جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزەيىك
− پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
جاڭا ءداۋىر كارتيناسى ايدىندى دا اسقاق، جاڭا جورىق تاراۋى ايبىندى دا دابىرالى. بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە، پارتيا 20 - قۇرىلتايى جاڭا ءداۋىردىڭ جاڭا جورىعىنداعى جۇڭگو كوممۋنيستىك پارتياسىنىڭ بورىشىن، مىندەتىن ايقىن العا قويىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىندە ستراتەگيالىق جوسپارلاۋ جۇرگىزىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ جونىندە جاپپاي ورنالاستىرۋ جاسادى. باس شۋجي شي جينپيڭ پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەدى: ”بۇكىل پارتيا، ءسوز جوق، سەنىمدى بەكەمدەپ، قايراتتانا العا ۇمتىلىپ، ىرىقتىلىقپەن وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، حاۋىپ - قاتەردەن ىرىقتىلىقپەن ساقتانىپ جانە ونى جويىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزۋ كەرەك“!
جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ جالپى ستراتەگيالىق ورنالاستىرۋى − ەكى باسقىشقا ءبولىپ ءجۇرۋ: 2020 - جىلدان 2035 - جىلعا دەيىن سوتسياليستىك وسىزامانداندىرۋدى، نەگىزىنەن، جۇزەگە اسىرۋ؛ 2035 - جىلدان وسى عاسىردىڭ ورتاسىنا دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعۋ. پارتيا 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ەكى باسقىشقا ءبولىپ ءجۇرۋ ستراتەگيالىق ورنالاستىرۋى جونىندە ماكرولىق بولجال جاساپ، 2035 - جىلعا بارعانداعى ەلىمىز دامۋىنىڭ جالپى تۇلعالىق نىساناسى مەن الداعى 5 جىلداعى باستى نىسانا - مىندەتتەردى تۇراقتاندىردى. الداعى 5 جىل − جاپپاي سوتسياليستىك وسىزاماندانعان مەملەكەت قۇرۋ باسقىشىنا قادام تاستايتىن شەشۋشى مەزگىل، وسى 5 جىلداعى دامۋدى ويداعىداي ىستەۋ ەكىنشى 100 جىلدىق كۇرەس نىساناسىن جۇزەگە اسىرۋدا توتەنشە ماڭىزدى. پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە پارتيا 20 - قۇرىلتايىنىڭ جاپپاي سوتسياليستىك وسىزاماندانعان مەملەكەت قۇرۋ جونىندەگى ستراتەگيالىق ورنالاستىرۋلارىن ىشكەرىلەي ءتۇسىنىپ، يدەيا مەن ارەكەتتى شىن مانىندە پارتيا ورتالىق كوميتەتىنىڭ رۋحىمەن بىرلىككە كەلتىرۋ كەرەك.
جاپپاي سوتسياليستىك وسىزاماندانعان مەملەكەت قۇرۋدا، جوعارى ساپالى دامۋ − ماڭداي الدى مىندەت، جاڭا دامۋ ۇستانىمىن، ءسوز جوق، تولىق، دالمە - ءدال، جالپى بەتتىك دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋ كەرەك. وقۋ - اعارتۋ، عىلىم - تەحنيكا، دارىندىلار جاپپاي سوتسياليستىك وسىزاماندانعان مەملەكەت قۇرۋدىڭ نەگىزدىك، ستراتەگيالىق تىرەگى، عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەنگە، ءسوز جوق، تاباندى بولىپ، وسىزامانداندىرۋ قۇرىلىسىنىڭ دارىندىلار تىرەگىن كۇشەيتۋ كەرەك. حالىق دەموكراتياسى − سوتسياليزمنىڭ جانى، جاپپاي سوتسياليستىك وسىزاماندانعان مەملەكەت قۇرۋدىڭ تيەسىلى ءمانى، جۇڭگوشا سوتسياليستىك ساياسي دامۋ جولىمەن، ءسوز جوق، بۇلجىماي ءجۇرىپ، جالپى بارىستىق حالىق دەموكراتياسىن دامىتىپ، حالىقتىڭ وزىنە - ءوزى قوجايىن بولۋىن قامتاماسىز ەتۋ كەرەك. مەملەكەتتى جاپپاي زاڭمەن باسقارۋ − مەملەكەتتى باسقارۋداعى تەرەڭ توڭكەرىس، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن، ءسوز جوق، اناعۇرلىم ويداعىداي ساۋلەلەندىرىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك. مادەنيەت سەنىمى ءبىر مەملەكەتتىڭ، ءبىر ۇلتتىڭ دامۋىنداعى ەڭ نەگىزگى، ەڭ مايەكتى، ەڭ ۇزاققا جالعاساتىن كۇش، ءسوز جوق، جۇڭگوشا سوتسياليستىك مادەنيەتتى دامىتۋ جولىنا تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن رۋحاني كۇشتى نىعايتۋ كەرەك. مەملەكەت دەگەنىمىز حالىق، حالىق دەگەنىمىز مەملەكەت، حالىقتى وزەك ەتكەن دامۋ يدەياسىنا، ءسوز جوق، تاباندى بولىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ كەرەك. تابيعاتقا قۇرمەت ەتۋ، تابيعاتقا بەيىمدەلۋ، تابيعاتتى قورعاۋ − جاپپاي سوتسياليستىك وسىزاماندانعان مەملەكەت قۇرۋدىڭ ىشكى تالابى، تۇنىق سۋ، جاسىل تاۋ − باعالى بايلىق ۇستانىمىن، ءسوز جوق، بەرىك ورناتىپ جانە امالياتتا ايگىلەپ، جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ كەرەك. مەملەكەت حاۋىپسىزدىگى − ۇلتتىڭ گۇلدەنۋىنىڭ نەگىزى، قوعام ورنىقتىلىعى − مەملەكەتتىڭ قۇدىرەتتەنۋىنىڭ العى شارتى، جالپى تۇلعالىق مەملەكەت حاۋىپسىزدىگى كوزقاراسىن، ءسوز جوق، بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىندا، تۇتاس بارىسىندا دايەكتىلەندىرىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىنا شىنايى كەپىلدىك ەتۋ كەرەك. ارميا قۇرىلعاندىعىنىڭ 100 جىلدىق كۇرەس نىساناسىن مەرزىمىندە جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى، پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن، ءسوز جوق، دايەكتىلەندىرىپ، جاڭا داۋىردەگى اسكەري ستراتەگيالىق باعىتىن دايەكتىلەندىرىپ، پارتيانىڭ حالىق ارمياسىنا شارتسىز باسشىلىعىنا تاباندى بولىپ، جاڭا داۋىردەگى حالىق ارمياسىنىڭ بورىشىن، مىندەتىن ۇتىمدى اتقارۋ كەرەك. ”ءبىر ەل، ەكى ءتۇزىم“ − جۇڭگوشا سوتسياليزمنىڭ ۇلى جاسامپازدىعى، وعان، ءسوز جوق، ۇزاق ۋاقىت تاباندى بولىپ، وتاننىڭ بىرلىككە كەلۋ ۇلى ءىسىن بۇلجىتپاي ىلگەرىلەتۋ كەرەك. ءبىز پارتيانىڭ 20 - قۇرىلتايىندا جاسالعان ستراتەگيالىق ورنالاستىرۋلاردى جاپپاي يگەرىپ، ەلىمىزدىڭ دامۋى ءدوپ كەلگەن جاڭا ستراتەگيالىق ورايمەن، جاڭا ستراتەگيالىق مىندەتتەرمەن، جاڭا ستراتەگيالىق كەزەڭمەن، جاڭا ستراتەگيالىق تالاپتارمەن، جاڭا ستراتەگيالىق ورتامەن تىعىز بايلانىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ نىسانا - مىندەتتەرىن جۇزەگە اسىرۋدىڭ جاپالىلىعى مەن كۇردەلىلىگىن تەرەڭ تانىپ، دايەكتىلەندىرۋ، تياناقتاندىرۋ سانالىلىعى مەن تاباندىلىعىن كۇشەيتۋىمىز كەرەك.
قۇر ءسوز ەلدى توزدىرادى، ىسكەرلىك ەلدى وزدىرادى، ءىستىڭ ورىندالۋىندا ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە جاپپاي تياناقتاندىرۋ جاعىنا كۇش سالىپ، پارتيانىڭ 20 - قۇرىلتايىندا العا قويىلعان نىسانا - مىندەتتەردى بۇلجىماستان ناقتاپ تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە ۇزدىكسىز قول جەتكىزۋ كەرەك. باس شۋجي شي جينپيڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ 1 - رەتكى توپتىق ۇيرەنۋىندە بىلاي دەپ باسا دارىپتەدى: ”پارتيا 20 - قۇرىلتايىنىڭ رۋحىن دايەكتىلەندىرۋدە، تياناقتاندىرۋدا جوسپار بولۋى، ورنالاستىرۋ بولۋى كەرەك، باس نىسانانى، باس باعداردى، باس تالاپتى يگەرۋ العى شارتىندا ءتۇرلى نىسانالار مەن مىندەتتەردى اشالاپ، تياناقتاندىرۋدىڭ ناقتى جوباسىن باعىتتامالى تۇردە الىپ شىعىپ، ايقىن ۋاقىت كەستەسىن، قۇرىلىس چەرتوجىن جاساپ، تىڭعىلىقتى تۇردە العا قاراي ىلگەرىلەتۋ كەرەك“. پارتيا 20 - قۇرىلتايىندا بەلگىلەنگەن نىسانا - مىندەتتەردىڭ تاياۋ مەرزىمدىگى، ورتا مەرزىمدىگى ءارى ۇزاق مەرزىمدىگى دە بار، ولاردىڭ جەڭىلى مەن اۋىرىن، ادەتتەگىسى مەن شۇعىلىن ايقىن ايىرۋ كەرەك، ءارى جاپپاي ىلگەرىلەتۋ، ءارى ءتۇيىندى كورنەكتىلەندىرۋ كەرەك؛ ءارى قازىرگىنى مىقتى يگەرۋ، ءارى ۇزاق بولاشاققا كوز جىبەرۋ، نەگىز قالايتىن، ۇزاق بولاشاققا پايدالى ىستەردى كوبىرەك ىستەۋ، فورماشىلدىق، تورەشىلدىك ىستەۋدەن ساقتانۋ كەرەك. وڭىرلەر، تاراۋلار وزدەرىنىڭ ءىس جۇزىندىك جاعدايىمەن ۇشتاستىرىپ، پارتيا ورتالىق كوميتەتى العا قويعان ستراتەگيالىق ورنالاستىرۋلاردى ءوز ءوڭىرىنىڭ، ءوز تاراۋىنىڭ قىزمەت مىندەتىنە اينالدىرۋ كەرەك. بۇكىل ەل ءبىر تۇتاس جۇيە يدەياسىن بەرىك ورناتىپ، ءوز ءوڭىرىنىڭ، ءوز تاراۋىنىڭ قىزمەتىن جوسپارلاۋدا جانە ىلگەرىلەتۋدە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى العى شارت ەتىپ، قىزمەتتى جاسامپازدىقپەن ورىستەتىپ، ءبىر ءوڭىردىڭ داڭقىن اسىرۋمەن قاتار، جالپى جاعدايدى ارلەندىرۋ كەرەك. ءار دارەجەلى باسشى كادرلار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءسوز جوق، كىشى پەيىل دە بايسالدى بولىپ، قاجىرلىلىقپەن كۇرەس جاساپ، ءسوز جوق، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، جاۋاپكەرشىلىك ارقالاپ، ىسكەرلىك كورسەتىپ، شىندىققا جۇگىنىپ، ناقتى ىستەپ، ءتۇرلى قىزمەتتى مىقتى، ويداعىداي يگەرىپ، حالىق بۇقاراسىنا پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ ناقتى ونىمدىلىگىن كورسەتۋى كەرەك.
ءبىر كۇندەرى جەلپىنتىپ سامال ەسسە، سامۇرىق سامعار ءزاۋلىم - زەڭگىر كوككە. جاڭا جورىق − داڭق پەن ارمانعا تولى ۇزاق جورىق، پارتيانىڭ 20 - قۇرىلتايى الدەقاشان ايبىندى جوبانى كەسكىندەدى، العا ىلگەرىلەۋ دابىلىن قاقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”مەملەكەتتىڭ زور ءىسىن“ كوكەيدە بەرىك ساقتاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىنىڭ رۋحىن اسقاق رۋحاني كۇيمەن، ناقتى قىزمەت ستيلىمەن دايەكتىلەندىرىپ، تياناقتاندىرىپ، جاڭا جورىقتا پارتيا مەن مەملەكەت ىستەرى دامۋىنىڭ جاڭا جاعدايىن اشۋعا قۇلشىنىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا تاراۋىن قۇلشىنا جازايىق.
(شينحۋا اگەنتتىگىنىڭ 10 - ايدىڭ 30 - كۇنى بەيجيڭنەن بەرگەن حابارى)
