اۋەلگى ماقساتتان اينىماي، بورىش ارقالاپ، تاماشا تۇرمىستى بىرگە جاراتامىز
− رايونىمىزدىڭ نەگىزگى ساتىلارىنداعى پارتيا مۇشەلەرى، كادرلار پارتيا 20 - قۇرىلتايىنىڭ رۋحىن مۇقيات ۇيرەندى، ۇعىندى
□ انار بۇلت \ شينجياڭ گازەتىنىڭ تىلشىلەرى
ۇلى جوسپار ەكپىندەي ىلگەرىلەۋگە جىگەرلەندىرەدى، كۇرەس جۇرگىزۋدىڭ ءدال كەزىنە تۋرا كەلدىك. جۋىق كۇندەردەن بەرى، رايونىمىزدىڭ نەگىزگى ساتىلارىنداعى پارتيا مۇشەلەرى، كادرلار پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ىشكەرىلەي تالقى جۇرگىزۋ، ءىس جۇزىندىكپەن بايلانىستىرۋ ارقىلى پارتيا 20 - قۇرىلتايىنىڭ رۋحىن بۇقاراعا قىزمەت وتەۋدىڭ قۋاتتى قوزعاۋشى كۇشىنە اينالدىردى. نەگىزگى ساتىداعى قالىڭ پارتيا مۇشەلەرى، كادرلار ءبىر اۋىزدان مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى، بورىشتى ءىس جۇزىندىك ارەكەتىمىزبەن امالياتتا ايگىلەپ، بۇقارامەن باستان - اياق بىرگە بولىپ، تاماشا تۇرمىستى بىرگە جاراتامىز.
حالىقتى وزەك ەتىپ، ناقتى ءىس ىستەپ، حالىقتىڭ تىلەگىنە قۇرمەت ەتەمىز
پارتيا 20 - قۇرىلتايىنىڭ بايانداماسىندا: جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى، - دەپ اتاپ كورسەتىلدى.
رايونىمىزدىڭ نەگىزگى ساتىلارىنداعى پارتيا مۇشەلەرى، كادرلار تەرەڭ ءتۇسىنىپ، نەگىزگى ساتىنىڭ ءتۇرلى قىزمەتتەرىن ورىستەتۋ بارىسىندا قاي - قاشان دا، بارلىق ىستە حالىقتى وزەك ەتۋدى، ناقتى ءىس ىستەۋدى، حالىقتىڭ تىلەگىنە قۇرمەت ەتۋدى ايگىلەدى.
قىستاق تۇرعىندارىنا كومەكتەسىپ قىستا ساقتاۋعا بولاتىن باس پيازدى قويماعا تاسىعاننان كەيىن، ءۇرىمجى قالاسى دابانچىڭ رايونى دۇڭگوۋ اۋىلى ۋيزى قىستاعى پارتيا ياچەيكاسىنىڭ شۋجيى ما شۋەيۇڭ تاعى قىستاق جول اۋزىنا بارىپ، اۆتوكولىككە تيەلگەن مالدىڭ قىسقى جەم - ءشوبىن تۇسىرۋگە كومەكتەستى.
”ءبىرازدان كەيىن تاعى قىستاقتاعى سارىمساقتى ساتۋ ىستەرى جونىندە بايلانىس جاسايمىن، مۇنىڭ ءبارى قىستاق تۇرعىندارى ەڭ كوڭىل بولەتىن جانە شۇعىل شەشۋ قاجەت بولعان جۇمىس، بىرەۋىن دە اقساتۋعا بولمايدى“، - دەدى ما شۋەيۇڭ، - نەگىزگى ساتىداعى ءبىر پارتيالى كادر رەتىندە، مەن حالىق ءۇشىن قىزمەت ىستەيتىن مۇنداي قىزمەتتىڭ داڭقتى ەكەندىگىن اڭعارىپ عانا قويماي، ارقالاعان جاۋاپكەرشىلىگىمنىڭ اۋىر ەكەندىگىن تىپتەن سەزىندىم، ”الداعى قىزمەتتەردە، حالىق بۇقاراسىنىڭ ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ونان ارمان مىقتاپ يگەرىپ، كاسىپ سالاسىنىڭ دامۋىنداعى ’ولقىلىقتاردى‘ تولىقتاپ، كورىكتى اۋىل - قىستاق قۇرىلىسىن ىلگەرىلەتەمىن“.
قۇربانتۇڭعۇت ءشولىنىڭ قويناۋىنا ورنالاسقان جەمسارى اۋدانى ۋساي - ۋان قالاشىعى بيىل 7 - ايدا قۇرىلعان جاڭادان كوركەيگەن ونەركاسىپ اۋىل - قالاشىق. ”ءبىز الداعى جەردە حالىقتى وزەك ەتۋ ۇستانىمىن ۇزدىكسىز ساقتاپ، ناقتى ءىس ىستەۋ ونىمدىلىگىمەن جۇرت تىلەگىن ۇيىستىرامىز“. ۋساي - ۋان قالاشىق پارتكومىنىڭ شۋجيى يان شين: كەلەسى قادامدا ۋساي - ۋان قالاشىعى ”15 مينۋتتىق الەۋمەتتىك اۋماق تۇرمىس شەڭبەرىن“ تۇلعالاۋدى كىرىسۋ ءتۇيىنى ەتىپ، نازاردى نەگىزگى ساتىنى باسقارۋ، حالىق تۇرمىسىن قامتاماسىز ەتۋ سياقتىلارعا شوعىرلاندىرىپ، حالىق بۇقاراسىنىڭ ءوندىرىس، تۇرمىسىمەن تىعىز بايلانىستى ىستەردى ەگجەي - تەگجەيلى، تىڭعىلىقتى، ناقتى تياناقتاندىرادى، - دەدى.
ءارقايسى تىرەكتى كۇشتەردى كوكونىس جيناۋعا، تاسۋعا، ساتۋعا ۇيىمداستىرىپ، كوكونىسشىلەردىڭ كوكەي تەستى ىستەرىن شەشىپ، ادام كۇشى مەن ماشينالاردى سايكەستىرىپ، بۇكىل اۋىلدىڭ جۇگەرىنى دەر كەزىندە ورۋىنا جانە كۇزدىك ءبيدايدى ۋاعىندا ەگۋىنە شىنايى كەپىلدىك ەتكەن قۇلجا قالاسى كەپەكيۇز اۋىلدىق پارتكومىنىڭ ورىنباسار شۋجيى، اۋىل باستىعى ابليميت تۇرسۇن بىلاي دەدى: ”حالىق تۇرمىسىنداعى ناقتى ىستەردى ويداعىداي ىستەۋدە بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن، ءسوز جوق، زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ شەشۋ كەرەك. كەپەكيۇز اۋىلى الداعى جەردە كاسىپ سالاسى قۇرىلىمىن ونان ارى ساپالىلاندىرىپ، جوعارى ءونىمدى اۋىل شارۋاشىلىعىن، ەرەكشە جەمىس ورمانى شارۋاشىلىعىن زور كۇشپەن دامىتىپ، اۋىل شارۋاشىلىعى ءوندىرىس دەڭگەيىن جوعارىلاتۋ جاعىندا نازاردى كۇش سالۋعا شوعىرلاندىرىپ، اۋىل شارۋاشىلىعىنىڭ ولشەمدەنگەن، ارنايىلانعان، بازارلانعان، ماركالانعان دامۋىن ىلگەرىلەتىپ، ەگىنشىلەردىڭ كىرىسىن ارتتىرۋعا كۇش ۇستەيدى“.
نەگىزگى ساتى پارتيا ۇيىمىن بەرىك جاۋىنگەرلىك قورعان ەتىپ قۇرىپ شىعامىز
پارتيا 20 - قۇرىلتايىنىڭ بايانداماسىندا، نەگىزگى ساتى پارتيا ۇيىمدارىن پارتيا باسشىلىعىن ءونىمدى جۇزەگە اسىراتىن بەرىك جاۋىنگەرلىك قورعان ەتىپ قۇرىپ شىعۋ العا قويىلدى.
تۇرپان قالاسى گاۋچاڭ رايونى چيچۋانحۋ قالاشىعى چيچۋانحۋ قىستاعى پارتيا ياچەيكاسىنىڭ شۋجيى يمحام ماحمۇتتىڭ بۇل جونىندەگى اسەرى تەرەڭ: ”وسى 2 جىلدا، ءبىز نەگىزگى ساتى پارتيا ۇيىمىن اناعۇرلىم نىعايتىپ قۇرىپ، جاڭا داۋىردەگى وركەنيەت امالياتى پۋنكتىن قۇرۋ ارقىلى ەگىنشى پارتيا مۇشەلەرىنىڭ ەرىكتىلەر قوسىنىنىڭ ءبىر مۇشەسىنە اينالىپ، قىستاق كادرلارىمەن تىزە قوسا وتىرىپ بۇقارا ءۇشىن قىزمەت ىستەۋىنە مۇمكىندىك جاساپ، كادرلار مەن بۇقارا زەيىن - زەردە مەن كۇش - قۋاتتارىن ۇيىستىرا وتىرىپ اۋىل - قىستاقتى گۇلدەندىرۋدى ىلگەرىلەتەتىن تاماشا بەينە قالىپتاستىردىق. كەلەسى قادامدا، ءبىز نەگىزگى ساتى پارتيا ۇيىمىنىڭ جاۋىنگەرلىك قۋاتى مەن ۇيىسۋ قۋاتىن كۇشەيتۋ جاعىنا ۇزدىكسىز كۇش سالامىز.
تاياۋ كۇندەردەن بەرى، قۇمىل قالاسى يجوۋ رايونى لييۋان ءمالىسى كىيۋانچىڭ الەۋمەتتىك اۋماعىنداعى پارتيا مۇشەلەرى مەن كادرلار پارتيا 20 - قۇرىلتايىنىڭ رۋحىن مۇقيات ۇيرەندى، ىشكەرىلەي ۇعىندى. ”پارتيا قۇرىلىسىمەن نەگىزگى ساتىنى باسقارۋعا جەتەكشىلىك ەتىپ، بۇقاراعا سۇيەنىپ، بۇقارانى جۇمىلدىرىپ، الەۋمەتتىك اۋماقتى باسقارۋعا بىرگە ات سالىسىپ، قوعامدىق باسقارۋدىڭ بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىگىن ادا ەتەتىن، بارلىق ادام يگىلىكتەنەتىن ورتاق تۇلعاسىن قۇرۋعا قۇلشىنۋىمىز كەرەك“. كىيۋانچىڭ الەۋمەتتىك اۋماعى پارتيا باس ياچەيكاسىنىڭ شۋجيى، تۇرعىندار كوميتەتىنىڭ مەڭگەرۋشىسى لي حۇڭيىڭ: الداعى جەردە الەۋمەتتىك اۋماقتاعى پارتيا مۇشەلەرى مەن كادرلاردى باستاپ پارتيا ۇيىمى قۇرىلىسىن ءۇرتىس مىقتى يگەرىپ، الەۋمەتتىك اۋماق پارتيا ۇيىمىنىڭ جاۋىنگەر قورعاندىق رولىن، پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، نازاردى بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، تياناقتاندىرۋدى ءبىر - بىرلەپ ويداعىداي يگەرەمىز، - دەدى.
”پارتيا 20 - قۇرىلتايىنىڭ بايانداماسى ءبىزدىڭ نەگىزگى ساتى پارتيا قۇرىلىسى قىزمەتىن ويداعىداي ىستەۋىمىزگە ايقىن بەتالىس كورسەتتى، ءتۇبىرلى بويسۇنۋ ولشەمىن ازىرلەدى“. كەريا اۋدانى كوكيار اۋىلدىق پارتكومنىڭ ورىنباسار شۋجيى، اۋىل - قىستاقتى گۇلدەندىرۋ كەڭسەسىنىڭ مەڭگەرۋشىسى ءماتتۇردى قادىر بىلاي دەدى: نەگىزگى ساتى پارتيا ۇيىمى سىندى جاۋىنگەر قورعاندى نىعايتىپ قۇرۋداي وسى تەتىكتى مىقتى يگەرىپ، بەكەمدەۋدى يگەرىپ، ۇشتاستىرۋدى جەبەپ، نەگىزگى ساتى پارتيا ۇيىمىن نىعايتۋدى كەدەيلىكتەن ارىلتۋدان قامال الۋ جەتىستىگىن بەكەمدەۋمەن، كەڭەيتۋمەن ورگانيكالى ۇشتاستىرىپ، اۋىل - قىستاقتى گۇلدەندىرۋدىڭ الدىڭعى شەبىندە بۇقارانى باستاپ ءبىر نيەتپەن ىنتىماقتاسا قايراتتانا ىستەپ، كاسىپ سالاسىنىڭ ونىمدىلىگىن ارتتىرۋدى، ەگىنشىلەردىڭ كىرىسىن ارتتىرۋدى امالدىڭ بارىنشا جەبەپ، اۋىلداستاردىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرامىز.
جاڭا داۋىردەگى ەمتيحان تاپسىرۋ جولىمەن ويداعىداي جۇرەمىز
باس شۋجي شي جينپيڭ پارتيا 20 - قۇرىلتايىنىڭ بايانداماسىندا: ”حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتى يگەرىپ، بار كۇشىمىزدى سالىپ ءىس تىندىرىپ، شامامىزعا قاراي ءىس ىستەۋگە تاباندى بولىپ، بۇقارامەن ەتەنە بولىپ، نەگىزگى ساتىعا ىشكەرىلەي ارالاسىپ، حالىق تۇرمىسىنا تيىمدىلىك جاسايتىن، حالىقتىڭ كوڭىلىن تاباتىن اناعۇرلىم كوپ شارانى قولدانىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا ويداعىداي شەشۋ كەرەك“، - دەپ اتاپ كورسەتتى. نەگىزگى ساتىداعى پارتيا مۇشەلەرى مەن كادرلار ءبىر اۋىزدان، باس شۋجيدىڭ تاپسىرماسىن ەستە بەرىك ساقتاپ ءارى ارەكەتتەرىندە تياناقتاندىراتىندىقتارىن ءبىلدىردى.
كەزەكتە اقسۋ قالاسى يگەرشى قالاشىعى اۆتونوميالى رايوننىڭ اۋىل - قىستاقتى گۇلدەندىرۋدەن ۇلگى كورسەتۋ اۋىل - قالاشىعىن قۇرۋدا. ”بۇكىل قالاشىقتىڭ جەمىس ورمانى، مال شارۋاشىلىعى كاسىپ سالاسى ابزالدىلىعىمەن ۇشتاستىرا وتىرىپ، ءبىز الداعى جەردە اۋىل - قىستاق ساياحاتى، اۋىل شارۋاشىلىعىن دامىتۋ، ەڭبەككۇشتەردى جۇمىستاندىرۋ سياقتى شەشۋشى فاكتورلاردى تىعىز قاداعالاپ، ەگىنشىلەردىڭ كىرىسىن ارتتىرۋدى كىرىسۋ ءتۇيىنى ەتىپ، كاسىپ سالاسىن دامىتۋ جانە جۇمىسكەرلەردى جۇمىستاندىرۋ جاقتارىندا ورىن تەپكەن ماسەلەلەردى شەشىپ، ەگىنشىلەردىڭ كىرىستەرىن ورنىقتى ارتتىرۋىن جۇزەگە اسىرامىز“، - دەدى يگەرشى قالاشىق پارتكومىنىڭ مۇشەسى، ورىنباسار قالاشىق باستىعى لياۋ لۇنگىڭ.
”پارتيا 18 - قۇرىلتايىنان بەرى، قارايولعۇن اۋىلىنىڭ اۋىل - قىستاق بەت - بەينەسى كورنەكتى جاقسارىپ، نىسان كاسىپ سالاسى ورنىقتى دامىدى. الداعى جەردە، ءبىز دامۋ جوسپارىن اناعۇرلىم كەمەلدەندىرىپ، كاسىپ سالاسى ماركاسىن ۇزدىكسىز زورايتىپ، كۇشەيتىپ، پارتيا مۇشەلەرىن، بۇقارانى ىنتىماقتاستىرىپ، باستاپ، اۋىل - قىستاق شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن تىڭعىلىقتى ىلگەرىلەتەمىز“، - دەدى كورلا قالاسى قارايولعۇن اۋىلدىق پارتكومنىڭ شۋجيى جوۋ شياۋجيڭ.
شىرىنزىگوۋ قىستاعى ءۇرىمجى قالاسى اۋماعىمەن ارالىعى ەڭ جاقىن قىستاق، دامۋدى اۋىزعا العاندا، ءۇرىمجى قالاسى شۇيموگوۋ رايونى شىرىنزىگوۋ ءمالىسى شىرىنزىگوۋ قىستاعى تۇرعىندار كوميتەتىنىڭ مەڭگەرۋشىسى جين جىجۇن: ”ءبىز الداعى جەردە وڭىرلىك باسىمدىققا ۇزدىكسىز سۇيەنىپ، ەگىمشىلىكتى، باعىمشىلىقتى جانە ساياحات كاسىبىن بار كۇشپەن دامىتىپ، شىرىنزىگوۋ قىستاعىنىڭ قازىر بار بولعان جەر بايلىعىن بىرىكتىرىپ، جارنا ءتۇزىمى سەلبەستىك كووپەراتيۆىن قۇرىپ، ەگىمشىلىك پەن باعىمشىلىقتىڭ دامۋىن تۇتاستاي ىلگەرىلەتىپ، كورىكتى اۋىل - قىستاق قۇرىلىسىنا جاڭا ومىرشەڭدىك كۇش قوسامىز“، - دەدى.
(ءتىلشى گو چيان، قاتىناسقان تىلشىلەر ليۋ يميڭ، ۋي حۇڭپيڭ، بارشا تەگىس، دۋ جيانحۇي، ۋي يۇڭگۇي، جاڭ جىلي، جاڭ رۇيلين، ءپاريزات ابدۇل، ەرىكتى تىلشىلەر لي بويا، جاڭ ياڭ، ليۋ جينلي)
