ەركىن تۇنياز ءۇرىمجى گانچۋانپۋ ەكونوميكالىق - تەحنيكالىق اشۋ رايونىندا (ونەركاسىپ رايونى) تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
”ەكىنى ءبىر تۇتاس جوسپارلاۋدى“ جوعارى ونىمدىلىكپەن ورىنداپ، ىندەتتەن ساقتانۋ مەن ءوندىرىستىڭ ەكەۋىن دە اقساتپاۋعا شىنايى كەپىلدىك ەتۋ كەرەك
انار بۇلت \ شينجياڭ گازەتىنىڭ ءتىلشىسى لياڭ ليحۋا 11 - ايدىڭ 6 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءۇرىمجى گانچۋانپۋ ەكونوميكالىق، تەحنيكالىق اشۋ رايونىنا (ونەركاسىپ رايونى) بارىپ، كاسىپورىن ءوندىرسىنىڭ الدىڭعى شەبىن ارالاپ، ىندەتتەن ساقتانۋ - تىزگىندەۋ، تيجارات اينالىمى سياقتىلارعا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا، ”ەكىنى ءبىر تۇتاس جوسپارلاۋدى“ شىن مانىندە ورىنداپ، ىندەتتەن ساقتانۋ - تىزگىندەۋدى ۇدايىلاندىرۋ شارالارىن ناقتى، ەگجەي - تەگجەيلى يگەرىپ، ءتۇرلى امالدارمەن قيىنشىلىقتاردى جەڭىپ، كاسىپ سالاسى تىزبەگىنىڭ، قامداۋ تىزبەگىنىڭ ىركىلىسسىز جۇمىس جۇرگىزۋىن قامتاماسىز ەتىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى ورىنداۋ كەرەك.
ەركىن تۇنياز ىلگەرىندى - كەيىندى مەملەكەتتىك ەنەرگيا توبى شينجياڭ حيميا ونەركاسىپ شەكتى سەرىكتەستىگىنە، شينجياڭ لۋتيەگاڭ قارجى قوسۋ (توبى) شەكتى سەرىكتەستىگى شىنشين تەمىر جولى شىنحۋا ۆوگزالىنا، شينجياڭ جۇڭحى شەكتى جارنا سەرىكتەستىگىنە، شينجياڭ حۋاتاي اۋىر حيميا ونەركاسىپ شەكتى جاۋاپكەرلىك سەرىكتەستىگىنە بارىپ، كاسىپورىنداردىڭ ىندەتتەن ساقتانۋ - تىزگىندەۋ، ءوندىرىس - تيجارات، ەنەرگيا زاتتىق ماتەريالدارىن جەتكىزۋ - قامداۋ جاعدايىن جۇمىس باسىندا ۇعىسىپ، كاسىپورىنداردىڭ وندىرىستە، تيجاراتتا جولىققان قيىنشىلىقتارىن، ماسەلەلەرىن ەگجەي - تەگجەيلى ۇعىسىپ، جۇمىس باسىندا قىزمەت تىندىرىپ، باعىتتامالى ورنالاستىرۋ جاساپ، كاسىپورىنداردىڭ قيىنشىلىقتان قۇتىلۋىنا، قيىنشىلىقتى جەڭۋىنە كومەكتەستى. ول بىلاي دەپ باسا دارىپتەدى: كاسىپورىندار ىندەتتەن ساقتانۋ - تىزگىندەۋدىڭ تۇلعالىق جاۋاپكەرشىلىگىن شىن مانىندە ارقالاپ، ىندەتتەن ساقتانۋ - تىزگىندەۋ ارقاۋىن مىقتاپ شيراتىپ، ىندەتتەن ساقتانۋ - تىزگىندەۋ مەحانيزمىن جانە ءوندىرىس حاۋىپسىزدىگى تۇزىمدەرىن تياناقتاندىرىپ، ەڭ زور قۇلشىنىسپەن تاپسىرىسقا كەپىلدىك ەتىپ، ءوندىرىستى جەبەپ، ەنەرگيا حاۋىپسىزدىگىن شىن مانىندە قورعاپ، ىندەتتەن ساقتانۋ مەن ءوندىرىستىڭ ەكەۋىن دە اقساتپاۋعا شىنايى كەپىلدىك ەتۋ كەرەك.
ەركىن تۇنياز تەكسەرۋ - زەرتتەۋ كەزىندە بىلاي دەپ باسا دارىپتەدى: تاباندىلىق − جەڭىس دەگەن سەنىمدى بەرىك ورناتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ شارالارىن ءونىمدى تياناقتاندىرۋمەن بىرگە، زات اينالىمى تاسىمالىنىڭ ىركىلىسسىزدىگىن بار كۇشپەن قامتاماسىز ەتىپ، تاراۋلاردىڭ بىرلەسە قيمىلداۋى مەن وڭىرلەردىڭ سايكەسۋىن كۇشەيتىپ، بوگەتتى تۇيىندەردى، كەدەرگىلى تۇيىندەردى اشىپ، كاسىپورىنداردىڭ اڭىسى كورنەكتى بولعان اۆتوكولىك توقتاتۋ قيىن، ماي قۇيۋ قيىن، اۆتوكولىك جوندەتۋ قيىن، حىسۋان تەكسەرتۋ قيىن بولۋ سياقتى ماسەلەلەرگە مەڭزەس، شىنايى اتقارىلارلىق شارالار شىعارىپ، شىنايى كومەكتەسىپ، شىنايى سۇيەمەلدەۋ كەرەك. جالپى جاعداي تانىمىن كۇشەيتىپ، ماڭىزدى ەنەرگيا، شيكىزات سياقتىلارمەن قالىپتى قامداۋدى قامتاماسىز ەتىپ، ءتۇيىندى كاسىپورىنداردىڭ، كەلەلى نىسانداردىڭ قالىپتى جۇمىس جۇرگىزۋىنە شىنايى كەپىلدىك ەتۋ كەرەك. ۇلكەن تۇيىق اينالىمدى باسقارۋ، شاعىن تور كوزدەندىرىپ باسقارۋ شارالارىن قاتاڭ تياناقتاندىرىپ، ادام، زات، قورشاعان ورتا جاقتارىندا ىندەتتەن ساقتانۋ شارالارىن ءونىمدى تياناقتاندىرىپ، تىزبەكتى ورنىقتىرىپ قامداۋ، ءوندىرىس حاۋىپسىزدىگى سياقتى قىزمەتتەردى بار كۇشپەن مىقتى يگەرۋ كەرەك. قاتىستى تاراۋلار الدا ءجۇرىپ قىزمەت وتەپ، كاسىپورىنداردىڭ ءوندىرىس، تيجارات بارىسىندا جولىققان قيىنشىلىقتارىن، تىلەك - تالاپتارىن جاپپاي قانىق ءبىلىپ، ساقتانۋ - تىزگىندەۋدىڭ اناعۇرلىم عىلمي، دالمە - ءدال شارالارىمەن جانە اناعۇرلىم ەگجەي - تەگجەيلى، جوعارى ءونىمدى قىزمەت وتەۋ، قامتاماسىز ەتۋ ارقىلى كاسىپورىنداردىڭ ىندەتتىڭ ىقپالىن ازايتۋىنا دەم بەرىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا شىنايى كەپىلدىك ەتۋ كەرەك.
