تيانشان تورى
تيانشان تورى   ›   ۇيرەنۋ   ›   شولۋ

”ءۇش ءسوز جوقتى“ ەستە بەرىك ساقتاپ، تاريح سەنىمىن بەكەمدەپ، تاريحي ىرىقتىلىقتى كۇشەيتەيىك

  ”ءۇش ءسوز جوقتى“ ەستە بەرىك ساقتاپ، تاريح سەنىمىن بەكەمدەپ، تاريحي ىرىقتىلىقتى كۇشەيتەيىك

  − پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ تۋرالى

  □ حالىق گازەتىنىڭ شولۋشىسى

  تۋدى بيىك ۇستاپ، كۇش - قۋاتتى ۇيىستىرىپ، ىنتىماقتاسا ەكپىندەي ىلگەرىلەدى، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى جاڭا داۋىردەگى جاڭا جورىقتا پارتيا مەن مەملەكەت ىستەرىن دامىتۋعا، ەكىنشى 100 جىلدىق كۇرەس نىساناسىن جۇزەگە اسىرۋعا ايقىن العا باسۋ بەتالىسىن كورسەتىپ، ارەكەت باعدارناماسىن تۇراقتاندىردى. باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ سالتاناتپەن جاريالادى: ”قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“.

  پارتيا 20 - قۇرىلتايى ساياسيدا، نازاريادا، امالياتتا ءبىر قىدىرۋ كەلەلى جەتىستىكتەرگە قول جەتكىزدى. پارتيا 20 - قۇرىلتايىنىڭ بايانداماسى قۇرىلتايدىڭ باستى تاقىرىبىن ەگجەي - تەگجەيلى ءتۇسىندىردى، بۇل − قۇرىلتايدىڭ جانى، پارتيا مەن مەملەكەت ىستەرىن دامىتۋدىڭ باس باعدارلاماسى. بايانداما پارتيا مەن مەملەكەت ىستەرىنىڭ الدىڭعىلاردىڭ ءىزىن باسىپ، بولاشاققا جول اشۋىنىڭ، جۇڭگوشا سوتسياليزمنىڭ بولاشاعىنىڭ، تاعدىرىنىڭ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق بيىگىنەن جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ كەلەلى نازاريالىق جانە امالياتتىق ماسەلەلەرىن جۇيەلى بايىمداپ، الداعى ءبىر مەزگىلدەگى پارتيا مەن مەملەكەت ىستەرىن دامىتۋدىڭ نىسانالارى مەن مىندەتتەرىن جانە كەلەلى باعىت - ساياساتتارىن عىلمي جوسپارلادى. پارتيا 20 - قۇرىلتايىنىڭ بايانداماسى پارتيا مەن حالىقتىڭ اقىل - پاراساتىنىڭ جاۋھارى، پارتيانىڭ حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋىنىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىنىڭ ساياسي جارناماسى جانە ارەكەت تۇعىرناماسى، ماركسيزمدىك تۇعىرنامالىق حۇجات. پارتيا 20 - قۇرىلتايى جاساعان شەشىمدەر، ورنالاستىرۋلار، قول جەتكىزگەن جەتىستىكتەر، ءسوز جوق، جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە، جۇڭگوشا سوتسياليزمنىڭ تىڭ جەڭىسىن قولعا كەلتىرۋدە ايرىقشا ماڭىزدى جەتەكشىلىك جانە كەپىلدىك رول ساۋلەلەندىرەدى. كەزەكتەگى جانە الداعى ءبىر مەزگىلدەگى بۇكىل پارتيانىڭ، بۇكىل ەلدىڭ ماڭداي الدى ساياسي مىندەتى − پارتيا 20 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ. جالپى بەتتىك ۇيرەنۋگە، جالپى بەتتىك يگەرۋگە، جالپى بەتتىك تياناقتاندىرۋعا كۇش سالىپ، پارتيا 20 - قۇرىلتايىنىڭ پارتيا مەن مەملەكەت ىستەرىن دامىتۋدىڭ كەلەلى باعىت - ساياساتتارى مەن ستراتەگيالىق ورنالاستىرۋلارىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن تەرەڭ ءتۇسىنىپ، وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىستەردىڭ كەلەلى ءمانىن مىقتاپ يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن مىقتاپ يگەرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ بورىشىن، مىندەتىن مىقتاپ يگەرىپ، وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋدىڭ ماڭىزدى تالابىن مىقتاپ يگەرىپ، ىنتىماقتاسا كۇرەس جۇرگىزۋ سىندى ءداۋىر تالابىن مىقتاپ يگەرىپ، يدەيا مەن ارەكەتتى سانالى تۇردە پارتيا 20 - قۇرىلتايىنىڭ رۋحىمەن بىرلىككە كەلتىرىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، مىزعىماس تاباندىلىقپەن پارتيا 20 - قۇرىلتايى ورتاعا قويعان نىسانالار مەن مىندەتتەردى ناقتى تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قۇلشىنا قول جەتكىزۋ كەرەك.

  باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەدى: ”بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋ، ءسوز جوق، كىشى پەيىل، بايسالدى بولۋ، قاجىرلىلىقپەن كۇرەس جۇرگىزۋ، ءسوز جوق، باتىلدىقپەن كۇرەس جۇرگىزۋ، شەبەرلىكپەن كۇرەس جۇرگىزۋ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، جاڭا داۋىردەگى جۇڭگوشا سوتسياليزمنىڭ اناعۇرلىم اسەم تاراۋىن جازۋ كەرەك“. بۇل ۇلى ۇندەۋ 100 جىلدىق ۇلى پارتيانىڭ بەرىك ستراتەگيالىق سەنىمى مەن وسكەلەڭ ستراتەگيالىق سەرگەكتىگىن تولىق ايگىلەپ، جۇڭگو كوممۋنيستەرىنىڭ ءوزىن ساقتاندىراتىن، ءوزىن شابىتتاندىراتىن ساياسي اقىل - پاراساتى مەن شىندىققا جۇگىنىپ، ناقتى ىستەيتىن ساياسي قاسيەتىن تولىق ايگىلەپ، جاڭا داۋىردەگى جۇڭگو كوممۋنيستەرىنىڭ كۇشتى تاريحي سانالىلىعى مەن جاۋاپكەرشىلىك ارقالاۋىن تولىق كورسەتىپ، بۇكىل پارتيانى، بۇكىل ەلدەگى ءار ۇلت حالقىن قۇر ءسوز ەلدى توزدىرادى، ىسكەرلىك ەلدى وزدىرادى دەگەن قاعيدانى ەستە بەرىك ساقتاپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن قۇلشىنا ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزىپ، جاڭا داۋىردەگى جاڭا جورىقتا تىڭ بەينە، تىڭ ىسكەرلىك كورسەتۋگە شابىتتاندىرۋدا جانە ىنتالاندىرۋدا.

  جۇڭگو كوممۋنيستىك پارتياسى دۇنيەگە كەلىسىمەن، جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى ءوزىنىڭ اۋەلگى ماقساتى، بورىشى ەتىپ تۇراقتاندىردى. 100 جىلدىق كۇرەس بەلەسىندە پارتيا باستان - اياق پارتيانىڭ اۋەلگى ماقساتىن، بورىشىن امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي داستاندى جازىپ، جۇڭحۋا ۇلتىنىڭ ۇلى گۇلدەنۋىنىڭ بۇرىن بولماعان جارقىن بولاشاعىن كورسەتتى. العا ىلگەرىلەۋ جولىندا ءبىز جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشىن، مىندەتىن مىقتاپ ارقاۋ ەتىپ، جۇڭگو كوممۋنيستىك پارتياسى دەگەن نە، نە ىستەيدى دەگەن ءتۇبىرلى ماسەلەنى ەستە بەرىك ساقتاپ، مۇرات - سەنىمدى بەكەمدەپ، اۋەلگى ماقساتتان، بورىشتان اينىماي، حالىقتى وزەك ەتكەن دامۋ يدەياسىنا تاباندى بولىپ، العان بەتتەن قايتپايتىن قايسارلىقپەن بەلگىلەنگەن نىسانانى قۇلشىنا جۇزەگە اسىرىپ، وسىزامانداندىرۋ قۇرىلىسىنىڭ جەتىستىگىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك.

  قاجىرلىلىقپەن كۇرەس جۇرگىزۋ پارتيامىزدىڭ ساياسي قاسيەتى مەن تاماشا ءداستۇرى. باسىپ وتكەن جولىندا جۇڭگو حالقى ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، دۇنيە ءجۇزىن جالت قاراتقان جۇڭگو كەرەمەتىن جاراتتى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، قاجىرلىلىقپەن كۇرەس جۇرگىزىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى بوگەۋ بەرمەس تاريحي ۇردىسكە كىرگىزدى. سونىمەن بىرگە ءبىز مىنانى دا سەرگەكتىكپەن تانىپ جەتۋىمىز كەرەك: كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىرۋ، بۇل جۇڭحۋا ۇلتىنىڭ ۇلى گۇلدەنۋىنە قادام تاستالعان شەشۋشى ءبىر قادام عانا، ءبىز استە داندايسىماۋىمىز، توقمەيىلسىمەۋىمىز، العا ىلگەرىلەۋ قادامىمىزدى توقتاتپاۋىمىز كەرەك؛ جاپپاي سوتسياليستىك وسىزاماندانعان مەملەكەت قۇرۋ − ۇلى دا جاپالى ءىس، بولاشاعى جارقىن، مىندەتى اۋىر، جولى الىس. اناعۇرلىم داڭقتى بورىش، اناعۇرلىم جاپالى مىندەت الدىندا، بۇكىل پارتيا، ءسوز جوق، ۇزدىكسىز كىشى پەيىل، بايسالدى بولىپ، قاجىرلىلىقپەن كۇرەس جۇرگىزىپ، ءوز ءىسىن بار كۇشپەن ويداعىداي ىستەپ، ”ەمتيحان تاپسىرۋدىڭ“ سەرگەكتىگى مەن تاباندىلىعى ارقىلى جاڭا ءداۋىردىڭ ساۋالناماسىنا ويداعىداي جاۋاپ بەرۋ كەرەك.

  باتىلدىقپەن كۇرەس جۇرگىزىپ، باتىلدىقپەن جەڭىسكە جەتۋ − پارتيا مەن حالىقتىڭ جەڭىلمەس قۇدىرەتتى رۋحاني كۇشى. پارتيا مەن حالىق قول جەتكىزگەن بارلىق تابىستار كۇرەس جۇرگىزۋ ارقىلى كەلگەن. جاڭا داۋىرگە وتكەندە، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتتەرىنىڭ جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى. پارتيامىز حالىققا تىعىز سۇيەنىپ، قاتاڭ دا كۇردەلى حالىقارالىق جاعداي مەن تولاسسىز تۋىلعان وراسان زور حاۋىپ - قاتەرلەرگە، سىن - سايىستارعا ءونىمدى توتەپ بەرىپ، قۇلشىنا ىسكەرلىك كورسەتەتىن رۋحپەن جاڭا داۋىردەگى جۇڭگوشا سوتسياليزمدى ۇزدىكسىز العا ىلگەرىلەتىپ، تالاي - تالاي الۋعا بولمايتىنداي كورىنگەن قيىن قامالداردى الىپ، حاۋىپ - قاتەرلەردى جويىپ، كەدەرگىلەردى الاستادى. پارتيامىز كۇرەس جۇرگىزۋگە سۇيەنىپ بۇگىنگە جەتكەن، ءسوز جوق، كۇرەس جۇرگىزۋگە سۇيەنىپ بولاشاققا قول جەتكىزەدى. جاڭا داۋىردەگى جاڭا جورىقتا تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، كۇرەسكەرلىك رۋحتى اسقاقتاتىپ، جىگەردى، نامىستى، قايراتتى نىعايتىپ، زۇلىم كۇشكە سەنبەي، سۇرقيا كۇشتەن قورىقپاي، قىسىمنان جاسقانباي، قيىندىقتارعا قارسى اتتانىپ، قيىنشىلىقتاردان تايسالماي، العا باسۋ جولىنداعى ءتۇرلى قيىنشىلىق پەن سىن - سايىستاردى كۇش سالا جەڭسەك، ءبىز، ءسوز جوق، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا تىڭ ءورىس اشىپ، جۇڭگونىڭ دامۋ، العا باسۋ تاعدىرىن ءوز قولىمىزدا بەرىك ۇستاي الامىز.

  جاڭا ەمتيحان تاپسىرۋ جولىندا ۇزدىكسىز جاقسى جاۋاپناما تاپسىرۋدا، ءسوز جوق، ”ءۇش ءسوز جوقتى“ ەستە بەرىك ساقتاپ، تاريح سەنىمىن بەكەمدەۋ، تاريحي ىرىقتىلىقتى كۇشەيتۋ كەرەك. 100 جىلدان بەرى پارتيامىز جۇڭگو حالقىن باقىتقا كەنەلتۋگە، جۇڭحۋا ۇلتىن گۇلدەندىرۋگە كۇش سالىپ، ادامزاتتىڭ العا باسۋىنا، دۇنيە ءجۇزىنىڭ ۇلى بىرلىگىنە، دۇنيە كوپكە ورتاق بولۋىنا، دۇنيەنىڭ دۇرىس جولىمەن جۇرۋگە كۇش سالدى، بۇل − پارتيامىزدىڭ تاريح سەنىمىنە يە بولۋىنىڭ ەڭ زور نەگىزى، پارتيامىزدىڭ جۇڭگودا بيلىك جۇرگىزۋىنىڭ ءارى ۇزاق ۋاقىت بيلىك جۇرگىزۋىنىڭ تاريح سەنىمى ءارى پارتيامىزدىڭ حالىقتى ىنتىماقتاستىرىپ جانە باستاپ، ۇزدىكسىز العا ىلگەرىلەۋىنىڭ تاريح سەنىمى. 100 جىلدان بەرى جاعداي مەن مىندەت مەيلى قالاي وزگەرسىن، قانداي سۇراپىل داۋىل، كۇشتى نوسەرگە تاپ بولسىن، پارتيامىز قاي - قاشان دا تاريحي ىرىقتىلىقتى يگەرىپ، كۇرەس نىساناسىن كوزدەپ، دۇرىس بەتالىسپەن تاباندىلىقپەن ىلگەرىلەدى. اماليات بىزگە ماركسيزم عىلمي نازارياسىنىڭ جەتەكشىلىگىنە يە بولۋ پارتيامىزدىڭ نانىمدى، سەنىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ءتۇبىرلى تياناعى ەكەندىگىن ءتۇسىندىردى. ”ەكىنى تۇراقتاندىرۋ“ پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيا مەن مەملەكەت ىستەرىنىڭ تاريحي تابىستارعا قول جەتكىزۋىن، تاريحي وزگەرىستەر تۋىلۋىن جەبەگەن شەشۋشى فاكتور. جاڭا داۋىردەگى جاڭا جورىقتا جۇڭگوشا سوتسياليزم ىستەرىن العا ىلگەرىلەتۋدە ەڭ كوكەي تەستىسى ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ. العا ىلگەرىلەۋ جولىندا يدەيا كۇشىمەن ەكپىندەي ىلگەرىلەۋ كۇشىن قاۋلاتىپ، نازاريالىق ىرىقتىلىقپەن تاريحي ىرىقتىلىقتى يگەرىپ، قايراتتانا ۇمتىلىپ، ەرلىكپەن العا ىلگەرىلەپ، ىنتىماقتاسا كۇرەس جۇرگىزسەك عانا، جاڭا ءداۋىر شۇعىلاسىن سومداپ، جاڭا تاريحي ۇلى ءىستى جاراتا الامىز.

  زامانىمىزداعى جۇڭگودا تاۋ - سۋلار كورىكتى، حالىق ارىندى، بولاشاق ۇلى. پارتيامىز جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، ادامزاتتىڭ بەيبىتشىلىك جانە دامۋ وسكەلەڭ ىسىنە كۇش سالۋدا جاۋاپكەرشىلىك شەكسىز كەلەلى، بورىش شەكسىز داڭقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، ”ءۇش ءسوز جوقتى“ ەستە بەرىك ساقتاپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، پارتيا 20 - قۇرىلتايى كەسكىندەگەن ايبىندى جوبانى رەالدىققا اينالدىرىپ، جاڭا داۋىردەگى جاڭا جورىقتا دۇنيە ءجۇزىن جالت قاراتاتىن تىڭ دا اناعۇرلىم زور كەرەمەت جاراتايىق!

  (شينحۋا اگەنتتىگىنىڭ 10 - ايدىڭ 26 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.