شي جينپيڭ يان - ان توڭكەرىستىك ەسكەرتكىش ورنىن ىززەت - قۇرمەتپەن كورگەندە بىلاي دەپ باسا دارىپتەدى
پارتيا قۇرۋ ۇلى رۋحىن جانە يان - ان رۋحىن اسقاقتاتىپ، پارتيانىڭ 20 - قۇرىلتايىندا العا قويىلعان نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزۋ كەرەك
10 - ايدىڭ 27 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شيلەردى باستاپ، يان - ان توڭكەرىستىك ەسكەرتكىش ورنىن ىززەت - قۇرمەتپەن كوردى. سۋرەتتە: شي جينپيڭ ياڭجياليڭدە جۇڭگو كوممۋنيستىك پارتياسىنىڭ 7 - قۇرىلتايى اشىلعان جەردى ىززەت - قۇرمەتپەن كورۋدە.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
10 - ايدىڭ 27 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شيلەردى باستاپ، يان - ان توڭكەرىستىك ەسكەرتكىش ورنىن ىززەت - قۇرمەتپەن كوردى. سۋرەتتە: شي جينپيڭ يان - ان توڭكەرىستىك ەسكەرتكىش سارايىندا «ۇلى بارىس − جۇڭگو كوممۋنيستىك پارتياسى ورتالىق كوميتەتىنىڭ يان - انداعى 13 جىلدىق تاريحى كورمەسىن» ەكسكۋرسيالاپ بولعان سوڭ ماڭىزدى ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
پارتيا قۇرۋ ۇلى رۋحىن اسقاقتاتىپ، يان - ان رۋحىن اسقاقتاتىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، كۇرەس رۋحىن ساۋلەلەندىرىپ، پارتيانىڭ 20 - قۇرىلتايىندا العا قويىلعان نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزۋ كەرەك
شينحۋا اگەنتتىگىنىڭ 10 - ايدىڭ 27 - كۇنى يان - اننان بەرگەن حابارى. پارتيانىڭ 20 - قۇرىلتايى جابىلعانىنا ءبىر اپتا بولماي، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شيلەردى باستاپ، ارنايى بەيجيڭنەن شانشيدىڭ يان - انىنا بارىپ، يان - ان توڭكەرىستىك ەسكەرتكىش ورنىن ىززەت - قۇرمەتپەن كورىپ، توڭكەرىستىك سوعىس كەزىندەگى پارتيا ورتالىق كوميتەتىنىڭ يان - انداعى داڭقتى شاقتارىن ەسكە ءتۇسىرىپ، اعا بۋىن توڭكەرىسشىلەردىڭ وشپەس ۇلى ەڭبەگىن ساعىنىشپەن ەسكە الىپ، جاڭا كەزەكتى ورتالىق كوميتەت باسشىلىق كوللەكتيۆىنىڭ قىزىل تامىردى ۇلاستىرىپ، كۇرەسكەرلىك رۋحتى جالعاستىرىپ، جاڭا ەمتيحان تاپسىرۋ جولىندا تاريح پەن حالىققا تىڭ دا ۇزدىك جاۋاپناما تاپسىراتىن بەرىك سەنىمىن انىق ءبىلدىردى. شي جينپيڭ بىلاي دەپ باسا دارىپتەدى: پارتيا قۇرۋ ۇلى رۋحىن اسقاقتاتىپ، يان - ان رۋحىن اسقاقتاتىپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، كۇرەس رۋحىن ساۋلەلەندىرىپ، پارتيانىڭ 20 - قۇرىلتايىندا العا قويىلعان نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزۋ كەرەك.
10 - ايدىڭ 27 - كۇنى تۇستەن بۇرىن، شي جينپيڭ قاتارلىلار اۆتوكولىككە توپتىق وتىرىپ، يان - ان قالاسىنىڭ باتىس سولتۇستىگىنە ورنالاسقان ياڭجياليڭ توڭكەرىستىك بايىرعى جۇرتىنا كەلدى. 1938 - جىلى 11 - ايدا، جۇڭگو كوممۋنيستىك پارتياسى ورتالىق كوميتەتى ورگانى فىڭحۋاڭشاننان ياڭجياليڭگە كوشىپ كەلگەن بولاتىن. ياڭجياليڭدەگى كەزدە، پارتيامىز مەملەكەتتىك 7 - قۇرىلتايىن اشىپ، يان - ان ستيل دۇرىستاۋ قوزعالىسىن ورىستەتىپ، جۇڭگو حالقىنىڭ جاپون شاپقىنشىلارىنا قارسى سوعىسىنا باسشىلىق ەتتى.
شي جينپيڭ قاتارلىلار الدىمەن جۇڭگو كوممۋنيستىك پارتياسىنىڭ 7 - قۇرىلتايى اشىلعان جەرگە كەلدى. 1945 - جىلى 4 - ايدان 6 - ايعا دەيىن پارتيانىڭ 7 - قۇرىلتايى وسى ارادا اشىلعان. پارتيامىز قۇرىلعان كەزدە نە بارى 50دەن استام عانا پارتيا مۇشەسى بار ەدى، پارتيانىڭ 7 - قۇرىلتايى اشىلعان كەزدە ءبىر ميلليون 210 مىڭ پارتيا مۇشەسى بار بولدى. شي جينپيڭ باياۋ باسىپ ءماجىلىس الاڭىن ىززەت - قۇرمەتپەن كوردى، ول مىنالاردى ءبىلدىردى: پارتيانىڭ 7 - قۇرىلتايى پارتيا تاريحىندا ماڭىزدى بەلەستىك مانگە يە، ول پارتيامىزدىڭ ساياسي جاقتا، يدەيالىق جاقتا، ۇيىمدىق جاقتا تولىسۋعا بەت العاندىعىن بىلدىرەدى. ساياسي جاقتا، پارتيا يان - ان ستيل دۇرىستاۋى ارقىلى بۇكىل پارتيانى ماۋ زىدۇڭ تۋى استىنا ىنتىماقتاستىرىپ، پارتيانىڭ بۇرىن بولىپ كورمەگەن بىرلىگى مەن ىنتىماعىن جۇزەگە اسىردى. يدەيالىق جاقتا، پارتيا ماۋ زىدۇڭ يدەياسىنىڭ بۇكىل پارتياداعى جەتەكشىلىك ورنىن تۇراقتاندىرىپ، ماۋ زىدۇڭ يدەياسىن پارتيا ۋستاۆىنا جازدى. ۇيىمدىق جاقتا، پارتيا ماۋ زىدۇڭ تۋىن بيىك ۇستاعان، ۇزاق ۋاقىتتىق سىننان وتكەن ساياساتشىلار توبىن قالىپتاستىردى. پارتيانىڭ 7 - قۇرىلتايى پارتيا تاريحىندا ايرىقشا ماڭىزدى ورىنعا يە بولىپ، پارتيانىڭ كەيىن كەلە ۇزدىكسىز جەڭىستەن - جەڭىسكە قول جەتكىزۋىنە دۇرىس بەت الىس كورسەتىپ، دۇرىس جول اشتى.
وسىدان كەيىن، شي جينپيڭ قاتارلىلار ماۋ زىدۇڭ قاتارلى اعا بۋىن توڭكەرىسشىلەردىڭ بايىرعى تۇراعىنا كەلىپ، اعا بۋىن توڭكەرىسشىلەردىڭ ياڭجياليڭدەگى توڭكەرىستىك كەشىرمەلەرىن ەسكە ءتۇسىرىپ، توڭكەرىستىك بايىرعى جۇرتتىڭ قورعالۋ احۋالىن ۇعىستى. يان - انداعى كەزىندە، ياڭجياليڭ ماۋ زىدۇڭنىڭ تۇرعان ۋاقىتى ەڭ ۇزاق جەر، ايگىلى ”جەر تولەدەگى اڭگىمە“ وسى ارادا بولعان. ”جەر تولەدەگى اڭگىمەنىڭ“ ماڭىزدى ءمانى − تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان قالاي اتتاپ وتۋگە بولادى، بيلەۋشىسى ولسە، ساياساتى بىرگە جويىلۋىنان قالاي ساقتانۋعا بولادى، بيلىكتىڭ ۇزاق ۋاقىت ءومىر سۇرۋىنە قالاي شىنايى كەپىلدىك ەتۋگە بولادى دەگەن ماسەلەلەرگە جاۋاپ بەرگەندىگى بولدى. ”جەر تولەدەگى اڭگىمەدە“ ماۋ زىدۇڭ جولداس مۇنىڭ ءبىرىنشى جاۋابىن بەردى، بۇل دەگەنىمىز حالىققا ۇكىمەتتى باقىلاتۋ. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋدىڭ امالياتى بارىسىندا مۇنىڭ ەكىنشى جاۋابىن بەردى، بۇل دەگەنىمىز پارتيانىڭ ءوز - وزىنە توڭكەرىس جاساۋى. شي جينپيڭ بىلاي دەپ اتاپ كورسەتتى: يان - ان توڭكەرىستىك بايىرعى جۇرتى پارتيامىزدىڭ يان - انداعى كەزىندە جۇڭگو توڭكەرىسىنە باسشىلىق ەتكەن، ماركسيزمنىڭ جۇڭگوشالانۋىنا، زامانالانۋىنا ىزدەنىس جاساعان شۇعىلالى بارىسىنا كۋا بولدى، ول ماڭگى وقىپ تاۋىسۋعا بولمايتىن كىتاپ، ءار جولى كەلگەن سايىن بۇرىنعىنى ەسكە الۋ ارقىلى جاڭانى ءبىلىپ، تەرەڭ تاربيەگە جانە تولعانىسقا يە بولامىز. ويداعىداي باسقارىپ، ويداعىداي زەرتتەپ، رەالدىقپەن ۇشتاستىرىپ ياڭجياليڭ حيكاياسىن ويداعىداي بايانداۋ، پارتيا 7 - قۇرىلتايىنىڭ حيكاياسىن ويداعىداي بايانداۋ كەرەك.
ءتۇسىندىرۋشى سول جىلدارداعى شانبەي حالقىنىڭ حالىق ءانى «اقبوز ات اۋەنى» نەگىزىندە «شىعىس قىزاردى» ءانىن جازعان جانە كەڭ تاراتقان بارىسىن تانىستىردى، سونداي - اق سول جەردە ءاندى ورىندادى. شي جينپيڭ بىلاي دەپ اتاپ كورسەتتى: پارتيانى جىرلاعان، ماۋجۋشيدى جىرلاعان وسى ادەبيەت - كوركەمونەر تۋىندىلارىنىڭ ءبارىن حالىق بۇقاراسى وزدىكتەرىنەن شىعارعان، بۇل حالىقتىڭ ماۋ زىدۇڭدى تاڭداعاندىعىن، حالىقتىڭ ماۋ زىدۇڭدى قولداپ - قۋاتتايتىندىعىن تولىق تۇسىندىرەدى.
سودان كەيىن، شي جينپيڭ قاتارلىلار توپتىق اۆتوكولىككە وتىرىپ، يان - ان توڭكەرىستىك ەسكەرتكىش سارايىنا بارىپ، «ۇلى تاريحي بارىس − جۇڭگو كوممۋنيستىك پارتياسى ورتالىق كوميتەتىنىڭ يان - انداعى 13 جىلدىق تاريحى كورمەسىن» ەكسكۋرسيالادى.
1935 - جىلدان 1948 - جىلعا دەيىن يان - اندى ورتالىق ەتكەن شانشي - گانسۋ - نيڭشيا شەكارا رايونى − جۇڭگو كوممۋنيستىك پارتياسى ورتالىق كوميتەتىنىڭ تۇرعان جەرى، جۇڭگو حالقىنىڭ جاپون شاپقىنشىلارىنا قارسى سوعىسىنىڭ ساياسي جەتەكشىلىك ورتالىعى جانە جۇڭگو حالىق ازاتتىق كۇرەسىنىڭ باس ارتقى شەبى بولدى. كورمە پارتيا ورتالىق كوميتەتى مەن ماۋ زىدۇڭ قاتارلى اعا بۋىن توڭكەرىسشىلەردىڭ ماركسيزمنىڭ نەگىزگى قاعيداسىن جۇڭگو توڭكەرىسىنىڭ ناقتى امالياتىمەن ۇشتاستىرعان، يان - اندا بۇكىل ەل توڭكەرىسىنىڭ جەڭىسكە بەت الۋىنا باسشىلىق ەتكەن شۇعىلالى تاريحتى جاپپاي جۇيەلى ايگىلەدى. شي جينپيڭ قاتارلىلار رەتى بويىنشا ”جۇڭگو كوممۋنيستىك پارتياسى ورتالىق كوميتەتى مەن قىزىل ارميا ۇزاق جورىعىنىڭ تابان تىرەر تياناعى“، ”جۇڭگو حالقىنىڭ جاپون شاپقىنشىلارىنا قارسى سوعىسىنىڭ ساياسي جەتەكشىلىك ورتالىعى“، ”جاڭا دەموكراتيانى قۇرۋدىڭ ۇلگىلى سىناق رايونى“، ”بۇكىل ەلدىڭ جەڭىسىنە قول جەتكىزۋدىڭ شىعار ءتۇيىنى“، ”يان - ان رۋحى ماڭگى نۇر شاشادى“ سياقتى كورمە مازمۇندارىن ەكسكۋرسيالادى. شي جينپيڭ ءالسىن - ءالى ايالداپ كورىپ، كوپشىلىكپەن بىرگە پارتيا ورتالىق كوميتەتىنىڭ يان - انداعى كەزىندەگى داڭقتى شاقتارىن ساعىنا ەسكە الدى.
ەكسكۋرسيالاۋ اياقتاعاننان كەيىن، شي جينپيڭ ماڭىزدى ءسوز سويلەدى. ول مىنالاردى ءبىلدىردى: يان - ان جۇڭگو توڭكەرىسىنىڭ قاسيەتتى جەرى، جاڭا جۇڭگونىڭ بەسىگى. 1935 - جىلدان 1948 - جىلعا دەيىن پارتيا ورتالىق كوميتەتى مەن ماۋ زىدۇڭ قاتارلى اعا بۋىن توڭكەرىسشىلەر يان - اندا 13 جىل تۇرمىس كەشىرىپ جانە شايقاس جاساپ، جۇڭگونىڭ توڭكەرىس ىستەرىنىڭ قۇلدىراۋدان شارىقتاۋعا بەت الۋىنا باسشىلىق ەتىپ، تاريحي سيپاتتى بۇرىلىستى جۇزەگە اسىرىپ، جۇڭگونىڭ بولاشاق تاعدىرىن وزگەرتتى. اسقارالى باۋتاشان تاۋى، جوڭكىلىپ اققان يانحى وزەنى. يان - ان قارا استىعىمەن جۇڭگو كوممۋنيستىك پارتياسىنىڭ دامىپ زورايۋىن الدەندىردى، جۇڭگو توڭكەرىسىنىڭ جەڭىسكە بەت الۋىنا قولداۋ كورسەتتى. يان - ان جانە يان - ان حالقى جۇڭگونىڭ توڭكەرىس ىستەرىنە وراسان زور ۇلەس قوستى، ءبىز ماڭگى ەستەن شىعارماۋىمىز كەرەك.
شي جينپيڭ قويۋ سۇيىسپەنشىلىكپەن بىلاي دەدى: مەن يان - ان رايونىندا 7 جىل تۇرمىس كەشىرىپ، ەڭبەك ەتتىم، مەنىڭ اكەلەرىم دە وسى ارادان شىققان، مەن بۇل اراعا توتەنشە قانىقپىن. سول جىلداردا شانبەيدا ءوندىرىس دۇيىنە تۇسكەن كەزدە، ءار رەت يان - اننان وتكەندە، مەن، ءسوز جوق، 7 - قۇرىلتاي اشىلعان جەر، ياڭجياليڭ، زاۋيۋان، فىڭحۋاڭشان سياقتى توڭكەرىستىك بايىرعى جۇرتتارعا كەلىپ كورىپ كەتەتىنمىن. ورتالىققا بارىپ قىزمەت ىستەگەننەن كەيىن، ىلگەرىندى - كەيىندى 3 رەت يان - انعا كەلىپ قىزمەت تەكسەردىم، تەكسەرۋ - زەرتتەۋ جۇرگىزدىم. وسى رەت ورتالىق كوميتەتتىڭ ساياسي بيۋروسىنداعى تۇراقتى مۇشە جولداستارمەن بىرگە كەلۋىم جاڭا كەزەكتى ورتالىق كوميتەت باسشىلىق كوللەكتيۆىنىڭ يان - ان مەزگىلىندە پارتيا قالىپتاستىرعان تاڭداۋلى توڭكەرىستىك ءداستۇر مەن ستيلگە مۇراگەرلىك ەتىپ جانە ونى ساۋلەلەندىرىپ، يان - ان رۋحىن اسقاقتاتاتىندىعىن انىق ءبىلدىرۋ ءۇشىن.
شي جينپيڭ بىلاي دەپ باسا دارىپتەدى: يان - ان مەزگىلىندە قالىپتاسقان جانە ساۋلەلەندىرگەن داڭقتى ءداستۇر مەن تاڭداۋلى ستيل، جەتىلدىرىپ قالىپتاستىرعان بۇلجىماس ءارى دۇرىس ساياسي بەتالىستى، يدەيانى ازات ەتىپ، شىندىقتى ءىس جۇزىنەن ىزدەيتىن يدەيالىق لۋشياندى، بۇكىل ىنتا - پەيىلىمەن حالىق ءۇشىن قىزمەت ىستەيتىن تۇپكى ماقساتتى، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزەتىن شارۋاشىلىق قۇرۋ رۋحىن باستى مازمۇن ەتكەن يان - ان رۋحى پارتيانىڭ قىمباتتى رۋحاني بايلىعى، ۇرپاقتان - ۇرپاققا جالعاستىرا بەرۋ كەرەك.
شي جينپيڭ بىلاي دەپ اتاپ كورسەتتى: بۇلجىماس ءارى دۇرىس ساياسي بەتالىس − يان - ان رۋحىنىڭ جاۋھارى. 1938 - جىلى ماۋ زىدۇڭ جولداس يان - انداعى جۇڭگو حالقىنىڭ جاپون شاپقىنشىلارىنا قارسى تۇرۋ اسكەري - ساياسي داشۋەسىندە ”جۇڭگو حالقىنىڭ جاپون شاپقىنشىلارىنا قارسى تۇرۋ اسكەري - ساياسي داشۋەسىندە نەنى ۇيرەنۋ كەرەك“ دەگەن سۇراۋعا جاۋاپ بەرگەندە ”ەڭ الدىمەن ءبىر ساياسي بەتالىستى ۇيرەنۋ كەرەك“ دەپ اتاپ كورسەتكەن. بۇكىل پارتياداعى جولداستار دۇرىس ساياسي بەتالىسقا تاباندى بولىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، اعا بۋىن توڭكەرىسشىلەر اشقان ۇلى ىستەردى ۇزدىكسىز العا ىلگەرىلەتۋى كەرەك.
شي جينپيڭ بىلاي دەپ باسا دارىپتەدى: يان - انداعى مەزگىلدە پارتيا بۇكىل ىنتا - پەيىلىمەن حالىق ءۇشىن قىزمەت ىستەۋ تۇپكى ماقساتىن العا قويىپ ءارى ونى پارتيا ۋستاۆىنا جازىپ، كوممۋنيستىك پارتيانىڭ ”بۇل قوسىنى بۇكىلدەي حالىقتى ازات ەتۋدى ويلايدى، حالىقتىڭ مۇددەسى ءۇشىن ءۇزىلدى - كەسىلدى قىزمەت ىستەيدى“ دەگەندى باسا دارىپتەپ، پارتيانىڭ كادرلارىنان ”مىزعىماي بۇقارا جاقتا تۇرۋ كەرەك“ دەگەندى تالاپ ەتىپ، ”ۇلىقتى ەمەس، حالىقتىڭ قىزمەتشىسىن عانا كورەتىن“ جالىندى جاعداي قالىپتاستىردى. بۇكىل پارتياداعى جولداستار حالىقتىق تۇرعىدا بەرىك تۇرىپ، پارتيانىڭ تۇپكى ماقساتىن امالياتتا ايگىلەپ، پارتيانىڭ بۇقارالىق لۋشيانىن دايەكتىلەندىرىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، حالىقتى وزەك ەتكەن دامۋ يدەياسىن سانالى تۇردە ءتۇرلى قىزمەتتەرمەن ساباقتاستىرىپ، بىرگە بايۋدى تىڭعىلىقتى ىلگەرىلەتىپ، جالپى حالىقتى وسىزامانداندىرۋ قۇرىلىسى جەتىستىگىنەن اناعۇرلىم كوپ، اناعۇرلىم ءادىل يگىلىكتەندىرۋ كەرەك.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتى مەن قىزىل ارميا يان - انعا ىرگە تەپكەننەن كەيىن، جاۋلاردىڭ اسكەري قورشاۋعا الۋى مەن ەكونوميكالىق قۇرساۋلاۋى سەبەپتى، شارت - جاعدايى ەرەكشە جاپالى بولدى. يان - انداعى ارميا مەن حالىق ماۋ زىدۇڭ جولداس العا قويعان ”ءوزىمىز ىستەپ، ازىق - تۇلىك، كيىم - كەشەك مولشىلىعىن جاسايىق“ دەگەن ۇندەۋىنە بەلسەنە ءۇن قوسىپ، دابىرالى زور ءوندىرىس ناۋقانىن ورىستەتىپ، جاپون شاپقىنشىلارىنا قارسى سوعىستىڭ الدىڭعى شەبىنە پارمەندى قولداۋ كورسەتتى. بۇكىل پارتياداعى جولداستار ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جاساۋ رۋحىن بار كۇشپەن اسقاقتاتۋ كەرەك، ءبىزدىڭ بولاشاقتاعى ماتەريالدىق تۇرمىسىمىز مەيلى قانشالىقتى مول بولسادا، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جاساۋ رۋحىن، استە، جوعالتۋعا بولمايدى، تياناقتى دا قۇنتتى بولىپ، قاجىرلىلىقپەن ىستەپ، تىڭعىلىقتى ىستەپ، زەيىن - زەردەنى شوعىرلاندىرا وتىرىپ ءوز ءىسىمىزدى ويداعىداي ىستەپ، مەملەكەت پەن ۇلتتىڭ دامۋىن ءوز كۇشىمىزدىڭ نەگىزگى تۇيىنىنە قويۋىمىز كەرەك.
شي جينپيڭ بىلاي دەپ باسا دارىپتەدى: سول جىلدارى ماۋ زىدۇڭ جولداس قاتارلى اعا بۋىن توڭكەرىسشىلەر يان - اندا جەر تولەدە تۇرىپ، قارا استىق جەپ، كەزدەمە كيىم كيىپ، ”يان - ان ستيلىمەن“ ”شي - ان ستيلىن“ جەڭىپ شىقتى. بۇكىل پارتياداعى جولداستار اعا بۋىن توڭكەرىسشىلەر مەن كوممۋنيستەر قالدىرىپ كەتكەن داڭقتى ءداستۇر مەن تاڭداۋلى ستيلدى ويداعىداي جالعاستىرىپ، ويداعىداي ساۋلەلەندىرىپ، پارتيانىڭ ءوز - وزىنە توڭكەرىس جاساۋىن جۇرەكتىلىكپەن ىلگەرىلەتىپ، پارتيانى جاپپاي قاتاڭ باسقارۋدى بۇلجىتپاي ىلگەرىلەتىپ، پارتيانىڭ العاباسارلىعى مەن كىرشىكىسىزدىگىن باستان - اياق ساقتاپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: يان - انداعى مەزگىلدە پارتيا قايسار كۇرەسكەرلىك رۋحىمەن جانە ەرەك كۇرەسكەرلىك قابىلەتىمەن جاپون ميليتاريزمىنىڭ شاپقىنشىلىعىنا سوققى بەرۋ كۇرەسىن پارمەندى ورىستەتتى، شي - ان ۋاقيعاسى، 7 - شىلدە ۋاقيعاسى، چۇڭچيڭ كەلىسسوزى سياقتى ءبىر قىدىرۋ كەلەلى سىن - سايىستارعا پارمەندى توتەپ بەردى، بۇكىل ەلدىڭ توڭكەرىستىك كۇرەسىنە پارمەندى باسشىلىق ەتتى جانە قولباسشىلىق جاسادى، گومينداڭ ارمياسىنىڭ شانشي - گانسۋ - نيڭشيا شەكارا رايونىنا جاساعان ءتۇيىندى شابۋىلىنا پارمەندى توتەپ بەردى، سوك پەن مىلتىققا سۇيەنىپ جۇڭگو توڭكەرىسىنىڭ جاڭا جاعدايىن اشتى. بۇكىل پارتياداعى جولداستار كۇرەسكەرلىك رۋحتى ساۋلەلەندىرىپ، كۇرەسكەرلىك قابىلەتىن جوعارىلاتىپ، العا باسۋ جولىنداعى ءتۇرلى قيىندىقتار مەن سىن - سايىستاردى باتىل جەڭىپ، قايراتتانا كۇرەس جاساۋعا سۇيەنىپ ىستەردى دامىتۋدىڭ تىڭ ءورىسىن اشۋ كەرەك.
شي جينپيڭ بىلاي دەپ باسا دارىپتەدى: پارتيانىڭ 20 - قۇرىلتايى كەزەكتەگى جانە بۇدان بىلايعى ءبىر مەزگىلدەگى پارتيا مەن مەملەكەتتىڭ كەلەلى باعىت - ساياساتتارىن بەلگىلەدى، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسىن جاسادى. ءبىز جاڭا جورىققا قادام تاستاپ، جاڭا كۇرەس نىساناسىنا قاراي اتتانايىق!
اتتانار كەزدە، شي جينپيڭ سول ورىنداعى ساقا پارتيا مۇشەلەرى جانە ساقا قىزىل ارميا جاۋىنگەرلەرى، ساقا 8 - ارميا جاۋىنگەرلەرى، قۇربانداردىڭ ۇرپاقتارى، پارتيا مەكتەبى كادرلار شۋەيۋانىنىڭ وقىتۋشىلارى جانە ەسكەرتكىش سارايىنىڭ قىزمەتكەرلەرى قاتارلىلارمەن ىقىلاسپەن پىكىر اۋىستىرىپ، كوپشىلىكتى توڭكەرىستىك رۋحتى اسقاقتاتىپ، پارتيا حيكاياسىن ويداعىداي بايانداۋعا ىنتالاندىردى، ادامداردى بۇلجىماستان پارتيانىڭ ۇنىنە قۇلاق اسىپ، پارتياعا ىلەسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جاساۋعا شابىتتاندىردى. سول ورىننان شاتىرلاعان شاپالاق ءۇنى ۇزاققا دەيىن تولاستامادى.
ليۋ گوجۇڭ، چىن شي جانە ورتالىقتىڭ قاتىستى تاراۋلارىنداعى جاۋاپتى جولداستار، شانشي ولكەسىندەگى قاتىستى جاۋاپتى جولداستار جوعارىداعى قيمىلعا قاتىناستى.
