تيانشان تورى
تيانشان تورى   ›   جاڭالىقتار   ›   سۋرەتتى حابار

ما شيڭرۇي ءۇرىمجى قالاسىنىڭ ءتۇيىندى رايون - اۋدانىنا ىشكەرىلەي بارىپ، ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى

  ما شيڭرۇي ءۇرىمجى قالاسىنىڭ ءتۇيىندى رايون - اۋدانىنا ىشكەرىلەي بارىپ، ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى

  لي يفي، حى جۇڭيوۋ قاتىستى تەكسەرۋ - زەرتتەۋگە قاتىناستى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي جۋىقتا ءۇرىمجى قالاسىنىڭ تيانشان رايونى، سايباق رايونى، شۇيموگوۋ رايونى، جوعارى، جاڭا تەحنيكالىق اشۋ رايونى (جاڭا قالا رايونى)، ميچۋان − دۇڭشان رايونى سياقتى ءتۇيىندى رايون - اۋدانىنا بارىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، قولباسشىلىق شتابىنىڭ اينالىمى، ساقتانۋ - تىزگىندەۋ شارالارىنىڭ تياناقتانۋى، الەۋمەتتىك اۋماقتى باسقارۋ، قىزمەت وتەۋ، فاڭساڭ شيپاحانالارىن باسقارۋ جانە بۇقارانىڭ ەمدەلۋىن قامتاماسىز ەتۋ، حالىق تۇرمىسىن زاتتىق ماتەريالدارمەن قامداۋدى قامتاماسىز ەتۋ سياقتى قىزمەتتەرگە باسى - قاسىندا تەكسەرۋ - زەرتتەۋ جۇرگىزدى، ول پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن باتىل دايەكتىلەندىرىپ، باس تاكتيكاعا، باس باعىتقا بۇلجىماستان تاباندى بولىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالاپتارىن جانە 9 - نۇسقاداعى ساقتانۋ - تىزگىندەۋ جوباسىن قاتاڭ اتقارىپ، باسىمدىققا يە بايلىق كۇشتەرىن شوعىرلاندىرىپ، كورنەكتى ماسەلەلەردى جەدەل شەشىپ، ”ءتورتتى تۇگەل ورىنداۋ“ تالابىن شىنايى تياناقتاندىرۋدى ىلگەرىلەتىپ، نازاردى ءتۇيىندى وڭىرلەرگە، ءتۇيىندى ورىندارعا، ءتۇيىندى قاۋىمدارعا شوعىرلاندىرىپ، قامال الىپ، قوعامدىق جاقتا نولگە ءتۇسىرۋ نىساناسىن تەز ارادا جۇزەگە اسىرۋدى باسا دارىپتەدى.

  اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتىستى تەكسەرۋ - زەرتتەۋگە قاتىناستى.

  ما شيڭرۇي ىلگەرىندى - كەيىندى سايباق رايونى جانە ميدۇڭ رايونى سياقتى جەرلەردەگى ىندەتتەن ساقتانۋ - تىزگىندەۋ قىزمەتى قولباسشىلىق شتابىنا كەلىپ، قولباسشىلىق ەتۋ، ورنالاستىرۋ مەحانيزمىنىڭ اينالىمى، ءتۇيىندى مىندەتتەردىڭ ىلگەرىلەتىلۋ جاعدايىن ۇعىستى؛ ءماجىلىس - كورمە ورتالىعى فاڭساڭ شيپاحاناسىندا جانە ءبىر ءبولىم جاڭادان كوبەيتىلگەن شوعىرلى اۋاشالاۋ تۇيىندەرىندە قاتىستى جاۋاپتى جولداستاردان جانە ەمدەۋ قىزمەتكەرلەرىنەن وتكەرمەلەۋگە تيىستىلەرىن تۇگەل وتكەرمەلەۋ، اۋاشالاۋعا تيىستىلەرىن تۇگەل اۋاشالاۋ قىزمەتىنىڭ اياق الىسىن ۇعىستى؛ تيانشان رايونى شيحىبا حوۋجيە الەۋمەتتىك اۋماعى، سايباق رايونى پيڭديڭشان الەۋمەتتىك اۋماعى، ميدۇڭ رايونى سانداۋبا قالاشىعى جوعارعى سانداۋبا قىستاعى سياقتى جەرلەرگە كەلىپ، ساقتانۋ - تىزگىندەۋ ماماندارى، الەۋمەتتىك اۋماق كادرلارى، نەگىزگى ساتىداعى بۇقارا سياقتىلارمەن ىشكەرىلەي اڭگىمەلەسىپ، ولاردىڭ ۇسىنىس - پىكىرلەرىن تىڭدادى؛ شينجياڭ مەديتسينا داشۋەسىنە قاراستى 2 - شيپاحاناسىنىڭ بۇقارانىڭ ەمدەلۋىن قامتاماسىز ەتۋ جانە شينجياڭ جيۋديڭ اۋىل شارۋاشىلىق ونىمدەرىن تولايىم ساتۋ بازارىنىڭ زاتتىق ماتەريالدارمەن قامداۋدى قامتاماسىز ەتۋ سياقتى قىزمەتتەرىنە دە تەكسەرۋ - زەرتتەۋ جۇرگىزدى.

  ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى تالابىن جاپپاي تياناقتاندىرىپ، ”ەكىنى ءبىر تۇتاس جوسپارلاۋعا“ تاباندى بولىپ، مەملەكەتتىك قىزمەت گرۋپپاسىنىڭ جەتەكشىلىگى مەن ءارقايسى جاقتاردىڭ كومەكتەسۋشى كۇشتەرىنىڭ كومەگىندە، تومەنگە ءتۇسىپ، كوتەرمەگە العان ولكە دارەجەلى باسشىلاردىڭ جەتەكشىلىك ەتىپ، ءجون سىلتەۋىندە، سەنىمدى اناعۇرلىم بەكەمدەپ، ۇستامدىلىقتى ساقتاپ، شىدامدى بولىپ، كۇش ۇيىستىرىپ قامال الۋ كەرەك. ءار دارەجەلى پارتكوم مەن ۇكىمەتتىڭ نەگىزگى باسشىلارى ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ادا ەتىپ، ءوز جاۋاپكەرشىلىگىن ارقالاپ، ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، جاڭا جاعدايلارعا، جاڭا ماسەلەلەرگە دەر كەزىندە تالداۋ جۇرگىزىپ، تۇجىرىم جاساپ، ءتۇرلى بايلىق كۇشىن ءبىر تۇتاس جوسپارلاپ ورنالاستىرۋ ونىمدىلىگىن ارتتىرىپ، ولقىلىقتاردى تەكسەرىپ تولىقتاۋ، كومەسكى حاۋىپ - قاتەردى ارىلتۋ، ماسەلەلەردى شەشۋ تەبىنىن بارىنشا كۇشەيتىپ، ءتۇرلى ءتۇيىندى مىندەتتەردى بۇلجىماستان ىلگەرىلەتۋ كەرەك. حىسۋان تەكسەرۋ ونىمدىلىگىن جوعارىلاتىپ، شينجياڭعا كومەككە كەلگەن ەمدەۋ اترەتتەرىنىڭ رولىن ساۋلەلەندىرىپ، نازاردى تەكسەرۋدەگى ولقىلىقتار مەن جەتەرسىزدىكتەرگە شوعىرلاندىرىپ، سول جەردىڭ جاعدايىنا قاراي ءادىس - امالداردى رەتتەپ، ينفورماتسيالاندىرۋ، اۆتوماتتاندىرۋ دەڭگەيىن جوعارىلاتىپ، تاجىريبەحاناداعى تەكسەرۋدىڭ دالمە - دالدىگىن، دەر كەزىندە بولۋىن جانە سارالاپ تەكسەرۋ مولشەرىن جوعارىلاتىپ، باتىل، تۇبەگەيلى تۇردە ساپاعا، سانعا كەپىلدىك ەتە وتىرىپ، حاۋىپتى ادامداردى تاۋىپ شىعۋ، ويداعىداي باسقارۋ - مەڭگەرۋ؛ اۋاشالاۋعا قاجەتتى كەرەۋەتتەردى جانە بولمەلەردى ورنالاستىرۋ، زاپاس دايىنداۋ تەبىنىن بارىنشا كۇشەيتىپ، اۋاشالاۋ ورىندارىنداعى قىزمەت وتەۋدى، باسقارۋدى كۇشەيتىپ، اۋاشالانعان بۇقاراعا كوڭىل ءبولۋدى، قامقورلىق جاساۋدى جانە پسيحولوگيالىق جاقتان ءجون سىلتەۋدى ويداعىداي ىستەۋ؛ جوعارى حاۋىپ - قاتەرلى قىزمەت ورىندارىنداعى قىزمەتكەرلەردىڭ قورعانۋىن جانە ولاردى تۇيىق اينالىمدى باسقارۋدى كۇشەيتىپ، جالپى بەتتىك زارارسىزداندىرىپ، ميكروپسىزداندىرىپ، ەمدەۋ - كۇتىمدەۋ قىزمەتكەرلەرى، تەكسەرۋشىلەر، الەۋمەتتىك اۋماق باسقارۋشىلارى سياقتى قىزمەتكەرلەردىڭ ايقاسپالى جۇعىمدالۋىنان ساقتانۋ؛ حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بۇقارانى كوبىرەك ويلاسىپ، دورەكىلىكتى، سۋىق راي تانىتۋدى، ورەسكەلدىكتى باتىل تيىپ، بارىنشا جىلى مەيىرىممەن، ىستىق ىقىلاسپەن بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، حالىق تۇرمىسىنا قاجەتتى زاتتىق ماتەريالداردى شينجياڭنىڭ ءىشى - سىرتىندا كوپ ارنالى ءوندىرۋدى، تاسىمالداۋدى جانە زاپاس ساقتاۋدى كۇشەيتىپ، بۇقارانىڭ، اسىرەسە، ”قارت پەن بالا“ سىندى ەرەكشە قاۋىمنىڭ دەر كەزىندە ەمدەلۋىن قامتاماسىز ەتۋ؛ بوگەلىپ قالعان ادامداردىڭ شينجياڭنان شىعۋ قىزمەتىن لايىقتى، تارتىپپەن، حاۋىپسىز ويداعىداي ىستەپ، ”تۇيىننەن تۇيىنگە“ تاسىمالداۋ، قاتاڭ قورعانۋ، جالپى بارىستىق تۇيىق اينالىمدى بولۋ، قىزمەت وتەۋمەن قامتاماسىز ەتۋ سياقتى شارالاردى ويداعىداي تياناقتاندىرۋ؛ ۇگىتتەۋ، قوعامدىق پىكىرگە جەتەكشىلىك ەتۋ قىزمەتىن ويداعىداي ىستەپ، ساياسات - شارالاردى ۇگىتتەۋدى، ءتۇسىندىرۋدى جانە كۇماننان ارىلتىپ ۇعىندىرۋدى كۇشەيتىپ، ىندەت جاعدايىنىڭ قۇزىرلى ينفورماتسياسىن دەر كەزىندە، دالمە - ءدال جاريالاپ، ينتەرنەتتەگى قوعامدىق پىكىر جاعدايىن باسقارۋ مەن مەڭگەرۋدى كۇشەيتۋ، وسەك - اياڭ شىعارۋ، تاراتۋ سياقتى ارەكەتتەرگە زاڭ بويىنشا قاتاڭ سوققى بەرىپ، ىندەتكە ءبىر نيەتپەن قارسى اتتانۋدىڭ قۋاتتى بىرىككەن كۇشىن ۇزدىكسىز ۇيىستىرۋ كەرەك.

  جاڭ جۋ، تيان شياڭلي، چىن ۋيجۇن، ۋاڭ ميڭشان، ياڭ فاسىن، جياڭ شينجۇن قاتارلىلار قاتىستى تەكسەرۋ - زەرتتەۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.