شي جينپيڭ ارميانىڭ باسشى كادرلار ماجىلىسىنە قاتىناسقاندا بىلاي دەپ باسا دارىپتەدى
پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، ارميا قۇرىلعاندىعىنىڭ 100 جىلدىعى كۇرەس نىساناسىن كۇش سالا جۇزەگە اسىرۋ كەرەك
10 - ايدىڭ 24 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە اشىلعان ارميانىڭ باسشى كادرلار ماجىلىسىنە قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
10 - ايدىڭ 24 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە اشىلعان ارميانىڭ باسشى كادرلار ماجىلىسىنە قاتىناستى ءارى ماڭىزدى ءسوز سويلەدى. سۋرەتتە: ءماجىلىس اشىلاردىڭ الدىندا، شي جينپيڭ ازاتتىق ارميا مەن قارۋلى ساقشى بولىمدەرىنەن پارتيانىڭ 20 - قۇرىلتايىنا قاتىناسقان بارلىق ۋاكىلمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقاندارمەن ىستىق ىقىلاسپەن كەزدەستى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى (ءتىلشى جاڭ ميمي، مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 24 - كۇنى تۇستەن كەيىن ارميانىڭ باسشى كادرلار ماجىلىسىنە قاتىناستى ءارى ماڭىزدى ءسوز سويلەدى. ول مىنالاردى باسا دارىپتەدى: بۇكىل ارميا پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، يدەيالىق جەتەكشىلىكتى كۇشەيتىپ، جاۋاپكەرشىلىك ارقالاۋدى، ىسكەرلىك كورسەتۋدى كۇشەيتىپ، قىزمەتتى تياناقتاندىرۋدى كۇشەيتىپ، ارميا قۇرىلعاندىعىنىڭ 100 جىلدىعى كۇرەس نىساناسىن كۇش سالا جۇزەگە اسىرىپ، ارميانى قۇدىرەتتەندىرۋ ىستەرى دامۋىنىڭ جاڭا جاعدايىن اشۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى حى ۋيدۇڭ، شۇي چيلياڭ جولداس ماجىلىسكە قاتىناستى ءارى ءسوز سويلەدى.
شي جينپيڭ بىلاي دەپ اتاپ كورسەتتى: پارتيا 19 - قۇرىلتايىنان بەرگى 5 جىل ارميامىزدىڭ دامۋ ۇردىسىندەگى اسا وزگەشە، ايرىقشا ەرەكشە 5 جىل بولدى. ورتالىق اسكەري ىستەر كوميتەتى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، بۇكىل ارميانى باستاپ ارميانى ساياسي جاقتان قۇرۋدى، ارميانى رەفورما ارقىلى قۇدىرەتتەندىرۋدى، ارميانى عىلىم - تەحنيكا ارقىلى قۇدىرەتتەندىرۋدى، ارميانى دارىندىلار ارقىلى قۇدىرەتتەندىرۋدى، ارميانى زاڭمەن باسقارۋدى ىشكەرىلەي ىلگەرىلەتىپ، ءبىر جاعىنان، كۇرەس جاساپ، ءبىر جاعىنان، سوعىسقا دايىندالىپ، ەندى ءبىر جاعىنان، قۇرىلىس جۇرگىزىپ، مەملەكەت قورعانىسى مەن ارميا قۇرىلىسىندا ءبىر قىدىرۋ جاڭا كەلەلى تابىستارعا قول جەتكىزىپ، ءبىر قىدىرۋ كەلەلى وزگەرىستەردى جارىققا شىعاردى.
شي جينپيڭ الدىڭعى كەزەكتى ورتالىق اسكەري ىستەر كوميتەتىنىڭ نەگىزگى قىزمەتتەرىن قورىتىندىلادى. ول بىلاي دەپ اتاپ كورسەتتى: 5 جىلدان بەرى ورتالىق اسكەري ىستەر كوميتەتى پارتيانىڭ حالىق ارمياسىنا شارتسىز باسشىلىعىنا تاباندى بولىپ، ساياسي جاقتان رەتتەۋ - جاتتىقتىرۋدى ۇزدىكسىز تەرەڭدەتىپ، اسكەري ستراتەگيالىق جەتەكشىلىككە جاڭالىق ەنگىزىپ، اسكەري كۇرەستى باتىل، يكەمدى جۇرگىزىپ، اسكەر جاتتىقتىرىپ، سوعىسقا دايىندالۋدى ىشكەرىلەي ىلگەرىلەتىپ، جوبالاۋدى، اتقارۋدى بار كۇشپەن ىلگەرىلەتىپ، مەملەكەت قورعانىسى جانە ارميا رەفورماسىن تەرەڭدەتىپ، مەملەكەت قورعانىسى عىلىم - تەحنيكاسىندا جاڭالىق اشۋدى جەدەلدەتىپ، كادرلار مەن دارىندىلار قوسىنى قۇرىلىسىن كۇشەيتىپ، مەملەكەت قورعانىسىن جانە ارميا قۇرىلىسىن زاڭمەن باسقارۋ دەڭگەيىن جوعارىلاتىپ، تاباندىلىقپەن ستيل دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ءبىر تۇلعالانعان مەملەكەت ستراتەگيا جۇيەسى مەن قابىلەتىن قالىپتاستىرۋدى ىلگەرىلەتىپ، پارتيا 18 - قۇرىلتايىنان كەيىنگى ارميانى قۇدىرەتتەندىرۋ ىستەرىنىڭ قاۋىرت دامىعان تاماشا جاعدايىن بەكەمدەپ ءارى كەڭەيتىپ، ارميامىزدىڭ وسىزامانداندىرۋ دەڭگەيى مەن ناقتى سوعىستىق قابىلەتى تاعى ءبىر ارشىندى قاداممەن العا باستى.
شي جينپيڭ بىلاي دەپ باسا دارىپتەدى: ەندى عانا جابىلعان پارتيا 20 - قۇرىلتايى وتە تابىستى اشىلدى، ول جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن اسا ماڭىزدى مانگە يە، ارميا قۇرىلعاندىعىنىڭ 100 جىلدىعى كۇرەس نىساناسىن مەرزىمىندە جۇزەگە اسىرۋ، ارميامىزدى دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ جونىنەن دە اسا كەلەلى مانگە يە. كەزەكتەگى جانە مۇنان بىلايعى ءبىر مەزگىلدە پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − بۇكىل پارتيانىڭ، بۇكىل ەلدىڭ، بۇكىل ارميانىڭ ماڭداي الدى ساياسي مىندەتى. بۇكىل ارميا پارتيا ورتالىق كوميتەتىنىڭ ورنالاستىرۋلارىن مۇقيات دايەكتىلەندىرىپ، دەن قويا جوبالاپ، ۇيىمداستىرىپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ سىندى وسى ءبىر ءىرى ءىستى مىقتاپ يگەرۋ، ويداعىداي يگەرۋ، ءونىمدى يگەرۋ كەرەك. پارتيا 20 - قۇرىلتايىنىڭ نەگىزگى تاقىرىبىن مىقتاپ ارقاۋ ەتىپ، پارتيا 20 - قۇرىلتايىنىڭ بايانداماسى جانە پارتيا ۋستاۆى سياقتى ماڭىزدى حۇجاتتاردى ىشكەرىلەي ۇيرەنىپ، وندا قامتىلعان ماڭىزدى يدەيانى، ماڭىزدى كوزقاراستى، كەلەلى ستراتەگيانى، كەلەلى شارانى ىشكەرىلەي ءتۇسىنىپ، بۇكىل ارميانىڭ يدەياسى مەن ارەكەتىن پارتيا 20 - قۇرىلتايىنىڭ رۋحىمەن بىرلىككە كەلتىرۋ كەرەك.
شي جينپيڭ بىلاي دەپ باسا دارىپتەدى: ارميامىز پارتيا 20 - قۇرىلتايىنىڭ رۋحىن ۇيرەنۋدە، ۇگىتتەۋدە، دايەكتىلەندىرۋدە نازاردى شوعىرلاندىرۋ ءتۇيىنى مەن كۇش سالۋ ءتۇيىنىن ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋعا قويۋ كەرەك. بۇل الداعى 5 جىلداعى ارميامىز قۇرىلىسىنىڭ وزەكتى مىندەتى، ءسوز جوق، بار كۇشپەن ات سالىسىپ، مىندەتتى ۋاعىندا ورىنداۋ كەرەك. جاڭا داۋىردەگى پارتيانىڭ ارميانى قۇدىرەتتەندىرۋ يدەياسى جونىندەگى تۇسىنىكتى، تانىمدى تەرەڭدەتىپ، شىن مانىندە جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ارميانى قۇدىرەتتەندىرۋ ءىسىن ىلگەرىلەتۋدەگى مىعىم كۇشكە اينالدىرۋ كەرەك. العا باسۋ تانىمىن كۇشەيتىپ، ماسەلەنى باعدار ەتۋدەن جازباي، باتىلدىقپەن وزگەرىس ەنگىزۋ، قيىندىقتاردان قامال الۋ بارىسىندا ءورىس اشا العا باسۋ كەرەك. شىنايى يگەرىپ، ناقتى ىستەپ، قاجىرلىلىقپەن قۇلشىنا ىستەپ، ارقالاعان مىندەتتى قاز - قالپىندا ناقتى تياناقتاندىرىپ، ارميا قۇرىلعاندىعىنىڭ 100 جىلدىعى كۇرەس نىساناسىن مەرزىمىندە جۇزەگە اسىرۋعا شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: پارتيا 20 - كەزەكتى ورتالىق كوميتەتى ءبىرىنشى جالپى ءماجىلىسى جاڭا كەزەكتى ورتالىق اسكەري ىستەر كوميتەتىنىڭ قۇرامىنداعىلاردى ۇيعاردى، بۇل پارتيا ورتالىق كوميتەتىنىڭ پارتيا، مەملەكەت، ارميا ىستەرى جالپى جاعدايىن شىعار ءتۇيىن ەتە وتىرىپ جاساعان كەلەلى ساياسي ورنالاستىرۋى. اسكەري ىستەر كوميتەتى القاسىنداعىلار پارتيا مەن حالىقتىڭ تاپسىرماسىن ەستە بەرىك ساقتاپ، بۇكىل ارمياداعى وفيتسەر - اسكەرلەردىڭ ءۇمىتىن ەستە بەرىك ساقتاپ، اسكەري ىستەر كوميتەتىنىڭ قىزمەتىن ىجداعاتتىلىقپەن جاقسى ىستەۋ كەرەك. بۇكىل ارميانىڭ جوعارى دارەجەلى كادرلارى ساياسيدى دارىپتەۋى، سوعىس جۇرگىزە الۋى، جاڭالىق اشۋعا شەبەر بولۋى، ناقتى ىستەۋگە ءمان بەرۋى، ءوزىن قاتاڭ تارتىپكە سالۋى، ارقالاعان قىزمەت جاۋاپكەرشىلىگىن ويداعىداي اتقارۋى كەرەك.
شي جينپيڭ بىلاي دەپ باسا دارىپتەدى: بۇكىل ارميانىڭ ءار دارەجەلى ورىندارى اسكەري ىستەر كوميتەتى بەلگىلەگەن ورنالاستىرۋ بويىنشا جىل اياعىنا دەيىنگى ءتۇرلى قىزمەتتەردى جاقسى ىستەپ، جىلدىق مىندەتتىڭ جاقسى ورىندالۋىنا شىنايى كەپىلدىك ەتۋ كەرەك. جاڭا جاعداي مەن مىندەت تالابىن يگەرىپ، جاڭا جىلدىق قىزمەت جوباسىن ويداعىداي جاساپ، كەلەر جىلعى بۇكىل ارميا قىزمەتىندە جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋ كەرەك.
ءماجىلىس اشىلاردىڭ الدىندا، شي جينپيڭ ازاتتىق ارميا مەن قارۋلى ساقشى بولىمدەرىنەن پارتيانىڭ 20 - قۇرىلتايىنا قاتىناسقان بارلىق ۋاكىلمەن، ۇسىنىس ەتىلگەن ۋاكىلدەرمەن جانە سىرتتاي قاتىناسقاندارمەن ىستىق ىقىلاسپەن كەزدەستى ءارى ولارمەن ەستەلىك سۋرەتكە ءتۇستى.
مەملەكەتتىك كەڭەستىڭ مۇشەسى، قوسىمشا مەملەكەت قورعانىس مينيسترى ۋي فىڭحى، ورتالىق اسكەري ىستەر كوميتەتىنىڭ مۇشەلەرى لي شاڭفۋ، ليۋ جىنلي، مياۋ حۋا، جاڭ شىڭمين، سونداي - اق لي زوچىڭ جولداس ماجىلىسكە قاتىناستى. اسكەري ىستەر كوميتەتى ورگانىنىڭ ءارقايسى تاراۋ - كوميتەتتەرى، اسكەري ىستەر كوميتەتىنە توتە قاراستى ءارقايسى قۇرىلىمدارداعى، اسكەري ىستەر كوميتەتىنىڭ بىرلەسكەن قولباسشىلىق ورتالىعىنداعى، ءارقايسى سوعىس رايوندارىنداعى، ءارقايسى ارميا، اسكەر تۇرلەرىندەگى، اسكەري ىستەر كوميتەتىنە توتە قاراستى ءارقايسى ورىندارداعى، قارۋلى ساقشى بولىمدەرىندەگى نەگىزگى جاۋاپتى جولداستار قاتارلىلار ماجىلىسكە قاتىناستى.
