انار بۇلت \ شينجياڭ گازەتىنىڭ ءتىلشىسى لي لي 10 - ايدىڭ 28 - كۇنى ۇرىمجىدەن حابارلايدى. 10 - ايدىڭ 28 - كۇنى پارتيا 20 - قۇرىلتايىنىڭ حۇجاتتارى جانە ۇيرەنۋ، پىسىقتاۋ وقۋلىقتارى بەيجيڭدە العاش رەت تاراتىلدى ءارى اۆتونوميالى رايونىمىزدا ءبىر ۋاقىتتا تاراتىلدى.
حالىق باسپاسى، پارتيا قۇرىلىسى وقۋلىعى باسپاسى، ۇيرەنۋ باسپاسى بىرگە شىعارعان 6 ءتۇرلى قۇرىلتاي حۇجاتى جانە ۇيرەنۋ، پىسىقتاۋ وقۋلىعى قالىڭ پارتيا مۇشەلەرىنىڭ، كادرلاردىڭ جانە بۇقارانىڭ پارتيا 20 - قۇرىلتايىنىڭ رۋحىن ۇيرەنۋىنە، دايەكتىلەندىرۋىنە قۇزىرلى، دۇرىس وقۋلىق ازىرلەدى. مۇنىڭ ىشىندە جەكە - جەكە حالىق باسپاسى باسپادان شىعارعان، شينجياڭ حالىق باسپاسى ايىرىم باسقان پارتيا 20 - قۇرىلتايىنىڭ بايانداماسى كىتاپشاسى، «جۇڭگو كوممۋنيستىك پارتياسىنىڭ ۋستاۆى» كىتاپشاسى جانە «پارتيا 20 - قۇرىلتايىنىڭ بايانداماسىن پىسىقتاۋ وقۋلىعى»، پارتيا قۇرىلىسى وقۋلىعى باسپاسى مەن ۇيرەنۋ باسپاسى بىرلەسىپ باسپادان شىعارعان «پارتيا 20 - قۇرىلتايىنىڭ بايانداماسىن ۇيرەنۋگە، پىسىقتاۋعا قاتىستى 100 سۇراۋ» بۇگىننەن باستاپ بۇكىل شينجياڭداعى ءارقايسى شينحۋا كىتاپ دۇكەندەرىندە تاراتىلادى.
”ءبىز تۇيىننەن تۇيىنگە تاراتۋ ءتاسىلىن قولدانىپ، حۇجات پەن وقۋلىقتاردى ايماقتىق، وبلىستىق، قالالىق شينحۋا كىتاپ دۇكەندەرىنە جىبەردىك، جەر - جەردەگى شينحۋا كىتاپ دۇكەندەرى تاراتۋ، تاپسىرىس بەرۋ، ساتۋ سياقتى قىزمەت وتەۋ جۇمىستارىن جوعارى ساپامەن، جوعارى ونىممەن كۇش سالا، ويداعىداي جاقسى ىستەپ، پارتيا 20 - قۇرىلتايىنىڭ حۇجاتتارىن جانە ۇيرەنۋ، پىسىقتاۋ وقۋلىقتارىن بۇكىل رايونىمىزداعى قالىڭ پارتيا مۇشەلەرىنىڭ، كادرلاردىڭ، بۇقارانىڭ قولىنا دەر كەزىندە جەتكىزۋگە شىنايى كەپىلدىك ەتۋدە“، - دەدى شينجياڭ شينحۋا كىتاپ دۇكەنى تاراتۋ شەكتى جاۋاپكەرشىلىك سەرىكتەستىگى ساتۋ ورتالىعىنىڭ ديرەكتورى سۇڭ حۇڭمەي.
شينجياڭ حالىق باسپاسى (شينجياڭ از ۇلتتار باسپا ءسوز بازاسى) پارتكومىنىڭ شۋجيى، باس رەداكتور لي سۇيليڭ بىلاي دەپ تانىستىردى: اۆتونوميالى رايوندىق پارتكومنىڭ باسشىلىعىندا، باسپامىز شينجياڭداعى ءار ۇلت پارتيا مۇشەلەرىنىڭ، كادرلاردىڭ، بۇقارانىڭ پارتيا 20 - قۇرىلتايىنىڭ رۋحىن ۇيرەنۋىنە، دايەكتىلەندىرۋىنە قۇزىرلى، دۇرىس وقۋلىق ازىرلەۋدى باسپادان شىعارۋ جاۋاپكەرشىلىگىن امالياتتا ايگىلەۋدەگى ماڭداي الدى ءىرى ءىس رەتىندە قاراپ، ەرتە باستان جوسپارلاپ، ءبىر تۇتاس جوسپارلاپ ىلگەرىلەتتى، العاشقى توپتاعى پارتيا 20 - قۇرىلتايىنىڭ حۇجاتتارىن جانە ۇيرەنۋ، پىسىقتاۋ وقۋلىقتارىن باسپادان شىعارۋ، تاراتۋ قىزمەتىن جوعارى ساپامەن ورىنداپ، پارتيا 20 - قۇرىلتايى رۋحىنىڭ تيانشان الابىندا تياناقتانىپ، تامىر تارتۋىن ىلگەرىلەتۋدە بەلسەندى رول اتقاردى.
”بىرنەشە كۇننەن بەرى كىتاپ دۇكەنى كوپتەگەن ورىنداردىڭ، ۇيىمداردىڭ، توپتاردىڭ پارتيا 20 - قۇرىلتايىنىڭ حۇجاتتارىنا جانە ۇيرەنۋ، پىسىقتاۋ وقۋلىقتارىنا قاتىستى اقىل - كەڭەس سۇراۋ، تاپسىرىس بەرۋ تەلەفونىن قابىلدادى“. شينحۋا حالىقارالىق كىتاپ سارايى پارتيا باس ياچەيكاسىنىڭ شۋجيى چىن بو بىلاي دەدى: وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن ارنا اشىپ، ءادىستى جاڭالاپ، پارتيا 20 - قۇرىلتايىنىڭ حۇجاتتارى مەن ۇيرەنۋ، پىسىقتاۋ وقۋلىقتارىن تاراتۋ قىزمەتىن كۇش سالا جاقسى ىستەپ، ساپالى، جوعارى ءونىمدى قىزمەت وتەپ، قالىڭ پارتيا مۇشەلەرىنىڭ، كادرلاردىڭ جانە بۇقارانىڭ پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قاجەتىن قاناعاتتاندىرامىز.
