انار بۇلت \ شينجياڭ گازەتىنىڭ ءتىلشىسى ليۋ شياڭ 10 - ايدىڭ 24 - كۇنى ۇرىمجىدەن حابارلايدى. 10 - ايدىڭ 24 - كۇنى تۇستە جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناسقان شينجياڭ ۋاكىلدەر ۇيىرمەسىنىڭ ۋاكىلدەرى قۇرىلتايداعى ءتۇرلى مىندەتتەردى تابىسپەن ورىنداعاننان كەيىن ۇشاقپەن ۇرىمجىگە قايتىپ كەلدى.
قۇرىلتاي كەزىندە پارتيا 20 - قۇرىلتايىنا قاتىناسقان شينجياڭ ۋاكىلدەر ۇيىرمەسىنىڭ ۋاكىلدەرى بورىش، جاۋاپكەرشىلىك ارقالاپ، پارتيا تىلەگىن، حالىق تىلەگىن جالعاپ، وسكەلەڭ ساياسي جاۋاپكەرشىلىك سەزىممەن جانە كوتەرىڭكى رۋحاني كۇيمەن قاسيەتتى مىندەت جاۋاپكەرشىلىگىن دەن قويا اتقارىپ، باياندامانى ۇيرەنۋ، تالقىلاۋ، قۇرىلتاي حۇجاتتارىن قاراۋ، سايلاۋ، داۋىس بەرۋ سياقتى قۇرىلتاي تاپسىرعان ءتۇرلى مىندەتتەردى تابىسپەن ورىندادى.
جاڭا جورىق داڭققا جانە ارمانعا تولى ۇزاق جورىق. قىزمەت ورىندارىنا قايتىپ بارۋ الدىنداعى ۋاكىلدەر تەبىرەنىپ، رۋحى سەرپىلە ءتۇستى.
”پارتيا 20 - قۇرىلتايىنىڭ رۋحىن قىستاقتاعى ءار ۇلت پارتيا مۇشەلەرىنە، كادرلارعا، بۇقاراعا، ءسوز جوق، جەتكىزىپ، نەگىزگى ساتى پارتيا ۇيىمىن ونان ارى ويداعىداي قۇرىپ، پارمەندى پارتيا مۇشەلەرى قوسىنىن تۇلعالاپ، اۋىل - قىستاقتى گۇلدەندىرۋ قىزمەتىنە تاعى دا ەسەمدى قوسامىن“! - دەدى ۋاكىل حاۋ شياڭلي.
ۋاكىل رىزۋانگۇل ساۋۇت: ”پارتيا 20 - قۇرىلتايىنىڭ ۋاكىلى رەتىندە، پارتيا 20 - قۇرىلتايىنىڭ رۋحىن ويداعىداي باستاماشىلدىقپەن ۇيرەنۋشى، ۇگىتتەۋشى جانە امالياتتا ايگىلەۋشى بولا ءبىلىپ، بۇقارا كوڭىل بولگەن، نازار اۋدارعان ىستەردى دەن قويا، سۇيىسپەنشىلىكپەن ويداعىداي شەشىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەمىن“، - دەدى.
ۋاكىلدەر ءبىر اۋىزدان مىنالاردى ءبىلدىردى: ۋاكىلدەردىڭ ۇلگىلىك، ونەگەلىك رولىن تولىق ساۋلەلەندىرىپ، پارتيا 20 - قۇرىلتايىنىڭ رۋحىن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، ءىس جۇزىندىك ارەكەتىمىز ارقىلى ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، پارتيا 20 - قۇرىلتايىنىڭ بايانداماسىندا بەلگىلەنگەن مىندەتتەردىڭ شينجياڭدا تامىر تارتىپ، تياناقتانىپ، گۇل اشىپ، جەمىس بەرۋىنە شىنايى كەپىلدىك ەتىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تەلەگەي كۇش توپتايمىز.
