تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ امەريكا - جۇڭگو قارىم - قاتىناسى مەملەكەتتىك كوميتەتىنىڭ جىلدىق كەشكى قوناعاسىنا قۇتتىقتاۋ حات جولدادى

  شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى. 10 - ايدىڭ 26 - كۇنى، مەملەكەت ءتوراعاسى شي جينپيڭ امەريكا - جۇڭگو قارىم - قاتىناسى مەملەكەتتىك كوميتەتىنىڭ جىلدىق سيلىق تاراتۋ كەشكى قوناعاسىنا قۇتتىقتاۋ حات جولدادى.

  شي جينپيڭ امەريكا - جۇڭگو قارىم - قاتىناسى مەملەكەتتىك كوميتەتى القالار كەڭەسىنىڭ ورىنباسار ءتوراعاسى، اندا توبىنىڭ باسالقاسى ەۆان گرينبەرگتىڭ سيلىققا يە بولعاندىعىن قۇتتىقتاپ، كوميتەت پەن ونىڭ مۇشەلەرىنىڭ جۇڭگو - امەريكا قارىم - قاتىناسىنىڭ دامۋىن جانە ەكى ەلدىڭ ءار سالاداعى اۋىس - كۇيىسىن، سەلبەستىگىن بەلسەنە جەبەپ كەلە جاتقاندىعىن القادى.

  شي جينپيڭ بىلاي دەپ اتاپ كورسەتتى: بۇگىنگى تاڭدا دۇنيە ءجۇزى تىنىش ەمەس، بەيبىت تە ەمەس. جۇڭگو مەن امەريكا ءىرى ەلدەر رەتىندە، ەكى جاقتىڭ قارىم - قاتىناس پەن سەلبەستىكتى كۇشەيتۋى دۇنيە ءجۇزىنىڭ ورنىقتىلىعى مەن تۇراقتىلىعىن كۇشەيتۋگە ءتيىمدى، دۇنيە ءجۇزىنىڭ بەيبىتشىلىگى مەن دامۋىن ىلگەرىلەتۋگە ءتيىمدى. جۇڭگو جاق امەريكا جاقپەن بىرگە قۇلشىنىپ، ءوزارا قۇرمەت ەتىپ، بەيبىت قاتار تۇرىپ، سەلبەسىپ تەڭ يگىلىككە كەنەلىپ، جاڭا داۋىردەگى جۇڭگو مەن امەريكانىڭ دۇرىس تاتۋلىق جولىن تابۋدى قالايدى، بۇل ەكى ەلگە پايدالى بولۋمەن بىرگە، دۇنيە جۇزىنە دە باقىت اكەلەدى.

  شي جينپيڭ امەريكا - جۇڭگو قارىم - قاتىناسى مەملەكەتتىك كوميتەتىنىڭ جانە جۇڭگو - امەريكا قارىم - قاتىناسىنا كوڭىل ءبولىپ، قولداۋ كورسەتكەن ءار سالاداعى دوستاردىڭ بەلسەندى رولدارىن ۇزدىكسىز ساۋلەلەندىرىپ، جۇڭگو - امەريكا قارىم - قاتىناسىنىڭ اقاۋسىز، ورنىقتى دامۋ ارناسىنا قايتا ورالۋىنا دەم بەرۋىن ءۇمىت ەتتى.

  سول كۇنى امەريكانىڭ زۇڭتۇڭى بايدەن دە امەريكا - جۇڭگو قارىم - قاتىناسى مەملەكەتتىك كوميتەتىنىڭ جىلدىق سيلىق تاراتۋ كەشكى قوناعاسىنا قۇتتىقتاۋ حات جولدادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.