ۋاكىل ۋاڭ گاڭ:
ۇيرەنۋ ونىمدىلىگىن ناقتى ءىس ىستەۋدىڭ، جاڭا جاعداي اشۋدىڭ قوزعاۋشى كۇشىنە اينالدىرامىز
□ انار بۇلت \ شينجياڭ گازەتىنىڭ ءتىلشىسى ليۋ شياڭ
”پارتيا 20 - قۇرىلتايى كەسكىندەگەن ايبىندى جوبانى رەالدىققا اينالدىرۋدا ۇيرەنۋ مەن قولدانۋدى ۇشتاستىرۋعا، تانىم مەن ارەكەتتىڭ بىرلىگىنە تاباندى بولىپ، ۇيرەنۋ ونىمدىلىگىن ناقتى ءىس ىستەۋدىڭ، جاڭا جاعداي اشۋدىڭ قوزعاۋشى كۇشىنە اينالدىرىپ، ناقتى ىستەۋ، ناقتى ناتيجە ارقىلى پارتيا 20 - قۇرىلتايى رۋحىنىڭ ناقتاپ تياناقتانۋىن ىلگەرىلەتەمىن“، - دەدى پارتيا 20 - قۇرىلتايىنىڭ ۋاكىلى ۋاڭ گاڭ.
اقسۋ ايماقتىق پارتكومنىڭ شۋجيى رەتىندە، ۋاڭ گاڭ بىلاي دەپ قارادى: تەك جان - جاقتى، جۇيەلى، ىشكەرىلەي ۇيرەنگەندە عانا، پارتيا 20 - قۇرىلتايى رۋحىن تولىق، دالمە - ءدال، جان - جاقتى ۇعىنۋعا بولادى، بۇل نە، نە ىستەۋ كەرەك، قالاي ىستەۋ كەرەك دەگەندى انىق بىلگەندە عانا، دايەكتىلەندىرۋگە، تياناقتاندىرۋعا بەرىك نەگىز قالاۋعا بولادى.
”ءبىز پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتىپ، ۇيرەنۋ، تاربيەلەۋ، اۋىس - كۇيىس جاساۋ، زەرتتەۋ، تالقىلاۋ سياقتى كوپ ءتۇرلى فورمالاردان پايدالانىپ، وندا قامتىلعان ماڭىزدى يدەيانى، ماڭىزدى كوزقاراستى، كەلەلى ستراتەگيانى، كەلەلى شارانى شىن مانىندە ىشكەرىلەي ۇيرەنىپ، جەتە ۇعىنىپ، كوڭىلگە ۇيالاتىپ، ارەكەتتە ايگىلەيمىز“. ۋاڭ گاڭ بىلاي دەدى: سونىمەن بىرگە، ۇيرەنۋمەن قامتۋ كولەمىن ۇزدىكسىز كەڭەيتىپ، نەگىزگى ساتىعا، بۇقاراعا ىشكەرىلەي ەنگىزىپ، كەڭ كولەمدە ۇگىت لەكسيا جاساپ، جاندى ۇگىتتەپ، تۇتاس ايماقتا ۇيرەنۋدى، ۇگىتتەۋدى، دايەكتىلەندىرۋدى دەرەۋ قىزۋ ورلەۋگە كوتەرۋ كەرەك.
پارتيا 20 - قۇرىلتايى رۋحىن ۇيرەنۋدە، ۇگىتتەۋدە، دايەكتىلەندىرۋدە، ەڭ ءتۇبىرلى، ەڭ ماڭىزدىسى − ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنۋ. ۋاڭ گاڭ مىنالاردى ءبىلدىردى: 10 جىلدان بەرى، اقسۋ ايماعى ەكونوميكاسىنىڭ جالپى مولشەرى 6. 2 ەسە ارتىپ، جان باسىندىق GDP جىلىنا ورتا ەسەپپەن ％2. 8 ارتتى. وسى ناتيجەلەرگە قول جەتكىزۋ، تۇپتەپ كەلگەندە، باس شۋجي شي جينپيڭنىڭ تۋ ۇستاپ، باعدار بەلگىلەپ، رول ۇستاپ، جول باستاۋىنىڭ ارقاسى. بولاشاققا بەت العاندا، اناعۇرلىم باتىلدىقپەن، اناعۇرلىم سانالىلىقپەن ”ەكىنى تۇراقتاندىرۋدى“، ”ەكىنى قورعاۋدى“ جۇرەكتە تەرەڭ ساقتاپ، ارەكەتتە تياناقتاندىرۋ كەرەك.
اقسۋ ايماعىنىڭ ەكونوميكالىق دامۋىنىڭ كۇشتى ارىنىن قالاي ساقتاۋعا بولادى؟ ۋاڭ گاڭ جوعارى ساپالى دامۋ سىندى ءتۇبىرلى تالاپتى مىقتاپ يگەرۋ كەرەك دەپ قارادى.
”جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ابزال بايلىقتاردى كادەگە جاراتۋ ستراتەگياسىن زور كۇشپەن اتقارىپ، وسىزاماندانعان كاسىپ سالاسى جۇيەسىن قۇرىپ، ەرەكشەلەنگەن، پارىقتاندىرىلعان دامۋ جولىمەن ءجۇرىپ، مۇناي، مۇناي حيميا، كومىر، كومىر حيميا ونەركاسىبى، توقىماشىلىق، كيىم - كەشەك سياقتى ەرەكشەلىككە، باسىمدىققا يە كاسىپ سالالارىن زورايتىپ، كۇشەيتىپ، ساپالىلاندىرىپ، ايماق ەكونوميكاسىنىڭ ورنىقتى ارتۋىن، ومىرشەڭدىككە تولى بولۋىن ىلگەرىلەتۋ كەرەك“، - دەدى ۋاڭ گاڭ.
دامۋ بارىسىندا، حالىق تۇرمىسىن قامتاماسىز ەتۋگە جانە جاقسارتۋعا تاباندى بولۋ كەرەك. كىرىستەن جۇمىستانۋعا دەيىن، وقۋ - اعارتۋدان ەمدەۋگە دەيىن، قارتتاردى كۇتىمدەۋدەن قوعامدىق قامتاماسىزداندىرۋعا دەيىن... پارتيا 20 - قۇرىلتايى نازاردى حالىق بۇقاراسىن مازالاعان ىستەرگە، ۋايىمداتقان ىستەرگە، الاڭداتقان ىستەرگە شوعىرلاندىرىپ، ءبىر قىدىرۋ جاڭا شارالاردى ورنالاستىردى.
”حالىق تۇرمىسىن قامتاماسىز ەتۋ مەن جاقسارتۋدىڭ سوڭعى كومبەسى بولمايدى“. ۋاڭ گاڭ بىلاي دەدى: اۋىل - قىستاقتى گۇلدەندىرۋ ستراتەگياسىن بار كۇشپەن اتقارىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، كاسىپ سالاسى مەن جۇمىستانۋدى ماڭىزدى ءتۇيىن ەتىپ، كوپ ارنامەن قالا، اۋىل تۇرعىندارىنىڭ كىرىسىن ارتتىرىپ، حالىق رازى بولاتىن وقۋ - اعارتۋدى ويداعىداي جۇرگىزىپ، الەۋمەتتىك دەنساۋلىق ساقتاۋعا قىزمەت وتەۋ قابىلەتى مەن دەڭگەيىن جاپپاي جوعارىلاتىپ، ءار ۇلت بۇقاراسىنىڭ قوعام ورنىقتىلىعى مەن ەكونوميكالىق دامۋعا ات سالىسۋ دەڭگەيىن جوعارىلاتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىنە مۇمكىندىك جاساۋ كەرەك.
