جۇمىسشىلار ساۋان قالاسىنداعى ءبىر ماقتا ءشيتىن ايىرۋ زاۆودىندا جاڭادان ساتىپ اكەلگەن ءشيتتى ماقتانى رەتتەۋدە (10 - ايدىڭ 22 - كۇنى تۇسىرىلگەن). كۇز كۇندەرىندە ەلىمىزدىڭ ەڭ ءىرى ماقتا ءوندىرۋ بازاسى شينجياڭ كەڭ كولەمدە ماقتا تەرۋ، جيناۋ مەزگىلىنە ءوتتى، ءىرى تۇرپاتتى ماشينالار تيانشان الابىنداعى ماقتا القاپتارىندا قاۋىرت جۇمىس جۇرگىزدى.
□ سۋرەتتى شينحۋا اگەنتتىگى تاراتقان (سۇن جىكۇن تۇسىرگەن)
انار بۇلت \ شينجياڭ گازەتىنىڭ ءتىلشىسى ليۋ ي 10 - ايدىڭ 30 - كۇنى ۇرىمجىدەن حابارلايدى. بيىل الدىڭعى ءۇش ماۋسىمدا بۇكىل رايوننىڭ 1 - كاسىپ سالاسىنىڭ ارتقان قۇنى 163 ميلليارد 808 ميلليون يۋانعا جەتىپ، سايكەس مەزگىلدەگىدەن ％3.4 ارتتى، بۇكىل رايوننىڭ اۋىل شارۋاشىلىق ءوندىرىسى جاعدايى ورنىقتى، استىق، ماقتا سياقتى باستى اۋىل شارۋاشىلىق ونىمدەرىنىڭ وندىرىسىندە تاعى دا تاماشا ناتيجە جاراتىلىپ، تۇرعىنداردىڭ ”كوجە - قاتىق“ ونىمدەرىمەن قامدالۋى جەتكىلىكتى، قامتاماسىز ەتىلۋى پارمەندى بولدى.
ساناق مالىمەتىندە كورسەتىلۋىنشە، الدىڭعى 3 ماۋسىمدا بۇكىل رايوننىڭ استىق وندىرىسىندە قۋانىشتى حابارلار تولاسسىز تارالىپ، جازعى استىقتىڭ جالپى ءونىم مولشەرى 6 ميلليون 551 مىڭ 700 توننا بولىپ، سايكەس مەزگىلدەگىدەن ％2. 2 ارتقان، مۇنىڭ ىشىندە ءبيدايدىڭ جالپى ءونىم مولشەرى 6 ميلليون 534 مىڭ 900 تونناعا جەتىپ، سايكەس مەزگىلدەگىدەن ％1. 2 ارتقان. بۇكىل رايوننىڭ كۇزگى استىق جيىن - تەرىنى اياقتاۋعا تايادى، بيىل استىق وندىرىسىنەن مول ءونىم الۋدان ءۇمىت بار.
ماقتا − شينجياڭ اۋىل شارۋاشىلىعىنىڭ دامۋىنداعى تانىسقى. بيىل جىل باسىنان بەرى، بۇكىل رايون ولشەمدەندىرىلگەن اتىز باپتاۋ، جالپى بارىستى ماشينالاندىرۋ دەڭگەيىن جوعارىلاتۋ سياقتى شارالاردى اتقارۋ ارقىلى ماقتانىڭ ولشەمدەندىرىلگەن ءوندىرىسىن باسقارۋ ورەسىن جوعارىلاتىپ، ماقتا ءوندىرىسىن جوعارى ساپالى دامىتۋ جولىن اشتى، بۇكىل رايونداعى ماقتانىڭ ءوسۋ جاعدايى وتكەن جىلداعىدان جاقسى بولىپ، تۇتاس جىلداعى ماقتا ەگىلگەن جەر اۋدانى سايكەس مەزگىلدەگىدەن ％1 ارتىپ، ءونىم مولشەرى 1993 - جىلدان بەرگى جاڭا دەڭگەيگە جەتۋى مۇمكىن ەكەندىگى مەجەلەندى.
تۇرعىنداردىڭ ”كوجە قاتىق“ ونىمدەرىن ءوندىرۋدى ورنىقتىرۋ، قامداۋعا كەپىلدىك ەتۋ جاعىندا، جەر - جەر ەگىس مەزگىلىن اقساتپاي، اۋىل شارۋاشىلىعى ءوندىرىسىن ءبىر تۇتاس جوسپارلاپ ىلگەرىلەتىپ، بۇكىل رايوننىڭ جەمىس - جيدەك، كوكونىس ءوندىرىسى ورنىقتى ارتتى، قولداعى مال سانى ءبىرشاما تەز ارتتى. ساناق ساندى مالىمەتىندە كورسەتىلۋىنشە، الدىڭعى ءۇش ماۋسىمدا بۇكىل رايوننىڭ كوكونىس ءونىم مولشەرى 12 ميلليون 761 مىڭ 500 تونناعا جەتىپ، سايكەس مەزگىلدەگىدەن ％7. 6 ارتقان؛ جەمىس - جيدەكتىڭ ءونىم مولشەرى 9 ميلليون 320 مىڭ توننا مولشەرىندە بولىپ، سايكەس مەزگىلدەگىدەن ％9. 1 ارتقان. 9 - ايدىڭ اياعىنا دەيىن، قولداعى سيىردىڭ، قويدىڭ، شوشقانىڭ سانى 61 ميلليون 163 مىڭ باسقا (تۇياق) جەتىپ، سايكەس مەزگىلدەگىدەن ％1. 10 ارتىپ، ارتۋ جىلدامدىعى الدىڭعى جارتى جىلداعىدان 6. 3 پايىز جوعارى بولىپ، 2017 - جىلدان بەرگى تىڭ دەڭگەيدى كورسەتتى. مۇنىڭ ىشىندە قولداعى سيىر، قوي، شوشقا سانىنىڭ سايكەس مەزگىلدەگىدەن ارتۋ مولشەرى جەكە - جەكە ％3. 17، ％2. 9، ％9 بولدى؛ قولداعى ءۇي قۇستارىنىڭ سانى 56 ميلليون 67 مىڭ 100گە جەتتى. قولداعى مال سانىنىڭ ءبىرشاما تەز ارتۋىنا ءتيىمدى بولعانى، الدىڭعى ءۇش ماۋسىمدا بۇكىل رايونداعى سيىردىڭ، قويدىڭ، شوشقانىڭ قورادان شىعارىلعان جالپى سانى 31 ميلليون 494 مىڭ 500 باسقا (تۇياق)، ءتىرى ءۇي قۇستارىنىڭ قورادان شىعارىلعان سانى 83 ميلليون 186 مىڭعا جەتىپ، سايكەس مەزگىلدەگىدەن ％6. 0 ارتتى. سيىر، قوي، شوشقا، قۇس ەتتەرىنىڭ ءونىم مولشەرى ءبىر ميلليون 324 مىڭ 800 تونناعا جەتتى؛ قۇس جۇمىرتقاسىنىڭ ءونىم مولشەرى 272 مىڭ تونناعا، سيىر ءسۇتىنىڭ ءونىم مولشەرى ءبىر ميلليون 638 مىڭ 500 تونناعا جەتىپ، سايكەس مەزگىلدەگىدەن ％3. 4 ارتتى.
