ورتالىق اسكەري ىستەر كوميتەتى
«اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋدى، تياناقتاندىرۋدى تەرەڭدەتۋ جونىندەگى ءبىرقانشا پىكىردى» باسىپ تاراتتى
شينحۋا اگەنتتىگىنىڭ 11 - ايدىڭ 2 - كۇنى بەيجيڭنەن بەرگەن حابارى. پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، بۇكىل ارميانىڭ اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن اناعۇرلىم جوعارى ولشەممەن، اناعۇرلىم قاتاڭ تالاپپەن دايەكتىلەندىرۋىن ىلگەرىلەتۋ ءۇشىن، تاياۋدا ورتالىق اسكەري ىستەر كوميتەتى «اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋدى، تياناقتاندىرۋدى تەرەڭدەتۋ جونىندەگى ءبىرقانشا پىكىردى» باسىپ تاراتتى.
«پىكىردە» مىنالار اتاپ كورسەتىلدى: پارتيا 18 - قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى ءبىر قىدىرۋ ساياسي جوبالار مەن تۇزىمدىك ورنالاستىرۋلار جاساپ، ارميامىزدى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، ساياسي زاڭ - ءتارتىپتى رەتتەپ، ساياسي نەگىزدى بەكەمدەپ، كەلەلى نازاريالىق جەتىستىككە، امالياتتىق جەتىستىككە، تۇزىمدىك جەتىستىككە قول جەتكىزىپ، ارميامىزدىڭ ۇلى وزگەرىستى جۇزەگە اسىرۋىنا ءتۇبىرلى تۇزىمدىك قامتاماسىزدىق ازىرلەپ، ءتوراعا شي جينپيڭنىڭ قولباسشىلىعىنا قۇلاق اسۋدى، ءتوراعا شي جينپيڭگە جاۋاپتى بولۋدى، ءتوراعا شي جينپيڭدى الاڭسىز ەتۋدى جاڭا داۋىردەگى حالىق ارمياسىنىڭ ايقىن قاسيەتىنە اينالدىرۋعا جەتەكتەدى.
«پىكىردە» ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدىڭ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن اشۋدىڭ نىسانا - مىندەتتەرىنە تالداۋ جاسالىپ، بۇكىل ارميانىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋدىڭ ساياسي سانالىلىعىن ونان ارى كۇشەيتىپ، ءتوراعا شي جينپيڭنىڭ جانە اسكەري ىستەر كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرىپ، پارتيا مەن حالىق جۇكتەگەن ءتۇرلى مىندەتتەردى ويداعىداي ورىنداۋى تالاپ ەتىلدى.
«پىكىردە» بۇكىل ارمياداعى ءار دارەجەلى، اسىرەسە، جوعارى جىكتەگى پارتكومداردىڭ، جوعارى دارەجەلى كادرلاردىڭ اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرۋدى، تياناقتاندىرۋدى تەرەڭدەتۋى جونىندە دە ناقتى تالاپتار قويىلدى.
