ۋاكىل پۋ شۋەمەي:
بىركەلكىلىگى مەن قولجەتىمدىگىن ارتتىرۋعا ءمان بەرىپ، حالىقتى باقىتقا كەنەلتەمىز
□ انار بۇلت \ شينجياڭ گازەتىنىڭ تىلشىلەرى ياۋ تۇڭ، ليۋ شياڭ
”قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا كۇرەس جۇرگىزەيىك“. 10 - ايدىڭ 24 - كۇنى پارتيا 20 - قۇرىلتايىنىڭ سالتاناتتى جينالىسىنا قاتىناسقاننان كەيىن شينجياڭعا قايتىپ كەلگەن ىلە قازاق اۆتونوميالى وبلىستىق پارتكومنىڭ شۋجيى، ۋاكىل پۋ شۋەمەي جاۋاپكەرشىلىگىنىڭ كەلەلى ەكەنىن تەرەڭ سەزىندى.
”زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن، ءسوز جوق، اناعۇرلىم ويداعىداي ساۋلەلەندىرۋ كەرەك“. پۋ شۋەمەي بىلاي دەدى: شينجياڭدى زاڭمەن باسقارۋ − كورىكتى شينجياڭ قۇرۋدىڭ العى شارتى، ءبىز زاڭمەن باسقارۋ ويىن جانە زاڭمەن باسقارۋ ءتاسىلىن قولدانىپ، حاۋىپ - قاتەردەن ساقتانىپ، قىلمىسقا سوققى بەرىپ، ماسەلەلەردى ءبىر جاقتى ەتىپ، قايشىلىقتاردى شەشىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ قۇرىلىمىن اناعۇرلىم ساپالىلاندىرىپ، دەڭگەيىن جوعارىلاتىپ، ءارقايسى اۋدان، قالادا، ءار سالادا، ءار كاسىپتە زاڭدى قۇرمەتتەۋدى، زاڭدى ۇيرەنۋدى، زاڭعا بويسۇنۋدى، زاڭدى قولدانۋدى ىلگەرىلەتۋىمىز كەرەك.
”باس شۋجي شي جينپيڭنىڭ جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى دەگەن ماڭىزدى نۇسقاۋىن ەستە بەرىك ساقتايمىز“. پۋ شۋەمەي بىلاي دەدى: ىلە وبلىسىندا قورعاس ەكونوميكالىق اشۋ رايونى شىعىسپەن بىرلەسىپ باتىسقا شىعارۋدىڭ، ەسىك اشۋدى كەڭەيتۋدىڭ ماڭىزدى تۇتقاسى سانالادى، وسىنى كىرىسۋ ءتۇيىنى ەتىپ، ىلەنىڭ وڭىرلىك باسىمدىعىن، بايلىق باسىمدىعىن، ساياسات باسىمدىعىن كاسىپ سالاسى باسىمدىعىنا، ەكونوميكا باسىمدىعىنا شىن مانىندە اينالدىرامىز.
حالىقتى باقىتقا كەنەلتۋ − جالپى ءۇشىن پارتيا قۇرۋدىڭ، حالىق ءۇشىن بيلىك جۇرگىزۋدىڭ ماندىك تالابى. حالىق تۇرمىسىن قامتاماسىز ەتۋ، جاقسارتۋ جونىندە پۋ شۋەمەي بىلاي دەپ قارادى: بىركەلكىلىگى مەن قولجەتىمدىگىن ارتتىرۋعا ءمان بەرىپ، ءبىر جاعىنان، اۋىل - قىستاقتى گۇلدەندىرۋدى ويداعىداي يگەرىپ، كەدەيلىكتەن ارىلتۋدان قامال الۋ جەتىستىگىن بەكەمدەۋ؛ ەندى ءبىر جاعىنان، قازىنالىق شىعىستىڭ ％80تەن استامىن حالىق تۇرمىسىنا پايدالانىپ، دامۋ جەتىستىگىن ءار ۇلت بۇقاراسىنا تيىمدىلىك جاساۋ جاعىندا شىن مانىندە ايگىلەۋ كەرەك.
”تۋدى بيىك ۇستاۋدى، حالىق تىلەگىن توعىستىرۋدى، جاڭا ادام تاربيەلەۋدى، مادەنيەتتى وركەندەتۋدى، وبرازدى ايگىلەۋدى ارقاۋ ەتە وتىرىپ، سوتسياليستىك مادەنيەت جاعىندا قۇدىرەتتى مەملەكەت قۇرۋ كەرەك“. پۋ شۋەمەي مىنالاردى ءبىلدىردى: شينجياڭدى مادەنيەتپەن نارلەندىرۋ قىزمەتىن ىشكەرىلەي ىلگەرىلەتىپ، جۇڭحۋا ۇلتى ورتاق تۇلعا تانىمىن بەكەمدەۋگە كۇش سالىپ، زەرتتەۋدى، ءتۇسىندىرۋدى، ۇگىتتەۋدى، تاربيەلەۋدى كۇشەيتىپ، جاس وسپىرىمدەردىڭ ”نەگىز قالاۋ“ ينجەنەرياسىن ماڭىزدىنىڭ ماڭىزدىسى رەتىندە يگەرىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جالپىلاستىرىپ قولدانۋدى ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ساپالىلاندىرىپ، ءار ۇلت ءوزارا كىرىككەن قوعامدىق قۇرىلىمدى، الەۋمەتتىك اۋماق ورتاسىن بەلسەنە قۇرىپ، جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەرىك ورناتىپ، ءدىندى سوتسياليستىك قوعامعا ۇيلەسۋگە بەلسەنە جەبەپ، ىنتىماقتاسۋعا بولاتىن بارلىق كۇشتەرمەن مۇمكىندىكتىڭ بارىنشا ىنتىماقتاسىپ، جۇمىلدىرۋعا بولاتىن بارلىق بايلىق باسىمدىقتارىن جۇمىلدىرىپ، قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن، يدەيالىق نەگىزىن بەكەمدەيمىز.
ىلەنىڭ ”سايۋاي جياڭنان“ دەگەن ادەمى اتى بار، سۋ بايلىعى مول. ”سۋدىڭ“ رولىن ويداعىداي ساۋلەلەندىرىپ، ەكونوميكالىق، قوعامدىق دامۋدى قامتاماسىز ەتۋ − پۋ شۋەمەيدىڭ وبلىستىق پارتكومنىڭ ءبىرىنشى باسشىسى رەتىندە، پارتيا 20 - قۇرىلتايىنىڭ رۋحىن دايەكتىلەندىرۋىندەگى، تياناقتاندىرۋىنداعى ماڭىزدى تۇيىندەردىڭ ءبىرى. ول مىنالاردى ءبىلدىردى: ”سۋ“ سىندى بۇيدانى ويداعىداي يگەرىپ، سۋ بايلىعىن اشۋدىڭ، جايعاستىرۋدىڭ ەكونوميكالىق دامۋمەن، ەكولوگيالىق ورتانى قورعاۋمەن قاتىناسىن ويداعىداي ءبىر تۇتاس جوسپارلاپ، جوعارى ساپالى دامۋدى ىلگەرىلەتۋگە قامتاماسىزدىق ازىرلەۋ كەرەك.
”پارتيا ۇلى كۇرەس ارقىلى عاسىرلىق ۇلى ىستەردى جاراتتى ءارى تىڭ دا ۇلى كۇرەستەر ارقىلى، ءسوز جوق، تىڭ دا ۇلى ىستەردى جاراتا الادى“. پۋ شۋەمەي مىنالاردى ءبىلدىردى: پارتيا مۇشەلەرى، كادرلار قاشاندا جالاۋ بولىپ، ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا بەلسەندى تۇردە ات سالىسۋعا ىنتىماقتاستىرىپ جانە باستاپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزاماندىرۋ ارقىلى ىلگەرىلەتۋگە ءتيىستى ۇلەسىن قوسۋى كەرەك.
