە باستان - اياق تاباندى بولۋىمىز كەرەك“. ”ءبىز باستان - اياق حالىقپەن بوران - شاشىندا بىرگە بولىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋىمىز كەرەك“. باس شۋجي شي جينپيڭنىڭ سوزىنەن حوتان قالاسى سورباق اۋىلى ايدىنكول قىستاعى قىستاق تۇرعىندار كوميتەتىنىڭ مەڭگەرۋشىسى ابدۇحابىر مامەتيمىن ەرەكشە مەيىرگە بولەندى، ول بىلاي دەدى: ”پارتيا بۇقارانى باستان - اياق كوكەيىندە ساقتاپ كەلەدى، حالىققا تيىمدىلىك جاساۋ ساياساتتارىنىڭ بارلىعى بۇقارانىڭ قامى ءۇشىن شىعارىلعان. مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۋىلداستارىمىزدىڭ تۇرمىسىنىڭ، ءسوز جوق، بارعان سايىن تاماشا بولاتىندىعىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ، ءسوز جوق، مەجەلى مەرزىمىندە جۇزەگە اساتىندىعىنا كامىل سەنەمىن“.
”باس شۋجي وتە جاقسى ايتتى، ءسوزى كۇش - قۋاتقا، ۇمىتكە تولى بولدى“. كوكتوعاي اۋدانى كۇرتى اۋىلى دالاۋىز قىستاعىنىڭ تۇرعىنى بىرلەس پازىل كەزدەسۋ ءماجىلىسىنىڭ تىكە تاراتىلىمىن كورىپ وتىرىپ، تەبىرەنسىن باسا الماي ءالسىن - ءالى ءسۇيىنىشىن ءبىلدىردى. پارتيانىڭ حالىققا ءتيىمدى ساياساتتارىنىڭ قولداۋىندا، قول - اياعى كەمتار بىرلەس وتباسىنداعى ءبىر ءۇيلى جان شاعىن سومالى امانات قارىز اقشاسى ارقىلى ساۋدا ىستەپ، تۇرمىستارىن بارعان سايىن جاقسارتىپ كەلەدى. ”مەن كوممۋنيستىك پارتيانىڭ سوزىنە قۇلاق اسامىن. مەن باس شۋجيدىڭ سوزىنە سەنەمىن! ەندى مەن جاڭا جوسپار جاساماقپىن، ءوزىم عانا ەمەس، ماڭايىمداعى اۋىلداستارىمدى دا بايۋعا باستايمىن“، - دەدى بىرلەس.
ىنتىماقتاسا كۇرەس جۇرگىزىپ، وسىزاماندانعان قۇدىرەتتى مەملەكەت قۇرۋدىڭ جاڭا جورىعىنا قادام تاستايمىز
جاڭا جورىق − داڭق پەن ارمانعا تولى ۇزاق جورىق.
”ءبىز جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولدايمىز“. شينجياڭ قۇرىلىس شۋەيۋانى پارتكومىنىڭ شۋجيى لي يۇيحۇڭ بىلاي دەدى: جاڭا داۋىردەگى جاڭا جورىقتا مەملەكەتتىڭ تۇڭعىش توپتاعى 100 قولدانىلمالى تولىق كۋرس سىناق ءتۇيىنى ەتىلگەن جوعارى مەكتەپ رەتىندە، شۋەيۋانىمىز پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىنە باستان - اياق تاباندى بولىپ، اۆتونوميالى رايوننىڭ كومىر، كومىر ەلەكتر، كومىر حيميا ونەركاسىپ كاسىپ سالاسى مەن جاسىل كەن كاسىپ سالاسىنىڭ دامۋ قاجەتىن ارقاۋ ەتىپ، وقۋ - اعارتۋ قۇرىلىمىن، ءپان - ماماندىق قۇرىلىمىن، دارىندىلاردى باۋلۋ قۇرىلىمىن ساپالىلاندىرىپ، جاڭالىق اشا دامۋ قابىلەتىن جوعارىلاتىپ، پارتيا مەن حالىق رازى بولاتىن جوعارى دەڭگەيلى داشۋە قۇرادى.
”جوبا جاسالىپ، دابىل قاعىلدى، ءبىز ەكىنشى 100 جىلدىق كۇرەس نىساناسىنا قاراي ارشىندى قاداممەن العا باسۋىمىز كەرەك“. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەكونوميكا - تەحنيكا زەرتتەۋ مەكەمەسى ەنەرگيالىق دامۋدى زەرتتەۋ ورتالىعىنىڭ ەنەرگيا جوباسىن زەرتتەۋ بويىنشا تەحنيكالىق ارنايى جاۋاپتىسى جيڭ شىبو مىنالاردى ءبىلدىردى: ەلەكتر قۋاتى قىزمەتكەرى رەتىندە، پارتيا 20 - قۇرىلتايىنىڭ رۋحىن مۇقيات دايەكتىلەندىرىپ، تياناقتاندىرىپ، شينجياڭنىڭ ەنەرگيا بايلىعى ارتىقشىلىعى مەن وڭىرلىك ورىن باسىمدىعىن تياناق ەتىپ، زەرتتەۋ ورتالىعىنىڭ ”اقىل - پاراساتتىق ۇلكەن مي“ رولىن ساۋلەلەندىرىپ، جاڭاشا ەنەرگيا جۇيەسىن جەدەل جوبالاۋعا، قۇرۋعا كۇش قوسامىز.
باس شۋجي شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى مەن جۇڭگو حالقىنىڭ ۇزاق ۋاقىتتىق امالياتتىق ىزدەنىسىنىڭ جەتىستىگى، ۇلى دا جاپالى ءىس.
ماناس اۋداندىق پارتكوم تاريح - شەجىرە كەڭسەسىنىڭ مەڭگەرۋشىسى ياڭ جۇڭنيان مىنالاردى ءبىلدىردى: جۇڭگو ۇلگىسىندەگى وسىزامانداندىرۋ − حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ. ادەبيەت - كوركەمونەر قىزمەتكەرى رەتىندە، بۇدان بىلاي تۋىندى ارقىلى بىرتىندەي ءسىڭىرۋ بارىسىندا بۇقارانى مادەنيەت جاعىندا وزىنە سەنۋگە، ءوزىن الۋەتتەندىرۋگە جەتەكتەپ، حالىق بۇقاراسىنىڭ كۇن سايىن ارتىپ وتىرعان رۋحاني مادەنيەت قاجەتىن ۇزدىكسىز قاناعاتتاندىرامىز.
”باس شۋجي شي جينپيڭنىڭ كەزدەسۋ ماجىلىسىندە سويلەگەن ماڭىزدى سوزىنەن ءبىز جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭحۋا ۇلتىنىڭ ۇلى گۇلدەنۋى ۇلى نىساناسىنىڭ، ءسوز جوق، جۇزەگە اساتىندىعىنا اناعۇرلىم كامىل سەنەمىن“. شينجياڭ شەكارادان كىرۋ - شىعۋ، شەكارالىق قورعانىس تەكسەرۋ باس پۋنكتى اقسۋ شەكارا باسقارۋ تارماق اترەتى اكىچيڭ شەكارا ساقشى بولىمشەسىنىڭ باستىعى ابدۇالي سىمايىل مىنالاردى ءبىلدىردى: نەگىزگى ساتى حالىق ساقشىسى رەتىندە، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن ۇزدىكسىز جوعارىلاتىپ، بۇقارا ءۇشىن كوبىرەك جاقسى ءىس ىستەپ، ناقتى ءىس ىستەپ، قيىن ىستەردى شەشىپ، بار كۇشپەن تىنىشتىقتى ساقتايمىز.
10 - ايدىڭ 23 - كۇنى تاڭەرتەڭ ەرتە بۋرىلتوعاي اۋدانى قاراماعاي قالاشىعى دەڭ قىستاعىنىڭ تۇرعىنى مانات نۇردانبەك وتباسىنداعىلارمەن بىرگە ىنگەندەردى ساۋىپ بولىپ، تەلەۆيزوردىڭ الدىنا وتىرا قالىپ كەزدەسۋ ءماجىلىسىنىڭ تىكە تاراتىلىمىنا كوز تىكتى.
2012 - جىلدان باستاپ تۇيە باققان ءارى 2013 - جىلى سيىر، قوي بورداقىلاۋ شارۋالار كاسىپتىك سەلبەستىك كووپەراتيۆىن قۇرعان مانات قازىر قىستاقتاعى بايۋعا باستاۋشىعا اينالعان. ”باس شۋجيدىڭ ءسوزى شۋاقتى ءارى جۇرەككە جاناسىمدى بولدى. ءبىز جاڭا كەزەكتى ورتالىق كوميتەتتىڭ باسشىلىق كوللەكتيۆىن باتىل قولداپ، سەلبەستىك كووپەراتيۆى مۇشەلەرىن عىلمي باعىمشىلىققا باستاپ، پارتيانىڭ حالىققا تيىمدىلىك جاساۋ ساياساتتارىنان تولىق، ويداعىداي پايدالانىپ، ’باعىمشىلىق، سويىس، وڭدەۋ‘ جالپى كاسىپ سالاسى تىزبەگىندىك ورنالاسىمدى بىرتىندەپ قالىپتاستىرىپ، اۋىل - قىستاقتى گۇلدەندىرۋگە كۇش قوسامىز“، - دەدى مانات.
(ءتىلشى جاڭ يۇنمەي، قاتىناسقان تىلشىلەر ليۋ شياڭ، جاڭ جىلي، حي حۇڭۋي، جاڭ يانفاڭ، ياڭ شۋحان، شيە حۇيبيان، سۋ لۋپيڭ، ءپاريزات ابدۇل، جاۋ شييا، چىن چياڭۋي، جاڭ تيڭ، ەرىكتى تىلشىلەر ياڭ شۋاڭلۇڭ، ديڭ لەي، حاۋ زۇڭلياڭ، حۋ جينلياڭ، ۋاڭ چىڭ)
