انار بۇلت \ شينجياڭ گازەتىنىڭ ءتىلشىسى سۋ لۋپيڭ 11 - ايدىڭ 3 - كۇنى ۇرىمجىدەن حابارلايدى. اۆتونوميالى رايوندىق دەنساۋلىق ساقتاۋ، سالاماتتىق كوميتەتىنەن ۇعىسۋىمىزشا، اۆتونوميالى رايونىمىزدىڭ كۇز، قىس ماۋسىمدارىندا جاڭا تيپتى ايدارشا ۆيرۋس وكپە قابىنۋ ىندەتىنەن جۇڭي شيپاگەرلىگى، ءدارى - دارمەگى ارقىلى ساقتانۋ - ەمدەۋ قىزمەتىن ويداعىداي ىستەۋ ءۇشىن، وسى رەتكى ىندەتتىڭ ەرەكشەلىگىنە نەگىزدەلىپ، شينجياڭ وڭىرىنە جانە كليماتىنا ۇشتاستىرا وتىرىپ، مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى شينجياڭ قىزمەت گرۋپپاسىنداعى جۇڭي شيپاگەرلىگى، ءدارى - دارمەك ماماندارى مەن اۆتونوميالى رايوننىڭ جۇڭي شيپاگەرلىگى، ءدارى - دارمەك ماماندارىنىڭ بىرلەسىپ زەرتتەپ اقىلداسۋىمەن «شينجياڭ ۇيعۇر اۆتونوميالى رايونىنىڭ 2022 - جىلعى كۇز، قىس ماۋسىمدارىنداعى جاڭا تيپتى ايدارشا ۆيرۋس وكپە قابىنۋ ىندەتىنەن جۇڭي شيپاگەرلىگى، ءدارى - دارمەگى ارقىلى ساقتانۋ - ەمدەۋ جوباسى» (تومەندە قىسقارتىلىپ «جوبا» دەلىنەدى) جاسالدى ءارى باسىپ تاراتىلدى.
«جوبا» ءتۇيىندى شوعىرلاردىڭ ساقتانۋىنا، سونداي - اق اۋرۋ بەلگىسى جوق جۇعىمدالۋشىلاردى جانە دياگنوزى تۇراقتاندىرىلعان ناۋقاستاردى ەمدەۋگە ۇيلەسەدى. مۇندا ءتۇيىندى شوعىرلاردىڭ ساقتانۋىنا مەڭزەس، اتاپ ايتقاندا، شوعىرلى نەمەسە ۇيىندە اۋاشالانىپ جاتقان ءجيى جۋىسۋشىلار، جانامالاي جۋىسۋشىلار، ورتا، جوعارى قاتەرلى رايوندارداعى ادامدار، سونداي - اق ەمدەۋ قىزمەتكەرلەرى، تەكسەرۋ قىزمەتكەرلەرى، قامداۋمەن قامتاماسىز ەتۋشىلەر، الەۋمەتتىك اۋماق قىزمەتكەرلەرى، شوعىرلى قونىستانعان جۇمىسشىلار سياقتىلار جونىنەن كوكباۋىردى قۋاتتاندىرىپ، دەنەدەگى دىمقىلدىقتى ايداۋ، دەنەگە قاجەتتى زاتتاردى تولىقتاپ، قۇرعاقتىقتى نارلەۋ سىندى كۇز، قىس ماۋسىمدارىنداعى ساقتانۋ رەتسەبىن، سونداي - اق جۇڭي شيپاگەرلىگىنىڭ جاساۋلى دارىلەرىمەن ەمدەۋ جوباسىن دايىندادى؛ اۋرۋ بەلگىسى جوق جۇعىمدالۋشىلارعا مەڭزەس، قۋات تولىقتاپ، دەنەنى نارلەندىرۋ، ىستىقتى قايتارىپ، دىمقىلدىقتى ايداۋداي اۆتونوميالى رايوننىڭ جاڭا تيپتى ايدارشا ۆيرۋس جونىندەگى 1 - ءنومىرلى رەتسەبىن (شىنماينيڭ وكپە ارالاستىرىلمالى سۇيىق ءدارىسى)، سونداي - اق جۇڭي شيپاگەرلىگىنىڭ جاساۋلى دارىلەرىمەن ەمدەۋ جوباسىن دايىندادى.
11 - ايدىڭ 2 - كۇنى مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى شينجياڭ قىزمەت گرۋپپاسى جۇڭي شيپاگەرلىگى، ءدارى - دارمەك گرۋپپاسىنىڭ قولداۋىمەن اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ ەمدەۋ - قۇتقارۋ گرۋپپاسى بەينە ەكران ءماجىلىسى فورماسى ارقىلى بۇكىل رايونىمىزدا اۆتونوميالى رايوننىڭ 2022 - جىلعى كۇز، قىس ماۋسىمدارىندا جاڭا تيپتى ايدارشا ۆيرۋس وكپە قابىنۋ ىندەتىنەن جۇڭي شيپاگەرلىگى، ءدارى - دارمەگى ارقىلى ساقتانۋ - ەمدەۋ جوباسى بويىنشا تاربيەلەۋ ءماجىلىسىن اشتى. ماجىلىستە مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى شينجياڭ قىزمەت گرۋپپاسى جۇڭي شيپاگەرلىگى، ءدارى - دارمەك گرۋپپاسىنىڭ باستىعى، جۇڭگو عىلىم اكادەمياسىنىڭ اكادەميگى تۇڭ شياۋلين ءوزىنىڭ وزگە ولكە، قالالاردا ىندەتتەن ساقتانۋ - تىزگىندەۋ قىزمەتىنە قاتىناسقانداعى جۇڭي شيپاگەرلىگى، ءدارى - دارمەگى ارقىلى ساقتانۋ - ەمدەۋ تاجىريبەلەرىن تانىستىردى، شينجياڭنىڭ وڭىرلىك، كليمات ەرەكشەلىگى سياقتىلارعا بايلانىستىرىپ، ىندەتتەن ساقتانۋ - تىزگىندەۋ قىزمەتىنە ۇسىنىس بەردى ءارى ءوزىنىڭ ءىس جۇزىندىگىنە بايلانىستىرىپ، ءتۇيىندى جۇمىس ورنىنداعى قىزمەتكەرلەردىڭ جەكە ساقتانۋ - قورعانۋدى جاقسى ىستەۋمەن قاتار، ءوز دەنە قۋاتىن قالاي كۇتىمدەۋى، قورعاۋى جونىندەگى تاجىريبەلەرىن دە تانىستىردى. مەملەكەتتىك جۇڭي شيپاگەرلىگى، ءدارى - دارمەك باسقارۋ مەكەمەسى جۇڭي شيپاگەرلىگى ارقىلى ىندەتتەن ساقتانۋ - ەمدەۋ ماماندار گرۋپپاسىنىڭ مۇشەسى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتى قۇتقارۋ - ەمدەۋ ماماندار گرۋپپاسىنىڭ ورىنباسار باستىعى، شينجياڭ مەديتسينا داشۋەسىنە قاراستى جۇڭي شيپاحاناسىنىڭ (اۆتونوميالى رايوندىق جۇڭي شيپاحاناسى) پروفەسسورى لي فىڭسىن «جوباعا» تۇسىنىك جاسادى.
ءماجىلىس مىنالاردى تالاپ ەتتى: ءارقايسى ايماقتاعى (وبلىس، قالا) ىندەتتەن ساقتانۋ - تىزگىندەۋ قىزمەتى قولباسشىلىق شتابى جانە ءار دارەجەلى دەنساۋلىق ساقتاۋ - سالاماتتىق كوميتەتتەرى «شينجياڭ ۇيعۇر اۆتونوميالى رايونىنىڭ 2022 - جىلعى كۇز، قىس ماۋسىمدارىنداعى جاڭا تيپتى ايدارشا ۆيرۋس وكپە قابىنۋ ىندەتىنەن جۇڭي شيپاگەرلىگى، ءدارى - دارمەگى ارقىلى ساقتانۋ - ەمدەۋ جوباسىن» مۇقيات ويداعىداي تياناقتاندىرىپ، جۇڭي شيپاگەرلىگى، ءدارى - دارمەگى ارقىلى ساقتانۋ - ەمدەۋ قىزمەتىنىڭ سەرپىنىن كۇشەيتۋ كەرەك. ءتۇيىندى شوعىرلاردىڭ ساقتانۋىن شىن مانىندە ويداعىداي ىستەپ، ”ءبىر تۇتاس ۇيىمداستىرۋ، ءبىر تۇتاس رەتسەپ جازۋ، ءبىر تۇتاس قايناتۋ، ءبىر تۇتاس جەتكىزۋدى“ ورىنداپ، ساقتانۋعا قاجەتتى جۇڭي دارىلەرىنىڭ پايدالانىلۋ مولشەرىن جوعارىلاتىپ، جۇڭي شيپاگەرلىگى، ءدارى - دارمەگىنىڭ ەرەكشە ابزالدىلىعى مەن ماڭىزدى رولىن شىنايى ساۋلەلەندىرىپ، بۇكىل رايونىمىزدىڭ ىندەتتەن ساقتانۋ - تىزگىندەۋىنىڭ جەڭىسكە جەتۋىنە كۇش - قۋات قوسۋ كەرەك.
