جەدەل جينالىپ، ىندەت شەبىنە ويىستى
− اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىندەگى 42 پارتيالى كادر ىندەتكە قارسى اتتانۋدىڭ الدىڭعى شەبىنە اتتاندى
□ انار بۇلت \ شينجياڭ گازەتىنىڭ ءتىلشىسى جاۋ شييا، ەرىكتى ءتىلشى حۋ ديە
ءار كۇنى تاڭ بوزارىپ اتا بەرگەندە، مىڭ يۋەليڭ قورعانۋ كيىمىن كيىپ، ءبىر كۇنگى قىزمەتىن باستايدى. زارارسىزداندىرۋ، كود جايمالاۋ، حىسۋان ۇلگىسىن الۋ جۇمىستارىمەن اينالىسىپ، بىرنەشە كورپۋسقا شىعىپ - تۇسكەنشە قورعانۋ كيىمىنىڭ ءىشى تەرگە مالشىنادى.
مىڭ يۋەليڭ اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنە قاراستى اۆتونوميالى رايوندىق كادرلار ساناتورياسى ەمدەۋ ىستەرى ءبولىمىنىڭ ورىنباسار مەڭگەرۋشىسى، 10 - ايدا ول ءۇرىمجى قالاسى تيانشان رايونى سۇيچۋان جولى ءمالىسى سۇيچۋان شىعىس الەۋمەتتىك اۋماعى شينحى جيايۋان شاعىن رايونىنىڭ حىسۋان تەكسەرۋ اترەتىنە كىرۋدى ىرىقتىلىقپەن سۇرانعان، حىسۋان تەكسەرۋدەن سىرت، مىڭ يۋەليڭ تاعى ماماندىق ارتىقشىلىعىنان تولىق پايدالانىپ، قاراستى اۋماقتاعى تۇرعىندارعا ىندەتتەن ساقتانۋ - تىزگىندەۋ بىلىمدەرىن جالپىلاستىرىپ، پسيحولوگيالىق ءجون سىلتەپ، ءدارى - دارمەك تۇتىنۋعا جەتەكشىلىك ەتتى.
”پارتيا 20 - قۇرىلتاي بايانداماسىندا جۇڭگو كوممۋنيستىك پارتياسى حالىققا باسشىلىق ەتىپ مەملەكەتتى قۇرۋدا، مەملەكەتتى قورعاۋدا حالىقتىڭ تىلەگىنە قۇرمەت ەتتى دەپ اتاپ كورسەتىلدى. قازىر ىندەت الدىندا ءبىز ءتىپتى دە ءىس جۇزىندىك ارەكەتىمىزبەن بۇقارانىڭ تىلەگىنە قۇرمەت ەتۋىمىز كەرەك“، - دەدى مىڭ يۋەليڭ، - اۋاشالاۋ كيىمىن كيگەن ادام اق ساۋىتتى جاۋىنگەر سانالادى، جاۋىنگەر بولعان سوڭ اتويلاپ الدا ءجۇرۋ، بارلىق قيىنشىلىقتى جەڭەتىن باتىلدىعى مەن جىگەرى بولۋى كەرەك.
ىندەتتەن ساقتانۋ - تىزگىندەۋدىڭ قاتاڭ جاعدايىندا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن مىڭ يۋەليڭ سياقتى 42 پارتيالى كادر جەدەل جينالىپ، ءۇرىمجى قالاسى تيانشان رايونىنىڭ، سايباق رايونىنىڭ، شۇيموگوۋ رايونىنىڭ ىندەتتەن ساقتانۋ - تىزگىندەۋ الدىڭعى شەبىنە باردى، كوپشىلىك جاڭا قىزمەتكە جەدەل بەيىمدەلىپ، زاتتىق بۇيىمدارمەن قامداۋدى قامتاماسىز ەتۋ، ورتانى زارارسىزداندىرۋ، ميكروب جويۋ سياقتى قىزمەتتەرگە ات سالىسىپ، الەۋمەتتىك اۋماق كادرلارىمەن، ەمدەۋ - كۇتىمدەۋ قىزمەتكەرلەرىمەن بىرگە ىندەتتەن ساقتانۋ - تىزگىندەۋدىڭ بەرىك حاۋىپسىزدىك قالتقىسىن بەكەمدەدى.
11 - ايدىڭ 3 - كۇنى كەشتە ءۇرىمجى قالاسى تيانشان رايونى يان - ىرۋو اۋماعىن باسقارۋ كوميتەتى حۇڭيانچى الەۋمەتتىك اۋماعىندا اۆتونوميالى رايوندىق كادرلار ساناتورياسى پارتكومىنىڭ مۇشەسى، ءتارتىپ تەكسەرۋ كوميتەتىنىڭ شۋجيى ياڭ زىكۋان مەن اترەت مۇشەلەرى شاعىن گرۋپپانىڭ قىزمەتىنە تۇجىرىم جاسادى. الەۋمەتتىك اۋماققا بارعاننان كەيىن، ول شى لياڭ، شيە شىشۋان، شۇي دي سىندى 3 كادردى باستاپ ىندەتتەن ساقتانۋ - تىزگىندەۋ بويىنشا شۇعىل جاعدايعا توتەپ بەرۋ شاعىن اترەتىن قۇرادى، قاي جەر قاجەت ەتسە ولار سول جەردەن تابىلدى. 3 اترەت مۇشەسى تۇگەلدەي ”95 - جىلداردىڭ تۇلەگى“، 10 - ايدىڭ 16 - كۇنى ولار الەۋمەتتىك اۋماقتىڭ ىندەتتەن ساقتانۋ قىزمەتى كۇش مولىقتىرۋدى قاجەت ەتەدى دەگەن حاباردى ەستي سالا دەرەۋ بەلگىلەنگەن قىزمەت ورىندارىنا جەتەدى. حۇڭيانچى الەۋمەتتىك اۋماعىنا قاراستى 4600 تۇرعىن بار، ادام كۇشى از، مىندەت اۋىر، تورتەۋى قىزمەتتى ءبولىسىپ سايكەسىپ، ساندى مالىمەتتى ستاستيكالاپ، تۇجىرىمداۋ مالىمەتىن جازىپ، تۇرمىستىق بۇيىمداردى تاسىپ جەتكىزەدى. جاپالى، اۋىر جۇمىستى كوپشىلىك تالاسا - تارماسا ىستەپ، ەشقانداي نارازىلىق بىلدىرمەيدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ورگان قىزمەت وتەۋ ورتالىعىنىڭ كادرى جاۋ ليانميڭ الەۋمەتتىك اۋماقتىڭ حىسۋان تەكسەرۋ قىزمەتىنە سەلبەسۋدەن تىس، قوقىر - قوقسىقتى تازالاۋ - تاسۋ، زاتتىق بۇيىمدارمەن قامداۋ، سۋ، ەلەكتر، تابيعي گاز ساتىپ الۋ سياقتى تۇرعىنداردىڭ تۇرمىسىنا تىعىز قاتىستى ۇساق - تۇيەك شارۋالاردى دا كوكەيىندە ساقتاپ، كۇنى بويى تىنىم تاپپايدى.
”ەرەكشە جاعدايدا كوپشىلىك ءبىر نيەتپەن ىنتىماقتاسىپ، قيىندىقتاردان بىرگە ءوتۋىمىز كەرەك“، - دەدى جاۋ ليانميڭ.
اۆتونوميالى رايوندىق كادرلار ساناتورياسىنىڭ كادرى ليۋ جيايان تيانشان رايونى فاڭساڭ شيپاحاناسى مەن اۋاشالاۋ مەيمانحاناسىنا بارۋعا شىعارىلىپ، اۋاشالانىپ جاتقان 100 نەشە ادامعا ءدارى - دارمەك تاراتۋ، تەمپەراتۋراسىن ولشەۋ سياقتى قىزمەتتەرگە جاۋاپتى بولادى. فاڭساڭداعى قىزمەتى اياقتاعاننان كەيىن ول تاعى ىرىقتىلىقپەن تيانشان رايونى شينحى جيايۋان شاعىن رايونىنا بارۋعا سۇرانىپ، بۇقارانىڭ قيىنشىلىعىن، تىلەك - تالابىن دەر كەزىندە جيناپ، امالدىڭ بارىنشا تۇرعىنداردى ۋايىمنان ارىلتىپ، قيىنشىلىعىن شەشتى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تاعى ءار جاقتىڭ كۇشىن ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنە كومەكتەسۋگە بەلسەنە جۇمىلدىرىپ، قاراستى مەكەمە - ورىنداردى قاراستى اۋماقتاعى تىعىز جاناسۋشىلاردى اۋاشالاۋ ءتۇيىنى ەتۋگە الاڭ - ورىن ازىرلەۋگە ورنالاستىردى؛ دارىندىلار عيماراتىن شينجياڭعا كومەككە كەلگەن ەمدەۋ اترەتىنىڭ، شۇيموگوۋ رايونى اۋرۋدان ساقتانۋ - تىزگىندەۋ ورتالىعىنىڭ حىسۋان تەكسەرۋ ورتالىعى قىزمەتكەرلەرىنە جاتاق رەتىندە پايدالانۋىنا بەردى؛ اۆتونوميالى رايوندىق الەۋمەتتىك جۇمىستانۋعا قىزمەت وتەۋ ورتالىعى شۇيموگوۋ رايونى ليۋداۋۋان ءمالىسى قارامايلى شىعىس جولى الەۋمەتتىك اۋماعىنىڭ قامداۋدى قامتاماسىز ەتۋىنە اۆتوكولىك ازىرلەپ، تۇرعىنداردىڭ ءدارى - دارمەك ساتىپ الۋىنا ىستەتتى.
پەي جينشىڭ، جاڭ يۇيتيڭ، روزاجى ءالي... اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ پارتيالى كادرلارى جەدەل جينالىپ، ىندەت شەبىنە ويىسىپ، كۇشتەردى، بايلىقتى الدىڭعى شەپكە جىبەرىپ، حالىق ءۇشىن قىزمەت وتەۋ اۋەلگى ماقساتىن ەل بىرلىگىنەن بەرىك قامال تۇرعىزۋدىڭ، ۋاقىتتىق قيىنشىلىقتاردى بىرگە جەڭۋدىڭ مىعىم بىرىككەن كۇشىنە اينالدىرىپ، ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋگە پارمەندى قولداۋ كورسەتتى.
