الدىڭعى ءۇش ماۋسىمدا شينجياڭنىڭ كولەمنەن جوعارى ونەركاسىبىنىڭ ارتقان قۇنى سايكەس مەزگىلدەگىدەن ％7. 7 ارتتى
بۇكىل ەلدىكىنەن 8. 3 پايىز جوعارى بولدى
انار بۇلت \ شينجياڭ گازەتىنىڭ ءتىلشىسى ما ينيڭ 10 - ايدىڭ 31 - كۇنى ۇرىمجىدەن حابارلايدى. الدىڭعى ءۇش ماۋسىمدا شينجياڭنىڭ ونەركاسىپ ءوندىرىسى ۇزدىكسىز ورنىقتى ارتتى. اۆتونوميالى رايوندىق ساناق مەكەمەسى جاريالاعان ساندى مالىمەتتە كورسەتىلۋىنشە، كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％7. 7 ارتىپ، ارتۋ قارقىنى الدىڭعى جارتى جىلداعىدان 1. 0 پايىز جوعارىلاپ، بۇكىل ەلدىكىنەن 8. 3 پايىز جوعارى بولىپ، بۇكىل ەل بويىنشا 9 - ورىندى يەلەگەن.
بيىل جىل باسىنان بەرى شينجياڭ ەكونوميكانى ورنىقتى ارتتىرۋدى ىلگەرىلەتۋدىڭ 9 جاقتاعى 46 ءتۇرلى ساياسات - شاراسىن تياناقتاندىرۋدى مۇقيات، ويداعىداي مىقتى يگەرىپ، ىندەت جاعدايى اكەلگەن ءتيىمسىز ىقپالدارعا بەلسەنە توتەپ بەردى، ونەركاسىپ ءوندىرىسىنىڭ ەنەرگيامەن قامداۋدى قامتاماسىز ەتۋدەي كاسىپ سالاسىنىڭ جەبەۋىندە ورنىقتى، ءبىرشاما تەز ارتۋدى ساقتاپ، ەكونوميكانىڭ ورنىقتى ارتۋىنا ماڭىزدى كەپىلدىك ازىرلەدى.
الدىڭعى ءۇش ماۋسىمدا ونەركاسىپتىڭ ءۇش ۇلكەن ءتۇرى ورنىقتى ارتىپ، كەن قازۋ كاسىبىنىڭ ارتقان قۇنى سايكەس مەزگىلدەگىدەن ％1. 12 ارتىپ، كولەمنەن جوعارى ونەركاسىپتىڭ 3.8 پايىز ارتۋىن جەبەدى؛ جاساۋ كاسىبىنىڭ ارتقان قۇنى سايكەس مەزگىلدەگىدەن ％7. 4 ارتىپ، كولەمنەن جوعارى ونەركاسىپتىڭ 4. 2 پايىز ارتۋىن جەبەگەن؛ ەلەكتر، جىلۋ، سونداي - اق سۋ ءوندىرۋ مەن قامداۋ كاسىبىنىڭ ارتقان قۇنى سايكەس مەزگىلدەگىدەن ％7. 8 ارتىپ، ارتۋ قارقىنى الدىڭعى جارتى جىلداعىدان 5. 0 پايىز جوعارىلاپ، كولەمنەن جوعارى ونەركاسىپتىڭ 5. 1 پايىز ارتۋىن جەبەگەن.
11 ءتۇرلى ءتۇيىندى كاسىپتىڭ ىشىندە، كومىر قازۋ مەن جۋىپ سۇرىپتاۋ كاسىبى، بەيمەتال كەن ونىمدەرىنەن جاسالعان بۇيىمدار كاسىبى، حيميالىق شيكىزات جانە حيميالىق بۇيىمدار جاساۋ كاسىبى سياقتى 8 كاسىپتىڭ سايكەس مەزگىلدەگىدەن ارتۋى كولەمنەن جوعارى ونەركاسىپتىڭ ارتۋىن جيىنى 6. 7 پايىز جەبەگەن، كوپتەگەن ءتۇيىندى ونەركاسىپ ونىمدەرىنىڭ ءونىم مولشەرى ارتۋ كۇيىن ساقتاعان.
ناقتى ەكونوميكانىڭ قاينارى رەتىندە، 1 - ايدان 9 - ايعا دەيىن، بۇكىل رايوننىڭ ونەركاسىپكە قارجى قوسۋى سايكەس مەزگىلدەگىدەن ％1. 33 ارتىپ، تۇراقتى مۇلىككە قارجى قوسۋدىڭ 7. 10 پايىز ارتۋىن جەبەگەن. ءتۇر بويىنشا الىپ قاراعاندا، كەن قازۋ كاسىبىنە قارجى قوسۋ سايكەس مەزگىلدەگىدەن ％7. 11 ارتقان؛ جاساۋ كاسىبىنە قارجى قوسۋ سايكەس مەزگىلدەگىدەن ％4. 23 ارتقان، مۇنىڭ ىشىندە بولات - تەمىر ونەركاسىبىنە قارجى قوسۋ سايكەس مەزگىلدەگىدەن ％1. 75 ارتقان، توقىماشىلىق كاسىبىنە قارجى قوسۋ سايكەس مەزگىلدەگىدەن ％9. 31 ارتقان؛ ەلەكتر، جىلۋ، جانار گاز جانە سۋ ءوندىرۋ مەن قامداۋ كاسىبىنە قارجى قوسۋى سايكەس مەزگىلدەگىدەن ％2. 74 ارتقان.
اسىرەسە، كاسىپورىن ونىمدىلىگى كورنەكتى جاقسارىپ، 1 - ايدان 8 - ايعا دەيىن، كولەمنەن جوعارى ونەركاسىپ كاسىپورىندارىنىڭ جۇزەگە اسىرعان تابىس جالپى سوماسى 190 ميلليارد 680 ميلليون يۋان بولىپ، سايكەس مەزگىلدەگىدەن ％1. 53 ارتىپ، ارتۋ قارقىنى بۇكىل ەلدىكىنەن 2. 55 پايىز جوعارى بولعان. ءار 100 يۋان مۇلىك بويىنشا جۇزەگە اسىرىلعان تيجارات كىرىسى 4. 7 يۋان ارتىپ، جالپى مۇلىكتىڭ اينالىم كۇن سانى سايكەس مەزگىلدەگىدەن 1. 83 كۇن ازايىپ، بىرلىك وزىندىك قۇن قاراجاتى سايكەس مەزگىلدەگىدەن 38. 3 يۋان ازايعان.
كەلەسى باسقىشتا، اۆتونوميالى رايون جەتەكشىلىك ەتۋدى، كومەكتەسۋ - سۇيەمەلدەۋدى كۇشەيتىپ، ونەركاسىپ سالاسىنداعى 50 ءتۇرلى كەلەلى ونەركاسىپ نىسانى قۇرىلىسىندا كەزدەسكەن قيىندىقتار مەن ماسەلەلەردى بار كۇشپەن شەشىپ، نىسان بويىنشا تۇتاس جىلدىق قارجى قوسۋ جوسپارىن اسىرا ورىنداۋدى ىلگەرىلەتەدى؛ مۇناي، مۇناي حيميا، كومىر، كومىر حيميا ونەركاسىبى، ەلەكتر، ءتۇستى مەتال، جابدىق جاساۋ سياقتى باسىمدىققا يە كاسىپ سالالارىنىڭ تىزبەگىن ۇزارتۋدى، تىزبەگىن تولىقتاۋدى، تىزبەگىن كەڭەيتۋدى، تىزبەگىن كۇشەيتۋدى ءبىر تۇتاس جوسپارلاپ ىلگەرىلەتىپ، جاسىل، تومەن كومىر قىشقىل گازدى بولۋعا قاراي ويىسۋعا تاباندى بولادى؛ سيفرلى ەكونوميكانى زور كۇشپەن دامىتىپ، كاسىپ سالالارىن شوعىرلاندىرۋدى، شوعىرلى دامىتۋدى جەدەل ىلگەرىلەتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ۇزدىكسىز ىلگەرىلەتەدى.
