ۋاكىل لي ۋىنجۋان:
جاڭا جورىقتا جاڭا ”جاستىق جىرىن“ جازامىز
□ انار بۇلت \ شينجياڭ گازەتىنىڭ ءتىلشىسى جاڭ يۇنمەي
وسى بىرنەشە كۇندە، پارتيا 20 - قۇرىلتايى ۋاكىلى لي ۋىنجۋان پارتيا 20 - قۇرىلتايىنا قاتىناسقان كەزدەگى قاتىستى ەستەلىكتەرى مەن ماتەريالدارىن رەتتەپ، كوپتەگەن مازمۇنداردى PPT فورماسىندا جاسادى، ”مەن پارتيانىڭ ءۇنىن قاز - قالپىندا اۋىلداستارعا اڭگىمەلەپ، شىنايى اسەرىمدى كوپشىلىكپەن بولىسەمىن“. 10 - ايدىڭ 29 - كۇنى لي ۋىنجۋان بىلاي دەدى: اۋىلداعى ءار ۇلت كادرلارى مەن بۇقاراسىنىڭ پارتيا 20 - قۇرىلتايى رۋحىنىڭ جەتەكشىلىگىندە وي جۇيەسىن اشىپ، سەنىمدى بەكەمدەپ، ورتاق بايۋىن ءۇمىت ەتەمىن.
لي ۋىنجۋان اقتاۋ اۋدانى بۇلىڭكول اۋىلدىق پارتكومنىڭ شۋجيى. پامير ۇستىرتىندەگى بۇلىڭكول اۋىلىنىڭ تەڭىز دەڭگەيىنەن ورتاشا بيىكتىگى 3000 − 4500 مەتر، ”بۇلت اراسىنداعى اۋىل“ دەپ اتالادى. بۇل ارادا ”قاجىماس قايراتى تاستان دا بەكەم، ارىنى وتتەگىنەن دە كوپ، كۇرەس جىگەرى تەڭىز دەڭگەيىنەن دە بيىك، ساپاسى بولات - تەمىردەن دە مىعىم“ دەيتىن قاسيەت ءار ۇلت كادرلارى مەن بۇقاراسىنىڭ ”ولشەمىنە“ اينالعان.
بەيجيڭنەن قايتىپ كەلگەن سوڭ، لي ۋىنجۋان مول تابىسقا كەنەلگەنىن سەزىندى. ”باس شۋجي شي جينپيڭ بىزگە كەسكىندەپ بەرگەن جۇڭگو ۇلگىسىندەگى وسىزامانداندىرۋ ايبىندى جوباسىندا ’ۋاقىت كەستەسى‘ دە بار، ’جول كارتاسى‘ دا بار؛ ’مىندەتتەمەسى‘ دە بار، ’قۇرىلىس جۇرگىزۋ جوباسى‘ دا بار، ول بىزگە العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى“، - دەدى لي ۋىنجۋان.
وي - سانانى قارۋلاندىرىپ، رۋحاني جاقتا مول تابىسقا كەنەلۋمەن بىرگە، لي ۋىنجۋان تاعى ءبىر ۇلكەن ولجاعا يە بولدى، ول بولسا، اۋىل - قىستاق سەلبەستىك كووپەراتيۆىن باسقارۋدىڭ جاڭا شەبەرلىگىن يگەردى. ”قۇرىلتايعا قاتىناسقان مەزگىلدە وزگە دە پارتيا ۋاكىلدەرىمەن اڭگىمەلەسكەن كەزدە، كوپشىلىك وسى ماسەلەنى تىلگە تيەك ەتتى، كوپتەگەن ادامداردىڭ ويى مەنىڭ كوكەيىمە قوندى، مەن دە اۋىل - قىستاق سەلبەستىك كووپەراتيۆىن قايتكەندە اناعۇرلىم ءونىمدى جۇرگىزىپ، بۇقارانى ءتىپتى دە جاقسى يگىلىككە كەنەلتۋدىڭ شەشۋشى جولىن تاپتىم“، - دەدى لي ۋىنجۋان.
بيىل 32 جاستاعى لي ۋىنجۋان اسقاق جىگەرمەن جاڭا ءداۋىردىڭ جاڭا جورىعىندا تالاي - تالاي كۇرەس ىزدەرىن قالدىردى.
2018 - جىلى 2 - ايدا العاش مىندەت اتقارعان كەزدە، لي ۋىنجۋان قىستاق قىزمەتىنە باس الماي كىرىسىپ، 5 قىستاقتى تۇگەل ارالاپ، 6 رەت شەكارا لەنياسىنا بارىپ، تۇتاس اۋىلدىڭ جاعدايىن تولىق ۇعىسادى، سونىمەن دامۋ وي جەلىسى دە بىرتىندەپ ايقىندالا تۇسەدى.
”اۋىلدىڭ ساياحات بايلىعى مول، ءبىز بۇقارانى ساياحات كاسىبىن دامىتۋ ارقىلى كىرىستەرىن ارتتىرىپ، بايۋعا باستايمىز“، - دەدى لي ۋىنجۋان. ول ساياحات بايلىعىن جانداندىرۋدان باستاپ ىسكە كىرىسىپ، ءبىر جاعىنان، كورىنىس ءوڭىرىنىڭ بەت - بەينەسىن وزگەرتسە، ەندى ءبىر جاعىنان، ءتۇرلى ينتەرنەت تۇعىرلارىنان پايدالانىپ بۇلىڭكول اۋىلىنىڭ كوركەم كورىنىسىن ۇگىتتەدى. تولىق تەكسەرۋ - زەرتتەۋ جۇرگىزۋ نەگىزىندە، لي ۋىنجۋان تاعى ”پارتيا ياچەيكاسى + كاسىپورىن، كاسىپ سالاسى + سەلبەستىك كووپەراتيۆى + بۇقارا“ دامۋ وي جەلىسىن العا قويدى. 2021 - جىلى بۇكىل اۋىلدىڭ تەك ساياحات كىرىسىنىڭ ءوزى 10 ميلليون يۋاننان استى.
”ساياحات كەسەسىن“ قولعا العان سوڭ ”ەكولوگيا ماركاسىن“ جارقىراتۋ كەرەك. لي ۋىنجۋان اۋىلداستارىن باستاپ، سازدىقتى قورعاۋدى كۇشەيتتى. بۇلىڭكول اۋىلىنىڭ ەكولوگيالىق ورتاسىنىڭ بارعان سايىن جاقسارۋىنا ىلەسە، مەملەكەتتىك 1 - دارەجەلى، 2 - دارەجەلى قورعالاتىن حايۋاناتتار بىرتىندەپ كوبەيىپ، ورگانيزمدەردىڭ الۋان تۇرلىلىگى كۇن سايىن مولايدى.
باس شۋجي شي جينپيڭنىڭ پارتيا 20 - قۇرىلتاي بايانداماسىنداعى قالىڭ جاستارعا دەگەن تاپسىرماسىن لي ۋىنجۋان جۇرەك تۇكپىرىندە ساقتادى: بارشا جاستار پارتيانىڭ سوزىنە بۇلجىماي قۇلاق اسىپ، پارتياعا ىلەسىپ، كوكەيىنە ارمان ۇيالاتىپ، ءارى قادامىن نىق باسىپ، باتىلدىقپەن ويلاپ، باتىلدىقپەن ءىس تىندىرىپ، ءارى ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، مۇراتتى بولىپ، جاۋاپكەرشىلىك ارقالاۋعا باتىل، جاپاعا شىدامدى، كۇرەس جۇرگىزۋگە پەيىلدى جاڭا داۋىردەگى جاقسى جاستار بولۋعا بەل بايلاپ، جاستىق داۋرەندەرىن جاپپاي سوتسياليستىك وسىزاماندانعان مەملەكەت قۇرۋدىڭ جالىندى امالياتى بارىسىندا جايناتا ءتۇسۋ كەرەك.
”ەرەكشەلىككە يە ساياحات كاسىبىن دامىتۋ تەك بۇقارانىڭ كىرىسىن ارتتىرىپ، بايىتۋداعى ءبىرىنشى قادام عانا، الداعى جەردە ءار ۇلت بۇقاراسىن باستاپ كاسىپ سالاسىن دامىتۋ جاعىنا كۇش سالىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ءتىپتى دە مول، ءتىپتى دە قامتاماسىز، ءتىپتى دە باياندى ەتەمىز“. لي ۋىنجۋان مىنانى ءبىلدىردى: مەن باس شۋجيدىڭ تاپسىرماسىن، ءسوز جوق، ەسىمە بەرىك ساقتاپ، تىڭعىلىقتى، مۇقيات بولىپ، بىلەك سىبانا قايراتتانا ىسكە كىرىسىپ، جاڭا جورىقتا جاڭا ”جاستىق جىرىن“ جازامىن.
