انار بۇلت \ شينجياڭ گازەتىنىڭ ءتىلشىسى لياڭ ليحۋا 11 - ايدىڭ 3 - كۇنى ۇرىمجىدەن حابارلايدى. 11 - ايدىڭ 2 - كۇنى تۇستەن بۇرىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 182 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىس اۆتونوميالى رايوننىڭ 2022 - جىلدىڭ الدىڭعى ءۇش ماۋسىمىنداعى ەكونوميكالىق اينالىمىنا تالداۋ جاساۋ بايانداماسىن تىڭدادى، تاياۋ مەزگىلدەگى ەكونوميكالىق قىزمەتتى ويداعىداي ىستەۋ، اقسۋدىڭ ارالىمەن بىرلەسىپ مەملەكەتتىك جوعارى، جاڭا تەحنيكالىق كاسىپ سالاسىن اشۋ رايونىن قۇرۋ، اۆتونوميالى رايوندىق حالىق ۇكىمەتىنىڭ لانجوۋ داشۋەسىمەن ستراتەگيالىق سەلبەستىگى جانە پىڭچىڭ مەملەكەتتىك تاجىريبەحاناسىمەن ينتەرنەت تۇيىندەرىن قۇرۋ سەلبەستىگى سياقتىلاردى اقىلداسىپ، ورنالاستىردى.
ءماجىلىس مىنالاردى تالاپ ەتتى: ىندەتتەن ساقتانۋ - تىزگىندەۋدىڭ ساياسي جاۋاپكەرشىلىگىن شىنايى ارقالاپ، ”تاباندىلىق دەگەنىمىز جەڭىس“ دەگەن سەنىمدى بەرىك ورناتىپ، ءار جاقتىڭ بايلىق كۇشىن ۇيىستىرىپ، ىندەتتەن ساقتانۋ - تىزگىندەۋ سىندى وسى قاتاڭ شايقاستىڭ جەڭىسىنە باتىل قول جەتكىزىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا بار كۇشپەن كەپىلدىك ەتۋ كەرەك. ۇزدىكسىز قۇلشىنا مىندەت وتەپ، تياناقتاندىرۋدى يگەرىپ، ەكونوميكالىق، قوعامدىق دامۋداعى قىزمەتتەردى ويداعىداي يگەرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. ەكونوميكانى ورنىقتىرۋدىڭ ءبىر قىدىرۋ ساياساتتارى مەن جالعاستىرۋ شارالارىنىڭ تياناقتانۋىن ۇزدىكسىز مىقتى يگەرىپ، قارجى قوسۋدى كەڭەيتىپ، تۇتىنۋدى جەبەۋ ساياساتىنىڭ تەز ءونىم كورسەتۋىن جەبەپ، ءتورتىنشى ماۋسىمدا اناعۇرلىم كوپ ناقتى قىزمەت مولشەرىن قالىپتاستىرۋ كەرەك. بازاردىڭ ومىرشەڭدىك كۇشى مەن قوعامنىڭ جاسامپازدىق كۇشىن بارىنشا قاۋلاتۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ساپالىلاندىرۋ كەرەك. مىندەت اتقارىپ، جاۋاپكەرشىلىك ارقالاپ، حالىق تۇرمىسىن قامتاماسىز ەتىپ، نەگىزگى حالىق تۇرمىسىنىڭ تومەنگى شەگىن مىقتاپ ساقتاۋ كەرەك. ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ورىنداپ، استىق، ماي، ەت، جۇمىرتقا، ءسۇت، جەمىس - جيدەك، كوكونىس سياقتىلارمەن جەتكىلىكتى قامداۋدى، جوعارى ونىمدىلىكپەن جەتكىزۋدى بار كۇشپەن قامتاماسىز ەتۋ كەرەك. اۋىل شارۋاشىلىعى ونىمدەرىن ءوندىرۋدىڭ، اينالىمعا سالۋدىڭ ءارقايسى بۋىندارىنداعى بوگەتتەردى اشىپ، اۋىل - قىستاقتاردا ىندەتتەن ساقتانۋ مەن اۋىل شارۋاشىلىعى ءوندىرىسىنىڭ ەكەۋىن دە اقساتپاۋعا شىنايى كەپىلدىك ەتۋ كەرەك. ماڭىزدى ەنەرگيا، شيكىزات سياقتىلارمەن قالىپتى قامداۋدى قامتاماسىز ەتىپ، ءتۇيىندى كاسىپورىنداردىڭ، كەلەلى نىسانداردىڭ قالىپتى اينالىمىنا شىنايى كەپىلدىك ەتىپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن ساقتاپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى ورىنداۋ كەرەك.
ءماجىلىس مىنالاردى اتاپ كورسەتتى: لانجوۋ داشۋەسىمەن جالپى بەتتىك ستراتەگيالىق سەلبەستىك قارىم - قاتىناس ورناتۋ لانجوۋ داشۋەسى مەن رايونىمىزدىڭ تەرەڭ قاتپارلى، جان - جاقتى عىلىم - تەحنيكالىق سەلبەستىگىن ونان ارى ىلگەرىلەتىپ، جوعارى مەكتەپتەردەگى عىلىم - تەحنيكا دارىندىلارىنىڭ باسىمدىعىن تولىق ساۋلەلەندىرىپ، عىلىم - تەحنيكادا جاڭالىق اشۋ قابىلەتىن جوعارىلاتۋ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ جونىنەن ماڭىزدى مانگە يە. پىڭچىڭ مەملەكەتتىك تاجىريبەحاناسى ينتەرنەت ءتۇيىنىن قۇرىپ، مەملەكەتتىڭ كەلەلى ستراتەگياسىن بىرگە ۇستىنە الىپ، مەملەكەتتىڭ كەلەلى قامال الۋ مىندەتىن ارقالاپ، ينتەرنەت ينفورماتسيا كاسىپ سالاسى مەن سيفرلى ەكونوميكانى دامىتۋ رايونىمىزدىڭ جاڭالىق اشۋ تۇعىرى قۇرىلىسى مەن عىلىم - تەحنيكا دارىندىلارىن باۋلۋدى ىلگەرىلەتىپ، سيفرلى ۇكىمەت قۇرىلىسىن ىلگەرىلەتۋگە ءتيىمدى. لانجوۋ داشۋەسىمەن جانە پىڭچىڭ مەملەكەتتىك تاجىريبەحاناسىمەن سەلبەسۋدى وراي ەتىپ، رايونىمىزدىڭ مەملەكەت ستراتەگياسى مەن جوعارى ساپالى دامۋعا قىزمەت وتەۋ قابىلەتىن جوعارىلاتۋ كەرەك.
ءماجىلىس مىنالاردى باسا دارىپتەدى: اقسۋ ايماعى رايونىمىزدىڭ باتىسقا ەسىك اشۋداعى ماڭىزدى توراپ ءتۇيىنى، مەملەكەتتىك جوعارى، جاڭا تەحنيكالىق كاسىپ سالاسىن اشۋ رايونىن قۇرۋدى ىلگەرىلەتۋ اۆتونوميالى رايوندىق پارتكوم مەن ۇكىمەتتىڭ پارتيا 20 - قۇرىلتايىنىڭ رۋحىن شينجياڭنىڭ رەفورما، دامۋ، ورنىقتىلىعىن ىلگەرىلەتۋگە شىنايى اينالدىرۋىنىڭ ناقتى شاراسى. اقسۋ ايماعى نەگىزگى تۇلعالىق جاۋاپكەرشىلىگىن شىنايى ارقالاپ، سايكەسۋدى، بىرلەسىپ قيمىلداۋدى كۇشەيتىپ، بيڭتۋان مەن جەرگىلىكتى ورىن ءبىر تۇتاس جۇيە بولۋدان جازباي، عىلىم - تەحنيكادا جاڭالىق اشۋ قابىلەتىن قۇلشىنا جوعارىلاتىپ، ءوندىرۋ، وقىتۋ، زەرتتەۋ سەلبەستىگىن جانە عىلىم - تەحنيكا جەتىستىكتەرىن كوشىرۋدى، كادەگە جاراتۋدى جەبەپ، وزىق توقىماشىلىقتى ەرەكشەلىككە يە نەگىز ەتكەن، نازىك حيميا ونەركاسىبى، جاڭا ەنەرگيا - جاڭا ماتەريال، وزىق جابدىق جاساۋ سىندى ءۇش ۇلكەن جاڭادان گۇلدەنگەن كاسىپ سالاسىن ستراتەگيالىق جاقتان جەتىلدىرگەن ”ءبىر ەرەكشە، ءۇش جاڭا“ وسى زامانعى كاسىپ سالاسى جۇيەسىن قالىپتاستىرۋ كەرەك.
