چيان جىڭيىڭ جولداستىڭ سۇيەگى بەيجيڭدە ورتەلدى
چيان جىڭيىڭ جولداستىڭ ناۋقاسى اۋىرلاسقان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى جولدارمەن چيان جىڭيىڭ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋعان - تۋىسقاندارىنان شىنايى حال سۇرادى
جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، ۋاڭ ياڭ قاتارلىلار باباۋشان توڭكەرىستىك قۇرباندار قابىرىنا بارىپ قوشتاستى
شينحۋا اگەنتتىگىنىڭ 10 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، پرولەتاريات توڭكەرىسشىسى، ەلىمىز سۋ يگىلىگى جانە ەلەكتر قۋاتى شەبىنىڭ ۇزدىك باسشىسى، جۇڭگو ينجەنەريا اكادەمياسىنىڭ بىلىكتى اكادەميگى، جۇڭگو حالىق ساياسي ءماسليحات كەڭەسى 7 - كەزەكتى، 8 - كەزەكتى، 9 - كەزەكتى مەملەكەتتىك كوميتەتىنىڭ ورىنباسار ءتوراعاسى چيان جىڭيىڭ جولداستىڭ سۇيەگى 10 - ايدىڭ 28 - كۇنى بەيجيڭ باباۋشان توڭكەرىستىك قۇرباندار قابىرىندا ورتەلدى.
چيان جىڭيىڭ جولداس 2022 - جىلى 10 - ايدىڭ 22 - كۇنى ساعات 21دەن 50 مينۋت وتكەندە، بەيجيڭدە 99 جاسىندا ناۋقاستان قايتىس بولدى.
چيان جىڭيىڭ جولداستىڭ ناۋقاسى اۋىرلاسقان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى جولدارمەن چيان جىڭيىڭ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋعان - تۋىسقاندارىنان شىنايى حال سۇرادى.
جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، مەملەكەتتىك ساياسي كەڭەستىڭ ءتوراعاسى ۋاڭ ياڭ قاتارلىلار 10 - ايدىڭ 28 - كۇنى باباۋشان توڭكەرىستىك قۇرباندار قابىرىنا بارىپ، چيان جىڭيىڭ جولداستىڭ سۇيەگىمەن قوشتاستى ءارى ونىڭ تۋعان - تۋىسقاندارىنان حال سۇرادى.
10 - ايدىڭ 28 - كۇنى تۇستەن بۇرىن، باباۋشان توڭكەرىستىك قۇرباندار قابىرىنىڭ زالى قايعىلى جىم - جىلاس كۇيگە شومىپ، قايعىلى مۋزيكا باياۋ تولقىپ تۇردى. زالدىڭ ءتورىنىڭ جوعارعى جاعىنا ”چيان جىڭيىڭ جولداسقا قايعىلى ازا بىلدىرەمىز“ دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا چيان جىڭيىڭ جولداستىڭ سۋرەتى قويىلعان. شالقالاي جاتقىزىلعان چيان جىڭيىڭ جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.
تۇستەن بۇرىن ساعات 9 مولشەرىندە، ۋاڭ ياڭ قاتارلىلار قايعىلى مۋزيكا ءۇنى ىشىندە چيان جىڭيىڭ جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، چيان جىڭيىڭ جولداستىڭ سۇيەگىنە 3 رەت تاعزىم ەتتى ءارى چيان جىڭيىڭ جولداستىڭ تۋعان - تۋىسقاندارىنا باس شۋجي شي جينپيڭ قاتارلى ورتالىقتاعى باسشى جولداستاردىڭ شىنايى حال سۇراۋىن جەتكىزدى.
پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى جولدارمەن ازا ءبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، چيان جىڭيىڭ جولداستىڭ بەيجيڭدە كوزى تىرىسىندەگى جاقىن دوستارى قاتارلىلار دا بارىپ قوشتاستى.
