قۇرىلتاي رۋحىن قاز - قالپىندا دايەكتىلەندىرەمىز، تياناقتاندىرامىز
− اۆتونوميالى رايونداعى پارتيا، ۇكىمەت ورگاندارى، حالىقتىق توپتار پارتيا 20 - قۇرىلتايىنىڭ رۋحىن مۇقيات ۇيرەندى، ۇعىندى
□ انار بۇلت \ شينجياڭ گازەتىنىڭ تىلشىلەرى
بىرنەشە كۇننەن بەرى اۆتونوميالى رايونداعى پارتيا، ۇكىمەت ورگاندارى، حالىقتىق توپتار پارتيا مۇشەلەرىن، كادرلاردى كوپ ءتۇرلى فورمادا پارتيا 20 - قۇرىلتايىنىڭ رۋحىن جاپپاي ۇيرەنۋگە ۇيىمداستىرىپ، پارتيا 20 - قۇرىلتايى العا قويعان جاڭا يدەيانى، جاڭا تۇجىرىمدى، جاساعان جاڭا ورنالاستىرۋدى، جاڭا تالاپتى مۇقيات ءتۇسىنىپ، ءوز قىزمەت ءىس جۇزىندىگىمەن بايلانىستىرىپ، دايەكتىلەندىرۋ، تياناقتاندىرۋ شاراسىن جاسادى. قالىڭ پارتيا مۇشەلەرى مەن كادرلار ءبىر اۋىزدان مىنالاردى ءبىلدىردى: يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، ىستەۋدى ماڭداي الدى ورىنعا قويۋدان، شىنايى بولۋدى ماڭداي الدى ورىنعا قويۋدان جازباي، پارتيا 20 - قۇرىلتايىنىڭ رۋحىن قاز - قالپىندا دايەكتىلەندىرەمىز، تياناقتاندىرامىز.
جاڭا ءداۋىر جاڭا بورىش جۇكتەدى
پارتيا 20 - قۇرىلتايى اشىلعاننان كەيىن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ ورىنباسار مەڭگەرۋشىسى مىڭ شياڭجۇڭ پارتيا 20 - قۇرىلتايىنىڭ رۋحىن ۇزبەي ۇيرەنىپ كەلەدى. ول مىنالادى ءبىلدىردى: جاڭا ءداۋىر جاڭا بورىش جۇكتەدى، ءبىز پارتيا 20 - قۇرىلتايىنىڭ بايانداماسىندا العا قويىلعان جاڭا تالاپتارعا ساي، ۇزدىكسىز تۇردە قاتاڭ نەگىزگى اۋەنمەن ستيلدى دۇرىستاپ، ءتارتىپتى قاتايتۋدى كۇشەيتۋدەن جازباي، ورتالىقتىڭ 8 ءتۇرلى بەلگىلەمەسىنىڭ رۋحىن تالىقپاي تياناقتاندىرىپ، ”ءتورت بۇرىس ستيلدى“ وڭاۋدى ۇزدىكسىز تەرەڭدەتىپ، پارتيانى جاپپاي قاتاڭ باسقارۋ تالابىن ءاربىر قادامدى نىق باسا وتىرىپ ارەكەتتە ورىنداپ، ستيل قۇرىلىسىن ۇدايىلاندىرۋدى، ۇزاق ءونىمدى ەتۋدى ىلگەرىلەتۋىمىز كەرەك.
بىرنەشە كۇننەن بەرى اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) كوپ ءتۇرلى تاسىلمەن بۇكىل شۋەيۋانداعى وقىتۋشىلاردى، جۇمىسشى - قىزمەتكەرلەردى پارتيا 20 - قۇرىلتايىنىڭ رۋحىن ىشكەرىلەي ۇيرەنۋگە جەتەكتەدى. بۇل مەكتەپتىڭ (شۋەيۋان) ۇنەمىلىك ىستەرگە جاۋاپتى ورىنباسار مەكتەپ (شۋەيۋان) باستىعى ليۋ چۋانشان بىلاي دەدى: ءبىز پارتيا 20 - قۇرىلتايىنىڭ رۋحىن ۇيرەنۋدى مەكتەپتىڭ (شۋەيۋان) تاربيەلەۋ - باۋلۋىنىڭ مىندەتتى ساباعى ەتىپ، كادرلاردى تاربيەلەۋ - باۋلۋ جوسپارىن اقىلداسىپ جاساپ، پارتيا 20 - قۇرىلتايىنىڭ رۋحىن جوعارى ساپادا ساباقحاناعا كىرگىزۋدى، وي - ساناعا ۇيالاتۋدى ىلگەرىلەتۋىمىز كەرەك. سونىمەن قاتار پارتيا 20 - قۇرىلتايىنىڭ رۋحى جونىندەگى نازاريالىق بايىمداپ ءتۇسىندىرۋدى جانە عىلمي قاعيدالىق زەرتتەۋدى كۇشەيتىپ، كورىكتى شينجياڭ قۇرۋعا ءتيىستى ۇلەس قوسۋىمىز كەرەك.
اۆتونوميالى رايوندىق وداق كوميتەتىنىڭ شۋجيى، اۆتونوميالى رايوندىق جاستار بىرلەستىگىنىڭ ءتوراعاسى مامەتجان داۋۇت مىنالاردى ءبىلدىردى: كەزەكتەگى جانە مۇنان بىلايعى ءبىر مەزگىلدە بۇكىل رايونداعى ءار دارەجەلى كوممۋنيستىك جاستار وداعى، جاستار بىرلەستىگى، وقۋشىلار بىرلەستىگى، پيونەرلەر وترياد ۇيىمدارى پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتىپ، شىن مانىندە مىقتاپ يگەرىپ، ويداعىداي يگەرىپ، جەدەل قىزۋ ورلەۋ كوتەرۋ كەرەك. ءار سالاداعى جاستارمەن تىعىز بايلانىس جاساۋدى كۇشەيتىپ، قالىڭ وداق مۇشەلەرىن، جاستاردى تاباندىلىقپەن پارتياعا ىلەسىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە جاستىق كۇشتەرىن ارناۋعا ىنتىماقتاستىرۋ، باستاۋ كەرەك.
جاڭا جورىقتا جاڭا قادام تاستايمىز
”ءبىز جاڭا جورىقتا جاڭا قادام تاستاۋىمىزكەرەك“. اۆتونوميالى رايوندىق ورگان ىستەرىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى يۇي جىدۇڭ بىلاي دەدى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى ءتۇيىندى قىزمەتپەن تىعىز بايلانىستىرىپ، رەفورمادا جاڭالىق اشۋ سىندى وسى ءبىر تەتىكتى مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ورگان ىستەرىن باسقارۋ ءتۇزىلىس - مەحانيزم رەفورماسىن ۇزدىكسىز تەرەڭدەتىپ، باسقارۋ، قامتاماسىز ەتۋ بويىنشا قىزمەت وتەۋ ونىمدىلىگىن كۇش سالا جوعارىلاتىپ، ەكولوگيانى ماڭداي الدى ورىنعا قويىپ، جاسىل دامۋدى جەتەكشى ەتىپ، ۇنەمشىل ورگان قۇرىلىسىن تىڭعىلىقتى ىلگەرىلەتۋىمىز كەرەك.
”ءبىز جەتەكشىلىك ەتۋدى كۇشەيتىپ، ۇگىتتەۋدى مىقتاپ يگەرىپ، 13 مىڭ 292 ’انار گۇلى جەلەكتىلەر ۇگىت لەكسيا اترەتىنىڭ‘ رولىن ويداعىداي ساۋلەلەندىرىپ، پارتيا 20 - قۇرىلتايىنىڭ رۋحىن نەگىزگى ساتىعا جەتكىزۋدى، ايەلدەر قاۋىمىنا جەتكىزۋدى ىلگەرىلەتۋىمىز كەرەك“. اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى لي ليڭحۇي بىلاي دەدى: سونىمەن قاتار ءبىز تاعى نازاردى پارتيا 20 - قۇرىلتايىندا بەلگىلەنگەن نىسانا - مىندەتتەردى ويداعىداي يگەرىپ تياناقتاندىرۋعا شوعىرلاندىرىپ، ايەلدەردىڭ، بالالاردىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا شەشىپ، وتباسى تاربيەسى، وتباسى ستيلى قۇرىلىسىن تەرەڭدەتىپ، ايەلدەردى قىزمەت ورنىندا ۇلەس قوسۋعا، ومىرلەرىن تارتىمدى ەتۋگە جەتەكتەپ، پارتيا 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋعا جەلەكتىلەر كۇشىن قوسۋىمىز كەرەك.
”مەملەكەتتى جاپپاي زاڭمەن باسقارۋ − مەملەكەتتى باسقارۋداعى تەرەڭ توڭكەرىس، ول پارتيانىڭ بيلىك جۇرگىزىپ، مەملەكەتتى كوركەيتۋىنە سايادى، حالىقتىڭ باقىتى مەن اماندىعىنا سايادى، پارتيا مەن مەملەكەتتىڭ باياندى تىنىشتىعىنا سايادى“. اۆتونوميالى رايوندىق جوعارى حالىق سوتى مەكەمەسى اتقارۋ 3 - سوت كوللەگياسىنىڭ باستىعى گان لۋ بىلاي دەپ قارادى: پارتيا 20 - قۇرىلتايىنىڭ بايانداماسىندا ”حالىق“ دەگەن ءسوز ايقىن كوزگە ءتۇستى، ول تايشان تاۋىنان دا قادىرلى، ”مەن تاباندىلىقپەن باس شۋجي شي جينپيڭ نۇسقاعان بەتالىستى بويلاپ العا باسىپ، ءوز قىزمەتىمدى تىڭعىلىقتى، ويداعىداي ىستەپ، ادالدىقپەن مىندەتىمدى وتەپ، جاۋاپكەرشىلىگىمدى ادا ەتىپ، ءاربىر ءادىليا دەلوسىن دەن قويا، سۇيىسپەنشىلىكپەن، ويداعىداي جاقسى ىستەپ، حالىق بۇقاراسىنىڭ زاڭدى ۇقىق - مۇددەسىن امالدىڭ بارىنشا قورعايمىن“.
جاڭا ىسكەرلىك جاڭا لەپتى ايگىلەدى
”پارتيا 20 - قۇرىلتايىنىڭ بايانداماسىندا ’قوعامدىق قامسىزداندىرۋدىڭ قامتۋ كولەمىن كەڭەيتۋ‘ العا قويىلدى، بۇل پارتيا ورتالىق كوميتەتىنىڭ ءتىپتى دە كوپ ادامدى قوعامدىق قامسىزداندىرۋ تۇزىمىنە ەنگىزۋ جونىندە قويعان ناقتى تالابى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى زەينەتكەرلىك قامسىزداندىرۋ باسقارماسىنىڭ باستىعى گۋ حايلين بىلاي دەدى: ءبىز جۇمىسشى - قىزمەتكەرلەردىڭ نەگىزگى زەينەتكەرلىك قامسىزداندىرۋ ءتۇزىمى ساياساتىن ونان ارى كەمەلدەندىرىپ، كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىن مەملەكەت بويىنشا ءبىر تۇتاس جوسپارلاۋ قىزمەتتەرىن تىڭعىلىقتى، ويداعىداي ىستەپ، يكەمدى جۇمىستانعاندار، جاڭا جۇمىستانۋ كۇيىمەن اينالىسۋشىلار، سونداي - اق جاڭاشا كاسىپتىك شارۋالار قاتارلىلاردى جۇمىسشى - قىزمەتكەرلەردىڭ نەگىزگى زەينەتكەرلىك قامسىزداندىرۋىنا قاتىناسۋىن جەبەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتۋىمىز كەرەك.
بىرنەشە كۇننەن بەرى ءۇرىمجى كەدەنى شەكارا وتكەلىن باقىلاۋ - باسقارۋ باسقارماسىنىڭ ورىنباسار باستىعى گو يىڭ پارتيا 20 - قۇرىلتايىنىڭ بايانداماسىن ۇزبەي ۇيرەنىپ كەلەدى. ”كەدەن مەكەمەسىنىڭ كەدەن قىزمەتكەرى رەتىندە، مەن جۇڭگو - ەۆروپا كەزەكشى پويەزىنىڭ باتىس جەلىسى اينالىمىن ىركىلىسسىزدەندىرۋگە كەپىلدىك ەتۋمەن قاتار، جۇڭگو - قىرعىزستان - وزبەكستان تاس جول، تەمىر جول بىرلەسىپ تاسىمالداۋ نىسانىنىڭ تياناقتانىپ دامۋىن بەلسەندى ىلگەرىلەتىپ، جاڭا ازيا - ەۆروپا قۇرلىقتىق كوپىرىنىڭ وڭتۇستىك ارناسى قۇرىلىسىنا قىزمەت وتەيمىن“. گو يىڭ بىلاي دەدى: سونىمەن قاتار شەكارا وتكەلدەرىنىڭ شارۋاشىلىق - ساۋدا ورتاسىن ونان ارى ساپالىلاندىرىپ، جەرگىلىكتى ۇكىمەتتىڭ قاتىستى سىرتقى ساۋدانى ورنىقتىرۋ ساياساتىن تەز ارادا تياناقتاندىرۋدى ىلگەرىلەتۋىنە بەلسەنە سايكەسىپ، بازاردىڭ ساتىپ الۋى، شەكارا اتتاعان ەلەكتروندى ساۋدا، شەكاراداعى تۇرعىنداردىڭ ءوزارا بازارشىلاۋى سياقتى جاڭا كاسىپتىك كۇيدى رايونىمىزدىڭ سىرتقا ەسىك اشۋىنىڭ جانە ەكونوميكانى دامىتۋىنىڭ ماڭىزدى ارتۋ ۇيەگىنە اينالدىرۋعا مۇمكىندىك جاسايمىن.
”ءبىز تىڭ ىسكەرلىك ارقىلى تىڭ تىنىستى ايگىلەپ، پارتيا 20 - قۇرىلتايىنىڭ رۋحىن ينفورماتسيا، حابارلاسۋ نەگىزدىك قۇرىلعىلار قۇرىلىسىنىڭ ءارقايسى ءتۇيىندى قىزمەتتەرىندە دايەكتىلەندىرەمىز، تياناقتاندىرامىز“. شينجياڭ حابار - بايلانىس باسقارۋ مەكەمەسى ينفورماتسيا - حابارلاسۋدى دامىتۋ باسقارماسىنىڭ ورىنباسار باستىعى عالىپ ابدۇكەرىم بىلاي دەدى: 5G، قوس مىڭ مەگابايت، ەسەپتەۋ قابىلەتى نەگىزدىك قۇرىلعىلارى سياقتى جاڭا بازالىق قۇرىلىسى توراپ جۇيەسىن جەدەل قۇرىپ، كەمەلدەندىرىپ، قوس مىڭ مەگابايتتىڭ ءتۇرلى كاسىپتەرگە قۋات ۇستەۋىن بەلسەنە ىلگەرىلەتىپ، ينتەرنەتتە قۋاتتى رايوندى، سيفرلى شينجياڭ قۇرىلىسىن تىڭعىلىقتى ىلگەرىلەتىپ، شينجياڭنىڭ ينفورماتسيا، حابارلاسۋ ىستەرىنىڭ جوعارى ساپالى دامۋىنا پارمەندى كەپىل ازىرلەيمىز.
(ءتىلشى جاڭ يۇنمەي، قاتىناسقان تىلشىلەر لياڭ ليحۋا، جاڭ يانفاڭ، گۋان مىڭيىڭ، ميھىرگۇل عوپۇر، ياڭ شۋحان، لي لين، چىن چياڭۋي، فان چيۇڭيان)
