تيانشان تورى
تيانشان تورى   ›   جاڭالىقتار   ›   سۋرەتتى حابار

پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ ۇگىت لەكسيا بايانداما ءماجىلىسى ۇرىمجىدە وتكىزىلدى

  پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ ۇگىت لەكسيا بايانداما ءماجىلىسى ۇرىمجىدە وتكىزىلدى

  اۆتونوميالى رايوندىق پارتكوم باسقاراتىن كادرلاردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ ارناۋلى تاقىرىپتىق كۋرسى تەڭ باستالدى

  ما شيڭرۇي ۇگىت لەكسيا بايانداماسىن جاسادى

  ەركىن تۇنياز باسقاردى، شاۋكەت يمىن، لي يفي، نايىم ياسىن، جاڭ چۇنلين، حى جۇڭيوۋ قاتىناستى

  انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 11 - ايدىڭ 5 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ءبىر تۇتاس ورنالاستىرۋىنا، سونداي - اق اۆتونوميالى رايوندىق پارتكومنىڭ قىزمەت ورنالاستىرۋىنا ساي، 11 - ايدىڭ 5 - كۇنى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسىنىڭ ۇگىت لەكسيا بايانداما ءماجىلىسى جانە اۆتونوميالى رايوندىق پارتكوم باسقاراتىن كادرلاردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ ارناۋلى تاقىرىپتىق كۋرسىنىڭ باستالۋ سالتى ۇرىمجىدە وتكىزىلدى. ورتالىق ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋيى ما شيڭرۇي ۇگىت لەكسيا بايانداماسىن جاسادى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى، شاۋكەت يمىن، لي يفي، نايىم ياسىن، جاڭ چۇنلين، حى جۇڭيوۋ قاتارلىلار قاتىناستى.

  ما شيڭرۇي بىلاي دەپ اتاپ كورسەتتى: پارتيا 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان توتەنشە ماڭىزدى قۇرىلتاي، پارتيا ءىشى - سىرتىنا، ەل ءىشى - سىرتىنا جۇڭگو كوممۋنيستىك پارتياسىنىڭ جانە جۇڭگو حالقىنىڭ جاڭا جورىقتا قانداي تۋ ۇستايتىندىعىن، قانداي جولمەن جۇرەتىندىگىن، قانداي رۋحاني كۇيمەن قانداي نىسانانى كوزدەي وتىرىپ ۇزدىكسىز العا باساتىندىعىن ايقىن جاريالادى. باس شۋجي شي جينپيڭنىڭ جاساعان بايانداماسى − پارتيامىزدىڭ حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋداعى، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەگى ساياسي جارناماسى جانە ارەكەت تۇعىرناماسى. پارتيا 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى شي جينپيڭ جولداستى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى مىندەتىن جالعاستى وتەۋگە سايلادى، بۇل بۇكىل پارتياداعى جولداستاردىڭ جانە بۇكىل ەلدەگى ءار ۇلت حالقىنىڭ باس شۋجي شي جينپيڭدى شىن جۇرەكتەن قولدايتىندىعىن، وعان سەنەتىندىگىن جانە ونى قۇرمەتتەيتىندىگىن تولىق بەينەلەدى.

  ما شيڭرۇي بىلاي دەپ باسا دارىپتەدى: وتكەن 5 جىلداعى قىزمەتتى جانە جاڭا داۋىردەگى 10 جىلداعى ۇلى وزگەرىستى تەرەڭ ءتۇسىنۋ كەرەك. 10 جىلدان بەرى، باس شۋجي شي جينپيڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە، الماعايىپ وزگەرىستەردە تۋ ۇستاپ باعدار بەلگىلەپ، رول ۇستاپ جول باستاپ، ۇلكەن سايىستا، ۇلكەن سىناۋدا سەنىمدى تۇردە قولباسشىلىق ەتىپ، جوبا - جوسپار جاساپ، اساۋ تولقىنداردا قاتەرگە قارسى اتتانىپ، ءتۇپ قازىق قۇرىشتاي بەرىك بولىپ، ماركسيزمدىك ساياساتكەر، ويشىل، ستراتەگ بولۋداي ايبىندى قايرات - جىگەرمەن، كورەگەندىكپەن ۇلى جوسپار جاسادى، ايتسا ايتقانداي پارتيانىڭ ۇيتقىسى، حالىقتىڭ كوسەمى، ارميانىڭ قولباسشىسى، ايتسا ايتقانداي ”جۇڭحۋا“ اتتى الىپ كەمەنىڭ رولىن ۇستاۋشى، جۇڭحۋا ۇلتىنىڭ ۇلى گۇلدەنۋىنىڭ جول باستاۋشىسى. ”ەكىنى تۇراقتاندىرۋ“ پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى رەتىندە، پارتيانىڭ بارلىق تۇراقسىزدىقتارعا توتەپ بەرۋىندەگى ەڭ ۇلكەن تۇراقتىلىعى، ەڭ ۇلكەن سەنىمى، ەڭ ۇلكەن كەپىلى بولدى. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان - اياق ساقتاۋىمىز كەرەك.

  ما شيڭرۇي بىلاي دەپ اتاپ كورسەتتى: ”التىعا، ءسوز جوق، تاباندى بولۋدى“ ارقاۋ ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ جانە ودان ويداعىداي پايدالانىپ، قىزمەتتىڭ ءار جاعىندا، جالپى بارىسىندا شىن مانىندە دايەكتىلەندىرۋ؛ جۇڭگو ۇلگىسىندەگى وسىزامانداندىرۋدىڭ جۇڭگو ەرەكشەلىگىن، ماندىك تالابىن جانە كەلەلى پرينسيبىن تەرەڭ تانىپ، سەنىمدى بەكەمدەپ، قايراتتانا العا باسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە ۇزدىكسىز قول جەتكىزۋ؛ پارتيا 20 - قۇرىلتايىنىڭ بىركەلكى، تولىق بولماعان دامۋ ماسەلەلەرىن شەشۋدى مىقتاپ يگەرۋ جونىندە جاساعان ستراتەگيالىق ورنالاستىرۋىن، العا قويعان جاسامپاز شاراسىن تەرەڭ يگەرىپ، شينجياڭنىڭ ءىس جۇزىندىك جاعدايىمەن بىرلەستىرىپ ناقتى تياناقتاندىرۋ؛ جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، پارتيانىڭ ءوزىن - ءوزى كىرشىكسىزدەندىرۋىن، ءوزىن - ءوزى كەمەلدەندىرۋىن، ءوزىن - ءوزى جاڭارتۋىن، ءوز دەڭگەيىن جوعارىلاتۋىن جان - جاقتى ىلگەرىلەتۋ؛ ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، ”ءۇش ءسوز جوقتى“ ەستە بەرىك ساقتاپ، ”ەكىنى ءبىر تۇتاس جوسپارلاۋعا“ تاباندى بولىپ، كۇرەسكەرلىك رۋحتى اسقاقتاتىپ، كۇرەسكەرلىك قابىلەتتى ارتتىرىپ، تاباندىلىقپەن ءوز ءىسىن ويداعىداي ىستەۋ كەرەك.

  ما شيڭرۇي بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ساناپ، جاپپاي ۇيرەنىپ، جاپپاي يگەرىپ، جاپپاي تياناقتاندىرىپ، ۇيرەنۋدى، تاربيەلەۋدى مۇقيات ويداعىداي يگەرىپ، ءتۇپ نۇسقانى ۇيرەنىپ، قاعيداسىن ءتۇسىنىپ، تولىق، دالمە - ءدال، جان - جاقتى ءتۇسىنۋ؛ اقپارات ۇگىتى، شوعىرلى ۇگىت لەكسيا، زەرتتەۋ، ءتۇسىندىرۋ سياقتى قىزمەتتەردى تىڭعىلىقتى، ويداعىداي ىستەپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ؛ دايەكتىلەندىرۋدى، تياناقتاندىرۋدى جاپپاي ويداعىداي يگەرىپ، اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسىن اشۋعا دايىندالىپ، دايەكتىلەندىرۋدىڭ، تياناقتاندىرۋدىڭ اتقارۋ پىكىرىن جاساپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ باياندى تىنىشتىعىنا ساياتىن ءتۇبىرلى سيپاتتى، نەگىزدىك سيپاتتى، ۇزاق ۋاقىتتىق سيپاتتى قىزمەتتەردى تىڭعىلىقتى ىلگەرىلەتۋ كەرەك.

  ۇگىت لەكسيا بايانداما ماجىلىسىنەن بۇرىن، ما شيڭرۇي قۇمىل قالاسىنا، تۇرپان قالاسىنا ارناۋلى بارىپ، قاتىناس تەكسەرۋ پۋنكتتەرىنە، اۋىل - قالاشىق، اۋىل - قىستاق سياقتى نەگىزگى ساتى الدىڭعى شەبىنە بارىپ، ءار ۇلت كادرلارىنا، بۇقاراسىنا پارتيا 20 - قۇرىلتايىنىڭ رۋحى جونىندە بەتپە - بەت ۇگىت لەكسيا جاساپ، كوپشىلىكپەن بىرگە ىقپالداسىپ، پىكىر اۋىستىرىپ، پارتيا 20 - قۇرىلتايىنىڭ رۋحاني ناقتى ءمانىن تەرەڭ ءتۇسىنىپ، شينجياڭداعى ءار ۇلت كادرلارىنىڭ، بۇقاراسىنىڭ باس شۋجيدىڭ ىقىلاستى تاپسىرماسىن ەستە بەرىك ساقتاپ، كورىكتى شينجياڭ قۇرۋعا قۇلشىنۋ بەرىك سەنىمىن تولىق بەينەلەدى.

  جاڭ جۋ، تيان شياڭلي، چىن ۋيجۇن، ۋاڭ ميڭشان، زۇمىرات وبۇل، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايى، ۇكىمەت، ساياسي كەڭەس باسشىلىق القاسىنىڭ مۇشەلەرى، بيڭتۋانداعى، قارۋلى ساقشى شينجياڭ باس اترەتىندەگى قاتىستى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، رايونعا (ورتالىق) توتە قاراستى ورىندارداعى نەگىزگى جاۋاپتى جولداستار، جوعارى مەكتەپ وقىتۋشى - وقۋشىلار ۋاكىلدەرى قاتارلىلار ماجىلىسكە قاتىناستى. ۇگىت لەكسيا بايانداما ءماجىلىسى تەلەۆيزور - تەلەفون ءماجىلىسى فورماسىندا اشىلدى، ءارقايسى ايماقتاردان، وبلىستاردان، قالالاردان، اۋدانداردان، قالالاردان، رايونداردان، بيڭتۋان ورگاندارىنان جانە ءارقايسى شى - قالالاردان، تۋان - الاڭداردان بولىمشە ءماجىلىس ورنى اشىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.