جۇڭگو كوممۋنيستىك پارتياسى ورتالىق كوميتەتىنىڭ ءارقايسى دەموكراتيالىق پارتيا - توپتاردىڭ ورتالىق كوميتەتتەرىنە، مەملەكەتتىك ساۋدا - ونەركاسىپشىلەر بىرلەستىگىنە جولداعان العىس حاتى
جۇڭگو گومينداڭ توڭكەرىستىك كوميتەتى ورتالىق كوميتەتى
جۇڭگو دەموكراتيالىق وداعى ورتالىق كوميتەتى
جۇڭگو دەموكراتيالىق مەملەكەت قۇرۋ قوعامى ورتالىق كوميتەتى
جۇڭگو دەموكراتيانى ىلگەرىلەتۋ قوعامى ورتالىق كوميتەتى
جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى
جۇڭگو ادىلەت پارتياسى ورتالىق كوميتەتى
3 - قىركۇيەك ءىلمي قوعامى ورتالىق كوميتەتى
تايۋان دەموكراتيالىق اۆتونوميا وداعى ورتالىق كوميتەتى
جۇڭحۋا مەملەكەتتىك ساۋدا - ونەركاسىپشىلەر بىرلەستىگى:
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى سالتاناتپەن اشىلۋ قارساڭىندا، قۇرىلتاي سىزدەردىڭ ىستىق ىقىلاستى قۇتتىقتاۋ حاتتارىڭىزدى تاپسىرىپ الدى. جۇڭگو كوممۋنيستىك پارتياسى ورتالىق كوميتەتى سىزدەرگە شىن جۇرەكتەن العىس ايتادى جانە شىنايى سالەم جولدايدى!
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى − بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان توتەنشە ماڭىزدى قۇرىلتاي. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، وتكەن 5 جىلداعى قىزمەتتەردى مۇقيات قورىتىندىلاپ، جاڭا داۋىردەن بەرگى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمگە تاباندى بولۋدا جانە ونى دامىتۋدا قول جەتكىزگەن كەلەلى تابىستارى مەن قۇندى تاجىريبەلەرىن جاپپاي قورىتىندىلاپ، حالىقارا، ەل ءىشى جاعدايىنا ىشكەرىلەي تالداۋ جاساپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ جاڭا تالاپتارىن، حالىق بۇقاراسىنىڭ جاڭا ارمان - تىلەگىن جاپپاي يگەرىپ، ارەكەت تۇعىرناماسى مەن كەلەلى باعىت - ساياساتتاردى بەلگىلەپ، بۇكىل پارتيا، بۇكىل ەلدەگى ءار ۇلت حالقىن تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، ءتۇبىرلى پرينسيپتەن اينىماي جاڭالىق اشىپ، ەرلىكپەن العا باسۋعا جۇمىلدىرىپ، ”بەستى ءبىر تۇلعالاندىرۋ“ جالپىلىق ورنالاستىرۋىن ۇزدىكسىز ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جالپى حالىقتىڭ بىرگە بايۋىن ۇزدىكسىز تىڭعىلىقتى ىلگەرىلەتىپ، پارتيا قۇرىلىسىنىڭ تىڭ دا ۇلى ينجەنەرياسىن ۇزدىكسىز پارمەندى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز بەلسەنە ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزدى. قۇرىلتاي ءتۇرلى كەڭەستىك تارتىپتەردى تولىق ورىنداپ، توتەنشە تابىستى اشىلدى، بۇل بۇكىل ەلدەگى ءار ۇلت حالقىن جۇڭگوشا سوتسياليزمنىڭ تىڭ جەڭىستەرىنە قول جەتكىزۋ جولىندا كۇرەسۋگە ىنتىماقتاستىرۋدا جانە جىگەرلەندىرۋدە كەلەلى ماڭىز الادى.
بيىل بىرلىكساپ ساياساتى العا قويىلعاندىعىنىڭ 100 جىلدىعى، جۇڭگو كوممۋنيستىك پارتياسى بىرلىكساپ قىزمەتىنە باستان - اياق جالپى جاعداي جانە ستراتەگيالىق تۇرعىدان ايرىقشا ءمان بەرىپ كەلەدى. بىرلىكساپ جۇڭگو كوممۋنيستىك پارتياسىنىڭ عاسىرلىق كۇرەسىنىڭ تاريحي تاجىريبەلەرىنىڭ ءبىرى رەتىندە جاۋدى جەڭىپ، جەڭىسكە جەتۋدىڭ، بيلىك جۇرگىزىپ، ەلدى كوركەيتۋدىڭ ماڭىزدى اسىلى، ەل ءىشى - سىرتىنداعى بارلىق جۇڭحۋا ۇلاندارىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى اسىلى. ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، ءارقايسى دەموكراتيالىق پارتيا - توپتارمەن، ساۋدا - ونەركاسىپشىلەر بىرلەستىگىمەن جانە پارتيادا، توپتا جوق قايراتكەرلەرمەن ىنتىماقتاسىپ، ءبىر جاعادان باس، ءبىر جەڭنەن قول شىعارىپ، تىزە قوسا كۇرەس جۇرگىزىپ، جۇڭگوشا سوتسياليزم ۇلى ىسىنە ورتاق كۇش سالۋ جۇڭگو كوممۋنيستىك پارتياسىنىڭ باستان - اياق اينىماس ستراتەگيالىق باعىتى. جۇڭگوشا سوتسياليزمنىڭ جاڭا داۋىرگە وتۋىنە بايلانىستى، جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي دوڭگەلەك داۋلەتتى قوعام قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىن باستادى. جاڭا جورىقتا ءبىز جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي كەڭەس تۇزىمىنە بۇلجىماي تاباندى بولىپ جانە ونى كەمەلدەندىرىپ، ۇزاق ۋاقىت قاتار تۇرۋ، ءوزارا باقىلاۋ، شىن پەيىلمەن ادال بولۋ، داڭق پەن نامىستا بىرگە بولۋ باعىتىن بۇلجىماي دايەكتىلەندىرىپ، وتانشىلدىق، سوتسياليزم ۇلى تۋىن باستان - اياق بيىك ۇستاپ، ۇلى ىنتىماق، ۇلى بىرلىككە باستان - اياق تاباندى بولىپ، دەموكراتيالىق پارتيا - توپتاردىڭ يدەيا - ساياسي، ۇيىمدىق، مىندەت وتەۋ قابىلەتى، ستيل جانە ءتۇزىم قۇرىلىسىن جاپپاي ىلگەرىلەتۋىن قولداپ، ەلىمىزدىڭ جاڭاشا ساياسي پارتيا ءتۇزىمىنىڭ ابزالدىلىعى مەن ەرەكشەلىگىن ايگىلەپ، ساۋدا - ونەركاسىپشىلەر بىرلەستىگىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، جالپىلىق مەنشىككە جاتپايتىن ەكونوميكانىڭ اقاۋسىز دامۋىن جانە جالپىلىق مەنشىككە جاتپايتىن ەكونوميكا قايراتكەرلەرىنىڭ اقاۋسىز ءوسىپ - جەتىلۋىن جەبەپ، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا بەلگىلەنگەن ۇلى نىسانانى جۇزەگە اسىرۋ جولىندا زەيىن - زەردە، كۇش - قۋات توپتاپ، بىرلىكساپ پەن كوپ پارتيا سەلبەستىگى ىستەرى دامۋىنىڭ جاڭا تاراۋىن بىرگە جازامىز.
شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە تىعىز ىنتىماقتاسىپ، كۇش ۇستىنە كۇش قوسىپ، قايسارلىقپەن كۇرەس جۇرگىزىپ، قيىندىقتاردان قامال الىپ، جۇڭگوشا سوتسياليزمنىڭ جاڭا جاعدايىن ۇزدىكسىز اشىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەيىك!
قۇرمەتپەن:
جۇڭگو كوممۋنيستىك پارتياسى ورتالىق كوميتەتى
2022 - جىلى 10 - ايدىڭ 24 - كۇنى
(شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى)
