تيانشان تورى
تيانشان تورى   ›   جاڭالىقتار   ›   شينجياڭ حابارلارى

ماشاقات كورسەتكىشى ارقىلى بۇقارانىڭ تىنىش - امان، باقىت كورسەتكىشىنە قول جەتكىزەمىز

  ۋاكىل تۇرعۇن ءومار:

  ماشاقات كورسەتكىشى ارقىلى بۇقارانىڭ تىنىش - امان، باقىت كورسەتكىشىنە قول جەتكىزەمىز

  □ انار بۇلت \ شينجياڭ گازەتىنىڭ ءتىلشىسى سۇي يۇنيان، ەرىكتى ءتىلشى ياڭ يۋانيۋان

  ”10 - ايدىڭ 25 - كۇنى حوتانعا قايتىپ كەلگەن سوڭ، ۇيرەنۋ ەستەلىكتەرىن رەتتەپ، ۇگىت لەكسيا تەزيسىن جازىپ، ۇگىت لەكسيا جوسپارىن ورنالاستىرۋمەن قاربالاس بولىپ كەتتىم“. 10 - ايدىڭ 28 - كۇنى حوتان ايماقتىق قوعام حاۋىپسىزدىگى مەكەمەسىنىڭ ورىنباسار باستىعى، حوتان اۋداندىق قوعام حاۋىپسىزدىگى مەكەمەسىنىڭ جىڭۋيى، ۋاكىل تۇرعۇن ءومار ءوزىنىڭ اسەرىن ءتىپتى دە كوپ ادامدارمەن بولىسەتىندىگىن ايتتى.

  تۇرعۇن ءومار بىلاي دەدى: 20 - قۇرىلتاي ۋاكىلى رەتىندە، حالىق سارايىندا باس شۋجي شي جينپيڭنىڭ جاساعان قۇرىلتاي بايانداماسىن دەن قويا تىڭداۋ ساتىنە يە بولدىم، الاڭنان كوتەرىلگەن ءار رەتكى شاپالاق ءۇنى قايرات - جىگەرىمدى تاسقىنداتىپ، ايرىقشا اسەرلەندىردى. 20 - قۇرىلتاي بايانداماسى بولاشاقتى جان - جاقتى كەسكىندەپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىن بەينەلەپ بەردى، مەن جاۋاپكەرشىلىگىمنىڭ اۋىر، بورىشىمنىڭ داڭقتى ەكەندىگىن تەرەڭ سەزىندىم.

  ”قازىرگى تاڭداعى شينجياڭنىڭ قوعامى جاراسىمدى، ورنىقتى، حالقى تىنىش ءومىر، شات - شادىمان تىرشىلىك كەشىرۋدە. قولعا وڭاي - وسپاق كەلمەگەن وسى جەتىستىكتەردى ويداعىداي قورعاۋ ءبىزدىڭ قاسيەتتى قىزمەت جاۋاپكەرشىلىگىمىز“! وسى بىرنەشە كۇندە تۇرعۇن ءومار ۇنەمى ينتەرنەت جەلىسىندە جانە ينتەرنەت جەلىسىنەن تىسقارى جاۋىنگەر سەرىكتەرىمەن قۇرىلتايعا قاتىناسقان كەزدەگى كوڭىل كۇيىن ءبولىستى.

  20 - قۇرىلتاي بايانداماسىندا: مەملەكەت حاۋىپسىزدىگى − ۇلتتىڭ گۇلدەنۋىنىڭ نەگىزى، قوعام ورنىقتىلىعى − مەملەكەتتىڭ قۇدىرەتتەنۋىنىڭ العى شارتى، - دەپ اتاپ كورسەتىلدى. تۇرعۇن ءوماردىڭ بۇل جونىندەگى اسەرى وتە تەرەڭ. تاياۋداعى جىلداردان بەرى شينجياڭ قوعامى بىلىقپالىقتان جونگە سالۋعا دەيىنگى تاريحي بۇرىلىستى جۇزەگە اسىردى، 35 جىل ساقشى بولعان تۇرعۇن ءومار تۇتاس بارىستى باستان وتكەرىپ، قان مەن وتتىڭ سىناعىندا پارتيا مەن حالىقتىڭ ادال قورعاۋشىسى بولىپ جەتىلدى. ونىڭ نازارىندا، ”بورىشقا ادال بولىپ، وتاننىڭ ءۇمىتىن اقتاپ، حالىقتىڭ اماندىعىن قورعاۋ“ كوممۋنيستەر مەن حالىق ساقشىلارىنىڭ جاۋاپكەرشىلىگى، سونداي - اق ومىرلىك سەنىمى.

  ”حالىق قوعام حاۋىپسىزدىگى − پارتيا تاربيەلەگەن ادال قوسىن، ءسوز جوق، پارتياعا ادال بولعاندا عانا، بورىشتى وتەپ، ءبىر ءوڭىردىڭ تىنىشتىعىن ساقتاپ، حالىقتىڭ اماندىعىن قورعاۋعا بولادى“، - دەدى تۇرعۇن ءومار قىزمەتتەستەرىمەن اڭگىمەلەسكەن كەزدە. جۋىق جىلداردان بەرى حوتان ايماعىنداعى ءار دارەجەلى قوعام حاۋىپسىزدىگى ورگاندارى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ۇدايىلاندىرا ىلگەرىلەتىپ، تەلەگراف، ينتەرنەت الدامشىلىعى سياقتى قىلمىستارعا سوققى بەرۋ تەبىنىن ۇزدىكسىز كۇشەيتىپ، قوعام اماندىعىن باسقارۋ ورتاسىن ۇزدىكسىز تازارتىپ، جاڭا داۋىردەگى ”فىڭچياۋ تاجىريبەسىن“ بار كۇشپەن امالياتتا ايگىلەپ، قايشىلىقتاردى، داۋ - شارلاردى ءبىر - بىرلەپ تەكسەرۋدى ىشكەرىلەي ورىستەتكەندىكتەن، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى.

  ”وسى تاباندىلىق پەن ناتيجەنىڭ ءتۇپ سەبەبى ءبىزدىڭ اۋەلگى ماقساتتى ۇمىتپاي، بورىشتى ەستە بەرىك ساقتاۋىمىزدىڭ جەتىستىگىندە جاتىر، ءبىز اۋەلگىدەي ماشاقات كورسەتكىشى ارقىلى بۇقارانىڭ تىنىش - امان، باقىت كورسەتكىشىنە قول جەتكىزەمىز“، - دەدى تۇرعۇن ءومار.

  زاڭمەن باسقارىلاتىن جۇڭگو قۇرىلىسىن ىلگەرىلەتۋدە ءبىز سياقتى نەگىزگى ساتى حالىق ساقشىلارى نە ىستەۋى كەرەك دەگەن جاس حالىق ساقشىسىنىڭ سۇراۋىنا تۇرعۇن ءومار بىلاي دەدى: ءبىز نەگىزگى ساتى حالىق ساقشىلارى زاڭدى قاتاڭ، جۇيەلى، ءادىل، وركەنيەتتى اتقارۋ ۇستانىمىن جۇرەك تۇكپىرىمىزگە تەرەڭ ۇيالاتىپ، زاڭ جەتىلىمىن ۇزدىكسىز جوعارىلاتىپ، زاڭ اتقارۋ قابىلەتى مەن قىزمەت وتەۋ قابىلەتىن ونان ارى جوعارىلاتىپ، حالىق بۇقاراسىنا ءاربىر دەلونى بىتىرۋدە، ءاربىر ءىستى ءبىر جاقتى ەتۋدە ادىلدىكتى، تۋراشىلدىقتى سەزىندىرۋگە قۇلشىنۋىمىز كەرەك.

  ”ۇلى جوبا جاسالدى، دابىل الدەقاشان قاعىلدى“. تۇرعۇن ءومار بىلاي دەدى: پارتيا 20 - قۇرىلتايى − بەلەس، ونان دا ماڭىزدىسى، اتتانىسقا كەلتىرۋ بۇيرىعى. پارتيا قۇرىلتايىنىڭ ءاربىر ۋاكىلى 20 - قۇرىلتاي رۋحىن تاراتۋشى، 20 - قۇرىلتاي رۋحىن نەگىزگى ساتىنىڭ قۇنارلى توپىراعىندا تياناقتاندىرىپ، اماليات بارىسىندا ايگىلەۋ كەرەك. الداعى جەردە ۋاقىتپەن تالاساتىن كوكەي تەستىلىك سەزىممەن جانە جاۋاپكەرشىلىك سەزىممەن تىنىشتىقتى، ورنىقتىلىقتى قورعاپ، حالىق بۇقاراسىنا قىزمەت وتەپ، جاڭا ءداۋىردىڭ جاڭا جورىعىندا كورىكتى شينجياڭدى قۇلشىنا قۇرامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.