قىسىمعا توتەپ بەردى، اينالىم ورنىقتى بولدى
− الدىڭعى ءۇش ماۋسىمداعى بۇكىل رايوننىڭ ەكونوميكالىق اينالىم جاعدايىنا تۇسىنىك
□ انار بۇلت \ شينجياڭ گازەتىنىڭ ءتىلشىسى گاۋ فىڭ
10 - ايدىڭ 29 - كۇنى اۆتونوميالى رايوندىق ساناق مەكەمەسى الدىڭعى ءۇش ماۋسىمداعى بۇكىل رايوننىڭ ەكونوميكالىق اينالىم جاعدايىن جاريالادى، شينجياڭ وڭىرلىك ءوندىرىس جالپى ءونىم قۇنىن ءبىر تريلليون 302 ميلليارد 382 ميلليون يۋانعا جەتكىزدى، سالىستىرمالى باعا بويىنشا ەسەپتەگەندە، سايكەس مەزگىلدەگىدەن ％9. 3 ارتتى، ارتۋ قارقىنى بۇكىل ەلدىكىنەن 9. 0 پايىز جوعارى بولدى.
جىل باسىنان بەرى، ىندەتتىڭ ىقپالىنان ەكونوميكانىڭ قۇلدىراۋ قىسىمى كۇشەيدى، رايونىمىز ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن تىڭعىلىقتى ىلگەرىلەتىپ، جوعارى ساپالى دامۋدى كۇش سالا ىلگەرىلەتىپ، اۋىل شارۋاشىلىعى ءوندىرىسىنىڭ ورنىقتىلىعىن جۇزەگە اسىردى، ونەركاسىپ ءوندىرىسى ەداۋىر تەز ارتۋدى ساقتادى، تۇراقتى مۇلىككە قارجى قوسۋ كولەمى ۇزدىكسىز كەڭەيدى، ەكونوميكالىق اينالىم جالپى جاقتان ورنىقتى بولدى.
ونەركاسىپ ءوندىرىسى ۇزدىكسىز ورنىقتى ارتىپ، ەنەرگيامەن قامداۋدى قامتاماسىز ەتۋ پارمەندى بولدى
”الدىڭعى ءۇش ماۋسىمدا بۇكىل رايون ەكونوميكاسىنىڭ ارتۋ قارقىنى بۇكىل ەلدىڭ ورتاشا دەڭگەيىنەن جوعارى بولدى“. اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ شۋجيى سۇن جۇڭجىن مىنالاردى ءبىلدىردى: اسىرەسە، كولەمنەن جوعارى ونەركاسىپ ءتيىمسىز جاعدايدا ارتىپ، ارتۋ قارقىنىنىڭ قاتارى ءبىرىنشى ماۋسىمداعى بۇكىل ەل بويىنشا 17 - ورىننان ماۋسىم سايىن بىرتىندەپ ارتىپ، الدىڭعى ءۇش ماۋسىمدا بۇكىل ەل بويىنشا 9 - ورىنعا شىقتى. ونەركاسىپتىڭ بۇكىل رايوننىڭ ءوندىرىس جالپى ءونىم قۇنىنىڭ ارتۋىنا قوسقان ۇلەس مولشەرى ءبىرىنشى ماۋسىمداعى ％4. 28تەن ماۋسىم سايىن بىرتىندەپ ارتىپ، الدىڭعى ءۇش ماۋسىمدا ％7. 41كە جەتتى.
الدىڭعى ءۇش ماۋسىمدا بۇكىل رايونىمىزداعى كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％7.7 ارتىپ، ارتۋ قارقىنى الدىڭعى جارتى جىلداعىدان 1. 0 پايىز جوعارىلاپ، بۇكىل ەلدىكىنەن 8. 3 پايىز جوعارى بولدى. 11 ءتۇيىندى كاسىپتىڭ اراسىندا، باستى 8 كاسىپ ارتۋدى ساقتاپ، كولەمنەن جوعارى ونەركاسىپتىڭ ارتۋىن جيىنى 6. 7 پايىز جەدەلدەتتى.
بيىل 9 - ايدىڭ سوڭىنا دەيىن، مەملەكەتتىك ەنەرگيا توبى شينجياڭ سەرىكتەستىگى رايون سىرتىنا جيىنى 3 ميلليون 140 مىڭ توننا كومىر تاسىدى، ارتۋ مولشەرى ％5. 292 بولىپ، سەرىكتەستىكتىڭ تۇتاس جىلداعى رايون سىرتىنا جونەلتۋ - تاسۋ تاريحي رەكوردىن جاڭالادى. كەزەكتە بۇل سەرىكتەستىكتىڭ قامداۋدى قامتاماسىز ەتۋ كولەمى بۇكىل ەلدەگى 10 ولكە، رايون، قالانى قامتىدى، تاس جول، تەمىر جول، سۋ جولى بىرلەسىپ تاسىمالداۋ ارقىلى كومىر ساۋداسى شىعىس پەن باتىستى تۇتاستىرىپ، كەمەجايعا توتە جەتكىزىلىپ، بۇكىل ەلدىڭ كومىرمەن قامداۋدى قامتاماسىز ەتۋ ۇلكەن اينالىمىمەن ءونىمدى توعىستى.
اۆتونوميالى رايونىمىزدىڭ ەنەرگيامەن قامداۋدى قامتاماسىز ەتۋىنىڭ ارتۋى پارمەندى بولدى، شينجياڭنىڭ كومىرىن سىرتقا تاسىمالداۋ ەسەلەپ ارتىپ، كولەمنەن جوعارى ونەركاسىپتىڭ ارتۋىنداعى جارقىن تۇيىنگە اينالدى. الدىڭعى ءۇش ماۋسىمدا كولەمنەن جوعارى ونەركاسىپتىڭ ايىرىلماعان كومىر ءونىم مولشەرى 291 ميلليون 323 مىڭ 900 توننا بولىپ، سايكەس مەزگىلدەگىدەن ％1. 31 ارتتى، ارتۋ قارقىنى الدىڭعى جارتى جىلداعىدان 3. 2 پايىز جوعارى بولدى. مۇندا شينجياڭنىڭ كومىرىنەن سىرتقا 58 ميلليون 331 مىڭ توننا تاسىلىپ، سايكەس مەزگىلدەگىدەن 08. 1 ەسە ارتىپ، ارتۋ قارقىنى الدىڭعى جارتى جىلداعىدان 1. 21 پايىز جوعارىلادى.
قارجى قوسۋدىڭ، ەكسپورتتىڭ جەدەلدەتۋ رولى كورنەكتى بولدى
الدىڭعى ءۇش ماۋسىمدا، ەكونوميكانىڭ ارتۋىن جەدەلدەتەتىن ”ءۇش تەگەرشىكتىڭ“ ىشىندە، قارجى قوسۋ مەن ەكسپورتتىڭ جەدەلدەتۋ رولىنىڭ بەينەسى كورنەكتى بولدى.
ساناق ساندى مالىمەتتەرى، الدىڭعى ءۇش ماۋسىمدا، رايونىمىزدا تۇراقتى مۇلىككە قوسىلعان قارجىنىڭ جالپى سوماسى (شارۋا وتباسىلارى قامتىلمايدى) سايكەس مەزگىلدەگىدەن ％3. 10 ارتىپ، ارتۋ قارقىنى بۇكىل ەلدىكىنەن 4. 4 پايىز جوعارى بولعاندىعىن بەينەلەدى. بيىل جاڭادان جۇمىس باستاعان نىسان سانى سايكەس مەزگىلدەگىدەن ％5. 12 ارتتى، جاڭادان جۇمىس باستاعان نىساندارعا قوسىلعان قارجى سايكەس مەزگىلدەگىدەن ％7. 25 ارتىپ، تۇراقتى مۇلىككە قوسىلعان قارجىنىڭ 5. 6 پايىز ارتۋىن جەدەلدەتتى.
”بيىل ءبىز اۆتونوميالى رايوننىڭ جاڭا ەنەرگيا كاسىپ سالاسىن زور كۇشپەن دامىتۋ ورايىن مىقتاپ يگەرىپ، ءبىر ميلليون 600 مىڭ كيلوۆاتتان استام جاڭا ەنەرگيا نىسانىن تەكسەرىپ بەكىتىپ، ەستەلىككە الدىرىپ، شينجياڭنىڭ ەلەكترىن سىرتقا جەتكىزۋدىڭ 3 - تارماق تۇراقتى توك ارناسى − قۇمىلدان چۇڭچيڭگە دەيىنگى 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىنىڭ سايكەستى ءبىر ميلليون كيلوۆاتتىق جاڭا ەنەرگيا نىسانىن اشۋ ۇقىعىنا بەلسەنە قول جەتكىزدىك. كەزەكتە 4 جاڭا ەنەرگيا نىسانىنىڭ قۇرىلىس سەرپىنىن جەدەل ىلگەرىلەتىپ، ەرتەرەك وندىرىسكە قوسىپ، ءونىم مولشەرىن جوسپارداعى تالاپقا جەتكىزۋگە قۇلشىنۋدامىز“، - دەدى شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، باسالقاسى گاۋ جيانجۇن.
شينجياڭنىڭ جاڭا ەنەرگيا سالاسىنداعى ەڭ ۇلكەن عىلىم - تەحنيكا ۇلگىسىندەگى، ءوندىرىس ۇلگىسىندەگى جانە قىزمەت وتەۋ ۇلگىسىندەگى كاسىپ سالاسى توبى رەتىندە، شينجياڭ جاڭا ەنەرگيا توبى ەنەرگيا ۇنەمدەپ، ورتانى قورعايتىن كاسىپ سالالارىن ساپالىلاندىرىپ، دەڭگەيىن ءوسىرۋدى، جاڭا ەنەرگيا كاسىپ سالاسىن جەدەل دامىتۋدى، فوتوۆولت جاڭا ماتەريالدارى كاسىپ سالاسىندا ناتيجە جاراتۋدى بەلسەنە ىلگەرىلەتتى. 9 - ايدىڭ سوڭىنا دەيىن، بۇل توپ بيىل جاڭا ەنەرگيا اگراگاتتارىنان تىڭنان 53 مىڭ كيلوۆات ارتتىردى، سالىنىپ جاتقان نىسانى ءبىر ميلليون 90 مىڭ كيلوۆات بولدى.
جىل باسىنان بەرى، رايونىمىز بايلىق باسىمدىعىن تولىق ساۋلەلەندىرىپ، جاڭا ەنەرگيا كاسىپ سالاسىن زور كۇشپەن دامىتىپ، كولەمدى جەل ەلەكترى فوتوۆولت بازاسى نىسانى قۇرىلىسىن ىلگەرىلەتتى، جاڭا ەنەرگيا كاسىپ سالاسىنا قوسىلعان قارجى زور مولشەردە ارتىپ، نەگىزدىك قۇرىلعىلارعا قارجى قوسۋدى جەتەكتەيتىن باستى ارتۋ تۇيىنىنە اينالدى. الدىڭعى ءۇش ماۋسىمدا رايونىمىزداعى نەگىزدىك قۇرىلعىلارعا قوسىلعان قارجى سايكەس مەزگىلدەگىدەن ％18 ارتىپ، ارتۋ قارقىنى الدىڭعى جارتى جىلداعىدان 7. 5 پايىز جوعارىلاپ، تۇراقتى مۇلىككە قوسىلعان قارجىدان 7. 7 پايىز جوعارى بولىپ، قارجى قوسۋدىڭ 5. 6 پايىز ارتۋىن جەدەلدەتتى.
الدىڭعى ءۇش ماۋسىمدا بۇكىل رايونىمىزداعى زاتتاردىڭ يمپورت - ەكسپورت جالپى سوماسى 172 ميلليارد 310 ميلليون يۋان بولىپ، سايكەس مەزگىلدەگىدەن ％6. 55 ارتىپ، ارتۋ قارقىنى الدىڭعى جارتى جىلداعىدان 5. 16 پايىز جوعارىلاپ، بۇكىل ەلدىكىنەن 7. 45 پايىز جوعارى بولدى.
”9 - ايدا بۇكىل رايونىمىزدىڭ ەكسپورتى سايكەس مەزگىلدەگىدەن 09. 1 ەسە ارتىپ، ارتۋ قارقىنى بيىل جىل باسىنان بەرگى جاڭا رەكوردتى جاراتىپ، باتىسقا ەسىك اشۋداعى الدىڭعى شەپ رولى اناعۇرلىم كورنەكتىلەندى“، - دەدى سۇن جۇڭجىن.
اۋىل شارۋاشىلىعىنىڭ ءوندىرىس جاعدايى ورنىقتى، استىقتان، ماقتادان مول ءونىم الۋدان ءۇمىت بار
اۆتونوميالى رايونىمىزدىڭ ەكونوميكالىق اينالىمىنىڭ جالپى جاقتان ورنىقتى بولۋى اۋىل شارۋاشىلىعى ءوندىرىس جاعدايىنىڭ ورنىقتى بولۋىنان دا ايىرىلا المايدى. الدىڭعى ءۇش ماۋسىمدا بۇكىل رايونىمىزداعى ەگىن، ورمان، مال، بالىق شارۋاشىلىعىنىڭ جالپى ءونىم قۇنى 355 ميلليارد 134 ميلليون يۋان بولىپ، سالىستىرمالى باعا بويىنشا ەسەپتەگەندە، سايكەس مەزگىلدەگىدەن ％1. 4 ارتتى.
كۇزگى جيىن - تەرىن كەزىندە، بۇراتالا قالاسى شياۋيىڭپان قالاشىعى تولبۇلاق باتىس قىستاعىنداعى جۇگەرى اتىزىندا، ءىرى تۇرپاتتى كومبايندار ارلى - بەرلى جۇيتكىپ، مول ءونىم جىرى اۋەلەدى. قىستاق تۇرعىنى چىن جىڭچيڭ اتىز باسىندا تۇرىپ، ماشينالار مەن ادامداردى سايكەستىرۋدە، ول: ”بيىل مەن 2000 مۋ جەرگە جۇگەرى ەكتىم، ورتا ەسەپپەن ءار مۋىنان 1350 كيلوگرامداي ءونىم الامىن“، - دەدى.
بيىل اۆتونوميالى رايون ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن ىشكەرىلەي اتقارىپ، ”رايون ىشىندە ىركىندى قالۋ، مەملەكەتتى قامداۋ“ سىندى استىق ءوندىرىسىنىڭ جاڭا باعىتىن دايەكتىلەندىرىپ، تياناقتاندىرىپ، استىقتىڭ جالپىلىق ءوندىرىس قۋاتىن ۇزدىكسىز جوعارىلاتتى. ساناق ساندى مالىمەتى رايونىمىزدا تۇتاس جىلدا جازعى استىقتىڭ ءونىم مولشەرى 6 ميلليون 551 مىڭ 700 تونناعا جەتىپ، سايكەس مەزگىلدەگىدەن ％2. 2 ارتقاندىعىن؛ كۇزگى استىق جيىن - تەرىنى اياقتاپ قالعاندىعىن، تۇتاس جىلدا استىقتان تاعى مول ءونىم الۋدان ءۇمىت بار ەكەندىگىن بەينەلەدى.
بۇدان سىرت، رايونىمىزدا تۇتاس جىلدا ماقتا ەگىلگەن جەر اۋدانى سايكەس مەزگىلدەگىدەن ％1 ارتتى، ءونىم مولشەرىندە 1993 - جىلدان بەرگى جاڭا رەكورد جاراتۋىنان ءۇمىت بار. الدىڭعى ءۇش ماۋسىمدا كوكونىستىڭ ءونىم مولشەرى 12 ميلليون 761 مىڭ 500 توننا بولىپ، سايكەس مەزگىلدەگىدەن ％7. 6 ارتتى؛ جەمىس - جيدەك ءونىم مولشەرى 9 ميلليون 320 مىڭ تونناداي بولىپ، سايكەس مەزگىلدەگىدەن ％9. 1 ارتتى. قولداعى مال سانى ەداۋىر تەز ارتىپ، 9 - ايدىڭ سوڭىنا دەيىن، سيىردىڭ، قويدىڭ، شوشقانىڭ قولداعى سانى 61 ميلليون 163 مىڭ تۇياققا (باس) جەتىپ، سايكەس مەزگىلدەگىدەن ％1. 10 ارتىپ، ارتۋ قارقىنى الدىڭعى جارتى جىلداعىدان 6. 3 پايىز جوعارىلادى.
سۇن جۇڭجىن مىنالاردى ءبىلدىردى: كەلەسى قادامدا، بۇكىل رايونىمىز جوعارىدان تومەنگە دەيىن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ەكونوميكانى ورنىقتىرۋدىڭ ءبىر قىدىرۋ ساياساتتارىنىڭ تياناقتاندىرىلىپ، ونىمدىلىك كورسەتۋىن كۇش سالا ىلگەرىلەتىپ، ەكونوميكانىڭ ورنىقتى دا اقاۋسىز اينالىمىنا شىنايى كەپىلدىك ەتەدى.
