جاڭا ءداۋىردىڭ 10 جىلىنداعى ۇلى وزگەرىستىڭ بەلەستىك ءمانىن جەتە يگەرەيىك
− پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
”جاڭا داۋىردەگى ۇلى تابىستارعا پارتيا مەن حالىق بىرگە قۇلشىنۋ ارقىلى قول جەتكىزگەن، ەڭبەك ەتۋ ارقىلى قول جەتكىزگەن، كۇرەس جۇرگىزۋ ارقىلى قول جەتكىزگەن“! باس شۋجي شي جينپيڭ پارتيا 20 - قۇرىلتايىنىڭ بايانداماسىندا وتكەن 5 جىلداعى قىزمەتتەر مەن جاڭا ءداۋىردىڭ 10 جىلىنداعى ۇلى وزگەرىسكە قايىرىلا قاراپ، قورىتىندىلاپ، بىلاي دەپ تەرەڭ اتاپ كورسەتتى: ”جاڭا ءداۋىردىڭ 10 جىلىنداعى ۇلى وزگەرىس پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە“. پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە، جاڭا ءداۋىردىڭ 10 جىلىنداعى ۇلى وزگەرىستىڭ تەرەڭ مازمۇنى مەن كەلەلى ءمانىن جالپى بەتتىك يگەرىپ، ءسوز جوق، بۇكىل پارتيانى، بۇكىل ەلدەگى ءار ۇلت حالقىن تاريح سەنىمىن بەكەمدەپ، تاريحي ىرىقتىلىقتى كۇشەيتىپ، پارتيا تۋى استىندا ”بەرىك قۇرىش“ بولىپ ىنتىماقتاسىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ونان ارى شابىتتاندىرادى جانە ىنتالاندىرادى.
وتكەن 5 جىل مەن جاڭا داۋىردەن بەرگى 10 جىل پارتيا مەن مەملەكەتتىڭ دامۋ ۇردىسىندە اسا وزگەشە، ايرىقشا ەرەكشە بولدى. وسى 10 جىلدا، كۇرمەۋى كوپ كونە ماسەلەلەردى شەشىپ، دامۋ جولىنداعى بوگەتتەردى ارىلتىپ، سىن - سايىستاردان سۇرىنبەي وتتىك، ءبىز جولىققان حاۋىپ - قاتەرلەردىڭ، سىن - سايىستاردىڭ داۋىلى كۇشتى، تولقىنى قاتتى بولدى، كەيدە ءتىپتى، سۇراپىل تاسقىن، دۇلەي تولقىن كوتەرىلىپ، كۇردەلىلىگى، قاتاڭدىعى بۇرىن بولماعان دارەجەدە بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى باعامداپ، باتىل شەشىم جاساپ، قايراتتانا ىلگەرىلەپ، قامال الىپ، قيىندىقتاردى جەڭىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن بىلەك سىبانا قۇلشىنا ىستەۋگە، بوران - شاشىنعا قاراماي العا ىلگەرىلەۋگە ىنتىماقتاستىرىپ جانە باستاپ، كوپتەگەن جاڭا تاريحي ەرەكشەلىككە يە ۇلى كۇرەستەردى العان بەتتەن قايتپاي جۇرگىزىپ، قاراماققا قامال الۋعا بولمايتىن قيىن وتكەلدەردەن، قاتەرلەردەن، كەدەرگىلەردەن قامال الىپ، جۇرتتى قايران قالدىرارلىق تالاي ءومىر كەرەمەتىن جاراتتى. پارتيا 20 - قۇرىلتايىنىڭ بايانداماسى 10 جىلدان بەرى ءبىز باستان كەشىرگەن پارتيا مەن حالىق ىستەرىندە كەلەلى رەال مانگە جانە تەرەڭ تاريحي مانگە يە 3 ءىرى ىسكە جوعارى باعا بەرىپ، جاڭا داۋىردەگى پارتيا مەن مەملەكەت ىستەرى قول جەتكىزگەن تاريحي تابىستارعا، تۋىلعان تاريحي وزگەرىستەرگە 16 جاقتان جاپپاي قورىتىندى جاسادى جانە تاماشا جيناقتادى. ءبىز مىنالاردى تەرەڭ تانىپ جەتۋىمىز كەرەك: بۇل تابىستار، نازاريالىق جاقتان ايتقاندا، ءتول جاسامپازدىق سيپاتقا، سەرپىلىستىك سيپاتقا، باستامالىق سيپاتقا يە، تۇزىمدىك جاقتان ايتقاندا، جاسامپازدىق سيپاتقا، جۇيەلى سيپاتقا، تۇتاس تۇلعالىق سيپاتقا يە، امالياتتىق جاقتان ايتقاندا، ءتۇبىرلى سيپاتقا، ستراتەگيالىق سيپاتقا، ۇزاق بولاشاقتىق سيپاتقا يە. وسى تابىستار بولعاندىقتان دا، جۇڭگوشا سوتسياليزمگە تاباندى بولۋ جانە ونى دامىتۋ اناعۇرلىم بەرىك زاتتىق نەگىزگە، اناعۇرلىم كەمەلدى تۇزىمدىك كەپىلدىككە يە بولىپ، ماركسيزمنىڭ عىلميلىعى مەن اقيقاتتىعى جاڭا داۋىردەگى جۇڭگودا تولىق سىننان ءوتىپ، سوتسياليزمنىڭ تاريحي سوزسىزدىگى، تۇزىمدىك باسەكەلىك قۋاتى تولىق ايگىلەندى.
جاڭا ءداۋىردىڭ 10 جىلىنداعى ۇلى وزگەرىستى باستان كەشىرىپ، 100 جىلدىق كۇرەس بارىسىن باسىپ وتكەن جۇڭگو كوممۋنيستىك پارتياسى توڭكەرىستىك شىڭدالۋ بارىسىندا اناعۇرلىم پارمەندى، قۋاتتى بولىپ، پارتيانىڭ ساياسي باسشىلىق قابىلەتى، يدەيالىق جەتەكشىلىك قابىلەتى، بۇقارانى ۇيىمداستىرۋ قابىلەتى، قوعامدىق ۇندەۋ قابىلەتى كورنەكتى كۇشەيدى؛ جۇڭگو حالقىنىڭ العا ىلگەرىلەۋ قوزعاۋشى كۇشى اناعۇرلىم كۇشەيىپ، كۇرەسكەرلىك رۋحى اناعۇرلىم اسقاقتاپ، ءسوز جوق، جەڭىسكە جەتۋ سەنىمى اناعۇرلىم بەكەمدەلىپ، ءتىپتى دە كۇشتى تاريحي سانالىلىعىن جانە ىرىقتىلىق رۋحىن قاۋلاتتى، جۇڭگو كوممۋنيستىك پارتياسى مەن جۇڭگو حالقى كامىل سەنىممەن جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋىن ىلگەرىلەتۋدە؛ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى تەرەڭدەي ىلگەرىلەپ، ەكونوميكانىڭ شاپشاڭ دامۋى مەن قوعامنىڭ ۇزاق ۋاقىت ورنىقتى بولۋىنداي ەكى ۇلكەن كەرەمەتتىڭ تىڭ تاراۋىن جازىپ، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ سىندى تاريحي مىندەتتى ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي بارىسقا ءوتتى؛ عىلمي سوتسياليزم 21 - عاسىرداعى جۇڭگودا تىڭ دا قارىشتاعان ومىرشەڭدىك قاۋلاتتى، ءبىز جۇڭگو ۇلگىسىندەگى وسىزامانداندىرۋدى ءساتتى ىلگەرىلەتىپ جانە كەڭەيتىپ، ادامزاتتىڭ وسىزامانداندىرۋدى جۇزەگە اسىرۋىنا جاڭا تالعام ۇسىندىق، جۇڭگو كوممۋنيستىك پارتياسى مەن جۇڭگو حالقى ادامزات ءدوپ كەلىپ وتىرعان ورتاق ماسەلەلەردى شەشۋگە ءتىپتى دە كوپ، ءتىپتى دە جاقسى جۇڭگو اقىل - پاراساتىن، جۇڭگو جوباسىن، جۇڭگو كۇشىن ازىرلەپ، ادامزاتتىڭ بەيبىتشىلىك جانە دامۋ سىندى وسكەلەڭ ىسىنە تىڭ دا اناعۇرلىم زور ۇلەس قوستى. ءبىز پارتيا 18 - قۇرىلتايىنان بەرى پارتيا مەن مەملەكەت ىستەرى قول جەتكىزگەن تاريحي تابىستارمەن، تۋىلعان تاريحي وزگەرىستەرمەن تىعىز بايلانىستىرىپ، وسى جىلداردان بەرى ءبىز ءجۇرىپ وتكەن اسا وزگەشە، ايرىقشا ەرەكشە بەلەستەرمەن بايلانىستىرىپ، ءبىزدىڭ رەفورما جاساۋدى، ەسىك اشۋدى تەرەڭدەتۋدەگى، جوعارى ساپالى دامۋدى ىلگەرىلەتۋدەگى، ەلەۋلى حاۋىپ - قاتەرلەر مەن سىن - سايىستارعا ءونىمدى توتەپ بەرۋدەگى ناقتى امالياتىمىزبەن بايلانىستىرىپ، حالىقارالىق ورتاداعى تەرەڭ وزگەرىستەرمەن بايلانىستىرىپ، جاڭا ءداۋىردىڭ 10 جىلىنداعى ۇلى وزگەرىستىڭ پارتيا جونىنەن، جۇڭگو حالقى جونىنەن، سوتسياليستىك وسىزامانداندىرۋ قۇرىلىسى جونىنەن، عىلمي سوتسياليزمنىڭ 21 - عاسىرداعى جۇڭگودا دامۋى جونىنەن تەرەڭ ىقپالىن جەتە ءتۇسىنىپ، ستراتەگيالىق سەنىمدى بەكەمدەۋىمىز كەرەك.
تۋلاعان الىپ تولقىندار تىرەكتىڭ كۇشىن ايگىلەيدى، ايبىندى تاۋلار اسقار شىڭىنا باعىنادى. جاڭا ءداۋىردىڭ 10 جىلىنداعى ۇلى وزگەرىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىندە قولعا كەلگەن. شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرعاندىقتان عانا، پارتيا پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، ەسەن - امان بولۋىنا ىقپال جاسايتىن كورنەكتى قايشىلىقتار مەن ماسەلەلەردى پارمەندى شەشىپ، پارتيانىڭ، مەملەكەتتىڭ، ارميانىڭ ىشكى جاعىندا ورىن تەپكەن اۋىر كومەسكى قاتەرلەردى جويىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى قايتارۋعا كەلمەيتىن تاريحي بارىسقا وتۋىنە تۇبىرىنەن شىنايى كەپىلدىك ەتتى. ”ەكىنى تۇراقتاندىرۋ“ پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، جاڭا داۋىردە پارتيا مەن مەملەكەت ىستەرىنىڭ جەڭىستەن تىڭ جەڭىسكە بەتتەۋىنە جەتەكشىلىك ەتەتىن ساياسي كەپىلدىك، جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، بارلىق تۇراقسىزدىققا توتەپ بەرۋدەگى ەڭ زور تۇراقتىلىق، ەڭ زور سەنىم، ەڭ زور كەپىلدىك. بۇكىل پارتيا، ءسوز جوق، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، اناعۇرلىم سانالى تۇردە باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن قورعاپ، اناعۇرلىم سانالى تۇردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، تاباندى تۇردە يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
”جاڭا جورىق داڭق پەن ارمانعا تولى ۇزاق جورىق“. باس شۋجي شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە: ”ۇلى جوبا جاسالدى، دابىل الدەقاشان قاعىلدى. ءبىز اسقاق جىگەرمەن قايراتتانا ۇمتىلىپ، ەرلىكپەن العا ىلگەرىلەپ، ءتىپتى دە شۇعىلالى بولاشاق جاراتۋعا قۇلشىنۋىمىز كەرەك“، - دەپ باسا دارىپتەدى. قازىر جۇڭگو حالقىنىڭ بەلسەندىلىگى، ىرىقتىلىعى، جاسامپازدىعى ونان ارى قاۋلاپ، جىگەرى، نامىسى، قايراتى بۇرىن بولماعان دارەجەدە كۇشەيىپ، پارتيا تىلەگى، ارميا تىلەگى، حالىق تىلەگى اسقاق سەرپىلىپ، جاڭا داۋىردەگى جۇڭگو دامۋىنىڭ ۇلى تاريحىن تاسقىنداعان ىنتامەن جازۋدا. جاڭا ۇلى جورىقتا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگو سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”مەملەكەتتىڭ زور ءىسىن“ ەستە بەرىك ساقتاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگوشا سوتسياليزم جولىنا تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتىپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، ىنتىماقتاسا كۇرەس جۇرگىزسەك، ءبىز، ءسوز جوق، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىستەرىن ۇزدىكسىز قولعا كەلتىرىپ، جاڭا داۋىردەگى جۇڭگوشا سوتسياليزمنىڭ ءتىپتى دە كوز تارتارلىق تاراۋلارىن جازاتىن بولامىز!
(شينحۋا اگەنتتىگىنىڭ 10 - ايدىڭ 27 - كۇنى بەيجيڭنەن بەرگەن حابارى)
