جاڭا جورىقتا قول ۇستاسا ەكپىندەي ىلگەرىلەپ، ىنتىماقتاسا سەلبەسىپ جاڭا تاراۋ جازامىز
− دەموكراتيالىق پارتيا - توپتاردىڭ شينجياڭ رايوندىق كوميتەتتەرى، اۆتونوميالى رايوندىق ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى 20 - قۇرىلتايىنىڭ رۋحىن مۇقيات ۇيرەندى، ۇعىندى
□ انار بۇلت \ شينجياڭ گازەتىنىڭ تىلشىلەرى
بىرنەشە كۇننەن بەرى دەموكراتيالىق پارتيا - توپتاردىڭ شينجياڭ رايوندىق كوميتەتتەرى، اۆتونوميالى رايوندىق ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ءتۇرلى فورمالارمەن جۇڭگو كوممۋنيستىك پارتياسى 20 - قۇرىلتايىنىڭ رۋحىن مۇقيات ۇيرەندى، ۇعىندى. كوپشىلىك ءبىر اۋىزدان مىنالاردى ءبىلدىردى: ۇلى ىنتىماققا، ۇلى بىرلىككە باستان - اياق تاباندى بولىپ، وزىندىك قۇرىلىستى ۇزدىكسىز كۇشەيتىپ، فۋنكتسيانى اناعۇرلىم ويداعىداي اتقارىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن بىرگە ويلاپ، بىرگە ىستەيمىز.
باعدار ايقىندالىپ، ايبىندى جوبا كەسكىندەلدى
”جۇڭگو كوممۋنيستىك پارتياسىنىڭ 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىنا قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان توتەنشە ماڭىزدى قۇرىلتاي“. جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ مەڭگەرۋشى مۇشەسى سۇڭ ياجۇن مىنالاردى ءبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن بۇكىل رايونداعى ءار دارەجەلى جۇڭگو گومينداڭ توڭكەرىستىك كوميتەتى ۇيىمدارى مەن جۇڭگو گومينداڭ توڭكەرىستىك كوميتەتى پارتيا مۇشەلەرىنىڭ ىنتىماقتاسا كۇرەس جۇرگىزىپ، كورىكتى شينجياڭ قۇرۋداعى قۋاتتى كۇشىنە شىن مانىندە اينالدىرۋىمىز كەرەك.
”باس شۋجي شي جينپيڭ جاساعان بايانداما ماركسيزم اقيقاتىنىڭ شۇعىلاسىن شاشتى“. جۇڭگو دەموكراتيالىق وداعى شينجياڭ رايوندىق كوميتەتىنىڭ مەڭگەرۋشى مۇشەسى جاڭ حۇي مىنالاردى ءبىلدىردى: يدەيا مەن ارەكەتتى جۇڭگو كوممۋنيستىك پارتياسى 20 - قۇرىلتايىنىڭ رۋحىمەن بىرلىككە كەلتىرىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ۇيرەنۋ ورلەۋىن جەدەل كوتەرىپ، ”ەكىنى تۇراقتاندىرۋدىڭ“ شەشۋشى ءمانى جونىندەگى تەرەڭ تۇسىنىكتى ”ەكىنى قورعاۋدى“ سانالى تۇردە امالياتتا ايگىلەۋدىڭ ناقتى ارەكەتىنە اينالدىرىپ، نازاردى ”14 - بەسجىلدىق“ جوباداعى مىندەتتەرگە شوعىرلاندىرىپ، جۇڭگو دەموكراتيالىق وداعىنىڭ مادەنيەت، وقۋ - اعارتۋ، عىلىم - تەحنيكا سالاسىنداعى سالالىق باسىمدىعىن ساۋلەلەندىرىپ، قوعامدىق، حالىق تۇرمىسىنداعى ەلەۋلى ماسەلەلەردى، رەفورمانى تەرەڭدەتۋدەگى قيىن ماسەلەلەردى، جاڭالىق اشۋداعى، جاسامپازدىق جاراتۋداعى شەشۋشى ماسەلەلەردى، ت.ب لاردى ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ىسىنە اقىل - كەڭەس بەرىپ، كورىكتى شينجياڭ قۇرۋعا زەيىن - زەردەنى، كۇش - قۋاتتى شوعىرلاندىرامىز.
جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى ما حۋادۇڭ بىلاي دەپ قارادى: جۇڭگو كوممۋنيستىك پارتياسىنىڭ 20 - قۇرىلتايى جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ كەلەلى نازاريالىق جانە امالياتتىق ماسەلەلەرىن جۇيەلى بايىمداپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەدى. ”جاڭا جورىقتا ءبىز اۆتونوميالى رايون بەلگىلەگەن ءتۇرلى ءتۇيىندى مىندەتتەردى ارقاۋ ەتىپ، نازاردى زاڭمەن باسقارىلاتىن شينجياڭ قۇرىلىسىنا شوعىرلاندىرىپ، مىندەت اتقارۋدىڭ، جاۋاپكەرشىلىكتى ادا ەتۋدىڭ كىرىسۋ ءتۇيىنىن ءدال تاۋىپ، ۇكىمەت ىسىنە اقىل - كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش سالۋعا تاباندى بولىپ، جاڭا داۋىردەگى جاڭا جورىقتا جۇڭگو دەموكراتيالىق مەملەكەت قۇرۋ قوعامىنىڭ تىڭ جاۋاپكەرشىلىگىن، تىڭ ىسكەرلىگىن ايگىلەيمىز“ - دەدى ما حۋادۇڭ.
نىق سەنىممەن زەيىن - زەردەنى، كۇش - قۋاتتى شوعىرلاندىرىپ دامۋعا ۇمتىلدى
”جۇڭگو كوممۋنيستىك پارتياسىنىڭ 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن كەسكىندەدى، بۇل بۇكىل ەلدەگى ءار ۇلت حالقىن جۇڭگوشا سوتسياليزمنىڭ تىڭ جەڭىسىنە قول جەتكىزۋ جولىندا كۇرەس جۇرگىزۋگە ىنتىماقتاستىرۋدا جانە شابىتتاندىرۋدا كەلەلى ماڭىز الادى“. ىشكەرىلەي ۇيرەنۋ ارقىلى جۇڭگو دەموكراتيانى ىلگەرىلەتۋ قوعامى شينجياڭ رايوندىق كوميتەتىنىڭ مەڭگەرۋشى مۇشەسى باۋ انميڭ بولاشاق دامۋعا تولىق سەنىم ارتتى، ول مىنالاردى ءبىلدىردى: جۇڭگو دەموكراتيانى ىلگەرىلەتۋ قوعامىنىڭ وقۋ - اعارتۋ، مادەنيەت، باسپا ءسوز، مەديا سالاسىنداعى سالالىق باسىمدىعىن تولىق ساۋلەلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ جاعىندا ەڭ ۇلكەن ورتاق تانىم ۇيىستىرىپ، ەڭ كۇشتى بىرىككەن كۇش قالىپتاستىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا تىڭ ۇلەس قوسامىز.
”جاڭا جورىقتا ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جۇڭگو كوممۋنيستىك پارتياسى 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى وسكەلەڭ ساياسي جاۋاپكەرشىلىك سەزىممەن ويداعىداي يگەرەمىز“. جۇڭگو شارۋا - جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشى مۇشەسى مىڭ چيڭساي مىنالاردى ءبىلدىردى: جۇڭگو كوممۋنيستىك پارتياسىنىڭ 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋعا دەم بەرۋدى جۇڭگو شارۋا - جۇمىسشى دەموكراتيالىق پارتياسى شينجياڭ رايوندىق كوميتەتىنىڭ قىزمەت ءتۇيىنى ەتىپ، باتىل تۇردە اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا، جۇڭگو شارۋا - جۇمىسشى دەموكراتيالىق پارتياسىنىڭ ەمدەۋ، ءدارى - دارمەك، دەنساۋلىق ساقتاۋ، حالىق سانى بايلىعى جانە ەكولوگيالىق ورتا سالاسىنداعى نەگىزگى تۇلعالىق سالا ەرەكشەلىگى مەن دارىندىلار باسىمدىعىن شىنايى ساۋلەلەندىرىپ، تەكسەرۋ - زەرتتەۋگە تاڭدالاتىن تاقىرىپتاردى جانە ۇسىنىس - پىكىر بەرىلەتىن كەڭەستىك تاقىرىپتاردى دەن قويا جوبالاپ، شينجياڭنىڭ ەمدەۋ - دەنساۋلىق ساقتاۋ ىستەرىنىڭ دامۋىنا اقىل - پاراسات جانە كۇش - قۋات قوسامىز.
3 - قىركۇيەك ءىلمي قوعامى شينجياڭ رايوندىق كوميتەتىنىڭ مەڭگەرۋشى مۇشەسى ليۋ تاۋ مىنالاردى ءبىلدىردى: باس شۋجي شي جينپيڭنىڭ جۇڭگو كوممۋنيستىك پارتياسىنىڭ 20 - قۇرىلتايىندا جاساعان بايانداماسى 3 - قىركۇيەك ءىلمي قوعامىنىڭ الداعى ءتۇرلى قىزمەتتەردى جوسپارلاۋداعى جانە ورىستەتۋدەگى ءتۇبىرلى بويسۇنۋ ولشەمى. ”ءبىز قالىڭ قوعام مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، ’ەكىنى تۇراقتاندىرۋدىڭ‘ شەشۋشى ءمانىن تەرەڭ ءتۇسىنىپ، ’ءتورت تانىمدى‘ كۇشەيتىپ، ’ءتورت سەنىمدى‘ بەكەمدەپ، ’ەكىنى قورعاۋدى‘ ورىنداپ، سالالىق ەرەكشەلىك پەن پارتيا - توپ باسىمدىعىن تياناق ەتىپ، ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، جۇڭگو كوممۋنيستىك پارتياسىنىڭ 20 - قۇرىلتايىندا العا قويىلعان نىسانا - مىندەتتەردى ناقتاپ تياناقتاندىرىپ، جاڭا داۋىردەگى جاڭا جورىقتا كورىكتى شينجياڭ قۇرۋعا قۇلشىنامىز“.
تياناقتاندىرۋدى يگەرىپ، بوساڭسىماي شىنايى ىستەپ، ناقتى ىسكەرلىك كورسەتەمىز
پارتيا 20 - قۇرىلتايىنىڭ بايانداماسىندا ”جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرۋ، قولداۋ كورسەتۋ، جەتەكشىلىك ەتۋ“ قايتالاي دارىپتەلدى، بۇل اۆتونوميالى رايوندىق ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى لۋ ۋيدۇڭدى ايرىقشا جەلپىندىردى، ول بۇل پارتيا ورتالىق كوميتەتىنىڭ حالىقتىق شارۋاشىلىقتىڭ دامۋىنا ايرىقشا ءمان بەرەتىندىگىن، حالىقتىق شارۋاشىلىق سالاسىنداعى قايراتكەرلەرگە تولىق سەنىم ارتاتىندىعىن تولىق ايگىلەدى دەپ قارادى.
”ءبىز پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا، حالىقتىق كاسىپكەرلەردىڭ بەلسەندىلىگىن ونان ارى جۇمىلدىرىپ، ولاردى ەشنارسەدەن الاڭ بولماي ساۋدا - ونەركاسىپپەن شۇعىلدانۋعا، ’ارنايىلانعان، كەمەلدەنگەن، ەرەكشە، جاڭا‘ بولۋ سىندى دامۋ جولىمەن جۇرۋگە جەتەكتەپ، تۇتاس رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋگە كۇش - قۋاتىمىزدى ارنايمىز.“ - دەدى لۋ ۋيدۇڭ.
كاسىپتىك ادۆوكاتتىقپەن اينالىسقانىنا 30 نەشە جىل بولعان، پارتيادا، توپتا جوق قايراتكەر فاتيما جۇڭگو كوممۋنيستىك پارتياسى 20 - قۇرىلتايىنىڭ بايانداماسىندا العا قويىلعان ”مەملەكەتتى جاپپاي زاڭمەن باسقارۋعا“ ايرىقشا نازار اۋداردى. ول بىلاي دەدى: بۇدان بىلايعى قىزمەتتە پارتياعا ۇزدىكسىز تاباندىلىقپەن ىلەسىپ، تاسقىنداعان ىنتامەن زاڭمەن باسقارىلاتىن جۇڭگو قۇرىلىسىنا ات سالىسىپ، پارتيا مەن حالىق رازى بولاتىن جاقسى ادۆوكات بولۋعا قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەمىن“.
(ءتىلشى جاڭ يۇنمەي، قاتىناسقان تىلشىلەر ميھىرگۇل عوپۇر، تويا)
