تيانشان تورى
تيانشان تورى   ›   ۇيرەنۋ   ›   شولۋ

جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتەيىك

  جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتەيىك

  − پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ تۋرالى

  □ حالىق گازەتىنىڭ شولۋشىسى

  جاڭا جورىقتا ەكپىندەي ىلگەرىلەپ، جەلكەن جايىپ تاعى ساپارعا اتتاندى. ”قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ“. پارتيانىڭ 20 - قۇرىلتايى پارتيا مەن مەملەكەت ىستەرى دامۋىنىڭ جاڭا تالابىن، حالىق بۇقاراسىنىڭ جاڭا تىلەگىن جاپپاي يگەرىپ، جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ وزەكتى مىندەتىن ايقىن العا قويىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ جونىندە اتتانىسقا كەلتىرۋ بۇيرىعىن جاريالادى.

  100 جىلدان بەرى پارتيامىزدىڭ حالىقتى ىنتىماقتاستىرىپ جانە باستاپ، جۇرگىزگەن بارلىق كۇرەسى ەلىمىزدى وسىزاماندانعان قۇدىرەتتى مەملەكەت ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بولىپ كەلەدى. جاڭا جۇڭگو قۇرىلىپ كوپ وتپەي، پارتيامىز سوتسياليستىك وسىزاماندانعان مەملەكەت قۇرۋ نىساناسىن العا قويدى. 1 - بەسجىلدىق جوسپاردان 14 - بەسجىلدىق جوباعا دەيىن باستان - اياق ساباقتاسىپ جاتقان نەگىزگى تاقىرىپ ەلىمىزدى سوتسياليستىك وسىزاماندانعان مەملەكەت ەتىپ قۇرىپ شىعۋ بولدى. اسىرەسە، جاڭا داۋىرگە قادام تاستاعاننان بەرى، پارتيامىز سوتسياليستىك وسىزاماندانعان مەملەكەت قۇرۋ جونىندە تانىم جاعىنان ۇزدىكسىز تەرەڭدەپ، ستراتەگيالىق جاقتان ۇزدىكسىز تولىسىپ، امالياتتىق جاقتان ۇزدىكسىز بايىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. وسى 10 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا داۋىردەگى پارتيا مەن مەملەكەت ىستەرىنىڭ دامۋى جونىندە عىلمي، كەمەلدى ستراتەگيالىق ورنالاستىرۋ جاساپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى العا قويىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتتى. وسى 10 جىلدا، ءبىز جۇڭگوشا سوتسياليزمگە تاباندى بولىپ جانە ونى دامىتىپ، ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەسە دامۋىن ىلگەرىلەتىپ، ادامزات وركەنيەتىنىڭ جاڭا فورماتسياسىن ۇزدىكسىز بايىتىپ جانە دامىتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادىق. بۇگىنگى تاڭدا، جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن كامىل سەنىممەن ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستاپ، عىلمي سوتسياليزم 21 - عاسىرداعى جۇڭگودا قاۋلاعان تىڭ ومىرشەڭدىك كۇش تاسقىنداتتى. اماليات جۇڭگوشا سوتسياليزمنىڭ پارتيا مەن حالىقتىڭ نەبىر جاپا - ماشاقاتتى باستان كەشىرىپ، وراسان زور بوداۋ بەرىپ قول جەتكىزگەن ءتۇبىرلى تابىسى ەكەندىگىن، حالىقتىڭ تاماشا تۇرمىسىن جاراتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ داڭعىل جولى ەكەندىگىن تولىق دالەلدەدى. بۇل جول جۇڭگونىڭ ءىس جۇزىندىگىنە ۇيلەسەدى، جۇڭگو حالقىنىڭ تىلەگىن بەينەلەيدى، ءداۋىردىڭ دامۋ تالابىنا ۇيلەسەدى، وسى جولمەن دۇرىس، ىركىلىسسىز ءجۇرىپ عانا قويماي، ونىڭ ۇستىنە ورنىقتى، جاقسى ءجۇرىپ كەلەمىز.

  باس شۋجي شي جينپيڭ پارتيا 20 - قۇرىلتايىنىڭ بايانداماسىندا، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى مەن ماندىك تالابىن تەرەڭ بايىمدادى. ءبىز مىنانى جىعا تانۋىمىز كەرەك، جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، وندا ءار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ءوز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك تە تىپتەن بار. بۇل، حالىق سانى وراسان زور كولەمدەگى وسىزامانداندىرۋ، ەلىمىزدەگى ءبىر ميلليارد 400 ميلليوننان استام حالىق تۇتاس تۇلعا بويىنشا وسىزاماندانعان قوعامعا اياق باستى، كولەمى قازىرگى وركەندەگەن ەلدەردىڭ حالىقتار سانىنىڭ قوسىندىسىنان اسىپ تۇسەدى، جاپالىلىعى مەن كۇردەلىلىگى بۇرىن بولماعان دارەجەدە، ءبىز ورنىقتىلىق بارىسىندا ىلگەرىلەۋگە، بىرتىندەپ ىلگەرىلەتۋگە، ۇزدىكسىز ىلگەرىلەتۋگە تاباندى بولامىز؛ بۇل، جالپى حالىق بىرگە باييتىن وسىزامانداندىرۋ، بىرگە بايۋ جۇڭگوشا سوتسياليزمنىڭ ماندىك تالابى، ءبىز حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋدى وسىزامانداندىرۋ قۇرىلىسىنىڭ شىعار ءتۇيىنى مەن تابان تىرەر تياناعى ەتۋگە تاباندى بولامىز؛ بۇل، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، زاتتىق ماتەريال جەتكىلىكتى، رۋح باي بولۋ سوتسياليستىك وسىزامانداندىرۋدىڭ ءتۇبىرلى تالابى، ءبىز زاتتىڭ جالپى بەتتىك مولايۋى مەن ادامنىڭ جان - جاقتى دامۋىن ۇزدىكسىز جەبەيمىز؛ بۇل، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، ادام مەن تابيعات − تىرشىلىك ورتاق تۇلعاسى، ءبىز ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن تاباندىلىقپەن جۇرەمىز؛ بۇل، بەيبىت دامۋ جولىمەن جۇرەتىن وسىزامانداندىرۋ، ەلىمىز كەيبىر ەلدەردىڭ سوعىس، وتارلاۋ، بۇلاپ - تالاۋ سياقتى تاسىلمەن وسىزامانداندىرۋدى جۇزەگە اسىرعان كونە جولىمەن جۇرمەيدى، ءبىز دۇنيە ءجۇزىنىڭ بەيبىتشىلىگى مەن دامۋىن باتىلدىقپەن قورعاۋ بارىسىندا ءوزىمىزدى دامىتۋعا تالپىنىپ، ءوز دامۋىمىز ارقىلى دا دۇنيە ءجۇزىنىڭ بەيبىتشىلىگى مەن دامۋىن اناعۇرلىم جاقسى قورعايمىز. اماليات جۇڭگو ۇلگىسىندەگى وسىزامانداندىرۋ جۇڭگونىڭ بايتاق دالاسىنا تامىر تارتقاندىعىن، جۇڭگونىڭ ءىس جۇزىندىگىنە ۇيلەسەتىندىگىن، سوتسياليستىك قۇرىلىستىڭ زاڭدىلىعىن ايگىلەگەندىگىن، ادامزات قوعامىنىڭ دامۋ زاڭدىلىعىن ايگىلەگەندىگىن، ادامزاتتىڭ وسىزامانداندىرۋدى جۇزەگە اسىرۋىنا جاڭا تاڭداۋ ازىرلەگەندىگىن كورسەتتى. العا باسۋ جولىندا ءبىز جۇڭگو ۇلگىسىندەگى وسىزامانداندىرۋدىڭ ماندىك تالابىن تەرەڭ يگەرىپ، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جۇڭگوشا سوتسياليزمگە تاباندى بولىپ، جوعارى ساپالى دامۋدى جۇزەگە اسىرىپ، جالپى بارىستىق حالىق دەموكراتياسىن دامىتىپ، حالىقتىڭ رۋحاني دۇنيەسىن بايىتىپ، جالپى حالىقتىڭ بىرگە بايۋىن جۇزەگە اسىرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزات وركەنيەتىنىڭ جاڭا فورماتسياسىن جاراتىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى مىزعىماس تاباندىلىقپەن جاپپاي ىلگەرىلەتۋىمىز كەرەك.

  قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. العا باسۋ جولىندا، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ءازىر تۇرۋدا، ءسوز جوق، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ، جۇڭگوشا سوتسياليزم جولىنا تاباندى بولۋ، حالىقتى وزەك ەتكەن دامۋ يدەياسىنا تاباندى بولۋ، رەفورما جاساۋدى، ەسىك اشۋدى تەرەڭدەتۋگە تاباندى بولۋ، كۇرەسكەرلىك رۋحتى ساۋلەلەندىرۋگە تاباندى بولۋ سىندى كەلەلى پرينسيپتى، ءسوزسىز، مىقتاپ يگەرۋىمىز كەرەك. مىنانى تەرەڭ تانۋىمىز كەرەك، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانى باستان - اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى ارقا تىرەگىنە اينالدىرعاندا عانا، جالپى حالىق جۇدىرىقتاي جۇمىلىپ، ۋاقىتتىق قيىندىقتاردى بىرگە جەڭەتىن تەلەگەي كۇش - قۋات ۇيىستىرۋعا بولادى؛ تەك جۇڭگوشا سوتسياليزم جولىنا تاباندى بولىپ، تۇيىققا تىرەيتىن كونە سۇردەكپەن دە جۇرمەي، باعداردان اداستىراتىن تەرىس جولعا دا تۇسپەگەندە عانا، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ ۇستاي الامىز؛ حالىقتى وزەك ەتكەن دامۋ يدەياسىنا تاباندى بولعاندا عانا، جالپى حالىقتى وسىزامانداندىرۋ قۇرىلىسىنىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋگە بولادى؛ رەفورما جاساۋدى، ەسىك اشۋدى تەرەڭدەتۋگە تاباندى بولعاندا عانا، ەلىمىزدىڭ ءتۇزىم ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋعا بولادى؛ كۇرەسكەرلىك رۋحتى ساۋلەلەندىرۋگە تاباندى بولىپ، قيىندىقتارعا قارسى اتتانىپ، قيىنشىلىقتاردان تايسالماي العا ۇمتىلعاندا عانا، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا تىڭ ءورىس اشۋعا بولادى. پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە، ءسوزسىز، مىقتى يگەرۋگە ءتيىستى كەلەلى پرينسيبىن جالپى بەتتىك يگەرىپ، جۇڭگو ۇلگىسىندەگى وسىزامانداندىرۋ نازارياسى مەن جاپپاي سوتسياليستىك وسىزاماندانعان مەملەكەت قۇرۋ ستراتەگيالىق ورنالاستىرۋىنىڭ قاتىناسىن تەرەڭ ءتۇسىنىپ، الدىڭعىسىنىڭ سوڭعىسىنىڭ نازاريالىق تىرەگى ەكەنىن تانىپ جەتىپ، سول ارقىلى جاپپاي سوتسياليستىك وسىزاماندانعان مەملەكەت قۇرۋ ستراتەگيالىق ورنالاستىرۋىنىڭ عىلميلىعى مەن سوزسىزدىگىن تەرەڭ ءتۇسىنىپ، پارتيا 20 - قۇرىلتايىندا العا قويىلعان نىسانا - مىندەتتەردى مىزعىماس تاباندىلىقپەن ناقتاپ تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قۇلشىنا قول جەتكىزۋ كەرەك.

  باس شۋجي شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسى تۇراقتى كوميتەتى مۇشەلەرىمەن بىرگە جۇڭگولىق، شەتەلدىك تىلشىلەرمەن كەزدەسكەندە بىلاي دەپ باسا دارىپتەدى: ”جاپپاي سوتسياليستىك وسىزاماندانعان مەملەكەت قۇرۋ جۇڭحۋا ۇلتىنىڭ اسىل ارمانى مەن تىلەگىن ارقالاعان، وعان جۇڭگو حالقىنىڭ كۇرەسى مەن ماڭداي تەرى سىڭگەن. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسى مەن جۇڭگو حالقىنىڭ ۇزاق ۋاقىتتىق امالياتتىق ىزدەنىسىنىڭ جەمىسى، ۇلى دا جاپالى ءىس. جاپالى بولعاندىعى سەبەپتى ۇلى، جاپالى بولعاندىعى سەبەپتى اناعۇرلىم داڭقتى“. وسى ۇلى ءىس جولىندا سانسىزداعان اعا بۋىندار ماشاقات - قيىندىقتا قاجىرلىلىقپەن ءىز اشىپ، كەدەرگى - بوگەتتەردى الاستاپ، جاپالى دا ەرەن كۇرەس جۇرگىزدى. قازىر ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىنا قاراي اسقاق ارىنمەن شەرۋ تارتىپ كەلەمىز. پارتيا 20 - قۇرىلتايى جاڭا داۋىردەگى جاڭا جورىقتا پارتيا مەن مەملەكەت ىستەرىنىڭ دامۋى جونىندە كەلەلى باعىت - ساياساتتار مەن ستراتەگيالىق ورنالاستىرۋلار جاسادى، جوبا جاسالدى، ۇندەۋ تاستالدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، مۇراتتان اينىمايتىن، جولدان اۋىتقىمايتىن بەكىمدى نىعايتىپ، جۇڭگوشا سوتسياليزم جولىنا، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋگە تاباندى بولىپ، قايراتتانا العا ۇمتىلىپ، ەرلىكپەن العا باسساق، ءبىز، ءسوز جوق، جاپپاي سوتسياليستىك وسىزاماندانعان مەملەكەت قۇرۋ سىندى تاريحي ۇلى ارماندى ورىنداپ، پارتيانىڭ ءۇمىتىن اقتايتىن، حالىقتىڭ ءۇمىتىن اقتايتىن، ءداۋىردىڭ ءۇمىتىن اقتايتىن تىڭ ناتيجە جاراتىپ، اناعۇرلىم ۇلى جەڭىس پەن داڭققا قول جەتكىزە الامىز.

  (شينحۋا اگەنتتىگىنىڭ 10 - ايدىڭ 29 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.