تيانشان تورى - شينجياڭ گازەتىنىڭ ءتىلشىسى جاڭ رۇيلين حابارلايدى. 11 - ايدىڭ 4 - كۇنى تاڭ اتا سالىسىمەن، تۇرپان قالاسى گاۋچاڭ رايوندىق انا - بالالار دەنساۋلىعىن ساقتاۋ، جوسپارلى تۋىت قىزمەت وتەۋ ورتالىعىنىڭ كادرلارى قاربالاستىققا ءتۇستى، ولار ساتىپ اكەلىنگەن بوبەكتەر ءسۇت تالقانىن، قىسقى سۋىقتان ساقتانۋ شاپانىن قالتاعا سالىپ قيىنشىلىعى بار وتباسىلارىنا جەتكىزدى.
تۇرپان قالاسى گاۋچاڭ رايونىنداعى ”مەيىر جەتكىزۋ قالتاسىن“ تاپسىرىپ العان بالاقاي. سۋرەتتى تۇرپان قالالىق توعىسپالى مەديا ورتالىعى قامداعان
”مەيىر جەتكىزۋ قالتاسىن“ تاپسىرىپ العان گاۋچاڭ رايونى ايدىنكول قالاشىعىنىڭ قىستاق تۇرعىنى حاليدان اتەم تەبىرەنە بىلاي دەدى: ”ۇيدەگى كىشكەنتاي بوبەگىمنىڭ ءسۇت تالقانى تاۋسىلايىن دەپ قالعان ەدى، ۇكىمەت ءسۇت تالقاندى اكەلىپ بەرىپ وتىر، العىسىمىز بولەكشە“. جاقىنداعى بىرنەشە كۇندەردە، گاۋچاڭ رايوندىق انا - بالالار دەنساۋلىعىن ساقتاۋ، جوسپارلى تۋىت قىزمەت وتەۋ ورتالىعى گاۋچاڭ رايونىنداعى 79 قيىنشىلىعى بار نارەستەلى وتباسىنا، 39 جۇكتى، بوسانعان ايەلگە، 15 ەرەكشە بالاعا ”انا - بالالار مەيىر جەتكىزۋ قالتاسى“ مەن ”سۋىقتان ساقتانۋ قالتاسىن“ تاراتىپ، وسى وتباسىلارىنىڭ تۇرمىسىنداعى ناقتى قيىنشىلىقتى شەشۋگە كومەكتەستى. جاقىندا ۇيدە توراپ ساباعىن وقيتىن 4 - جىلدىق وقۋشىسى ايشا پارحات تا ”مەيىر جەتكىزۋ قالتاسىن“ تاپسىرىپ الدى، حاليدان وتباسىمەن ۇقسامايتىنى، ايشانىڭ تاپسىرىپ العانى گاۋچاڭ رايوندىق وقۋ - اعارتۋ مەكەمەسىنىڭ قىزمەتكەرلەرى ۇسىنعان ”وقۋعا جاردەمدەسۋ مەيىر جەتكىزۋ قالتاسى“ ەدى.
تۇرپان قالاسى گاۋچاڭ رايونىنداعى ”وقۋعا جاردەمدەسۋ مەيىر جەتكىزۋ قالتاسىن“ تاپسىرىپ العان وقۋشى. سۋرەتتى تۇرپان قالالىق توعىسپالى مەديا ورتالىعى قامداعان
وتباسىندا قيىنشىلىعى بار وقۋشىلاردىڭ ىندەت كەزىندە الاڭسىز ۇيرەنۋىنە كەپىلدىك ەتىپ، ىندەتتىڭ وتباسىندا ەكونوميكالىق قيىنشىلىعى بار وقۋشىلاردىڭ ۇيرەنۋىنە، تۇرمىسىنا جاساعان ىقپالىن تومەندەتۋ ءۇشىن، گاۋچاڭ رايونى ىركەس - تىركەس تۇتاس رايونداعى 233 وتباسىندا قيىنشىلىعى بار وقۋشىعا ”وقۋعا جاردەمدەسۋ مەيىر جەتكىزۋ قالتاسىن“ اقىسىز تاراتتى، ونىڭ ىشىندە سۋ بوياۋلى قالام، بەيتاراپ سيالى قالام، قارىنداش، وشىرگىش، تاپسىرما داپتەر سياقتىلار بار. گاۋچاڭ رايوندىق وقۋ - اعارتۋ مەكەمەسى وقىتۋدى زەرتتەۋ ورتالىعىنىڭ مەڭگەرۋشىسى ۋاڭ جان - ۋ تانىستىرىپ بىلاي دەدى: وتباسىندا قيىنشىلىعى بار وقۋشىلارعا مەيىر جەتكىزۋ وقۋ جابدىقتارىن اقىسىز تاراتۋدان تىس، وقۋ - اعارتۋ مەكەمەسى جاڭادان وقۋعا تۇسكەن وتباسىندا قيىنشىلىعى بار داشۋە وقۋشىلارىنا دا كومەكتەستى، زەردەلى تەرمينالى جوق، توراپ ساباعىنا قاتىناسا الماي وتىرعان 100دەن استام وقۋشىعا زەردەلى تەلەفون ساتىپ الىپ بەرىپ، بالالاردىڭ ۇيدە الاڭسىز ۇيرەنۋىنە مۇمكىندىك جاراتتى. حىناننان گاۋچاڭ رايونىنا جۇمىس ىستەي كەلگەن چىن بين ىندەت سەبەبىنەن تۇرپاندا ايالداپ قالعان بولاتىن، كۇننىڭ سۋىتار كەزى دە تاياعان سوڭ، جەرگىلىكتى ۇكىمەت وعان دەر كەزىندە ”قيىنشىلىققا كومەكتەسۋ مەيىر جەتكىزۋ قالتاسىن“ جەتكىزىپ بەردى، چىن بين توتەنشە اسەرلەندى. ”ۇكىمەت پەن الەۋمەتتىك اۋماق قىزمەتكەرلەرىنىڭ قيىنشىلىعىمدى دەر كەزىندە شەشكەنىنە راقىمەت ايتامىن، بۇل ’مەيىر جەتكىزۋ قالتاسى‘ مەنى مەيىرگە تولىق بولەدى“،-دەيدى چىن بين. وسى جولعى ىندەت تۋىلعاننان بەرى، گاۋچاڭ رايونى قيىنشىلىعى بار بۇقارانى قۇتقارۋ - كومەكتەسۋمەن قامتاماسىزداندىرۋ تەبىنىن ءۇرتىس ارتتىرىپ، قيىنشىلىعى بار قاۋىمنىڭ نەگىزگى تۇرمىسىن ءونىمدى قامتاماسىز ەتىپ، قۇتقارۋعا تيىستىلەرىن ءسوزسىز قۇتقارۋ، كومەكتەسۋگە تيىستىلەرىنە ءسوزسىز كومەكتەسۋدى“ كۇش سالا ورىنداپ، بۇقارانىڭ ”شۇعىل، قيىن، ۋايىمداعان، ءزارۋ“ ماسەلەلەرىن شىن مانىندە ويداعىداي شەشتى. ۇعىسۋعا قاراعاندا 11 - ايدىڭ 5 - كۇنىنە دەيىن گاۋچاڭ رايونى جالپى 20 مىڭعا جۋىق ءتۇرلى ”مەيىر جەتكىزۋ قالتاسىن“ تاراتىپ ۇلگىرگەن. كەزەكتە گاۋچاڭ رايونىنىڭ ءارقايسى اۋىلىنداعى (قالاشىق، الاڭ، ءمالى، اۋماق) ءتۇرلى ”مەيىر جەتكىزۋ قالتالارى“ ءتارتىپپەن تاراتىلۋ ۇستىندە ەكەن.
