− جۇڭگو كوممۋنيستىك پارتياسى ورتالىق كوميتەتى اقپار جاريالاۋ ءماجىلىسىن وتكىزىپ، پارتيا 20 - قۇرىلتايىنىڭ بايانداماسىن ءتۇسىندىردى
□ شينحۋا اگەنتتىگىنىڭ تىلشىلەرى جاڭ يان، دۇڭ بوتيڭ
10 - ايدىڭ 24 - كۇنى تۇستەن بۇرىن، جۇڭگو كوممۋنيستىك پارتياسى ورتالىق كوميتەتى اقپار جاريالاۋ ءماجىلىسىن وتكىزىپ، پارتيا 20 - قۇرىلتايىنىڭ بايانداماسىن تانىستىرىپ ءتۇسىندىردى. ورتالىق ساياسي - زاڭ كوميتەتىنىڭ باس حاتشىسى چىن يشين، ورتالىق ساياسات زەرتتەۋ كەڭسەسىنىڭ مەڭگەرۋشىسى جياڭ جينچۋان، ورتالىق رەفورمانى جاپپاي تەرەڭدەتۋ كوميتەتى كەڭسەسىنىڭ ۇنەمىلىك قىزمەتكە جاۋاپتى ورىنباسار مەڭگەرۋشىسى، مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى مۋ حۇڭ، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ۇگىت ءبولىمىنىڭ باستىعى ۋاڭ جيانشين، ورتالىق كوميتەت كەڭسەسىنىڭ ورىنباسار مەڭگەرۋشىسى، قوسىمشا تەكسەرۋ - زەرتتەۋ كەڭسەسىنىڭ مەڭگەرۋشىسى تاڭ فاڭيۇي، ورتالىق كوميتەت ۇگىت ءبولىمىنىڭ ورىنباسار باستىعى سۇن يەلي قاتارلى قاتىستى جاقتاردىڭ جاۋاپتىلارى پارتيا 20 - قۇرىلتايىنىڭ بايانداماسىن ءتۇسىندىردى ءارى تىلشىلەردىڭ كوڭىل ءبولىپ وتىرعان ماسەلەلەرىنە جاۋاپ بەردى.
جاڭا ءداۋىردىڭ 10 جىلىنداعى ۇلى وزگەرىستەر − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنىڭ، قايسارلىقپەن شايقاس جاساۋىنىڭ ناتيجەسى
ورتالىق ساياسات زەرتتەۋ كەڭسەسىنىڭ مەڭگەرۋشىسى جياڭ جينچۋان مىنالاردى ءبىلدىردى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان توتەنشە ماڭىزدى قۇرىلتاي، تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي. قۇرىلتاي ماقۇلداعان بايانداما حالىقارا، ەل ءىشى جاعدايىنا تالداۋ جاسادى، قۇرىلتايدىڭ باستى تاقىرىبىن العا قويدى، وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەرگە قايىرىلا قارادى جانە ونى قورىتىندىلادى، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابى سياقتى كەلەلى ماسەلەلەردى بايىمدادى، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ايبىندى جوباسى مەن امالياتتىق جولىن كەسكىندەدى، الداعى 5 جىلداعى پارتيا مەن مەملەكەت ىستەرىنىڭ دامۋىنا كەلەلى باعىت - ساياسات بەلگىلەپ، جاپپاي ورنالاستىرۋ جاسادى، جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جۇڭگوشا سوتسياليزمنىڭ تىڭ جەڭىسىنە قول جەتكىزۋىنىڭ ساياسي جارناماسى جانە ارەكەت تۇعىرناماسى، ماركسيزمدىك تۇعىرنامالىق حۇجات.
جياڭ جينچۋان مىنالاردى ءبىلدىردى: پارتيا 20 - قۇرىلتايىنىڭ بايانداماسى − پارتيا ىشىندەگى دەموكراتيا مەن جالپى بارىستىق حالىق دەموكراتياسىن تولىق ساۋلەلەندىرۋدىڭ، بۇكىل پارتيانىڭ، بۇكىل ەل حالقىنىڭ اقىل - پاراساتىن شوعىرلاندىرۋدىڭ جاۋھارى. پارتيا ورتالىق كوميتەتى ەكى رەت پارتيا ىشىندە بەلگىلى كولەمدە پىكىر الدى، پىكىر الىنعان ادام 4700دەن استامعا جەتتى، سونداي - اق ينتەرنەت ارقىلى قوعامنان اشىق پىكىر الدى، جينالعان پىكىر 8 ميلليون 500 مىڭنان استى، جاڭا داۋىردەگى پارتيا مەن حالىقتىڭ امالياتتىق تاجىريبەسى مەن نازاريالىق جاسامپازدىعىنىڭ جەتىستىگىن شوعىرلى ايگىلەپ، بۇكىل پارتيانىڭ، بۇكىل قوعامنىڭ اقىل - پاراساتىن ۇيىستىردى، حالىق بۇقاراسىنىڭ كۇتكەن ۇمىتىنە ۇيلەستى، پارتيانىڭ حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋىنا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىنە كەلەلى دە تەرەڭ ىقپال جاسايتىندىعى ءسوزسىز، سونداي - اق حالىقارالىق قوعامنىڭ جۇڭگو كوممۋنيستىك پارتياسىنىڭ بيلىك جۇرگىزۋ ۇستانىمىن، بيلىك جۇرگىزۋ ءتاسىلىن، بيلىك جۇرگىزۋ قابىلەتىن ونان ارى تۇسىنۋىنە پايدالى بولاتىندىعى دا ءسوزسىز.
پارتيا 20 - قۇرىلتايىنىڭ بايانداماسى 10 جىلدان بەرگى ۇلى وزگەرىستەردى 16 جاقتان قورىتىندىلادى جانە جيناقتادى، جياڭ جينچۋان بىلاي دەپ قارادى: ەڭ بەلگى سيپاتتى ماڭىزعا يە 6 جاعى بار، ءبىرىنشى، ”ەكىنى تۇراقتاندىرۋدىڭ“ كەلەلى ساياسي جەتىستىگىنە قول جەتكىزدى، ەكىنشى، جۇڭگو كوممۋنيستىك پارتياسى توڭكەرىستىك شىڭدالۋ بارىسىندا اناعۇرلىم باتىل دا پارمەندى بولدى، ءۇشىنشى، جاپپاي دوڭگەلەك داۋلەتتى قوعام ورناتۋ نىساناسىن جەڭىسپەن جۇزەگە اسىردى، ءتورتىنشى، مەملەكەت حاۋىپسىزدىگىن قورعاۋ قابىلەتى كورنەكتى جوعارىلادى، بەسىنشى، ەلىمىزدىڭ حالىقارالىق ورنى كورنەكتى جوعارىلادى، التىنشى، ەلىمىزدىڭ ءتۇزىم ابزالدىلىعى اناعۇرلىم كورنەكتىلەنە ءتۇستى.
”وسى ۇلى وزگەرىستەر − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنىڭ، قايسارلىقپەن كۇرەس جاساۋىنىڭ ناتيجەسى، پارتيا مەن حالىق بىرگە قۇلشىنۋ ارقىلى قول جەتكىزگەن، ەڭبەك ەتۋ ارقىلى قول جەتكىزگەن، كۇرەس جۇرگىزۋ ارقىلى قول جەتكىزگەن، ءسوز جوق، ماڭگى تاريحتا قالادى، تالاي زامان شۇعىلا شاشادى“، - دەدى جياڭ جينچۋان.
ءتىلشىنىڭ سۇراۋىنا جاۋاپ بەرگەندە جياڭ جينچۋان مىنالاردى ءبىلدىردى: جاڭا ءداۋىردىڭ 10 جىلىنداعى ۇلى وزگەرىستەر − جان - جاقتىلى، تۇبەگەيلى، اۋقىمدى، ولاردىڭ ىقپالى جالپى جاعدايلىق سيپاتقا، تاريحي سيپاتقا يە، سوندىقتان ”ۇلى وزگەرىستەر“ دەپ اتالدى. جاڭا ءداۋىردىڭ 10 جىلىنداعى ۇلى وزگەرىستەر بەلەستىك مانگە يە: ۇلتتى گۇلدەندىرۋ ۇلى ءىسىنىڭ پارمەندى باسشىلىق ۇيتقىسىن شىڭداپ، جۇڭحۋا ۇلتىنىڭ ۇلى گۇلدەنۋىنىڭ كەرى قايتارۋعا كەلمەيتىن تاريحي ۇردىسكە قادام تاستاۋىن ىلگەرىلەتىپ، جۇڭگو حالقىنىڭ ءتىپتى دە وزىنە سەنۋىنە، ءوز كۇشىنە سۇيەنۋىنە، ءوزىن الۋەتتەندىرۋىنە دەم بەرىپ، دۇنيە ءجۇزىنىڭ بەيبىتشىلىگى مەن دامۋىنا قۋاتتى وڭ ەنەرگيا ۇستەپ، ماركسيزمنىڭ قۇدىرەتتى ومىرشەڭدىگىن ايگىلەدى.
”ەكىنى ۇشتاستىرۋدى“، ”التىعا، ءسوز جوق، تاباندى بولۋدى“ ورىنداپ، ماركسيزمنىڭ جۇڭگوشالانۋىن، زامانالانۋىن ىلگەرىلەتتى
پارتيا 20 - قۇرىلتايى بايانداماسىنىڭ 2 - بولىگى نازاريالىق جاسامپازدىقتى ارناۋلى بايىمدادى. ورتالىق كوميتەت ۇگىت ءبولىمىنىڭ ورىنباسار باستىعى سۇن يەلي مىنانى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرىسىن جۇزەگە اسىردى. پارتيا 19 - قۇرىلتايى، 19 - كەزەكتى ورتالىق كوميتەتتىڭ التىنشى جالپى ءماجىلىسى وسى يدەيانىڭ باستى مازمۇنىن جيناقتادى، ءبىز وعان، ءسوز جوق، ۇزاق ۋاقىت تاباندى بولۋىمىز ءارى ونى ۇزدىكسىز بايىتۋىمىز، دامىتۋىمىز كەرەك.
پارتيا 20 - قۇرىلتايىنىڭ بايانداماسى ”ەكىنى ۇشتاستىرۋدى“، ياعني ماركسيزمنىڭ نەگىزگى قاعيدالارىن جۇڭگونىڭ ناقتى ءىس جۇزىندىگىمەن ۇشتاستىرۋدى، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدى بايىمدادى. سۇن يەلي مىنالاردى ءبىلدىردى: وسى ”ەكىنى ۇشتاستىرۋ“ پارتيامىزدىڭ ماركسيزمگە تاباندى بولۋ جانە ونى دامىتۋ جونىندەگى زاڭدىلىق تانىمىن تەرەڭدەتتى، سونداي - اق ءبىزدىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ءتۇسىنۋىمىزدىڭ جانە يگەرۋىمىزدىڭ تەتىگى بولىپ تابىلادى.
”ءبىرىنشى ۇشتاستىرۋ − جۇڭگونىڭ ناقتى ءىس جۇزىندىگىمەن ۇشتاستىرۋ، ونى پارتيامىز باستان - اياق دارىپتەدى ءارى تاباندى بولدى، ول جۇڭگو كوممۋنيستىك پارتياسىنىڭ 100 جىلدىق تاريحىنداعى ەڭ قىمباتتى تاجىريبە، پارتيا ىستەرىنىڭ ۇزدىكسىز تابىسقا جەتۋىنىڭ اسىلى“. سۇن يەلي مىنالاردى ءبىلدىردى: باس شۋجي شي جينپيڭ باياندامادا ”ماركسيزمدى مۇلدە وزگەرمەيتىن دوگما ساناۋعا بولمايتىندىعىن“ باسا دارىپتەدى، ”ءبىزدىڭ، ءسوز جوق، يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ، ناقتى ىستەۋگە تاباندى بولىپ، بارلىعىندا ءىس جۇزىندىكتى شىعار ءتۇيىن ەتۋىمىز كەرەكتىگىن“ باسا دارىپتەدى. بۇل پارتيامىزدىڭ يدەيالىق لۋشيانىنىڭ نەگىزگى مازمۇنى، شي جينپيڭ جاڭا ءداۋىر جۇڭگوشا سوتسياليزم يدەياسى وسى يدەيالىق لۋشيانعا بويسۇنىپ قالىپتاسقان، سونداي - اق، ءسوز جوق، وسى ءبىر يدەيالىق لۋشياندى ۇزدىكسىز بايىتۋعا، دامىتۋعا بويسۇنادى.
”ەكىنشى ۇشتاستىرۋ، ءسوز جوق، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋ كەرەك. مۇنى باس شۋجي شي جينپيڭ پارتيا قۇرىلعاندىعىنىڭ 100 جىلدىعىن قۇتتىقتاۋ جينالىسىندا العا قويعان، پارتيا 20 - قۇرىلتايىنىڭ بايانداماسىندا تاعى دا ىشكەرىلەي بايىمدادى. بۇل پارتيانىڭ نازارياسىندا تاعى ءبىر كەلەلى جاڭالىق اشۋ بولدى، پارتيامىزدىڭ نازاريالىق جاسامپازدىعىنىڭ جاڭا ارناسىن اشتى“. سۇن يەلي مىنالاردى ءبىلدىردى: بۇل تاريحتى تەرەڭدەي قورىتىندىلاۋ، زاڭدىلىقتى تەرەڭدەي اشۋ ءارى بولاشاق نازاريالىق دامۋعا دۇرىس جەتەكشىلىك ەتۋ، جۇڭگو كوممۋنيستەرىنىڭ تىڭ ويانۋىنا، تىڭ تانىم بيىگىنە ۋاكىلدىك ەتتى، سونداي - اق ءبىزدىڭ جۇڭگو كوممۋنيستىك پارتياسى مەن جۇڭگو حالقىنىڭ كۇشتى مادەنيەت سەنىمى مەن مادەنيەت سانالىلىعىن دا ايگىلەدى.
پارتيا 20 - قۇرىلتايىنىڭ بايانداماسى تاعى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن بايىمدادى، ياعني ”التىعا، ءسوز جوق، تاباندى بولۋ“: حالىقتى بارىنەن جوعارى قويۋعا تاباندى بولۋ، سەنىمدى، دەربەس بولۋعا تاباندى بولۋ، ءتۇبىرلى پرينسيپتەن اينىماي، جاڭالىق اشۋعا تاباندى بولۋ، ماسەلەنى باعدار ەتۋگە تاباندى بولۋ، جۇيە كوزقاراسىنا تاباندى بولۋ، دۇنيەگە كەڭ پەيىل بولۋعا تاباندى بولۋ. ”بۇل وسى ءبىر عىلمي يدەيانىڭ نازاريالىق قاسيەتى مەن ايقىن ەرەكشەلىگىن تەرەڭدەي اشىپ كورسەتتى، ءبىز وسى ءبىر يدەيانى ۇيرەنۋدە، امالياتتا ايگىلەۋدە، ءسوز جوق، وسى نەگىزگى تۇيىندەردى مىقتى يگەرۋىمىز، وسى نەگىزگى تۇيىندەرگە باستان - اياق تاباندى بولۋىمىز كەرەك“، - دەدى سۇن يەلي.
تىلشىلەردىڭ سۇراۋىنا جاۋاپ بەرگەندە سۇن يەلي مىنالاردى ءبىلدىردى: ءبىز باسقا ەلدەردىڭ وزدەرىنىڭ دامۋ ۇلگىسىن جۇڭگوعا زورلاپ تاڭۋىنا باتىل قارسى تۇرامىز، جۇڭگو ۇلگىسىن استە ”سىرتقا شىعارمايمىز“، وزگە ەلدەردەن جۇڭگونىڭ ءادىسىن ”كوشىرۋدى“ تالاپ ەتپەيمىز. ءار ەلدىڭ ءوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولىنا دەربەس ىزدەنىس جاساۋداعى قۇلشىنىسى تۇگەلدەي قۇرمەتكە يە بولۋى ءتيىس.
جوعارى ساپالى دامۋدى جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى ەتىپ، دامۋ ساپاسىنىڭ جالپى جاعدايى مەن ۇزاق بولاشاقتىق ءمانىن كورنەكتىلەندىردى
پارتيا 20 - قۇرىلتايىنىڭ بايانداماسىندا، جوعارى ساپالى دامۋدىڭ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى ەكەندىگى اتاپ كورسەتىلدى ءارى مۇنىڭ جۇڭگو ۇلگىسىندەگى وسىزامانداندىرۋدىڭ ماندىك تالابى ەكەندىگى باسا دارىپتەلدى.
ورتالىق رەفورمانى جاپپاي تەرەڭدەتۋ كوميتەتى كەڭسەسىنىڭ ۇنەمىلىك قىزمەتكە جاۋاپتى ورىنباسار مەڭگەرۋشىسى، مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى مۋ حۇڭ مىنالاردى ءبىلدىردى: جاڭا داۋىرگە قادام تاستاعاندا، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى، دامۋ بارىسىنداعى قايشىلىق پەن ماسەلە دامۋ ساپاسىندا اناعۇرلىم كوپ ايگىلەندى.
”پارتيا ورتالىق كوميتەتى مىنالاردى باسا دارىپتەدى: جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىلگەرىلەتۋ − وسىزامانداندىرۋ قۇرىلىسىنىڭ جالپى جاعدايىنا قاتىستى تەرەڭ وزگەرىس، جاي عانا ءوندىرىس جالپى ءونىم قۇنىنىڭ ارتۋ مولشەرىمەن كۇپيمەي، ءسوز جوق، جاڭالىق اشۋ ءبىرىنشى قوزعاۋشى كۇشكە، سايكەسۋ ىشكى ەرەكشەلىككە، جاسىل دامۋ جالپىلىق فورماتسياعا، ەسىك اشۋ، ءسوزسىز، باسىپ وتەتىن جولعا، تەڭ يگىلىكتەنۋ ءتۇبىرلى ماقساتقا اينالعان جوعارى ساپالى دامۋدى جۇزەگە اسىرۋ كەرەك“. مۋ حۇڭ مىنالاردى ءبىلدىردى: وسى سەبەپتى، پارتيا 20 - قۇرىلتايىنىڭ بايانداماسى دامۋدىڭ ساپاسىن اناعۇرلىم كورنەكتى ورىنعا قويىپ، ەكونوميكا، قوعام، مادەنيەت، ەكولوگيا سياقتى ءارقايسى جاقتاردىڭ بارىندە جوعارى ساپالى دامۋدىڭ تالابىن ايگىلەدى.
”20 - قۇرىلتايدىڭ بايانداماسى جوعارى ساپالى دامۋدى ايقىن تۇردە جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى ەتىپ، دامۋ ساپاسىنىڭ جالپى جاعدايى مەن ۇزاق بولاشاقتىق ءمانىن ونان ارى كورنەكتىلەندىردى“. مۋ حۇڭ پارتيا 20 - قۇرىلتايى بايانداماسىنىڭ جوعارى ساپالى دامۋدى ىلگەرىلەتۋ جونىندەگى ستراتەگيالىق ورنالاستىرۋلارىن تانىستىردى: ءبىرىنشى، جاڭا دامۋ ارناسىن جەدەل قالىپتاستىرۋ، ەكىنشى، جاڭالىق اشۋ ارقىلى دامۋعا دەم بەرۋ ستراتەگياسىن باتىل اتقارۋ، جاڭالىق اشۋدان قوزعاۋشى كۇش قابىلداۋ، ءۇشىنشى، جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن ورناتۋ، رەفورمادان ومىرشەڭدىك كۇش قابىلداۋ، ءتورتىنشى، اۋىل - قىستاقتى گۇلدەندىرۋدى جاپپاي ىلگەرىلەتۋ، بەسىنشى، وڭىرلەردىڭ سايكەستى دامۋىن كۇش سالا ىلگەرىلەتۋ، التىنشى، جوعارى دەڭگەيدەگى سىرتقا ەسىك اشۋدى ىلگەرىلەتۋ.
زاڭمەن باسقارۋ قۇرىلىسى جەكە تاراۋ رەتىندە بايىمدالىپ، ارناۋلى ورنالاستىرۋ جاسالىپ، مەملەكەتتى جاپپاي زاڭمەن باسقارۋعا ايرىقشا دەن قوياتىندىعى بەينەلەندى
ورتالىق ساياسي - زاڭ كوميتەتىنىڭ باس حاتشىسى چىن يشين مىنالاردى ءبىلدىردى: پارتيا 20 - قۇرىلتايىنىڭ بايانداماسى زاڭمەن باسقارۋ قۇرىلىسىن تۇڭعىش رەت جەكە تاراۋ رەتىندە بايىمداپ، ارناۋلى ورنالاستىرۋ جاسادى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى جاپپاي زاڭمەن باسقارۋعا ايرىقشا دەن قوياتىندىعىن تولىق بەينەلەدى.
چىن يشين مىنالاردى ءبىلدىردى: ساياسي مانىنەن الىپ قاراعاندا، بۇل پارتيامىزدىڭ زاڭمەن باسقارۋ قۇرىلىسىن العان بەتىنەن قايتپاي ىلگەرىلەتەتىن بەرىك بەكىمىن اناعۇرلىم اڭعارتىپ، پارتيامىزدىڭ باتىلدىقپەن توڭكەرىس جۇرگىزەتىن، قۇرىلىس جۇرگىزۋگە شەبەر، جۇرەكتىلىكپەن رەفورما جۇرگىزەتىن ساياسي پارتيا بولىپ عانا قالماستان، ونان دا ماڭىزدىسى، زاڭمەن باسقارۋعا سەنەتىن، زاڭمەن باسقارۋدان بۇلجىمايتىن، زاڭمەن باسقارۋ قۇرىلىسىن جۇرگىزە الاتىن ساياسي پارتيا ەكەندىگىن ايگىلەدى، پارتيامىزدىڭ مەملەكەتتى جاپپاي زاڭمەن باسقارۋعا تاباندى بولۋداعى ساياسي جارناماسى. نازاريالىق مانىنەن الىپ قاراعاندا، بۇل شي جينپيڭنىڭ زاڭمەن باسقارۋ يدەياسىن اناعۇرلىم بايىتتى جانە دامىتتى، جۇڭگو كوممۋنيستىك پارتياسىنىڭ زاڭ بويىنشا بيلىك جۇرگىزۋ زاڭدىلىعى، سوتسياليستىك زاڭمەن باسقارۋ قۇرىلىسى زاڭدىلىعى، ادامزات قوعامىن زاڭمەن باسقارۋ وركەنيەتىنىڭ دامۋ زاڭدىلىعى جونىندەگى تانىمىن تەرەڭدەتتى، پارتيامىزدىڭ زاڭمەن باسقارىلاتىن جۇڭگو قۇرىلىسىن ىلگەرىلەتۋىندەگى تۇعىرنامالىق حۇجات. امالياتتىق مانىنەن الىپ قاراعاندا، بۇل جاڭا داۋىردەگى پارتيا مەن مەملەكەتتىڭ قىزمەت ورنالاستىرۋىن اناعۇرلىم تەرەڭدەتتى جانە كەڭەيتتى، مەملەكەتتىڭ ءتۇرلى جاقتارداعى قىزمەتتەرىنىڭ زاڭمەن باسقارىلۋىن جاپپاي ىلگەرىلەتۋدى بەينەلەدى، پارتيامىزدىڭ ەل باسقارۋداعى ماڭىزدى باسقارۋ ءتاسىلى.
”زاڭمەن باسقارۋ قۇرىلىسىنىڭ ورنى مەن رولى، جالپى تۇلعالىق تالابى جانە ءتۇيىندى قىزمەتى جونىندە، پارتيا 20 - قۇرىلتايىنىڭ بايانداماسىندا ەگجەي - تەگجەيلى باياندالدى“. چىن يشين تانىستىرىپ بىلاي دەدى: بىرىنشىدەن، زاڭمەن باسقارۋعا بويسۇنۋدىڭ ”ارقاۋ“ ەكەندىگىن باسا دارىپتەدى، مۇنداعى ”ارقاۋ“ بايانداما ورتاعا قويعان جاڭا داۋىردەگى زاڭمەن باسقارۋ قۇرىلىسىنىڭ جالپى تۇلعالىق تالابى. ەكىنشىدەن، زاڭمەن باسقارۋدى ويداعىداي ورناتۋدىڭ ”زاڭدىلىق“ ەكەندىگىن باسا دارىپتەدى، بۇل ”زاڭدىلىق“ بايانداما ورتاعا قويعان نەگىزگى زاڭدى ۇيتقى ەتكەن جۇڭگوشا سوتسياليستىك زاڭ جۇيەسىن كەمەلدەندىرۋدى كورسەتەدى. ۇشىنشىدەن، زاڭمەن باسقارۋدان جازباۋدىڭ ”ماڭىزدى“ ەكەندىگىن باسا دارىپتەدى، مۇنداعى ”ماڭىزدى“ بايانداما ورتاعا قويعان اكىمشىلىكتى زاڭ بويىنشا جۇرگىزۋدى تىڭعىلىقتى ىلگەرىلەتۋ بولىپ تابىلادى. تورتىنشىدەن، زاڭمەن باسقارۋدىڭ ”ءتۇيىن“ ەكەندىگىن كورنەكتىلەندىرۋدى باسا دارىپتەدى، مۇنداعى ”ءتۇيىن“ باياندامادا ورتاعا قويىلعان ءادىليانى قاتاڭ، ءادىل جۇرگىزۋدى كورسەتەدى. بەسىنشى، زاڭمەن باسقارۋدىڭ ”نەگىزىن“ بەكەمدەۋدى باسا دارىپتەدى، مۇنداعى ”نەگىز“ باياندامادا ورتاعا قويىلعان زاڭمەن باسقارىلاتىن قوعامدى جەدەل قۇرۋدى كورسەتەدى.
جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋدى ورنالاستىرىپ، پارتيانى جاپپاي قاتاڭ باسقارۋ جۇيەسىن كەمەلدەندىرۋدى ورتاعا قويدى
ورتالىق كوميتەت كەڭسەسىنىڭ ورىنباسار مەڭگەرۋشىسى، قوسىمشا تەكسەرۋ - زەرتتەۋ كەڭسەسىنىڭ مەڭگەرۋشىسى تاڭ فاڭيۇي مىنالاردى ءبىلدىردى: جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا، تەتىگى پارتيانىڭ پارتيانى باسقارۋىندا، پارتيانى جاپپاي قاتاڭ باسقارۋىندا. جاڭا داۋىردەگى تىڭ جورىقتا پارتيانىڭ بورىشى مەن مىندەتتەرىن ورىنداۋدا، ءسوزسىز، ايقىن تۋ ۇستاي وتىرىپ پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋ كەرەك.
پارتيا 20 - قۇرىلتايىنىڭ بايانداماسى ءبىر بولىكتى جەكە ءتىزىپ، ”پارتيانى جاپپاي قاتاڭ باسقارۋعا بۇلجىماستان تاباندى بولىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋگە“ ورنالاستىرۋ جاسادى، تاڭ فاڭيۇي وسى ءبىر بولىك مازمۇننىڭ باستى ەرەكشەلىگى ”ءتورتتى كورنەكتىلەندىرۋ“ دەپ تانىستىردى: پارتيانىڭ وزىنە - ءوزى توڭكەرىس جاساۋىن كورنەكتىلەندىرۋ، پارتيانى جاپپاي قاتاڭ باسقارۋ جۇيەسىن كورنەكتىلەندىرۋ، پارتيانىڭ ساياسي قۇرىلىسىن جەتەكشىلىككە الۋدى كورنەكتىلەندىرۋ، پارتيانى يدەيالىق جاقتان قۇرۋ مەن پارتيانى ءتۇزىم ارقىلى باسقارۋدى ءوزارا ۇشتاستىرۋدى كورنەكتىلەندىرۋ.
پارتيا 20 - قۇرىلتايى ءارقايسى جاقتاردىڭ پىكىرىن جيناقتاپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ تىلەگىنە ۇيلەستىرىپ، پارتيا ۋستاۆىنا لايىقتى وزگەرىس ەنگىزدى.
”وزگەرىس ەنگىزىلگەننەن كەيىنگى پارتيا ۋستاۆى ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن تولىق ايگىلەدى، پارتيا 19 - قۇرىلتايىنان بەرى پارتيا ورتالىق كوميتەتى العا قويعان ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن تولىق ايگىلەدى، پارتيا قىزمەتى مەن پارتيا قۇرىلىسىنداعى جاڭا تاجىريبەلەردى تولىق ايگىلەدى، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋدە كەلەلى مانگە يە“. تاڭ فاڭيۇي مىنالاردى ءبىلدىردى: پارتيا 20 - قۇرىلتايىنىڭ پارتيا قۇرىلىسى جونىندەگى بايىمداۋلارى مەن ورنالاستىرۋلارى بايانداما مەن پارتيا ۋستاۆىن بىرلەستىرە ۇيرەنۋدى، ءتۇسىنۋدى قاجەت ەتەدى.
تىلشىلەردىڭ سۇراۋىنا جاۋاپ بەرگەندە تاڭ فاڭيۇي مىنالاردى ءبىلدىردى: پارتيا 20 - قۇرىلتايىنىڭ بايانداماسى پارتيانى جاپپاي قاتاڭ باسقارۋ جۇيەسىن كەمەلدەندىرۋدى ورتاعا قويدى، بۇل پارتيانىڭ مەملەكەتتىك قۇرىلتايى بايانداماسىندا تۇڭعىش رەت ايتىلىپ وتىر. پارتيامىز ۇزاق ۋاقىت بيلىك جۇرگىزگەن ماركسيزمدىك ساياسي پارتيا جانە دۇنيە جۇزىندەگى ەڭ ءىرى ساياسي پارتيا رەتىندە پارتيانىڭ ۇلى نىساناسى مەن تاريحي بورىشى، پارتيا قوسىنىنىڭ زور كولەمى مەن كەڭ تارالۋى، پارتيا ءدوپ كەلگەن زور حاۋىپ - قاتەرلەر مەن قاتاڭ سىن - سايىستاردىڭ بارلىعى پارتيانى جاپپاي قاتاڭ باسقارۋدىڭ استە ءىشىنارالىق بولماستان، قايتا تۇتاس تۇلعالى بولۋىن، استە ۇساق - تۇيەك ءىس بولماستان، قايتا جۇيەلى بولۋىن، استە قىسقا ۋاقىت بولماستان، قايتا ۇزاق ۋاقىتتىق بولۋىن، استە ادەتتەگىدەي بولماستان، قايتا جوعارى ولشەمدى بولۋىن بەلگىلەگەن، ورنالاسۋى ۇيلەسىمدى، مازمۇنى عىلمي، فاكتورى تولىق، ءبىر تۇتاس جوعارى ءونىمدى پارتيانى جاپپاي قاتاڭ باسقارۋ جۇيەسى قالىپتاسقاندا عانا، پارتيامىزدى ويداعىداي قۇرىپ شىعا الامىز.
ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋدى، پارتيانى جاپپاي قاتاڭ باسقارۋدىڭ ماڭگى جالعاساتىندىعىن، پارتيانىڭ وزىنە - ءوزى توڭكەرىس جاساۋى ماڭگى جالعاساتىندىعىن ەستە بەرىك ساقتاۋدى ورتاعا قويدى
پارتيا 20 - قۇرىلتايىنىڭ بايانداماسىندا بىلاي دەپ اتاپ كورسەتىلدى: ”جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. پارتيامىز دۇنيە جۇزىندەگى ەڭ ءىرى ماركسيزمدىك بيلىك باسىنداعى پارتيا رەتىندە، باستان - اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋ كەرەك“.
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ۇگىت ءبولىمىنىڭ باستىعى ۋاڭ جيانشين مىنالاردى ءبىلدىردى: پارتيا 20 - قۇرىلتايىنىڭ بايانداماسى بۇكىل پارتيادان پارتيانى جاپپاي قاتاڭ باسقارۋدىڭ ماڭگى جالعاساتىندىعىن، پارتيانىڭ وزىنە - ءوزى توڭكەرىس جاساۋى ماڭگى جالعاساتىندىعىن ەستە بەرىك ساقتاۋدى تالاپ ەتتى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋدى ارقاۋ ەتىپ، ساياسي باقىلاۋدى كۇشەيتۋ، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ، ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋگە تاباندى بولۋ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ كەرەك.
تىلشىلەردىڭ سۇراۋىنا جاۋاپ بەرگەندە ۋاڭ جيانشين مىنالاردى ءبىلدىردى: جاڭا داۋىردەگى 10 جىلدا، شىرىكتەسۋگە قارسى تۇرۋ كۇرەسى بارىسىنىڭ ايبىنى كۇشتى، سەرپىنى قۋاتتى بولىپ، تابىستارى دۇنيە ءجۇزىن جالت قاراتتى، الايدا، جاعداي ءالى دە قاتاڭ، كۇردەلى، شىرىكتەسۋمەن بەلدەسۋ − ءبىر مايدان ولىسپەي - بەرىسپەيتىن شايقاس، تەك العا ىلگەرىلەۋگە بولادى، استە شەگىنۋگە بولمايدى، تەك جەڭۋ كەرەك، استە جەڭىلۋگە بولمايدى. ءسوز جوق، پارتيا 20 - قۇرىلتايىنىڭ ستراتەگيالىق ورنالاستىرۋىن باتىل دايەكتىلەندىرىپ، قاي - قاشان دا وكتەم كۇشتى ساقتاپ، شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الماۋ جاعىندا بىرگە كۇش سالىپ، ءبىر باعىتتا كۇش جۇمساپ، جان - جاقتىلى كۇش سالىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ كەرەك.
(شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى)
