ۋاكىل ءراشيلا راحات:
ونەركاسىپ جۇمىسشىلارىنىڭ ىسكەرلىگىمەن شينجياڭدى اناعۇرلىم ويداعىداي گۇلدەندىرەمىز
□ انار بۇلت \ شينجياڭ گازەتىنىڭ ءتىلشىسى شى شين
”پارتيا 20 - قۇرىلتايىنىڭ بايانداماسىندا، عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەپ العا قويىلدى. قازىر شينجياڭ جاسىل كەن كاسىبى سالاسى شوعىرىن بەلسەنە قۇرۋدا، شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگى شينجياڭنىڭ كەن بايلىعىن اشۋداعى نەگىزگى كۇش، عىلىم - تەحنيكادا جاڭالىق اشۋدى جەدەلدەتۋ، شەبەرلىك دارىندىلارىن دايىنداۋدى، باۋلۋدى كۇشەيتۋ كەزەك كۇتتىرمەيتىن مىندەت“. بىرنەشە كۇننەن بەرى، ۋاكىل ءراشيلا راحات پارتيا 20 - قۇرىلتايىنىڭ بايانداماسى جونىندە اناعۇرلىم تەرەڭ تۇسىنىككە يە بولدى جانە وي جۇگىرتتى.
ءراشيلا راحات شينجياڭ ءتۇستى مەتال توبى بولىمشە سەرىكتەستىگى شينجياڭ قاراتۇڭكە كەن كاسىبى شەكتى جاۋاپكەرشىلىك سەرىكتەستىگىنىڭ كەن سۇرىپتاۋ ينجەنەرى. 10 - ايدىڭ 24 - كۇنى ول داڭق پەن جاۋاپكەرشىلىكتى ارقالاپ شينجياڭعا قايتىپ كەلدى. ۇيىنە كەلىسىمەن ءراشيلا راحات بەينە ەكران ارقىلى قىزمەتتەستەرىمەن جانە وتباسىنداعىلارمەن ءوزىنىڭ پارتيا 20 - قۇرىلتايىنا قاتىناسقان كەزدەگى اسەرى مەن تابىسىن ءبولىستى.
ءراشيلا راحات مىنانى ءبىلدىردى: پارتيا 20 - قۇرىلتايىنىڭ رۋحى − بەتالىس، نۇرلى شىراق، جەتەكشى. پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، شينجياڭنىڭ ونەركاسىپ شەبىندەگى، اسىرەسە، ماڭايىنداعى ونەركاسىپ جۇمىسشىلارىن پارتيا 20 - قۇرىلتايىنىڭ رۋحىمەن يدەيانى جانە ارەكەتتى بىرلىككە كەلتىرىپ، كەمەلدىلىككە تالپىناتىن، ۇزدىك بولۋعا ۇمتىلاتىن ىسكەرلىكپەن شينجياڭدى اناعۇرلىم ويداعىداي گۇلدەندىرۋگە باستاۋ − مەنىڭ پارتيا قۇرىلتايىنىڭ ۋاكىلى بولۋداعى بۇلتارتپاس جاۋاپكەرشىلىگىم.
پارتيا 20 - قۇرىلتايىنىڭ بايانداماسىندا، جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ ورتاعا قويىلدى.
كەن سۇرىپتاۋ ينجەنەرى رەتىندە، ءراشيلا راحات عىلىم - تەحنيكادا جاڭالىق اشۋدىڭ، شەبەرلىك دارىندىلارىنىڭ كاسىپورىننىڭ جوعارى ساپالى دامۋىنداعى ماڭىزدىلىعىن ابدەن بىلەدى. ”كاسىپورىننىڭ دامۋ امالياتى شەشۋشى، وزەكتى تەحنيكالاردا، ءسوز جوق، ءوزىن تياناق ەتۋ كەرەكتىگىن، ونى ساتىپ الۋعا، كۇتىپ جۇرۋگە، بىرەۋدەن الۋعا بولمايتىندىعىن قايتا - قايتا دالەلدەدى“. ول بىلاي دەدى: جاڭا داۋىردەگى 10 جىلدا، شينجياڭ ءتۇستى مەتال توبى عىلىم - تەحنيكادا جاڭالىق اشۋدى دامۋدىڭ ماڭداي الدى مىندەتى ەتىپ، زەرتتەۋ - اشۋعا جالپى ءبىر ميلليارد 500 ميلليون يۋانعا جۋىق قارجى قوسىپ، عىلىم - تەحنيكادا جاڭالىق اشۋ نىساندارى بويىنشا 280 نەشە تۇرىنەن قامال الدى. مۇنىڭ ىشىندە، جۇمساق كەن تۇلعاسىن ساتىعا ءبولىپ سۇرىپتاۋدى كۇشەيتۋ جانە گەولوگيالىق اپاتتى تىزگىندەۋ تەحنيكاسى، تومەن سورتتى ليتي - بەريللي كەن رۋداسىن كەشەندى جيناپ الۋ تەحنيكاسى، ەلەكتروليزدەنگەن مارگەنەتس انود بالشىعىنان كەشەندى پايدالانۋ تەحنيكاسى قاتارلىلار ەل ىشىندە الدىڭعى ورىندا تۇرادى.
”پارتيا 20 - قۇرىلتايىنىڭ بايانداماسىن ۇيرەنگەننەن كەيىن، مەن كەن سۇرىپتاۋ ينجەنەرى بولۋدىڭ بورىشى مەن جاۋاپكەرشىلىگىن اناعۇرلىم تەرەڭ سەزىندىم. ەندى مەن ءوز قىزمەت ورنىمدى تياناق ەتىپ، ىسىلعان ونەرگە جاتتىعامىن ءارى ءوزىم يگەرگەن قالقىتىپ سۇرىپتاۋ تەحنيكاسىن بەلسەنە ويداعىداي قورىتىندىلاپ، جالعاستىرىپ، كاسىپورىنعا اناعۇرلىم كوپ تەحنيكا شەبەرلەرىن تاربيەلەپ بەرەمىن، سونداي - اق جۇمىسشى دوستارىممەن بىرگە ىنتىماقتاسا كۇرەس جۇرگىزىپ، شينجياڭنىڭ بايلىق باسىمدىعىن ەكونوميكالىق باسىمدىققا اينالدىرىپ، شينجياڭنىڭ ەكونوميكالىق، قوعامدىق دامۋىنا بەلسەندى ۇلەس قوسامىن“، - دەدى ءراشيلا راحات.
