شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. 10 - ايدىڭ 29 - كۇنى مەملەكەت ءتوراعاسى شي جينپيڭ رەسەي - جۇڭگو دوستىق قوعامى قۇرىلعاندىعىنىڭ 65 جىلدىعىنا قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: رەسەي - جۇڭگو دوستىق قوعامى قۇرىلعان 65 جىلدان بەرى، جۇڭگومەن دوس بولىپ ءوتۋ ۇستانىمىنان باستان - اياق جازباي، ەكى ەل حالقىنىڭ ءوزارا ءتۇسىنىسۋىن، دوستىعىن، سەنىمدىلىگىن نىعايتىپ، ەكى ەلدىڭ دوستىق قارىم - قاتىناسىنىڭ، قوعامدىق حالىق رايى نەگىزىن بەكەمدەۋگە ماڭىزدى ۇلەس قوستى. قازىر جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى جوعارى دەڭگەيدە دامۋ ارىنىن ساقتاپ، ءارقايسى سالاداعى اۋىس - كۇيىسى، سەلبەستىگى ۇزدىكسىز تەرەڭدەۋدە، ەكى ەل حالقىنىڭ دوستىعى ۇزدىكسىز نىعايۋدا، جۇڭگو - رەسەي حالىقتىق دوستىق ىستەرىنىڭ بولاشاعى كەڭ، نۇرلى. رەسەي - جۇڭگو دوستىق قوعامىنىڭ تاڭداۋلى ءداستۇردى ساۋلەلەندىرىپ، جۇڭگو - رەسەي حالقىنىڭ تىلەگىن توعىستىرۋدى ىلگەرىلەتۋدە ءتىپتى زور رول اتقارۋىن ءۇمىت ەتەمىن!
سول كۇنى رەسەي زۇڭتۇڭى پۋتين دە رەسەي - جۇڭگو دوستىق قوعامى قۇرىلعاندىعىنىڭ 65 جىلدىعىنا قۇتتىقتاۋ حات جولدادى.