شينحۋا اگەنتتىگى كولەمدى ادەبي حابار تاراتتى
«پارتيا تۋىن جاڭا جورىقتا بيىك جەلبىرەتەيىك − جۇڭگو كوممۋنيستىك پارتياسى ۋستاۆىنىڭ (وزگەرىس ەنگىزىلگەن جوبا) دۇنيەگە كەلۋى تۋرالى ەستەلىك»
شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى. شينحۋا اگەنتتىگى 10 - ايدىڭ 26 - كۇنى «پارتيا تۋىن جاڭا جورىقتا بيىك جەلبىرەتەيىك − جۇڭگو كوممۋنيستىك پارتياسى ۋستاۆىنىڭ (وزگەرىس ەنگىزىلگەن جوبا) دۇنيەگە كەلۋى تۋرالى ەستەلىك» اتتى كولەمدى ادەبي حابار تاراتتى.
ماقالادا بىلاي دەلىندى: ۇلى ساياسي پارتيا ىنتىماقتاسا كۇرەس جاساپ العا ىلگەرىلەدى؛
شۇعىلالى پارتيا تۋى داۋىرمەن بىرگە ىلگەرىلەپ بولاشاقتى بەتكە الدى.
تۋ بەتالىسقا جەتەكشىلىك ەتەدى، تۋ كۇش - قۋات ۇيىستىرادى. 100 جىلدىق ءىرى پارتيا 100 جىلدىق كۇرەستى باستان كەشىرىپ، دەر شاعىنا ءدال تۋرا كەلىپ، جۇڭحۋا ۇلتىنىڭ ۇلى گۇلدەنۋى الىپ كەمەسىن شۇعىلالى بولاشاققا جول الۋعا باستاۋدا.
2022 - جىلى 10 - ايدىڭ 22 - كۇنى تۇستەن بۇرىن، بەيجيڭ، كۇن شايداي اشىق. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ جابىلۋ ءماجىلىسى حالىق سارايىندا سالتاناتپەن وتكىزىلدى.
باس شۋجي شي جينپيڭنىڭ باسقارۋىندا، 2338 ۋاكىل، ارنايى ۇسىنىس ەتىلگەن ۋاكىلدەر قول كوتەرۋ تاسىلىمەن «جۇڭگو كوممۋنيستىك پارتياسى ۋستاۆى (وزگەرىس ەنگىزىلگەن جوبا)» جونىندەگى قاراردى سالتاناتپەن داۋىسقا سالدى.
”ماقۇلداندى“ − باس شۋجي شي جينپيڭنىڭ ايبىندى جاريالاۋىمەن، جيىن زالىندا شاتىرلاعان شاپالاق ءۇنى ۇزاققا دەيىن تولاستامادى...
ماقالادا بىلاي دەپ اتاپ كورسەتىلدى: بۇل ادامدى ەرەكشە ىنتالاندىرىپ، كوڭىلدى كولدەي تولقىتقان ءسات، بارلىق كوممۋنيستىك پارتيا مۇشەلەرى مەن قالىڭ حالىق بۇقاراسىنىڭ ورتاق جۇرەك ءۇنى مەن ورتاق ەركىنىڭ تولىق بەينەلەنۋى. قۇرىلتاي پارتيا 19 - قۇرىلتايىنان بەرگى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دامۋشىلىقتارىن پارتيا ۋستاۆىنا جازۋعا ءبىر اۋىزدان قوسىلدى؛ پارتيانىڭ اۋەلگى ماقساتىن، بورىشىن پارتيانىڭ 100 جىلدىق كۇرەسىندەگى كەلەلى تابىستارى مەن تاريحي تاجىريبەلەرىنىڭ مازمۇندارىن پارتيا ۋستاۆىنا جازۋعا ءبىر اۋىزدان قوسىلدى؛ جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋ كۇرەس نىساناسىن پارتيا ۋستاۆىنا جازۋعا ءبىر اۋىزدان قوسىلدى؛ پارتيا 20 - قۇرىلتايىنىڭ بايانداماسى تۇراقتاندىرعان كەلەلى نازاريالىق كوزقاراستار مەن كەلەلى ستراتەگيالىق يدەيالاردى پارتيا ۋستاۆىنا جازۋعا ءبىر اۋىزدان قوسىلدى؛ پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانىڭ جاپپاي باسشىلىعىنا تاباندى بولۋداعى، پارتيا قۇرىلىسىن كۇشەيتۋدەگى جاڭا تاجىريبەلەرىن پارتيا ۋستاۆىنا جازۋعا ءبىر اۋىزدان قوسىلدى.
جاڭا داۋىردەگى جاڭا جورىقتا شۇعىلالى تۋعا تاعى ءبىر رەت تىڭ يدەيا نۇرى، اقيقات نۇرى ۇستەلىپ، ءتىپتى دە بايىپ، قوردالانىپ، ءتىپتى دە ومىرشەڭدىك كۇشكە تولىپ، ءتىپتى دە نۇر - شۇعىلا شاشتى.
ماقالا 3 بولىككە ءبولىندى: شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتە تۇرىپ، الىسقا كوز جىبەرىپ، ءار جاقتىڭ پىكىرلەرىن جيناقتاپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ تىلەگىنە ۇيلەسىپ، پارتيا 20 - قۇرىلتايىندا پارتيا ۋستاۆىنا لايىقتى وزگەرىس ەنگىزۋ جونىندەگى كەلەلى شەشىمدى جاساپ، ماركسيزمدىك ساياسي پارتيانىڭ داۋىرمەن بىرگە ىلگەرىلەيتىن ساياسي قاسيەتىن تولىق ايگىلەدى؛ شي جينپيڭ جولداستى ۇيتقى ەتكەن پارتيا ورتالىق كوميتەتى وتكەلدى يگەرىپ، باعدار بەلگىلەپ، پارتيا ۋستاۆىنا وزگەرىس ەنگىزۋ بارىسىنىڭ پارتيانىڭ باسشىلىعىنا تاباندى بولۋدىڭ، پارتيا ىشىندەگى دەموكراتيانى اسقاقتاتۋدىڭ، بۇكىل پارتيانىڭ اقىل - پاراساتىن شوعىرلاندىرۋدىڭ ءبىر رەتكى جاندى امالياتىنا اينالۋىن جەبەپ، ماركسيزمدىك ساياسي پارتيانىڭ شىندىقتى ءىس جۇزىنەن ىزدەيتىن تاڭداۋلى ستيلىن تولىق ايگىلەدى؛ شي جينپيڭ جولداستى ۇيتقى ەتكەن پارتيا ورتالىق كوميتەتى الدىڭعىلاردىڭ ءىزىن باسىپ، بولاشاققا جول اشىپ، پارتيانىڭ نازاريالىق جاسامپازدىعىنىڭ، امالياتتىق جاسامپازدىعىنىڭ، تۇزىمدىك جاسامپازدىعىنىڭ جەتىستىكتەرىن پارتيا تۋىنا جازىپ، ماركسيزمدىك ساياسي پارتيانىڭ تۋراشىلدىقتان اينىماي، جاڭالىق اشاتىن بورىشىن، جاۋاپكەرشىلىك ارقالاۋىن تولىق ايگىلەدى.
ماقالادا بىلاي دەلىندى: پارتيا ۋستاۆى − شۇعىلالى تۋ، ۇلتتى گۇلدەندىرۋ ۇلى ءىسىن مۇرات ەتكەن ساياسي پارتيانىڭ كۇشتى جاۋاپكەرشىلىك پەن تاريحي جاۋاپكەرشىلىك ارقالاۋىن بەينەلەدى، ول جاڭا جورىققا جەتەكشىلىك ەتىپ، تىڭ ءورىس اشىپ، جاڭا جەڭىستى بەتكە الادى.
ءىستىڭ ورىندالۋىندا ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. پارتيا ۋستاۆىنىڭ ومىرشەڭدىك كۇشى − اتقارۋدا.
ماقالادا بىلاي دەپ اتاپ كورسەتىلدى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ جابىلۋ ءماجىلىسى «جۇڭگو كوممۋنيستىك پارتياسى ۋستاۆى (وزگەرىس ەنگىزىلگەن جوبا)» جونىندەگى قاراردى ماقۇلداپ، بۇكىل پارتيادان، ءسوز جوق، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جالپى بەتتىك دايەكتىلەندىرىپ، مىزعىماس تاباندىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدى تالاپ ەتتى.
قۇرىلتاي ءار دارەجەلى پارتيا ۇيىمدارى مەن بارلىق پارتيا مۇشەلەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ۇلى تۋىن بيىك ۇستاپ، پارتيا قۇرۋ ۇلى رۋحىن اسقاقتاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اناعۇرلىم سانالى تۇردە پارتيا ۋستاۆىن ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن دايەكتىلەندىرىپ، پارتيا ۋستاۆىن قورعاپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى!
