شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. 10 - ايدىڭ 31 - كۇنى مەملەكەت ءتوراعاسى شي جينپيڭ 2022 - جىلعى دۇنيە جۇزىلىك قالا كۇنى الەمدىك نەگىزگى الاڭ قيمىلىنا جانە قالالار باياندى دامۋىنىڭ 2 - كەزەكتى الەمدىك جينالىسىنا قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: دۇنيە جۇزىلىك قالا كۇنى الەمدىك نەگىزگى الاڭ قيمىلى ”قالا تۇرمىستى ءتىپتى دە كورىكتەندىرەدى“ ۇستانىمنان جازباي، الەمدەگى قالالاردىڭ باياندى دامۋىن ىلگەرىلەتۋگە كۇش سالدى، بۇل جالپىعا ءتيىمدى، تەپە - تەڭ، سايكەسىمدى، سيىسىمدى، سەلبەسىپ تەڭ يگىلىككە كەنەلۋ، بىرگە گۇلدەنىپ - كوركەيۋ سىندى دامۋ ارناسىن بىرگە قۇرۋدا اسا ماڭىزدى ءمان الادى. ءار ەلدەگى قالالاردىڭ الەمدىك دامۋ دارىپتەمەسىنە بەلسەنە ات سالىسىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جانە «جاڭا قالا كەڭەستىك ءتارتىبىن» جەدەل تياناقتاندىرىپ، ەكونوميكانىڭ ءونىمدى جاندانۋىنا دەم بەرىپ، ەكولوگيالىق قورشاعان ورتا ساپاسىن جاقسارتىپ، قالانى باسقارۋ ونىمدىلىگىن جوعارىلاتىپ، الەمدىك باياندى دامۋدى بىرگە ىلگەرىلەتۋىن ءۇمىت ەتەمىن.
2022 - جىلعى دۇنيە جۇزىلىك قالا كۇنى الەمدىك نەگىزگى الاڭ قيمىلى جانە قالالار باياندى دامۋىنىڭ 2 - كەزەكتى الەمدىك جينالىسى سول كۇنى شاڭحايدا اشىلدى، ”اتانىسقا كەلەيىك، جەرگىلىكتى ورىننان الەمگە قاراي بەت الايىق“ نەگىزگى تاقىرىپ بولدى، تۇرعىن ءۇي جانە قالا، اۋىل قۇرىلىسى مينيسترلىگى، شاڭحاي قالالىق حالىق ۇكىمەتى، بىرلەسكەن مەملەكەتتەر ۇيىمى ادامزاتتىڭ قونىستانۋ ءوڭىرىن جوبالاۋ مەكەمەسى بىرگە وتكىزدى.
