فيليپپيننىڭ تايفىڭ داۋىلىنىڭ سوققىسىنا ۇشىراعاندىعىنا بايلانىستى
شي جينپيڭ فيليپپيننىڭ زۇڭتۇڭىنا حال سۇراۋ تەلەگرامماسىن جولدادى
شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى. 11 - ايدىڭ 3 - كۇنى مەملەكەت ءتوراعاسى شي جينپيڭ فيليپپيننىڭ تايفىڭ داۋىلىنىڭ سوققىسىنا ۇشىراعاندىعىنا بايلانىستى فيليپپيننىڭ زۇڭتۇڭى ماركوسقا حال سۇراۋ تەلەگرامماسىن جولدادى.
شي جينپيڭ مىنالاردى ءبىلدىردى: فيليپپيننىڭ تايفىڭ داۋىلىنىڭ سوققىسىنا ۇشىراپ، اۋىر ءولىم - ءجىتىم جانە مال - مۇلىك شىعىنى بولعانىنان سۋىت حابار تاپتىم، مەن جۇڭگو ۇكىمەتى مەن جۇڭگو حالقى اتىنان قازا بولعاندارعا ازا بىلدىرەمىن، قازا بولعانداردىڭ ءۇي ىشىندەگىلەردەن جانە جارالانعانداردان شىنايى حال سۇرايمىن. زۇڭتۇڭ ماركوس پەن فيليپپين ۇكىمەتىنىڭ باسشىلىعىندا، اپات بولعان رايونداعى حالىقتىڭ اپاتتى، ءسوز جوق، جەڭىپ، اتا مەكەندەرىن قايتا قۇراتىندىقتارىنا سەنەمىن. جۇڭگو جاق فيليپپيننىڭ اپاتتان كەيىنگى قايتا قۇرۋىنا قولىنان كەلگەنىنشە كومەكتەسۋدى قالايدى.
