الدىڭعى ءۇش ماۋسىمدا شينجياڭنىڭ 3 - كاسىپ سالاسىنىڭ ارتقان قۇنى 590 ميلليارد يۋاننان استى
ارتۋ قارقىنى بۇكىل ەلدىكىنەن جوعارى بولدى
انار بۇلت \ شينجياڭ گازەتىنىڭ ءتىلشىسى جىڭ جو 11 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق ساناق مەكەمەسى جاريالاعان ساندى مالىمەتتە كورسەتىلۋىنشە، بيىل الدىڭعى 9 ايدا شينجياڭنىڭ 3 - كاسىپ سالاسىنىڭ ارتقان قۇنى 590 ميلليارد 613 ميلليون يۋان بولىپ، سايكەس مەزگىلدەگىدەن ％6. 2 ارتىپ، ارتۋ قارقىنى بۇكىل ەلدىكىنەن 3. 0 پايىز جوعارى بولعان.
بيىل جىل باسىنان بەرى، شينجياڭ ءتۇيىندى سالالارداعى تۇتىنۋدى ورنىقتىرىپ، تۇتىنۋدىڭ جاڭا ارتۋ تۇيىندەرىن اشىپ، تاماشا تۇتىنۋ ورتاسىن قالىپتاستىردى. تۇتىنۋدى جەبەۋ ساياساتىن شىعارىپ، تۇرعىنداردىڭ تۇتىنۋ دەڭگەيىنىڭ جوعارىلاۋىن ىلگەرىلەتىپ، تۇتىنۋ بۇيىمدارىنىڭ اينالىم جۇيەسىن كەمەلدەندىرىپ، اۋىل شارۋاشىلىعى ونىمدەرىمەن قامداۋ تىزبەگى قۇرىلىسىنا قولداۋ كورسەتىپ، ءبىر توپ ساۋدا كەشەندى تۇلعاسىن، ەرەكشە ساۋدا جاياۋلار كوشەسىن قۇرىپ، قالادا ”لەزدىك ۋاقىتتىق“ حالىققا قولايلى تۇرمىس شەڭبەرىن قالىپتاستىرىپ، كەشكى ەكونوميكانى دامىتتى، سونىمەن بىرگە كوپ رەت تۇتىنۋدى جەبەۋ قيمىلدارىن ۇيىمداستىرىپ، بازاردىڭ قامداۋ مولشەرىنىڭ جەتكىلىكتى، باعاسىنىڭ تۇراقتى بولۋىن قامتاماسىز ەتتى.
8 - ايدىڭ باسىنان بەرى، شينجياڭنىڭ ءىشىنارا وڭىرلەرى ىندەتتىڭ ىقپالىنا ۇشىراعان، 3 - كاسىپ سالاسى دامۋدا كوپتەگەن قيىنشىلىقتار مەن سىن - سايىستارعا ءدوپ كەلدى. اۆتونوميالى رايوندىق پارتكومنىڭ جالپى تۇلعالىق ورنالاستىرۋى بويىنشا، اۆتونوميالى رايوندىق ساۋدا ىستەرى مەڭگەرمەسى دامۋ جانە رەفورما، اۋىل شارۋاشىلىعى، اۋىل - قىستاق، قاتىناس - تاسىمال، استىق جانە زاتتىق ماتەريال زاپاسى سياقتى مەڭگەرمە - مەكەمەلەرمەن بىرگە ماڭىزدى تۇرمىستىق قاجەتتى بۇيىمدارمەن قامتاماسىز ەتۋ قىزمەتىن بار كۇشپەن ويداعىداي ىستەپ، جەرگىلىكتى ورىننىڭ قامداۋىن نەگىز، رايون سىرتىنان ەنگىزۋدى قوسىمشا ەتۋ ءتاسىلىن قولدانۋ ارقىلى ماڭىزدى تۇرمىستىق قاجەتتى بۇيىمداردىڭ ساتىلماي قالماۋىنا، ءۇزىلىپ قالماۋىنا كەپىلدىك ەتتى.
قاتىناس، زات اينالىمى − بازار شارۋاشىلىعىنىڭ تامىرى. ساناققا قاراعاندا، بيىل الدىڭعى ءۇش ماۋسىمدا شينجياڭنىڭ قاتىناس - تاسىمال، قامبادا ساقتاۋ جانە پوچتا كاسىبىنىڭ ارتقان قۇنى سايكەس مەزگىلدەگىدەن ％7 ارتىپ، 3 - كاسىپ سالاسىنىڭ ارتۋىنا قوسقان ۇلەس مولشەرى ％4. 31 بولىپ، 3 - كاسىپ سالاسىنىڭ ارتۋىن 8. 0 پايىز جەبەگەن.
ساندى مالىمەتتە كورسەتىلۋىنشە، الدىڭعى 9 ايدا شينجياڭنىڭ زات تاسىمال مولشەرى 685 ميلليون 227 مىڭ 100 توننا بولىپ، سايكەس مەزگىلدەگىدەن ％8 ارتقان، مۇنىڭ ىشىندە، تەمىر جول زات تاسىمال مولشەرى سايكەس مەزگىلدەگىدەن ％8. 11 ارتقان، تاس جول زات تاسىمال مولشەرى سايكەس مەزگىلدەگىدەن ％7 ارتقان. زات اينالىم مولشەرى 201 ميلليارد 318 ميلليون توننا كيلومەتر بولىپ، سايكەس مەزگىلدەگىدەن ％5. 18 ارتقان. مۇنىڭ ىشىندە، تەمىر جول زات اينالىمى مولشەرى سايكەس مەزگىلدەگىدەن ％3. 18 ارتقان.
كەلەسى قادامدا، اۆتونوميالى رايون مەملەكەتتىك كەڭەس كەڭسەسىنىڭ تۇتىنۋدىڭ كومەسكى كۇشىن اناعۇرلىم اشىپ، تۇتىنۋدىڭ ۇزدىكسىز قالپىنا كەلۋىن جەبەۋ جونىندەگى پىكىرىن مۇقيات دايەكتىلەندىرىپ، تياناقتاندىرىپ، ىندەتتىڭ ىقپالىنا توتەپ بەرىپ، تۇتىنۋدىڭ تارتىپپەن قالپىنا كەلۋىن، دامۋىن جەبەۋ جونىندەگى ساياسات - شارالاردى اقىلداسىپ بەلگىلەپ، تۇتىنۋدىڭ دامۋ نەگىزىن بەكەمدەپ، شينجياڭ ەكونوميكاسىنىڭ جوعارى ساپالى دامۋىن ۇزدىكسىز ىلگەرىلەتەدى.
