شينحۋا اگەنتتىگى كولەمدى ادەبي حابار تاراتتى
«جاڭا داۋىردەگى جاڭا جورىقتىڭ تىڭ شۇعىلاسىنا جول باستاعان پارمەندى باسشىلىق كوللەكتيۆ − پارتيانىڭ جاڭا كەزەكتى ورتالىق كوميتەت باسشىلىق قۇرىلىمىنىڭ جارىققا شىعۋى تۋرالى ەستەلىك»
شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى. شينحۋا اگەنتتىگى 10 - ايدىڭ 24 - كۇنى «جاڭا داۋىردەگى جاڭا جورىقتىڭ تىڭ شۇعىلاسىنا جول باستاعان پارمەندى باسشىلىق كوللەكتيۆ − پارتيانىڭ جاڭا كەزەكتى ورتالىق كوميتەت باسشىلىق قۇرىلىمىنىڭ جارىققا شىعۋى تۋرالى ەستەلىك» اتتى كولەمدى ادەبي حابار تاراتتى.
ماقالادا بىلاي دەلىندى: 100 جىلدىق شۇعىلالى بارىستى باسىپ ءوتىپ، جاڭا ءداۋىر جورىعىنا قادام تاستاعان ۇلى جۇڭگو كوممۋنيستىك پارتياسى تاعى ءبىر كەلەلى تاريحي مانگە يە بەلگى سيپاتتى ءساتتى قارسى الدى −
2022 - جىلى 10 - ايدىڭ 23 - كۇنى تۇستەن بۇرىن. بەيجيڭ حالىق سارايى.
قىزۋ قول شاپالاق ءۇنى ىشىندە جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى 20 - كەزەكتى ورتالىق كوميتەتتىڭ 24 ادامنان قۇرالعان ساياسي بيۋروسىن سايلاپ شىقتى، شي جينپيڭدى، لي چياڭدى، جاۋ لىجيدى، ۋاڭ حۋنيڭدى، ساي چيدى، ديڭ شۋەشياڭدى، لي شيدى ورتالىق كوميتەت ساياسي بيۋروسىنىڭ تۇراقتى مۇشەلىگىنە سايلادى، شي جينپيڭدى ورتالىق كوميتەتتىڭ باس شۋجيلىگىنە سايلادى؛ ورتالىق كوميتەت شۋجيچۋىنىڭ قۇرامىنداعىلاردى ماقۇلدادى؛ ورتالىق اسكەري ىستەر كوميتەتىنىڭ قۇرامىنداعىلاردى بەلگىلەدى؛ 20 - كەزەكتى ورتالىق ءتارتىپ تەكسەرۋ كوميتەتىنىڭ ءبىرىنشى جالپى ماجىلىسىندە سايلانعان باسشىلىق قۇرىلىمىن بەكىتتى.
دەر شاعىندا ەسكەك ەسىپ، جەلكەن كوتەرىپ، تاعى ساپارعا اتتاندى.
ماقالادا بىلاي دەلىندى: شي جينپيڭ جولداستى ۇيتقى ەتكەن جاڭا كەزەكتى ورتالىق كوميتەت باسشىلىق كوللەكتيۆى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، قايراتتانا العا ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى نىساناسىنا قاراي جىگەرلەنە العا باستى.
ماقالا 4 بولىككە بولىنگەن: رول ۇستاپ، جول باستاپ، گۇلدەنۋ ۇلى ىسىنە جول اشتى − باس شۋجي شي جينپيڭ جاڭا داۋىردەگى جاڭا جورىقتا رول ۇستاپ، جول باستاپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىن جۇرەكتەن قۇرمەتتەۋىنە جانە قولداۋىنا يە بولدى، بۇكىل پارتيا ”ەكىنى تۇراقتاندىرۋدى“ باتىل قولدادى، ”ەكىنى قورعاۋدى“ باتىل ورىندادى؛ بيىكتەن الىستى بولجاپ، جارامدىلاردى مىندەتكە قويۋعا كۇش سالدى − پارتيا ىستەرىندە الدىڭعىلاردىڭ ءىزىن باسىپ بولاشاققا جول اشۋدى جانە مەملەكەتتىڭ باياندى تىنىشتىعىن كوزدەي وتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا كەزەكتى ورتالىق كوميتەت باسشىلىق قۇرىلىمىنىڭ كانديداتتارىن اقىلداسۋ، كورسەتۋ قىزمەتىن ءبىر تۇتاس جوسپارلادى؛ عىلمي، دەموكراتيالى بولىپ، كەڭ كولەمدى ورتاق تانىم ۇيىستىردى − جاڭا كەزەكتى ورتالىق كوميتەت باسشىلىق قۇرىلىمى كانديداتتارىنىڭ جارىققا شىعۋى پارتيامىزدىڭ دەموكراتيانى تولىق ساۋلەلەندىرەتىن، بۇكىل پارتيانىڭ اقىل - پاراساتىن شوعىرلاندىرۋعا شەبەر تاڭداۋلى ءداستۇرى مەن ستيلىن تولىق ايگىلەپ، 100 جىلدىق ءىرى پارتيانىڭ جارامدىلاردى تاڭداپ مىندەتكە قويۋداعى كورنەكتى ابزالدىلىعى مەن باعالى تاجىريبەلەرىن ايگىلەدى؛ قايراتتانا العا ۇمتىلىپ، شىت جاڭا تاراۋ جازدى − جاڭا كەزەكتى ورتالىق كوميتەتتىڭ باسشىلىق قۇرىلىمىنا بۇكىل پارتيانىڭ ءار جاقتاعى تاڭداۋلى بيلىك جۇرگىزۋ تىرەكتىلەرى توپتالدى، ولار بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ، جاڭا ەمتيحان تاپسىرۋ جولىمەن ويداعىداي ءجۇرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەدى.
ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن جاڭا كەزەكتى ورتالىق كوميتەت باسشىلىق كوللەكتيۆى، ءسوز جوق، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن باستاپ، جاڭا ەمتيحان تاپسىرۋ جولىنا باتىل قادام تاستاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزىپ، جۇڭحۋا ۇلتىنىڭ جاڭا داۋىردەگى جاڭا جورىقتا اناعۇرلىم اسقاق بەينەمەن دۇنيە جۇزىندەگى ۇلتتار قاتارىندا ەڭسە كوتەرىپ تۇرۋىنا مۇمكىندىك جاسايدى!
اۋىر مىندەت جۇكتەلدى، الدان نۇرلى بولاشاق كۇتەدى، حالىقتى ىنتىماقتاستىرىپ جانە باستاپ 100 جىلدىق شۇعىلالى ناتيجە جاراتقان پارتيانىڭ بۇدان كەيىن دە حالىقتى ىنتىماقتاستىرىپ جانە باستاپ، ماڭگىلىك ۇلى ءىستى جۇزەگە اسىراتىندىعى ءسوزسىز.
