شينحۋا اگەنتتىگىنىڭ 11 - ايدىڭ 2 - كۇنى بەيجيڭنەن بەرگەن حابارى. 11 - ايدىڭ 1 - كۇنى مەملەكەت ءتوراعاسى شي جينپيڭ اراب ەلدەرى وداعى باسشىلارى القالار كەڭەسى ءماجىلىسىنىڭ كەزەكتى ءتوراعاسى، الجيريانىڭ زۇڭتۇڭى تەببۇنعا قۇتتىقتاۋ حات جولداپ، 31 - كەزەكتى اراب ەلدەرى وداعى باسشىلارى القالار كەڭەسى ءماجىلىسىنىڭ الجيردە اشىلعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: اراب ەلدەرى وداعى اراب دۇنيەسىنىڭ دۇنيە جۇزىمەن بىرلەسىپ ءوزىن الۋەتتەندىرۋىن ىلگەرىلەتۋگە كۇش سالىپ، ورتا شىعىس ءوڭىرىنىڭ بەيبىتشىلىگىن، ورنىقتىلىعىن بەلسەنە جەبەپ، كوپ جاقتىلىقتى قورعاۋ، وركەندەپ كەلە جاتقان ەلدەردىڭ ورتاق مۇددەسىن قورعاۋ جولىندا قاجىماي - تالماي قۇلشىنىس جاسادى. الجيريا اراب ەلدەرىنىڭ ىنتىماعىن كۇشەيتۋگە ۇزاق ۋاقىت كۇش سالىپ، وركەندەپ كەلە جاتقان ەلدەردىڭ زاڭدى ۇقىق - مۇددەسىن بەلسەنە قورعاپ، جۇڭگونىڭ اراب ەلدەرىمەن كوللەكتيۆ سەلبەستىگىنە ءمان بەردى، مەن مۇنى القايمىن.
شي جينپيڭ بىلاي دەپ باسا دارىپتەدى: جۇڭگونىڭ الجيريانى قامتىعان اراب ەلدەرىمەن دوستىعى تالاي زاماندى باستان وتكەرىپ بەكەمدەلە ءتۇستى. سوڭعى جىلدارى ەكى جاقتىڭ ساياسي جاقتاعى ءوزارا سەنىمدىلىگى كۇن سايىن بەكەمدەلىپ، ”ءبىر بەلدەۋ، ءبىر جولدى“ بىرگە قۇرۋى تەرەڭدەپ، ناقتىلانىپ، ءارقايسى سالاداعى ناقتى سەلبەستىكتەرىنىڭ جەتىستىكتەرى مول بولدى. جاڭا تيپتى ايدارشا ۆيرۋس وكپە قابىنۋ ىندەتى الدىندا، جۇڭگو مەن اراب ەلدەرى ءبىر - بىرىنە قارايلاسىپ، ۋاقىتتىق قيىنشىلىقتى بىرگە ەڭسەرىپ، وڭتۇستىك - وڭتۇستىك سەلبەستىگىنىڭ ۇلگىسىن ورناتتى. جۇڭگو جاق اراب ەلدەرىمەن بىرگە ءوزارا قولداۋدى ۇزدىكسىز بەكەمدەپ، سەلبەستىكتى كەڭەيتىپ، جاڭا داۋىرگە بەت العان جۇڭگو − اراب ەلدەرى تاعدىرلاس ورتاق تۇلعاسىن قول ۇستاسا تۇلعالاپ، جۇڭگو - اراب ەلدەرى قارىم - قاتىناسىنىڭ تاماشا بولاشاعىن بىرگە جاراتىپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە كۇش - قۋات قوسۋدى قالايدى.
