ءۇرىمجى قالاسىنداعى 10 مىڭنان استام وداق مۇشەسى ىندەتتەن ساقتانۋ – تىزگىندەۋدىڭ ءبىرىنشى شەبىنە ىرىقتىلىقپەن اتتانىپ، جاقىن ماڭدا، ءوز جەرىندە الەۋمەتتىك اۋماقتىڭ ەرىكتى قىزمەت وتەۋىنە ات سالىستى
تيانشان تورى – شينجياڭ گازەتىنىڭ حابارى (ءتىلشى سۋ لۋپيڭ حابارلايدى). 11 - ايدىڭ 6 - كۇنى كەشتە ءۇرىمجى قالالىق حالىق ۇكىمەتىنىڭ اقپارات كەڭسەسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە اقپار جاريالاۋ ءماجىلىسىن اشتى. ماجىلىستە كوممۋنيستىك جاستار وداعى ءۇرىمجى قالالىق كوميتەتىنىڭ شۋجيى جاۋ كاي ورتالىق قالاداعى جاس ەرىكتىلەردىڭ ىندەتكە قارسى تۇرۋ قىزمەتىنە ات سالىسقاندىعى جونىندەگى قاتىستى جاعدايلاردى حابارلاندىردى.
ىندەت تۋىلعاننان بەرى، ءۇرىمجى قالاسىنداعى قالىڭ وداق كادرلارى، وداق مۇشەلەرى، ەرىكتىلەر ءتۇرلى ۇيىمداستىرۋ، جەتەكتەۋ، قىزمەت وتەۋ قىزمەتتەرىن ويداعىداي ىستەۋگە باستان - اياق بەلسەنە سايكەسىپ، بەلسەندى دە ۇمىتكەر كوڭىل كۇيمەن كوپشىلىكتى اسەرلەندىرىپ، ءىس جۇزىندىك ارەكەتتەرى ارقىلى ىندەتتەن ساقتانۋ - تىزگىندەۋگە دەم بەرىپ، كوممۋنيستىك جاستار وداعى ۇيىمىنىڭ ەرەكشە رولىن ساۋلەلەندىرىپ، ورتالىق قالاداعى جاستاردىڭ ەڭ مىعىم ساقتانۋ - تىزگىندەۋ كۇشىن ۇيىستىردى.
8 - ايدىڭ 12 - كۇنى كوممۋنيستىك جاستار وداعى قالالىق كوميتەتىنىڭ ءۇنحات تۇعىرىنان پايدالانىپ «ورتالىق قالاداعى ءار دارەجەلى وداق ۇيىمدارى مەن قالىڭ وداق مۇشەلەرىنە ۇندەۋ حاتىن» جاريالاعاننان كەيىن، 18 مىڭ 170 نەشە وداق مۇشەسى ءۇن قوسىپ، ”وداق ۇيىمى كادرى + جاس ەرىكتى“ قىزمەت ۇلگىسى جەدەل قالىپتاستى، ولار ىندەتتەن ساقتانۋ – تىزگىندەۋ ءبىرىنشى شەبىنە ىرىقتىلىقپەن اتتانىپ، ىرىقتى تۇردە قيمىلداپ، الەۋمەتتىك اۋماقتاردىڭ (قىستاق) ىندەتتەن ساقتانۋ قىزمەتىنە سايكەستى، قىزمەت وتەۋ ادام سانى 10 ميلليون 600 مىڭ ادام – رەتتەن استى.
ەرىكتىلەر باستان ـ اياق اۆانگاردتىق رولدارىن ساۋلەلەندىرىپ، 10 مىڭنان استام قالىڭ وداق مۇشەسى ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، جاقىن ماڭدا، ءوز جەرىندە الەۋمەتتىك اۋماقتىڭ ەرىكتى قىزمەت وتەۋىنە قاتىناستى. ءۇرىمجى قالالىق جاس ەرىكتىلەر قىزمەت وتەۋ قوعامى 28 الەۋمەتتىك يگىلىك ۇجىمىنىڭ 8000نان استام ەرىكتىلەرى دە ىندەتتەن ساقتانۋ - تىزگىندەۋ قىزمەتىنە ات سالىستى. ولار الەۋمەتتىك اۋماق قىزمەتكەرلەرىمەن تىعىز سايكەسىپ، ىرىقتىلىقپەن ورىن تولىقتاپ، تىزە قوسا شايقاس جاساپ، وزدەرىن قاجەت ەتكەن ءتۇرلى قىزمەت ورىندارىندا ءۇن ـ ءتۇنسىز تەر توگۋدە. كوپتەگەن جاس ەرىكتىلەر ىندەتتەن ساقتانۋ - تىزگىندەۋ قىزمەت قوسىنىمىزعا قاتىناسىپ، ىندەتتەن ساقتانۋ - تىزگىندەۋدىڭ ”الدىڭعى قاراۋىلىندا“ قاسقايىپ تۇرىپ، قاراپايىم دا اسەرلى حيكايالاردى جازۋدا.
ەل بىرلىگىنەن بەرىك قامال تۇرعىزىپ، ءبىر – بىرىمىزگە قارايلاسايىق، جاس ەرىكتىلەر ىندەتتەن ساقتانۋ - تىزگىندەۋدىڭ ٴبىرىنشى شەبىندە بار كۇشتەرىن جۇمساپ، سۇيىسپەنشىلىك پەن مەيىرىمدى جەتكىزىپ، جارىق پەن جىلۋ تاراتادى. بۇكىل قالا حالقىنىڭ ىنتىماقتاسا سەلبەسۋىندە جانە بىرگە قۇلشىنۋىندا، ۋاقىتتىق قيىندىقتى، ءسوز جوق، قول ۇستاسا جەڭىپ، وسى مايدان ىندەتتەن ساقتانۋ ـ تىزگىندەۋدەن قامال الۋ شايقاسىنىڭ جەڭىسىنە قول جەتكىزەتىندىگىمىزگە سەنەمىز!
