انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 26 - كۇنى ۇرىمجىدەن حابارلايدى. اۆتونوميالى رايوننىڭ ءتوراعاسى ەركىن تۇنياز جۋىقتا اۆتونوميالى رايوندىق 13 - كەزەكتى حالىق ۇكىمەتىنىڭ 181 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىس پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن تياناقتاندىرىپ، رايونىمىزدىڭ ”ەكى رايون“ قۇرىلىسى بويىنشا عىلىم - تەحنيكانى دامىتۋ قارجىسىن باسقارۋ، قاتىستى اقى الۋ نىساندارىن كۇشىنەن قالدىرۋ، ايگىلى كورىنىس وڭىرلەرىن بىرىكتىرۋ، ساپالىلاندىرۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: عىلىم - تەحنيكادا جاڭالىق اشۋدىڭ شينجياڭنىڭ جوعارى ساپالى دامۋىنا تىرەك بولۋ، جەتەكشىلىك ەتۋ رولىن ساۋلەلەندىرۋگە تاباندى بولىپ، جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونىنىڭ، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىنىڭ دامۋ قاجەتىمەن تىعىز ۇشتاستىرىپ، اۆتونوميالى رايوننىڭ ”8 ۇلكەن كاسىپ سالاسى شوعىرى“ سياقتى ءتۇيىندى سالالاردى ارقاۋ ەتىپ، قازىنالىق قارجىنىڭ رولىن تولىق ساۋلەلەندىرىپ، شەشۋشى، وزەكتى تەحنيكالاردان قامال الۋدى ۇزدىكسىز جەدەلدەتىپ، ”ەكى رايون“ عىلىم - تەحنيكا تۇعىرى قۇرىلىسى، عىلىم - تەحنيكالىق كاسىپورىنداردىڭ مولشەرىن ارتتىرىپ، ساپاسىن جوعارىلاتۋ، عىلىم - تەحنيكالىق قىزمەت وتەۋ جۇيەسى قۇرىلىسى سياقتىلارعا زور كۇشپەن قولداۋ كورسەتىپ، جوعارى ساپالى دامۋدى كۇش سالا ىلگەرىلەتۋ كەرەك. قارجى باسقارۋدى زاڭ بويىنشا قاتايتىپ، قولداۋ وبيەكتىسىن عىلمي تۇراقتاندىرىپ، كوپ نەگىزدى ۇسىنىلىم مەحانيزمىن كەمەلدەندىرىپ، قارجى بوساتۋ ءتارتىبىن ارناعا ءتۇسىرىپ، پايدالانۋ ونىمدىلىگىن جوعارىلاتىپ، قوعامدىق قارجىنىڭ عىلىم - تەحنيكا نىساندارىنىڭ اتقارىلۋىنا ات سالىسۋىنا دەم بەرىپ، عىلىم - تەحنيكا دارىندىلارى مەن جاڭالىق اشۋ تۇلعالارىنىڭ ومىرشەڭدىك كۇشىن ۇزدىكسىز قاۋلاتىپ، عىلىم - تەحنيكادا جاڭالىق اشۋ ارقىلى جوعارى ساپالى دامۋعا جەتەكشىلىك ەتۋ، جاڭا دامۋ ارناسىنا قىزمەت وتەۋگە جانە ونىمەن توعىسۋعا دەم بەرۋ كەرەك.
ءماجىلىس مىنالاردى اتاپ كورسەتتى: جەر باسقارۋ اقىسى مەن ەڭبەك قابىلەتىن ساراپتاۋ اقىسىن كۇشىنەن قالدىرۋ − اقىنى تومەندەتىپ، اۋىرتپالىقتى جەڭىلدەتۋدى ىلگەرىلەتۋدىڭ، كاسىپورىندارعا ساياتىن اكىمشىلىك، ءىسورىن سيپاتتى اقى الۋدا ”نولدىك اقى الۋدى“ جۇزەگە اسىرۋدىڭ ناقتى شاراسى. جەر - جەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، اۆتونوميالى رايوننىڭ قىزمەت تالاپتارىن تياناقتاندىرىپ، بۇكىل رايونداعى كاسىپورىندارعا ساياتىن اكىمشىلىك، ءىسورىن سيپاتتى اقى الۋدى اداقتاۋدى، ارناعا ءتۇسىرۋدى جەدەل ىلگەرىلەتىپ، ۇيلەسىمسىز اقى الۋ نىساندارىن كۇش سالا ازايتىپ، بەتالدى اقى الۋ، بەتالدى ايىپ سالۋ، بەتالدى سالىق سالۋ ارەكەتتەرىن باتىل تەكسەرىپ ءبىر جاقتى ەتىپ، شىنايى تۇردە بازار تۇلعالارىنىڭ، اسىرەسە، ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ اۋىرتپالىعىن جەڭىلدەتىپ، قوزعاۋشى كۇشىن ارتتىرىپ، ومىرشەڭدىك كۇش ۇستەۋ كەرەك. ۇيىمداستىرىپ اتقارۋدى كۇشەيتىپ، باقىلاۋ - تەكسەرۋدى كۇشەيتىپ، ءتۇرىن وزگەرتىپ، كوبەيتىپ قۇرۋ جايتىنەن باتىل ساقتانىپ، ۇگىتتەۋ، جالپىلاستىرۋ تەبىنىن ارتتىرىپ، اقىنى تومەندەتىپ، اۋىرتپالىقتى جەڭىلدەتۋ قىزمەتىنىڭ ۇزدىكسىز تەرەڭدەۋىن ىلگەرىلەتىپ، رايونىمىزدىڭ تاماشا شارۋاشىلىق - ساۋدا ورتاسىن قالىپتاستىرۋىنا دەم بەرۋ كەرەك.
ءماجىلىس مىنالاردى اتاپ كورسەتتى: ايرىقشا ءمان بەرىپ، بەلسەنە ىسكەرلىك كورسەتىپ، سايكەسە سەلبەسىپ، بۇكىل رايونداعى ايگىلى كورىنىس وڭىرلەرىن بىرىكتىرۋ، ساپالىلاندىرۋ قىزمەتىن وراي ەتىپ، ايگىلى كورىنىس وڭىرلەرى كولەمىنىڭ شەكاراسى ايقىن بولماۋ، باسقا جاراتىلىستىق قورعالاتىن جەرلەرمەن ايقاسىپ كەتۋ، كىرىگۋ سياقتى ماسەلەلەردىڭ ءونىمدى شەشىلۋىن ىلگەرىلەتۋ كەرەك. ساياساتتى دالمە - ءدال يگەرىپ، تەحنيكالىق تىرەكتى كۇشەيتىپ، قىزىل سىزىققا كىرگىزىلگەن جانە قىزىل سىزىققا كىرگىزىلمەيتىن وڭىرلەردى عىلمي تۇراقتاندىرىپ، ايگىلى كورىنىس وڭىرلەرىنىڭ كولەمىن ۇيلەسىمدى بەلگىلەۋ كەرەك. ءتۇزىلىس - مەحانيزمدى كەمەلدەندىرىپ، قاتىستى جاۋاپكەرشىلىكتى تياناقتاندىرىپ، ايگىلى كورىنىس وڭىرلەرىن بىرىكتىرۋ، ساپالىلاندىرۋ قىزمەتىن تىڭعىلىقتى ويداعىداي ىستەپ، رايونىمىزدىڭ جاراتىلىستىق قورعالاتىن جەر جۇيەسىن قۇرۋعا ويداعىداي نەگىز قالاۋ كەرەك.
ءماجىلىس باسقا دا ىستەردى اقىلداستى.
