اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ءماجىلىسىن وتكىزدى
پارتيا 20 - قۇرىلتايىنىڭ رۋحىن جاپپاي، دالمە - ءدال ۇيرەنىپ، ءتۇسىنىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەپ، تانىم مەن ارەكەتتىڭ بىرلىگىنە تاباندى بولىپ، پارتيا 20 - قۇرىلتايىنىڭ كەلەلى شەشىمدەرى مەن ورنالاستىرۋلارىن ويداعىداي دايەكتىلەندىرۋ، تياناقتاندىرۋ كەرەك
ما شيڭرۇي باسقاردى
ەركىن تۇنياز، شاۋكەت يمىن، لي يفي، جاڭ چۇنلين، حى جۇڭيوۋ ۇيرەنۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 31 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى 10 - ايدىڭ 31 - كۇنى تۇستەن كەيىن ارناۋلى تاقىرىپتىق ۇيرەنۋ ءماجىلىسىن وتكىزىپ، پارتيا 20 - قۇرىلتايىنىڭ رۋحىن ونان ارى جاپپاي، دالمە - ءدال ۇيرەندى، ءتۇسىندى. اۆتونوميالى رايوندىق پارتكومنىڭ شۋجيى ما شيڭرۇي توپتىق ۇيرەنۋدى باسقاردى ءارى ءسوز سويلەپ، بىلاي دەپ باسا دارىپتەدى: ”ەكىنى تۇراقتاندىرۋدى“، ”ەكىنى قورعاۋدى“ ەڭ جوعارى ساياسي پرينسيپ جانە ءتۇبىرلى ساياسي قاعيدا ەتىپ، پارتيا 20 - قۇرىلتايىنىڭ رۋحىن جاپپاي ۇيرەنىپ، جاپپاي يگەرىپ، جاپپاي تياناقتاندىرىپ، جاڭا داۋىردەگى جاڭا جورىقتا پارتيانىڭ بورىشى مەن وزەكتى مىندەتىن مىقتاپ يگەرىپ، پارتيا قۇرۋ ۇلى رۋحىن اسقاقتاتىپ، باستان - اياق باس شۋجيگە تىعىز ىلەسىپ، جاڭا جورىقتا ەكپىندەي ىلگەرىلەپ، پارتيا 20 - قۇرىلتايىندا العا قويىلعان نىسانالاردى، مىندەتتەردى قاز - قالپىندا ناقتاپ تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قايراتتانا ىسكەرلىك كورسەتىپ، كورىكتى شينجياڭ قۇرۋ، قوعام ورنىقتىلىعى مەن باياندى تىنىشتىقتىڭ جاڭا جاعدايىن اشۋ كەرەك.
ەركىن تۇنياز، شاۋكەت يمىن، لي يفي، جاڭ چۇنلين، حى جۇڭيوۋ، جاڭ جۋ، تيان شياڭلي، چىن ۋيجۇن پىكىر اۋىستىرىپ ءسوز سويلەدى. كوپشىلىك ءبىر اۋىزدان بىلاي دەپ قارادى: پارتيا 20 - قۇرىلتايى جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋ ۇلى جوباسىن كەسكىندەپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋدىڭ ۇلى ۇندەۋىن تاراتتى. پارتيا 20 - قۇرىلتايىنىڭ رۋحىن ۇيرەنىپ، ءتۇسىنىپ، پارتيا مەن مەملەكەت ىستەرىنىڭ تاريح بەتىنەن ماڭگى وشپەيتىن وراسان زور تابىستارعا قول جەتكىزۋىنىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستاۋىنىڭ ەڭ ءتۇبىرلى سەبەبى شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىنىڭ تۇراقتاندىرىلعاندىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىنىڭ تۇراقتاندىرىلعاندىعىندا ەكەندىگىن ونان ارى تەرەڭ تانىپ جەتۋ؛ ”ەكىنى تۇراقتاندىرۋ“ جاڭا داۋىردە پارتيا مەن مەملەكەت ىستەرىنىڭ جەڭىستەن تىڭ جەڭىسكە جەتۋىنە جەتەكشىلىك ەتەتىن ساياسي كەپىلدىك، جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، بارلىق تۇراقسىزدىقتارعا توتەپ بەرەتىن ەڭ ۇلكەن تۇراقتىلىق، ەڭ زور سەنىم، ەڭ ۇلكەن كەپىلدىك ەكەندىگىن ونان ارى تەرەڭ تانىپ جەتۋ كەرەك. كوپشىلىك ءبىر اۋىزدان مىنالاردى ءبىلدىردى: ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، پارتيا 20 - قۇرىلتايىنىڭ رۋحىمەن يدەيانى، ەرىك - جىگەردى، ارەكەتتى سانالى تۇردە بىرلىككە كەلتىرىپ، ”ەكىنى تۇراقتاندىرۋدى“ قورعاۋ، ”ەكىنى قورعاۋدى“ امالياتتا ايگىلەۋ ساياسي سانالىلىعىن، يدەيالىق سانالىلىعىن، ارەكەت سانالىلىعىن كۇشەيتىپ، پارتيا مەن مەملەكەت ىستەرى دامۋىنىڭ جاڭا تالاپتارىن، حالىق بۇقاراسىنىڭ جاڭا ارمان - تىلەگىن دالمە - ءدال يگەرىپ، قىزمەتتىڭ ءىس جۇزىندىك جاعدايىمەن تىعىز ۇشتاستىرىپ، ىشكەرىلەي تەكسەرۋ - زەرتتەۋ جۇرگىزىپ، قايراتتانا ۇمتىلىپ، شىنايى يگەرىپ، ناقتى ىستەپ، پارتيا 20 - قۇرىلتايىندا العا قويىلعان نىسانالار مەن مىندەتتەردى ناقتاپ تياناقتاندىرىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنامىز.
كوپشىلىكتىڭ ءسوزىن دەن قويا تىڭداعاننان كەيىن ما شيڭرۇي ءسوز سويلەدى. ول بىلاي دەپ اتاپ كورسەتتى: پارتيا 20 - قۇرىلتايى تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي بولدى، ءبىر قىدىرۋ كەلەلى ساياسي، نازاريالىق جانە امالياتتىق جەتىستىكتەرگە قول جەتكىزىپ، جاڭا داۋىردەگى جاڭا جورىقتا پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا ايقىن العا باسۋ بەتالىسىن كورسەتىپ، ارەكەت باعدارناماسىن تۇراقتاندىردى. ءبىز پارتيا 20 - قۇرىلتايىنىڭ رۋحىن دەن قويا ۇيرەنىپ، ءتۇسىنىپ، باس شۋجيدىڭ، پارتيا ورتالىق كوميتەتىنىڭ ساياسي جاقتاعى كورەگەندىگىن، نازاريالىق جاقتاعى تەرەڭ تولعانىسىن، نىسانا جاعىنداعى عىلمي ۇيعارىمىن جانە قىزمەت جاعىنداعى ستراتەگيالىق ورنالاستىرۋلارىن تەرەڭدەي ۇيرەنىپ، جەتە ۇعىنىپ، پارتيا 20 - قۇرىلتايىنىڭ پارتيا مەن مەملەكەت ىستەرىنىڭ دامۋى جونىندەگى كەلەلى باعىت - ساياساتتارى مەن ستراتەگيالىق ورنالاستىرۋلارىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن تەرەڭ ءتۇسىنىپ، جاڭا داۋىردەگى ۇلى وزگەرىستەردىڭ تەرەڭ ءمانى مەن كەلەلى ءمانىن جاپپاي يگەرىپ، اناعۇرلىم باتىل، سانالى تۇردە ”ەكىنى تۇراقتاندىرۋدى“ قورعاپ، ”ەكىنى قورعاۋدى“ امالياتتا ايگىلەپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، باس شۋجي نۇسقاعان دۇرىس بەتالىسپەن مىزعىماستان ەرلىكپەن العا ىلگەرىلەۋىمىز؛ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن تەرەڭدەي ۇيرەنىپ، جەتە ۇعىنىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ونى ويداعىداي قولدانىپ، يدەيانىڭ ۇلى كۇشىن قۋاتتى رۋحاني قوزعاۋشى كۇشكە شىن مانىندە اينالدىرۋىمىز؛ الداعى ءبىر مەزگىلدەگى پارتيا مەن مەملەكەت ىستەرى دامۋىنىڭ نىسانالارىن، مىندەتتەرىن جانە ستراتەگيالىق ورنالاستىرۋلارىن دالمە - ءدال يگەرىپ، شينجياڭنىڭ ورنىن تۇراقتاندىرۋ رولىن ءداپ باسىپ، جاڭا جورىقتا ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ شينجياڭ تاراۋىن جازۋعا قۇلشىنۋىمىز كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، دەموكراتيالىق ورتالىقتاندىرۋ ءتۇزىمىن دايەكتىلەندىرىپ، جاڭا داۋىردەگى پارتيا قۇرىلىسىنىڭ باس تالابىن جاپپاي تياناقتاندىرىپ، پارتيانىڭ ساياسي ءتارتىبى مەن ساياسي قاعيداسىن قاتايتىپ، پارتيانى جاپپاي قاتاڭ باسقارۋدى بۇلجىماي ىلگەرىلەتىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، دۇرىس ناتيجە كوزقاراسىن بەرىك ورناتىپ، شىندىققا جۇگىنىپ، ناقتى ىستەۋ تاڭداۋلى ستيلىن اسقاقتاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن اتقارۋدىڭ اۋىتقىماۋىنا، وزگەرمەۋىنە، قۇبىلماۋىنا شىنايى كەپىلدىك ەتۋىمىز كەرەك.
ءماجىلىس مىنالاردى باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىنا كۇش سالۋ كەرەك. ءتۇپ نۇسقانى تالىقپاي ۇيرەنىپ، قاعيدانى ءتۇسىنىپ، پارتيا 20 - قۇرىلتايى بايانداماسى مەن پارتيا ۋستاۆىن قاز - قالپىندا، ءسوز - سويلەمى بويىنشا ۇيرەنىپ، باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىندە سويلەگەن ماڭىزدى ءسوزىنىڭ رۋحى سياقتىلاردى ۇيرەنىپ، تولىق، دالمە - ءدال، جان - جاقتى ءتۇسىنىپ، بۇل نە، نە ىستەۋ كەرەك، قالاي ىستەۋ كەرەك دەگەندى انىق ءبىلۋ؛ ءىس جۇزىندىكپەن ۇشتاستىرۋعا، جەتە ۇعىنىپ، تولىق تۇسىنۋگە دەن قويىپ، شي جينپيڭ جاڭا ءداۋىر جۇڭگوشا سوتسياليزم يدەياسى، پارتيا 18 - قۇرىلتايىنىڭ، 19 - قۇرىلتايىنىڭ بايانداماسى، باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىندەگى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىندەگى ماڭىزدى ءسوزىنىڭ رۋحى سياقتىلاردى، سونداي - اق 2 -، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جانە باس شۋجيدىڭ شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋمەن، دايەكتىلەندىرۋمەن تىعىز ۇشتاستىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرىپ، ءبىر تۇتاس ۇيرەنۋ، ءتۇسىنۋ جانە دايەكتىلەندىرۋ، تياناقتاندىرۋ؛ ولشەمگە، تالاپقا تۋرالانىپ، تياناقتاندىرۋدى مىقتى يگەرىپ، پارتيا 20 - قۇرىلتايىندا ايقىندالعان ءتۇرلى نىسانالارمەن جانە قىزمەت مىندەتتەرىمەن دەن قويا سالىستىرىپ، دايەكتىلەندىرۋدىڭ، تياناقتاندىرۋدىڭ اتقارۋ پىكىرىن شىعارىپ، پارتيا 20 - قۇرىلتايىنداعى ورنالاستىرۋلاردى، تالاپتاردى شينجياڭنىڭ دامۋىنىڭ، رەفورماسىنىڭ، ورنىقتىلىعىنىڭ ءار سالاسىندا، ءار جاعىندا تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، پارتيا 20 - قۇرىلتايى رۋحىنىڭ تيانشان الابىندا تامىر تارتىپ، تياناقتانۋىنا شىنايى كەپىلدىك ەتۋ كەرەك.
ۋاڭ ميڭشان، ءيۇسۇپجان مامەت، قادەن كابەن قاتارلىلار ۇيرەنۋگە قاتىناستى.
