جۇڭگو ارمانىن ءبىر نيەتپەن بىرگە جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرايىق
− پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ تۋرالى
□ حالىق گازەتىنىڭ شولۋشىسى
”ىنتىماق − كۇش، ىنتىماق بولعاندا عانا جەڭىسكە جەتۋگە بولادى“. پارتيا 20 - قۇرىلتايىنىڭ بايانداماسىندا باس شۋجي شي جينپيڭ ”جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ميلليارد حالىقتىڭ جاسامپازدىق ۇلى كۇشىن تولىق ساۋلەلەندىرۋ كەرەك“ دەگەندى باسا دارىپتەپ، ”بۇكىل ەلدەگى ءار ۇلت حالقىنىڭ ۇلى ىنتىماعىن ۇزدىكسىز بەكەمدەپ، ەل ءىشى - سىرتىنداعى جۇڭحۋا پەرزەنتتەرىنىڭ ۇلى ىنتىماعىن كۇشەيتىپ، جۇڭگو ارمانىن ءبىر نيەتپەن بىرگە جۇزەگە اسىراتىن قۇدىرەتتى بىرىككەن كۇش قالىپتاستىرۋدى“ تالاپ ەتىپ، ”جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە“ ۇندەدى. پارتيا 20 - قۇرىلتايىنىڭ رۋحىن ۇيرەنۋدە، دايەكتىلەندىرۋدە ىنتىماقتاسا كۇرەس جۇرگىزۋ سىندى ءداۋىر تالابىن مىقتاپ يگەرىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، جۇڭحۋا ۇلتىنىڭ ۇلى گۇلدەنۋى اتتى الىپ كەمەنىڭ تولقىن جارا العا ىلگەرىلەپ، جەلكەن جايا الىسقا ساپار شەگۋىنە مۇمكىندىك جاساۋ كەرەك.
جۇڭگو حالقى ۇلى ىنتىماق رۋحىنا يە حالىق. 100 جىلدىق كۇرەس بارىسىندا جۇڭگو كوممۋنيستىك پارتياسى ۇلى ىنتىماق، ۇلى بىرلىككە باستان - اياق تاباندى بولىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، بىرگە كۇرەس جۇرگىزەتىن كۇشتەردى ەڭ زور كولەمدە بارىنشا ۇيىستىرىپ، جۇڭگو حالقىن باستاپ، جۇڭحۋا ۇلتىنىڭ دامۋ تاريحى مەن ادامزات قوعامىنىڭ العا باسۋ تاريحىندا ايبىندى داستان جازدى. 100 جىلدان بەرى پارتيا مەن حالىق قول جەتكىزگەن بارلىق تابىس ىنتىماقتاسا كۇرەس جۇرگىزۋدىڭ جەمىسى، ىنتىماقتاسا كۇرەس جۇرگىزۋ جۇڭگو كوممۋنيستىك پارتياسى مەن جۇڭگو حالقىنىڭ ەڭ كورنەكتى رۋحاني بەلگىسى، وتە - موتە، جاڭا داۋىرگە قادام تاستاعاندا، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتىنىڭ جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى. 10 جىلدان بەرى ءبىز ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەر مەن سىن - سايىستىڭ سىناعىنان سۇرىنبەي ءوتىپ، پارتيا مەن مەملەكەت ىستەرىندە ءبىر قىدىرۋ تىڭ ىلگەرىلەۋشىلىكتى ىسكە اسىرىپ، ءبىر قىدىرۋ بەلگى سيپاتتى تابىسقا قول جەتكىزدىك. جاڭا داۋىردەگى 10 جىلدىق ۇلى وزگەرىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنىڭ ارقاسىندا قولعا كەلگەن. 10 جىلدان بەرى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارمەندى كەپىلدىككە يە بولىپ، پارتيانىڭ جالپى جاعدايدى جاپپاي مەڭگەرۋ، ءارقايسى جاقتى سايكەستىرۋ سىندى باسشىلىق ۇيتقىلىق رولى ونان ارى ساۋلەلەندىرىلىپ، بۇكىل پارتيا يدەيادا اناعۇرلىم بىرلىككە كەلىپ، ساياسيدا اناعۇرلىم ىنتىماقتاسىپ، ارەكەتتە اناعۇرلىم ءبىر اۋىزدى بولىپ، پارتيانىڭ ساياسي باسشىلىق قۋاتى، يدەيالىق جەتەكشىلىك قۋاتى، بۇقارالىق ۇيىمداستىرۋ قۋاتى، قوعامدىق ۇندەۋ قۋاتى كورنەكتى كۇشەيدى، پارتيا باستان - اياق بوران - شاشىندى كەزدە بۇكىل حالىقتىڭ ەڭ سەنىمدى ارقا تىرەگىنە اينالىپ، ءتۇرلى اۋىر حاۋىپ - قاتەر مەن سىن - سايىسقا بايىپتىلىقپەن توتەپ بەرۋگە ءتۇبىرلى ساياسي كەپىلدىك ازىرلەدى. جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو حالقى اناعۇرلىم مىعىم سەنىم ورناتىپ، ءوز كۇشىنە سۇيەنىپ ءومىر ءسۇرىپ، ءوزىن الۋەتتەندىرىپ، بەلسەندىلىكتى، ىرىقتىلىقتى، جاسامپازدىقتى ونان ارى قاۋلاتىپ، جىگەرى، قايراتى، سەنىمى بۇرىن بولىپ كورمەگەن دارەجەدە كۇشەيىپ، پارتيا تىلەگى، ارميا تىلەگى، حالىق تىلەگى ارىنداپ، ەلىمىزدىڭ دامۋى اناعۇرلىم بەرىك زاتتىق نەگىزگە، اناعۇرلىم كەمەلدى تۇزىمدىك كەپىلدىككە يە بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋكەرى قايتارۋعا كەلمەيتىن تاريحي ۇردىسكە اياق باستى. جاڭا داۋىردەگى پارتيا مەن حالىقتىڭ ەكپىندەي العا باسۋ بارىسى بىزگە ىنتىماقتاسا كۇرەس جۇرگىزۋ جۇڭگو حالقىنىڭ پارتيانىڭ باسشىلىعىندا تاريحي ۇلى ىستەر جاراتۋىندا، ءسوز جوق، باسىپ وتەتىن جولى ەكەندىگىن اناعۇرلىم تەرەڭ اڭعارتتى.
ايقىن كۇرەس نىساناسىن ارقاۋ ەتىپ قالىپتاسقان ىنتىماق − ەڭ بەرىك ىنتىماق، تىعىز ىنتىماققا سۇيەنىپ جۇرگىزىلگەن كۇرەس − ەڭ پارمەندى كۇرەس. پارتيا 20 - قۇرىلتايى جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرىنىڭ دامۋى جونىندە كەلەلى باعىت - ساياساتتار مەن ستراتەگيالىق ورنالاستىرۋلار جاساپ، 2035 - جىلعا بارعانداعى ەلىمىز دامۋىنىڭ جالپى تۇلعالىق نىساناسى مەن الداعى 5 جىلداعى باستى نىسانا - مىندەتتەردى بەلگىلەپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋمەن جاپپاي ىلگەرىلەتۋدىڭ ۇلى جوباسىن جاسادى. جاڭا جورىقتا جاڭا كۇرەس نىساناسىنا قاراي اتتانىپ، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ازىرلەنىپ، پارتيانىڭ 20 - قۇرىلتايىندا العا قويىلعان نىسانالار مەن مىندەتتەردى بۇلجىتپاي ناقتى تياناقتاندىرۋ كەرەك، ءبىز مىنانى ءتىپتى دە تەرەڭ تانۋىمىز كەرەك: پارتيانىڭ ىنتىماعى مەن بىرلىگى پارتيا مەن حالىقتىڭ بولاشاعىنا، تاعدىرىنا سايادى، بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى، ءارقانداي كەزدە، ءارقانداي جاعدايدا ءدۇدامال بولۋعا، اۋىتقۋعا بولمايدى؛ بۇكىل پارتيا، بۇكىل ەلدەگى ءار ۇلت حالقى تەك پارتيا تۋى استىندا ”قۇرىشتاي بەرىك“ ىنتىماقتاسىپ، جۇدىرىقتاي جۇمىلىپ، ەل بىرلىگىنەن بەرىك قامال تۇرعىزعاندا عانا، ۇلتتىڭ گۇلدەنۋىن جۇزەگە اسىرۋدىڭ جويقىن ۇلى كۇشىن ۇيىستىرا الادى. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاپ، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا شىنايى كەپىلدىك ەتىپ، بۇكىل پارتيانىڭ، بۇكىل ەلدىڭ ىنتىماقتاسا كۇرەس جۇرگىزەتىن قۇدىرەتتى ساياسي ۇيىستىرۋ قۋاتىنا، دامۋ سەنىمىنە يە بولۋىنا شىنايى كەپىلدىك ەتىپ، تۋراشىلدىقتان اينىماي، جاڭالىق اشاتىن، ۋاقىتتىق قيىنشىلىقتى بىرگە جەڭەتىن قۇدىرەتتى كۇش توپتاۋىمىز كەرەك.
جۇڭگو كوممۋنيستىك پارتياسى 20 - كەزەكتى ورتالىق كوميتەتى ساياسي بيۋروسىنىڭ تۇراقتى مۇشەلەرى جۇڭگولىق، شەتەلدىك تىلشىلەرمەن كەزدەسكەندە، باس شۋجي شي جينپيڭ بىلاي دەپ باسا دارىپتەدى: ”جاڭا جورىقتا ءبىز بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە باستان - اياق تاباندى بولۋىمىز كەرەك“. حالىق − تاريحتى جاراتۋشى، پارتيا مەن مەملەكەتتىڭ بولاشاعى مەن تاعدىرىن بەلگىلەيتىن ءتۇبىرلى كۇش. باسىپ وتكەن جولىندا ءبىزدىڭ پارتيامىز حالىققا تىعىز ارقا سۇيەي وتىرىپ، تاريحقا جازىلاتىن تالاي - تالاي جاۋاپنامالار تاپسىردى. العا باسۋ جولىندا مەيلى بوران - شاشىن بولسىن، الدە اساۋ تولقىندار بولسىن، حالىق ماڭگى ءبىزدىڭ پارتيامىزدىڭ ەڭ بەرىك سۇيەنىشى، ەڭ قۇدىرەتتى تىرەگى بولادى. بۇكىل پارتيا بۇكىل ىنتا - پەيىلىمەن حالىق ءۇشىن قىزمەت ىستەۋ سىندى ءتۇبىرلى ماقساتقا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، بۇقارالىق كوزقاراستى بەرىك ورناتىپ، بۇقارالىق لۋشياندى دايەكتىلەندىرىپ، حالىقتىڭ ءتول جاسامپازدىق رۋحىنا قۇرمەت ەتىپ، بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، بۇقارادان الىپ، بۇقاراعا قايتارىپ، حالىق بۇقاراسىمەن ەتەنە بايلانىستى باستان - اياق ساقتاپ، قاي - قاشان دا حالىقتىڭ سىنى مەن باقىلاۋىن قابىلداپ، قاشاندا حالىقپەن تىنىستاس، تاعدىرلاس، تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن تىندىرىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋى كەرەك. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ىنتىماقتاسا كۇرەس جۇرگىزۋدىڭ وڭ ەنەرگياسىن كەڭىنەن ۇيىستىرۋدى قاجەت ەتەدى. ءار جىكتىڭ، ءار جاقتىڭ اقىل - پاراساتى مەن كۇش - قۋاتىن مۇمكىندىكتىڭ بارىنشا ۇيىستىرىپ، بۇكىل قوعامنىڭ، بۇكىل ۇلتتىڭ بەلسەندىلىگىن، ىرىقتىلىعىن، جاسامپازدىعىن مۇمكىندىكتىڭ بارىنشا ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا بىرگە كۇرەس جۇرگىزۋ كەرەك. ءبىز تەك ۇلتتاردىڭ ۇلى ىنتىماعىن، بۇكىل ەل حالقىنىڭ ۇلى ىنتىماعىن، بۇكىل جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ جانە دامىتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، بۇكىل جۇڭحۋا ۇلاندارىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ توڭىرەگىندە وي جۇگىرتۋگە، بىرگە ىستەۋگە جۇمىلدىرساق بولعانى، ءسوز جوق، ءبىر نيەتپەن جۇڭگو ارمانىن بىرگە جۇزەگە اسىرۋدىڭ قۇدىرەتتى بىرىككەن كۇشىن قالىپتاستىرا الامىز.
ىنتىماق − قۇرىش، ىنتىماق − بولات، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەر مەن سىن - سايىستى جەڭۋىنىڭ، ۇزدىكسىز جەڭىستەن تىڭ جەڭىسكە جەتۋىنىڭ ماڭىزدى كەپىلى. جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ جالپى ستراتەگيالىق ورنالاستىرۋى مىناداي ەكى قادامعا ءبولىپ جۇرگىزىلەدى: 2020 - جىلدان 2035 - جىلعا دەيىن سوتسياليستىك وسىزامانداندىرۋدى نەگىزىنەن جۇزەگە اسىرۋ؛ 2035 - جىلدان وسى عاسىردىڭ ورتا شەنىنە دەيىن ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ. بۇل جۇڭگو حالقى مەن جۇڭحۋا ۇلتى جاڭا جورىقتا ەكپىندەي ىلگەرىلەپ، جۇڭحۋا وركەنيەتىنىڭ جاڭا شۇعىلالى داستانىن جازاتىن ۇلى ءداۋىر! جۇڭگو حالقىنىڭ ءاربىر مۇشەسى، جۇڭحۋا ۇلتىنىڭ ءاربىر مۇشەسى وسىنداي ۇلى داۋىردە تۇرعانىن ماقتانىش ەتۋى، ابىروي ساناۋى ءتيىس! جاڭا ۇلى جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، ستراتەگيالىق تاباندىلىقتى ساقتاپ، ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزىپ، تار جول، تايعاق كەشۋلەردە بوگەلمەي العا تارتساق، ءبىز، ءسوز جوق، جاڭا داۋىردەگى جۇڭگوشا سوتسياليزمنىڭ ءتىپتى دە كوركەم داستانىن جازىپ، ادامزاتتىڭ ۇلى ۋاقىت تاريحىندا جۇڭحۋا ۇلتىنىڭ ۇلى تاريح ۋاقىتىن ۇزدىكسىز جاراتامىز!
(شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى)
