ما شيڭرۇي، ەركىن تۇنياز ءتۇيىندى وڭىرلەردىڭ ىندەتتەن ساقتانۋ - تىزگىندەۋ قىزمەتىن جەكە - جەكە تەكسەرىپ - زەرتتەدى، تەكسەردى، وعان جەتەكشىلىك ەتتى
سەنىمدى، بەكىمدى بەكەمدەپ، بار كۇشپەن قيىندىقتان قامال الىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا ويداعىداي شەشۋ كەرەك
لي يفي قاتىستى قيمىلدارعا قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 29 - كۇنى حابارلايدى. پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتى بەلگىلەگەن ىندەتتەن ساقتانۋ - تىزگىندەۋ شەشىمدەرىن، ورنالاستىرۋلارىن تولىق، دالمە - ءدال، جاپپاي ءتۇسىنىپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى تالاپتارىن باتىل تياناقتاندىرىپ، ءتۇيىندى وڭىرلەردىڭ ىندەتتەن ساقتانۋ - تىزگىندەۋدى بۇلجىماي ويداعىداي يگەرىپ، ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ورىنداۋىن ىلگەرىلەتۋ ءۇشىن، 10 - ايدىڭ 27 - كۇنىنەن 29 - كۇنىنە دەيىن، اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز جەكە - جەكە ءۇرىمجى، تۇرپان، بايىنعولين، تارباعاتاي، ىلە سياقتى جەرلەرگە بارىپ، شينجياڭعا كومەككە كەلگەن قاتىستى ولكە، قالالاردىڭ ەمدەۋ اترەتتەرىنە امانداسىپ جانە ولاردان حال سۇراپ، ولاردىڭ شەشۋشى ساتتە شينجياڭعا زور قولداۋ جانە قالتقىسىز كومەك كورسەتكەندىگىنە العىس ايتتى؛ ىندەتتەن ساقتانۋ - تىزگىندەۋ شارالارىنىڭ تياناقتانۋى جانە حالىققا قىزمەت وتەۋ، ىركىلىسسىزدىككە كەپىلدىك ەتۋ، اۋىل شارۋاشىلىعى ءوندىرىسى سياقتى قىزمەت جاعدايلارىن تەكسەرىپ - زەرتتەپ، تەكسەرىپ، جەر - جەردى پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، سەنىمدى بۇلجىماستان بەكەمدەپ، شارالاردى تياناقتاندىرۋدا بوساڭسىماي، نازاردى ماڭىزدى تۇيىندەرگە شوعىرلاندىرىپ، قيىندىقتاردان قامال الىپ، اناعۇرلىم ىشكەرىلەي، ەگجەي - تەگجەيلى تۇردە بۇقارانى ۋايىمنان ارىلتىپ، قيىنشىلىقتارىن شەشىپ، ءار جاقتىڭ بايلىق كۇشىن ۇيىستىرىپ، ىندەتتەن ساقتانۋ - تىزگىندەۋ سىندى وسى قاتاڭ شايقاستىڭ جەڭىسىنە باتىل قول جەتكىزۋگە قۋزادى، جەتەكشىلىك ەتتى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي قاتىستى قيمىلدارعا قاتىناستى.
ما شيڭرۇي جەكە - جەكە ءۇرىمجى قالاسىنىڭ تيانشان رايونى، سايباق رايونى، شۇيموگوۋ رايونى سياقتى 6 ءتۇيىندى رايونعا، اۋدانعا جانە تۇرپان قالاسى گاۋچاڭ رايونى، كورلا قالاسى سياقتى جەرلەرگە بارىپ، ىندەتتەن ساقتانۋ - تىزگىندەۋ قولباسشىلىق شتابى، حىسۋان تەكسەرۋ تاجىريبەحاناسى، شوعىرلى اۋاشالاۋ الاڭ - ورنى، تۇرعىندار شاعىن اۋماعى، اتىز - ارىق باسى سياقتى جەرلەرگە ىشكەرىلەي بارىپ، الدىڭعى شەپتەگى قىزمەتكەرلەرگە امانداسىپ، ولاردان حال سۇرادى. حىسۋان تەكسەرۋ، ەپيدەميولوگيالىق تەكسەرۋ بويىنشا تەگىن انىقتاۋ، اۋاشالاپ باسقارۋ - تىزگىندەۋ، قىزمەت وتەۋمەن قامتاماسىز ەتۋ، كۇزگى جيىن - تەرىن، كۇزگى جەر جىرتۋ، كۇزدە ەگۋ قىزمەتى سياقتىلارعا سول جەردىڭ وزىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن اناعۇرلىم جوعارىلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ”ەكىنى تۇراقتاندىرۋدى“ قورعاۋدى، ”ەكىنى قورعاۋدى“ امالياتتا ايگىلەۋدى ءىس جۇزىندىك ارەكەتتە ايگىلەپ، كەزەكتەگى ىندەتتەن ساقتانۋ - تىزگىندەۋ جاعدايىن سەرگەكتىكپەن تانۋ كەرەك. ”بەيعامدىققا سالىنۋدىڭ“ جارامايتىندىعىن، ”بەيعامدىقپەن جەڭۋدىڭ“ مۇمكىن ەمەستىگىن تەرەڭ ءتۇسىنىپ، باس تاكتيكاعا، باس باعىتقا ەش بۇلجىماستان تاباندى بولىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالاپتارىن جانە 9 - نۇسقاداعى ساقتانۋ - تىزگىندەۋ جوباسىن قاتاڭ اتقارىپ، جۇيە كوزقاراسىن كۇشەيتىپ، ءبىر تۇتاس جوسپارلاپ تەڭ ءمان بەرۋگە باسا ءمان بەرىپ، تاكتيكا شارالاردى مۇلتىكسىزدەندىرىپ، نازاردى حىسۋان تەكسەرۋدىڭ ساپاسى مەن ونىمدىلىگى، وتكەرمەلەپ تاسۋ جانە اۋاشالاۋ تەبىنى، حالىق تۇرمىسىندا كوڭىل ءبولىپ وتىرعان ىستەردى شەشۋ سياقتى جاقتارداعى ماسەلەلەر مەن جەتەرسىزدىكتەرگە شوعىرلاندىرىپ ۇزدىكسىز كۇش سالۋ كەرەك. ءۇرىمجى قالاسى تومەنگە ءتۇسىپ، كوتەرمەگە الىپ بايلانىس ورناتقان ولكە دارەجەلى باسشىلاردىڭ قۋزاۋ - جەتەكشىلىك ەتۋىندە، كوكەي تەستىلىك سەزىمدى، جاۋاپكەرشىلىك سەزىمدى شىنايى كۇشەيتىپ، قىزمەتتەگى ىرىقتىلىقتى، بەلسەندىلىكتى جوعارىلاتۋى، پارتيا، ۇكىمەت ورىندارىنداعى نەگىزگى جاۋاپتى جولداستار جاۋاپكەرشىلىكتى مىقتاپ ارقالاپ، جاۋاپكەرشىلىك ارقالاپ، ىسكەرلىك كورسەتىپ، ءبىر تۇتاس جوسپارلاپ سايكەستىرۋدى كۇشەيتىپ، الدىڭعى شەپكە ىشكەرىلەي ارالاسىپ ماسەلەلەردى شەشۋى؛ ساقتانۋ - تىزگىندەۋدىڭ جالپى بارىسىنداعى قىزمەتتىڭ ساپاسىن، ونىمدىلىگىن جوعارىلاتىپ، حىسۋان تەكسەرۋ سىندى وسى تەتىكتى مىقتى يگەرىپ، بارلىق ادامدى تەكسەرۋ مەن ءتۇيىندى اداقتاپ تەكسەرۋدى عىلمي ۇيىمداستىرىپ، تاجىريبەحانالاردى اۆتوماتتاندىرۋ، ينفورماتسيالاندىرۋ قۇرىلىسىنىڭ جەتىستىكتەرىنەن ويداعىداي پايدالانىپ، بولىمدى بولعانداردى قاداعالاۋ ونىمدىلىگىن جاپپاي جوعارىلاتىپ، دەرەۋ تەكسەرۋ، دەرەۋ تاسىمالداۋ، اۋاشالاۋعا تيىستىلەرىن مۇمكىندىگىنشە اۋاشالاۋدى باتىل ورىنداۋ؛ شوعىرلى اۋاشالاۋ الاڭ - ورىندارى قۇرىلىسىن، اينالىمىن جانە قاتاڭ باسقارۋدى كۇشەيتىپ، ماڭىزدى قىزمەت ورىندارىنداعى قىزمەتكەرلەردىڭ ساقتانۋ - تىزگىندەۋىن كۇشەيتىپ، بار كۇشپەن قامال الىپ، قيىندىقتاردى جەڭۋ كەرەك. باسقا ءتۇيىندى وڭىرلەر ولشەمدى تومەندەتپەۋگە، سەرپىننەن قايتپاۋعا تاباندى بولىپ، نازاردى ءتۇيىندى الاڭ - ورىندارعا، ءتۇيىندى قاۋىمعا، ءتۇيىندى سالالارعا شوعىرلاندىرىپ، ءتۇيىندى مىندەتتەردى تيتتەي دە بوساڭسىماي، جوعارى ونىمدىلىكپەن ىلگەرىلەتىپ، قىزمەتتىڭ باعىتتامالىلىعىن، ونىمدىلىگىن ۇزدىكسىز كۇشەيتىپ، ساقتانۋ - تىزگىندەۋ جەتىستىكتەرىن ورنىقتى كەڭەيتۋ كەرەك. جەر - جەر، تاراۋلار حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بۇقارانى شىن مانىندە تۋىسىنداي كورىپ، بۇقارانىڭ ورىندى پىكىر - ۇسىنىستارىن مۇقيات تىڭداپ، قابىلداپ، حالىققا ءتيىمدى، جۇرەككە ءنار بەرەتىن اناعۇرلىم كوپ شارالاردى قولدانىپ، بۇقارانىڭ ناۋقاس كورسەتۋ، ەمدەلۋ ماسەلەلەرىن كۇش سالا شەشىپ، زاتتىق ماتەريالداردى جەتكىزۋ، جۇمىسقا ورنالاسۋ، اۋىلىنا قايتۋ، قۇتقارۋ - كومەكتەسۋ سياقتى قىزمەتتەردى كۇش سالا ويداعىداي ىستەپ، قىس ماۋسىمىنداعى جىلىنۋ جانە سۋ، ەلەكتر، گاز سياقتىلارمەن قامداۋدى ويداعىداي قامتاماسىز ەتىپ، عىلمي ۇگىتتەپ، جەتەكشىلىك ەتىپ، سابىرلىلىقپەن كوڭىل كۇيدى سەرگىتىپ، قىزمەت قابىلەتى مەن قىزمەت وتەۋ ورەسىن ۇزدىكسىز جوعارىلاتۋ كەرەك.
ەركىن تۇنياز ىلگەرىندى - كەيىندى شيحۋ قالاسى جانە قۇلجا قالاسى سياقتى جەرلەرگە بارىپ، اۋاشالاۋ الاڭ - ورىندارى جانە تاجىريبەحانانىڭ اينالىمى، سىرتقا جايىلۋدان ساقتانۋ - تىزگىندەۋ، شيپاحانانىڭ بۇقارانىڭ ەمدەلۋىن قامتاماسىز ەتۋى، تۇرمىستىق زاتتىق ماتەريالداردى زاپاس دايىنداۋ، قامداۋ، سونداي - اق اۋىل - قىستاقتاردا ىندەتتەن ساقتانۋ، ماقتا جيناۋ، مانەرلەۋ سياقتى قىزمەتتەر جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ىندەتتەن ساقتانۋ - تىزگىندەۋدەگى ساياسي جاۋاپكەرشىلىكتى شىنايى ارقالاپ، سىرتقا جايىلۋدان، قايتا بەلەڭ بەرۋدەن، تارالۋدان ساقتانۋدى ءبىر تۇتاس جوسپارلاپ، ماڭىزدى وتكەلدەر مەن اۆتوكولىكتەردى، ادامداردى تۇيىق اينالىمدا باسقارۋدى، ەگجەي - تەگجەيلى قىزمەت وتەۋدى ۇزدىكسىز كۇشەيتىپ، سىرتقا جايىلۋدان ساقتانۋدىڭ جەتىستىكتەرىن بەكەمدەۋ؛ ءتۇرلى ساقتانۋ - تىزگىندەۋ شارالارىن تياناقتاندىرۋدى بوساڭسىتپاۋعا تاباندى بولىپ، اۋاشالاۋ الاڭ - ورىندارى، فاڭساڭ شيپاحاناسى سياقتىلاردى باسقارۋدى قاتايتىپ، الدىڭعى شەپتەگى ساقتانۋ - تىزگىندەۋ قىزمەتكەرلەرىنىڭ جۇعىمدالۋىنان باتىل ساقتانۋ؛ شينجياڭنان اتتانىپ مەكتەپكە ورالعان، اۋىلىنا قايتقان قاۋىمدى سايكەستىرۋدى، ۇشتاستىرۋدى جانە قىزمەت وتەۋدى قامتاماسىز ەتۋدى تىڭعىلىقتى ىستەۋ كەرەك. ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ورىنداپ، قاتىناس تورابىنىڭ، شۇعىل جاعدايعا توتەپ بەرۋ تاسىمال جاسىل ارناسىنىڭ، حالىق تۇرمىسىنا قاجەتتى زاتتىق ماتەريالدار تاسىمالىنىڭ ىركىلىسسىزدىگىن قامتاماسىز ەتىپ، استىق، ماي، ەت، جۇمىرتقا، ءسۇت، جەمىس - جيدەك، كوكونىس سياقتىلارمەن جەتكىلىكتى قامداۋدى، جوعارى ونىمدىلىكپەن جەتكىزۋدى بار كۇشپەن قامتاماسىز ەتۋ؛ ماقتا ساتۋ، مانەرلەۋ، قامبالاۋ سياقتى ارنالاردى ىركىلىسسىزدەندىرىپ، جيناۋدىڭ ىركىلىسسىزدىگىنە كەپىلدىك ەتۋ، دۇمبە ءبيداي ەگۋ، قىسقى كوكونىس ەگۋ سياقتى قىزمەتتەردى ويداعىداي ىستەپ، اۋىل شارۋاشىلىق ونىمدەرىنىڭ ءوندىرىس اينالىمىنىڭ ءارقايسى بۋىندارىنداعى بوگەتتەردى اشۋ، اۋىل - قىستاقتاردا ىندەتتىڭ الدىن الۋ جانە اۋىل شارۋاشىلىق ءوندىرىسى ەكەۋىن دە اقساتپاۋعا شىنايى كەپىلدىك ەتۋ؛ ماڭىزدى ەنەرگيا، شيكىزات ماتەريال سياقتىلارمەن قالىپتى قامداۋدى قامتاماسىز ەتىپ، كاسىپورىنداردىڭ ءوندىرىس تيجاراتىنداعى قيىن ماسەلەلەردى شەشۋىنە بەلسەنە كومەكتەسىپ، ءتۇيىندى كاسىپورىنداردىڭ، كەلەلى نىسانداردىڭ قالىپتى اينالىمىنا شىنايى كەپىلدىك ەتىپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن ساقتاپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى ورىنداۋ كەرەك.
جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، سارقىت اقان، دوۋ ۋانگۇي، يىلحام سابىر، ليۋ حۇيجۇن قاتارلىلار قاتىستى قيمىلدارعا قاتىناستى.
