تيانشان تورى
تيانشان تورى   ›   جاڭالىقتار   ›   شينجياڭ حابارلارى

الدىڭعى ءۇش ماۋسىمدا شينجياڭنىڭ سىرتقى ساۋدا يمپورت - ەكسپورت جالپى قۇنى سايكەس مەزگىلدەگىدەن %55.6 ارتتى

  الدىڭعى ءۇش ماۋسىمدا شينجياڭنىڭ سىرتقى ساۋدا يمپورت - ەكسپورت جالپى قۇنى سايكەس مەزگىلدەگىدەن %55.6 ارتتى

  ارتۋ قارقىنى بۇكىل ەلدە 2 - ورىندى يەلەدى

  انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 3 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، بيىل الدىڭعى ءۇش ماۋسىمدا شينجياڭنىڭ سىرتقى ساۋدا يمپورت - ەكسپورت جالپى قۇنى 172 ميلليارد 310 ميلليون يۋان بولىپ، سايكەس مەزگىلدەگىدەن %55.6 ارتىپ، بۇكىل ەلدىڭ ارتۋ قارقىنىنان 7. 45 پايىز جوعارى بولىپ، ارتۋ قارقىنى بۇكىل ەلدە 2 - ورىندى يەلەپ، شينجياڭنىڭ سىرتقى ەكونوميكا - ساۋداسىنىڭ دامۋىندا تاماشا اۋقىم جارىققا شىققان.

  وسى رەتكى ىندەت تۋىلعاننان بەرى اۆتونوميالى رايون جۇڭگو - ەۆروپا كەزەكشى پويەزدارىنىڭ اينالىمىنا، ىركىلىسسىزدىگىنە كەپىلدىك ەتۋ، ءتۇيىندى تۇعىرلاردى اشۋ - دامىتۋ، ءىرى نىسان قۇرىلىستارى، ىندەتتەن ساقتانۋ - تىزگىندەۋ ءتارتىبىن ساپالىلاندىرۋ سياقتى قىزمەتتەردى كۇش سالا ىلگەرىلەتىپ، ءارقايسى جاقتىڭ شارالارىنىڭ تياناقتانۋىن جەبەپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىنىڭ بەلسەندى ونىمدىلىككە قول جەتكىزۋىنە شىنايى كەپىلدىك ەتتى.

  الدىڭعى ءۇش ماۋسىمدا شينجياڭنىڭ سىرتقى ساۋدا ەكسپورت قۇنى 144 ميلليارد 50 ميلليون يۋان بولىپ، سايكەس مەزگىلدەگىدەن %6. 64 ارتقان؛ يمپورت قۇنى 28 ميلليارد 260 ميلليون يۋان بولىپ، سايكەس مەزگىلدەگىدەن %8. 21 ارتقان. 9 - ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 26 ميلليارد 760 ميلليون يۋان بولىپ، سايكەس مەزگىلدەگىدەن %7. 99 ارتقان، ارتۋ قارقىنى بۇكىل ەل بويىنشا ءبىرىنشى ورىندى يەلەگەن، مۇندا ەكسپورت قۇنى 23 ميلليارد 150 ميلليون يۋان بولىپ، سايكەس مەزگىلدەگىدەن %9. 108 ارتقان؛ يمپورت قۇنى 3 ميلليارد 610 ميلليون يۋان بولىپ، سايكەس مەزگىلدەگىدەن %5. 55 ارتقان.

  ءۇرىمجى كەدەنىنىڭ قاتىستى جاۋاپتىسى مىنالاردى ءبىلدىردى: شينجياڭنىڭ الدىڭعى ءۇش ماۋسىمداعى سىرتقى ساۋداسىنىڭ دامۋى ۇزدىكسىز جاقساردى، باستىسى، 8 - ايدا اۆتونوميالى رايوننىڭ سىرتقى ساۋدا سالاسىندا اينالىمعا، ىركىلىسسىزدىككە كەپىلدىك ەتۋدىڭ 4 جاقتاعى 23 ءتۇرلى شاراسىنىڭ جەدەل تياناقتاندىرىلۋىن ىلگەرىلەتۋىنىڭ، سونداي - اق كاسىپورىنداردى قيىنشىلىق قىسپاعىنان قۇتىلدىرۋ شارالارىنىڭ يگىلىگىنىڭ ارقاسىندا بولدى. الدىڭعى ءۇش ماۋسىمداعى ساندى مالىمەتتەردەن قاراعاندا، شينجياڭ سىرتقى ساۋداسىنىڭ جاقسارۋ نەگىزگى جاعدايى وزگەرمەگەن، ساۋدا بازارى كوپ نەگىزدەنۋ، يمپورت - ەكسپورت تاۋارلارىنىڭ قۇرىلىمى ساپالىلانۋ سياقتى ەرەكشەلىكتەر كورىلگەن.

  الدىڭعى ءۇش ماۋسىمدا شينجياڭداعى 14 ايماق، وبلىس، قالانىڭ سىرتقى ساۋداسى كورنەكتى ارتقان. سولتۇستىك شينجياڭ شينجياڭنىڭ سىرتقى ساۋداسىنداعى نەگىزگى كۇش رەتىندە، يمپورت - ەكسپورت قۇنىنىڭ بۇكىل شينجياڭنىڭ يمپورت - ەكسپورت جالپى قۇنىندا يەلەگەن سالىستىرماسى %7. 73كە جەتكەن. مۇنىڭ ىشىندە، ىلە قازاق اۆتونوميالى وبلىسىنىڭ يمپورت - ەكسپورت قۇنى بيىل تۇڭعىش رەت بۇكىل شينجياڭ بويىنشا ءبىرىنشى ورىندى يەلەگەن؛ وڭتۇستىك شينجياڭداعى بەس ايماق - وبلىستىڭ سىرتقى ساۋداسى ۇزدىكسىز كۇش سالعان، قاشقار ايماعىنىڭ يمپورت - ەكسپورت قۇنى بۇكىل شينجياڭ بويىنشا ءۇشىنشى ورىندى يەلەگەن.

  ساۋدا سەرىگىنەن قاراعاندا، ورتا ازياداعى بەس ەل ءالى دە جۇڭگو شينجياڭىنىڭ ەڭ ماڭىزدى ساۋدا سەرىگى بولعان. الدىڭعى ءۇش ماۋسىمدا جۇڭگو شينجياڭىنىڭ ورتا ازياداعى بەس ەلمەن اراداعى يمپورت - ەكسپورت قۇنى 132 ميلليارد 170 ميلليون يۋان بولىپ، سايكەس مەزگىلدەگىدەن %8. 60 ارتىپ، شينجياڭنىڭ يمپورت - ەكسپورت جالپى قۇنىنىڭ %7. 76ىن يەلەگەن؛ ”ءبىر بەلدەۋ، ءبىر جول“ بويىنداعى ەلدەرمەن اراداعى يمپورت - ەكسپورت قۇنى 156 ميلليارد 390 ميلليون يۋان بولىپ، سايكەس مەزگىلدەگىدەن %2. 60 ارتىپ، شينجياڭنىڭ يمپورت - ەكسپورت جالپى قۇنىنىڭ %8. 90ىن يەلەگەن؛ RCEP (وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمى) ەلدەرىمەن اراداعى يمپورت - ەكسپورت قۇنى 8 ميلليارد 110 ميلليون يۋان بولىپ، سايكەس مەزگىلدەگىدەن %6. 23 ارتقان.

  ساۋدا تاسىلىنەن قاراعاندا، شەكارالىق شاعىن سومالى ساۋدا، ادەتتەگى ساۋدا، باجىسىز زات اينالىمى، مانەرلەۋ ساۋداسى سياقتى كوپ ءتۇرلى ساۋدا ءتاسىلى بىرگە كۇش سالىپ، كەشەندى باجىسىز اۋماق تۇعىرىنىڭ رولى كورنەكتىلەنگەن. الدىڭعى ءۇش ماۋسىمدا قورعاس، قاشقار، الاتاۋ، ءۇرىمجى سىندى 4 كەشەندى باجىسىز اۋماقتىڭ جالپى يمپورت - ەكسپورت قۇنى 51 ميلليارد 850 ميلليون يۋان بولىپ، سايكەس مەزگىلدەگىدەن %1. 435 ارتىپ، شينجياڭنىڭ يمپورت - ەكسپورت جالپى قۇنىنىڭ %1. 30ىن يەلەگەن.

  حالىقتىق كاسىپورىندار ءالى دە شينجياڭ سىرتقى ساۋداسىنىڭ دامۋىنداعى ”موتور“. الدىڭعى ءۇش ماۋسىمدا شينجياڭداعى حالىقتىق كاسىپورىنداردىڭ يمپورت - ەكسپورت قۇنى 155 ميلليارد 730 ميلليون يۋان بولىپ، سايكەس مەزگىلدەگىدەن %7. 65 ارتىپ، شينجياڭنىڭ يمپورت - ەكسپورت جالپى قۇنىنىڭ %4. 90ىن يەلەپ، سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ 8. 55 پايىز ارتۋىن جەدەلدەتكەن.

  تاس جول تاسىمالىنىڭ نەگىزگى ارنا رولى كورنەكتىلەنگەن. الدىڭعى ءۇش ماۋسىمدا شينجياڭ سىرتقى ساۋداسىنىڭ تاس جول تاسىمالى تاسىلىمەن يمپورت - ەكسپورت ەتىلۋى 106 ميلليارد 40 ميلليون يۋان بولىپ، سايكەس مەزگىلدەگىدەن %4. 158 ارتىپ، شينجياڭنىڭ يمپورت - ەكسپورت جالپى قۇنىنىڭ %5. 61ىن يەلەپ، الدىڭعى جىلعى سول تۇستاعىدان 4. 24 پايىز ارتىپ، شينجياڭ سىرتقى ساۋدا يمپورت - ەكسپورتىنىڭ ەڭ باستى تاسىمال تاسىلىنە اينالعان.

  الدىڭعى ءۇش ماۋسىمدا شينجياڭنىڭ يمپورت - ەكسپورت تاۋارلارىنىڭ قۇرىلىمى ۇزدىكسىز ساپالىلانعان. شينجياڭنىڭ ەكسپورت ەتەتىن تاۋارلارى، نەگىزىنەن، توقىماشىلىق، كيىم - كەشەك، اياق كيىم سياقتى ەڭبەك ءجيى شوعىرلانعان ونىمدەرگە جانە ماشينا - ەلەكتر ونىمدەرىنە شوعىرلانعان، ەكەۋىن قوسقاندا، سول تۇستاعى شينجياڭنىڭ ەكسپورت قۇنىنىڭ %4. 83ىن يەلەگەن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.