شينجياڭ كومىرىنىڭ سىرتقا جەتكىزىلۋ مولشەرى ەسەلەپ ارتتى، ”قامداۋدى قامتاماسىز ەتۋ شەڭبەرى“ ۇزدىكسىز كەڭەيدى
− رايونىمىزدىڭ الدىڭعى ءۇش ماۋسىمىنداعى كومىرمەن قامداۋ اينالىمىنا تالداۋ
□ انار بۇلت \ شينجياڭ گازەتىنىڭ ءتىلشىسى يۇي جياڭيان
11 - ايدىڭ 1 - كۇنى قىزمەتكەرلەر ءۇرىمجى − جياڭجۇنمياۋ تەمىر جولى ۋيجياچۋان ۆوگزالىندا كومىر تيەۋ - ءتۇسىرۋ جۇمسىن ىستەۋدە. بيىل جىل باسىنان بەرى شينجياڭ تەمىر جول تاراۋلارى ىندەتتەن ساقتانۋ - تىزگىندەۋ مەن تاسىمال ءوندىرىس حاۋىپسىزدىگى قىزمەتىن جوعارى ونىممەن ءبىر تۇتاس جوسپارلاپ، پويەز قاتىناۋ جوباسىن ساپالىلاندىرىپ، ەلەكترمەن، كومىرمەن قامداۋدى قامتاماسىز ەتۋ تەبىنىن ارتتىرىپ، زات اينالىمىنىڭ ىركىلىسسىز بولۋىن بار كۇشپەن قامتاماسىز ەتتى.
□ سۋرەتتى جاڭ جىيۇڭ تۇسىرگەن
كولەمنەن جوعارى ونەركاسىپتىك كومىر ءونىم مولشەرى 291 ميلليون 323 مىڭ 900 توننا بولىپ، سايكەس مەزگىلدەگىدەن ％1. 31 ارتىپ، ارتۋ قارقىنى الدىڭعى جارتى جىلداعىدان 3. 2 پايىز جوعارىلاعان. اۆتونوميالى رايوندىق ساناق مەكەمەسى جاريالاعان الدىڭعى ءۇش ماۋسىمداعى ساندى مالىمەتتە كورسەتىلۋىنشە، شينجياڭنىڭ كومىر ءوندىرىسىنىڭ قارقىنى ۇدەگەن. كومىردىڭ ”ورنىقتىرعىشتىق“ رولىن ساۋلەلەندىرگەن شينجياڭ كومىر ءوندىرۋ - ساتۋدا بۇكىل ەلدەگى ءبىر تۇتاس ءىرى بازارمەن بەلسەنە توعىسىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە ماڭىزدى ۇلەس قوسقان.
ساپالى وندىرىستىك قۋات ىسكە قوسىلدى
4 ميلليون توننادان 8 ميلليون تونناعا، ونان 12 ميلليون تونناعا دەيىن جۇندۇڭ ەكونوميكالىق - تەحنيكالىق اشۋ رايونىنداعى جۇڭليان رۇنشى شينجياڭ كومىر ونەركاسىبى شەكتى سەرىكتەستىگى ءبىر جىلدان استام ۋاقىتتان بەرى ۇدايى 2 رەت وندىرىستىك قۋاتتى تەكسەرىپ ارتتىرىپ، قالىپتى ءوندىرۋ مەن ساتۋدى قامتاماسىز ەتۋمەن بىرگە، كومىر ءوندىرىس جۇيەسى قۇرىلىسىن جەدەلدەتىپ، ساپالى وندىرىستىك قۋاتتىڭ ىسكە قوسىلۋىن جەبەدى.
”كەلەر جىلدىڭ باسىندا ءىس جۇزىندىك وندىرىستىك قۋات جىلىنا 12 ميلليون تونناعا جەتەدى دەپ مەجەلەپ وتىرمىز“. وسى سەرىكتەستىكتىڭ ساتۋ ءبولىمىنىڭ ورىنباسار باستىعى سۇڭ جىيۋاننىڭ ايتۋىنشا، قازىرگى تاڭدا، جەر ۇستىندەگى ۇنتاقتاۋ، ءبولۋ جانە كومىر ساقتاۋ جۇيەسى سياقتى قۇرىلىستار سالىنىپ ءبىتىپ، جابدىقتار جەدەل ورناتىلىپ جاتىر ەكەن. بيىل جىل باسىنان بەرى بۇل سەرىكتەستىك ءوندىرىس تەحنولوگياسىن ۇزدىكسىز ساپالىلاندىرىپ، جۇمىس باسىندا جۇك تيەۋدى جاقسارتىپ، 10 - ايدىڭ 27 - كۇنىنە دەيىن 7 ميلليون 218 مىڭ 500 توننا كومىر ءوندىرىپ، سايكەس مەزگىلدەگىدەن ％100 ارتتىرعان.
جۇڭليان رۇنشى شينجياڭ سەرىكتەستىگى وندىرىستىك قۋاتتى تەكسەرىپ ارتتىرعاننان كەيىن وندىرىستىك قۋاتى جەدەل جوعارىلاعان كاسىپورىنداردىڭ ءبىر ۋاكىلى. كومىردى كوبىرەك ءوندىرىپ، قامداۋدى قامتاماسىز ەتۋ مىندەتىن اسىرا ورىنداۋ ءۇشىن، بيىل اۆتونوميالى رايوندىق دامۋ جانە رەفورما كوميتەتى ماناس تيانشين سياقتى 3 ورىنداعى كومىر كەندەرىنىڭ سىناق رەتىندە بىرلەسىپ جۇمىس جۇرگىزۋىن ىلگەرىلەتتى، قۇمىل دانانحۋ 7 - ءنومىرلى كەن شاحتاسىنىڭ 2 - مەرزىمدىك نىسانىنىڭ جىلىنا 6 ميلليون توننالىق ءوندىرىسى مەملەكەتتىڭ تەكسەرىپ بەكىتۋىنەن، بۇرىشتاۋىنان ءوتتى، جۇندۇڭ داجيڭنان اشىق كەنى سياقتى 12 جەردەگى كومىر كەن مەملەكەتتىڭ وندىرىستىك قۋاتتى تەكسەرۋ ارقىلى حاۋىپسىز ارتتىرۋ شارتىن ازىرلەگەن كومىر كەندەر تىزىمدىگىنە ەنگىزىلدى.
2019 - جىلدان بەرى وندىرىستىك قۋاتتى 3 رەت تەكسەرىپ ارتتىرعان مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى وندىرىستىك قۋاتتى جىلىنا 96 ميلليون 900 مىڭ تونناعا دەيىن ۇلعايتۋ الدىندا تۇر. الدىڭعى ءۇش ماۋسىمدا بۇل سەرىكتەستىك 56 ميلليون 263 مىڭ توننا كومىر ءوندىرىپ، سايكەس مەزگىلدەگىدەن 15 ميلليون 138 مىڭ توننا ارتتىرىپ، ارتۋ مولشەرى ％8. 36كە جەتىپ، تاريحتاعى تىڭ دەڭگەيگە جەتتى.
ءىرى تۇرپاتتى اشىق كومىر كەندەر قۇرىلىسىن جەدەلدەتۋ ارقىلى شينجياڭ كومىر ءوندىرىسىنىڭ قارقىنىن ۇدەتتى. ءارقايسى ولكە، اۆتونوميالى رايون، قالالار جاريالاعان الدىڭعى ءۇش ماۋسىمداعى ەكونوميكالىق اينالىمنىڭ ساندى مالىمەتىنە جاسالعان تالداۋمەن بىرلەستىرگەندە، كومىردىڭ ءونىم مولشەرى 10 ميلليون توننادان اساتىن 15 ولكە، اۆتونوميالى رايون، قالانىڭ ىشىندە شينجياڭنىڭ ارتۋ قارقىنى ءبىرىنشى ورىندى يەلەگەن.
”14 - بەسجىلدىق“ مەزگىلىندە شينجياڭ مەملەكەت بەرگەن، جىلدىق وندىرىستىك قۋاتىن جاڭادان 160 ميلليون توننا ارتتىرۋ كومىر كەن نىسانى قۇرىلىسىن جاپپاي جەدەل ىلگەرىلەتەدى. ”وسى وندىرىستىك قۋاتتار تولىق ىسكە قوسىلعاننان كەيىن، شينجياڭ كومىرىنىڭ بۇكىل ەل كومىر بازارىنداعى ورنى ونان ارى نىعايادى“ - دەدى شينجياڭ كومىر ساۋدا ورتالىعى شەكتى سەرىكتەستىگىنىڭ باسقارما مۇشەسى، ورىنباسار باس ديرەكتورى جاڭ كۇي.
بۇكىل ەلدىڭ ۇلكەن بازارىمەن توعىستى
سوڭعى جىلداردان بەرى، الەمدىك جاڭا تيپتى ايدارشا ۆيرۋس وكپە قابىنۋ ىندەتى سياقتى فاكتورلاردىڭ ىقپالىنا ۇشىراپ، حالىقارادا نەگىزگى تاۋارلاردىڭ باعاسى ءوسىپ، تاسىمالدىڭ وزىندىك قۇنى جوعارىلاپ، ەلىمىزدىڭ كومىر يمپورت مولشەرى تومەندەدى، يمپورت ەتىلگەن كومىردىڭ كومىر بازارىن تولىقتاۋ جانە رەتتەۋ رولى السىرەگەندىكتەن، ءبىر ءبولىم باۋىرلاس ولكە، اۆتونوميالى رايون، قالالاردىڭ كومىرمەن قامداۋىندا جەتىسپەۋشىلىك بايقالا باستادى.
وسى سەبەپتەن شينجياڭنىڭ كومىر ءوندىرۋ - ساتۋى بۇكىل ەلدەگى ءبىر تۇتاس ءىرى بازارمەن بەلسەنە توعىسىپ، بۇرىنعى سالىستىرمالى تۇيىق وڭىردەن ەل ىشىندەگى ۇلكەن اينالىمعا قاراي قادام تاستادى.
اۆتونوميالى رايوندىق ساناق مەكەمەسىنىڭ ساناعىنا نەگىزدەلگەندە، الدىڭعى ءۇش ماۋسىمدا شينجياڭنان 58 ميلليون 331 مىڭ توننا كومىر سىرتقا جەتكىزىلىپ، سايكەس مەزگىلدەگىدەن 08. 1 ەسە ارتىپ، ارتۋ قارقىنى الدىڭعى جارتى جىلداعىدان 1. 21 پايىز جوعارىلاعان.
قۇمىل شينجياڭ كومىرىن سىرتقا جەتكىزۋدىڭ نەگىزگى مايدانى سانالادى، قۇمىل قالالىق دامۋ جانە رەفورما كوميتەتىنىڭ ساناعىنا نەگىزدەلگەندە، الدىڭعى ءۇش ماۋسىمدا سىرتقا 43 ميلليون 820 مىڭ توننا كومىر جەتكىزىپ، سايكەس مەزگىلدەگىدەن ％133 ارتقان، شينجياڭ كومىرىن سىرتقا جەتكىزۋ مولشەرى كومىر جالپى ءونىم مولشەرىنىڭ ％45. 49ىن ۇستاعان. بيىل قۇمىلدىڭ كومىرى تۇڭعىش رەت تاس جول - تەمىر جول ۇلاسپالى تاسىمالى ارقىلى جيڭتاڭ پورتى، تيانجين پورتى، ساۋفيديان پورتى سياقتى پورتتارعا جەتكىزىلىپ، پورت ارقىلى شىعىس بولىك تەڭىز جاعالاۋىنداعى قالالارعا جەتكىزىلگەن.
گۋاڭحۇي ەنەرگيا شەكتى جارنا سەرىكتەستىگى الدىڭعى ءۇش ماۋسىمدا سىرتقا 19 ميلليون 187 مىڭ 900 توننا كومىر ساتىپ، سايكەس مەزگىلدەگىدەن ％64. 36 ارتتى. ”تەمىر جول تاسىمالى مەن تاس جول - تەمىر جول ۇلاسپالى تاسىمالىن بىرلەستىرۋ تاسىلىمەن كومىردى شينجياڭنان تەز تاسىمالداپ اكەتۋدى جەبەيمىز“. اراتۇرىك گۋاڭحۇي كەن ونەركاسىبى شەكتى سەرىكتەستىگىنىڭ باس ديرەكتورى ان شىۋدىڭ ايتۋىنشا، بايشىحۋ كەن شۇقاناعىنان شىعاتىن كومىردىڭ ءبىر ءبولىمى حۇڭليۋحى − نوم تەمىر جولىنىڭ شاپشاڭ تيەۋ ستانسياسى ارقىلى پويەزعا تيەلىپ شينجياڭنان شىعارىلسا، ءبىر ءبولىمى اۆتوموبيل تاسىمالى ارقىلى الدىمەن گانسۋدىڭ ليۋگوۋىنا جەتكىزىلىپ، ليۋگوۋدان ارى پويەزبەن اكەتىلەدى ەكەن.
شينجياڭ جياڭنا كەن ونەركاسىبى شەكتى سەرىكتەستىگى الدىڭعى ءۇش ماۋسىمدا 25 ميلليون 620 مىڭ توننا كومىر ءوندىردى، مۇنىڭ ىشىندە، 12 ميلليون 740 مىڭ تونناسى شينجياڭ سىرتىنا ساتىلدى. ”نومنان 14 كيلومەتر جەردەن شينجياڭنان سىرتقا كومىر تاسيتىن اۆتوكولىكتەردى ۋاقىتشا توقتاتۋ ءتۇيىنى قۇرىلىپ، كاسىپورىنعا كەلەتىن بارلىق اۆتوكولىكتەر كەلگەن بويدا حىسۋان تەكسەرۋىنەن وتەدى، ولار 24 ساعات بويى اس - سۋ، جانار ماي قۇيۋ، جوندەۋ سياقتى قىزمەت وتەۋلەرمەن قامدالادى“. جياڭنا كەن ونەركاسىبى سەرىكتەستىگىنىڭ القا باستىعى لي ۋيدىڭ ايتۋىنشا، كومىردىڭ شينجياڭنان ءساتتى تاسىمالدانىپ شىعارىلۋىن قامتاماسىز ەتۋ ءۇشىن، سەرىكتەستىك تاسىمالداۋ - ساتۋ ءتاسىلىن جاڭالاپ، كومىردى تاسىمالعا شىعارۋعا قاتىستى جۇمىستاردىڭ بارلىعىن ينتەرنەتتىك بۇلتقا كوشىرگەن، سونىمەن بىرگە كەن اۋماعىندا ادامنىڭ قاراۋىن كەرەك ەتپەيتىن تارازىدان وتكىزۋ، سىرتقا تاسىمالدايتىن اۆتوكولىكتەرگە راتسيا ارقىلى دىبىستاپ قولباسشىلىق ەتۋ، اۆتوكولىكتەرگە جۇك تيەۋدى زەردەلى ورنالاستىرۋ سياقتى جۇيەلەر ورناتىپ، تاسىمال ونىمدىلىگىن بارىنشا جوعارىلاتقان.
مەملەكەتتىك ەنەرگيا توبى شينجياڭ سەرىكتەستىگى ”تاس جول، تەمىر جول + ءدالىز“ تاسىمال ۇلگىسىن ۇزدىكسىز ساپالىلاندىرىپ، جينيۇي ۋانتۇڭ، فۋشىڭ سىندى كومىردى سىرتقا تاسىمالدايتىن ەكى ارناۋلى تەمىر جول جەلىسىن ءساتتى اشىپ، تاس جول - تەمىر جول تاسىمالداۋ، تاس جول - تەمىر جول - سۋ جولى ۇلاسپالى تاسىمالداۋ سياقتى تاسىلدەر ارقىلى شىعىس پەن باتىستى تۇتاستىرىپ، پورتتارعا توتە جەتىپ، بۇكىل ەلدىڭ كومىرمەن قامداۋ ۇلكەن اينالىمىمەن ءونىمدى توعىستى.
قامداۋدى قامتاماسىز ەتۋ كولەمى ۇزدىكسىز كەڭەيدى
2020 - جىلدان بۇرىن، شينجياڭ سىرتقى بازاردان الىس بولعاندىقتان، شينجياڭ كومىرى شينجياڭنان تىم از شىعارىلاتىن. 2021 - جىلدىڭ سوڭعى جارتىسىنان بەرى، وڭتۇستىكتەگى ءبىر ءبولىم ەلەكتر ستانسيالارىندا كومىر تاپشىلىعى بەلەڭ بەرىپ، ساتىپ الۋ جوسپارىن باعاسى تومەن شينجياڭعا تۋرالادى. وسىدان كەيىن شينجياڭنىڭ كومىرى گانسۋ، چيڭحاي، نيڭشيا، سىچۋان، چۇڭچيڭ سياقتى جەرلەرگە توپتاپ تاسىمالدانىپ، سول جەرلەردىڭ قامداۋ جاعىنداعى تاپشىلىق جاعدايىن ءونىمدى جەڭىلدەتتى.
2021 - جىلدىڭ سوڭىندا، مەملەكەتتىك دامۋ جانە رەفورما كوميتەتى شارالار قولدانىپ، كومىرمەن قامدايتىن جانە ونى قاجەتسىنەتىن كاسىپورىنداردى ورتا، ۇزاق مەرزىمدىك كەلىسىم - شارت جاساسۋعا قۋزاپ، كومىر وندىرەتىن، ساتاتىن كاسىپورىندار كەلىسىم - شارتتى مەملەكەتتىك كومىر ساۋدا ورتالىعى ينتەرنەت جەلىسىنە شىعارىپ، ۋادەنى ادالدىقپەن اتقارۋ شارتىن جاساساتىن بولدى، بۇل كومىر باعاسىن لايىقتى دەڭگەيگە قايتا ورالۋعا جەتەكتەدى. شينجياڭ كومىر بايلىعىنداعى ءىرى رايون رەتىندە، قامداۋدى قامتاماسىز ەتۋ جاۋاپكەرشىلىگىن ىرىقتىلىقپەن ۇستىنە الىپ، كومىر وندىرەتىن، ساتاتىن ءبىر توپ كاسىپورىندار شينجياڭ سىرتىنداعى ەلەكتر ستانسيالارى، حيميا ونەركاسىبى زاۆودتارى سياقتى كومىر تۇتىناتىن ورىندارمەن ورتا، ۇزاق مەرزىمدىك قامداۋدى قامتاماسىز ەتۋ كەلىسىم - شارتىن ىركەس - تىركەس جاساسىپ، شينجياڭ كومىرىنىڭ شينجياڭنان شىعۋ جولىنىڭ اناعۇرلىم ورنىقتى بولۋىن، اناعۇرلىم الىسقا جەتۋىن جەبەدى.
”ءبىز شينجياڭنىڭ سىرتىنداعى 15 كاسىپورىنمەن ورتا، ۇزاق مەرزىمدىك كەلىسىم - شارتقا قول قويدىق“. سۇڭ جىيۋاننىڭ ايتۋىنشا، سەرىكتەستىك ورتا، ۇزاق مەرزىمدىك كەلىسىم - شارت جاساسقان الۋشىلار ءۇشىن كومىر تاسىمالداۋ - ساتۋ جاسىل ارناسىن اشىپ، قامدالۋى قامتاماسىز ەتىلەتىندەرگە الدىمەن ساتۋ، ونان كەيىن بازارداعى ەركىن ساتىپ الۋشىلارعا ساتۋ پرينسيبى بويىنشا تومەنگى تىزبەكتەگى قامدالۋى قامتاماسىز ەتىلەتىن كاسىپورىنداردىڭ قاجەتىن قاناعاتتاندىرعان.
جياڭنا كەن ونەركاسىبى سەرىكتەستىگى گانسۋ، شاندۇڭ سياقتى جەرلەردەگى ەلەكتر ستانسيالارىمەن، حيميا ونەركاسىبى كاسىپورىندارىمەن ورتا، ۇزاق مەرزىمدىك كەلىسىم - شارت جاساسىپ، بيىل تۇڭعىش رەت كومىردى گۋاڭجوۋ جۋجياڭ ەلەكتر قۋاتى جانار زات شەكتى سەرىكتەستىگىنە ساتتى. ءبىر ءبولىم كومىر تيانجين پورتىنا اپارىلىپ، ونان سۋ جولى ارقىلى وڭتۇستىكتەگى ءىرى ەلەكتر ستانسيالارىنا جەتكىزىلدى.
بيىل مەملەكەتتىك ەنەرگيا توبى شينجياڭ سەرىكتەستىگىنىڭ ”قامداۋدى قامتاماسىز ەتۋ شەڭبەرى“ ۇزدىكسىز كەڭەيىپ، شينجياڭنىڭ كومىرىن سىچۋانعا، گۇيجوۋعا، ىشكى موڭعۇلعا جەتكىزۋ تۇڭعىش رەت جۇزەگە اسىپ، قامداۋدى قامتاماسىز ەتۋ كولەمى بۇكىل ەلدەگى 10 ولكە، اۆتونوميالى رايون، قالاعا دەيىن كەڭەيدى.
وسىلايشا، بيىل شينجياڭ كومىرىنىڭ سىرتقا جەتكىزىلۋ، قامداۋدى قامتاماسىز ەتۋ كولەمى باتىس سولتۇستىكتەن، باتىس وڭتۇستىكتەن بىرتىندەپ حۋاجۇڭعا، حۋادۇڭعا، حۋانانعا دەيىن كەڭەيدى.
اۆتونوميالى رايوندىق دامۋ جانە رەفورما كوميتەتىنىڭ ساناعى بويىنشا، 9 - ايدىڭ سوڭىنا دەيىن، شينجياڭنىڭ كومىر وندىرەتىن، ساتاتىن كاسىپورىندارى شينجياڭنىڭ ءىشى - سىرتىنداعى كاسىپورىندارمەن 223 ميلليون توننا كومىرمەن قامداۋ ورتا، ۇزاق مەرزىمدىك ەلەكترلىك كومىر كەلىسىم - شارتىن جاساسقان، بۇل كەلىسىم - شارتتاردىڭ ورىندالۋ مولشەرى ％100كە جەتىپ، ەلەكترلىك كومىردىڭ باعاسى 140 − 440 يۋان / توننا ارالىعىن ساقتاپ، مەملەكەتتىڭ ەنەرگيا حاۋىپسىزدىگى مەن ورنىقتىلىعىن قامتاماسىز ەتۋگە بەلسەندى ۇلەس قوسقان.
